吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 影視娛樂› "Apple關仁隱事"一齊諗

影視娛樂今日: 12|主題: 15860

收藏本版

發帖

返回列表

跳至頁

樓主: 22May

4 567 8...84

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

101^#

發表於 11-11-1 09:31 |只看該作者

關仁隱事：搭船嫌棄從良女星
2011年11月01日
內地影后「搭船」之前到香港宣傳電影，順便出席內地電影節喺香港舉行嘅活動。咁啱電影節入面有香港女演員「一剔」嘅片，自然要一齊出席活動。不過搭船好嫌棄呢位拍過三級片、但今日已從良嘅一剔，佢一早同公關講明唔會同佢合照。
好衰唔衰班記者見到兩個靚女，即刻要求合照，搭船就企硬唔肯，覺得自己係影后，冇理由同二打六女星影相，咁一剔都好識做行開，剩番搭船同套戲嘅導演喇。點知閃光燈一閃，有個黑影插咗入嚟，原來係去而復返嘅一剔，呢鋪搭船真係冇仇報。好在主辦單位知佢㷫，入席食飯時隔離咗佢哋咋。

「搭船」= 秦海璐
「一剔」= ??

點評

connielamyee 舒旗??? 發表於 11-11-1 09:40

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

102^#

發表於 11-11-1 10:04 |只看該作者

「一剔」= "香港女演員"

很想知道，追夢的人是如何踏出第一步?

私人傳訊

weiwei

公爵府

積分: 25253

103^#

發表於 11-11-1 11:13 |只看該作者

回覆 22May 的帖子

私人傳訊

michtony

大宅

積分: 3712

104^#

發表於 11-11-1 12:40 |只看該作者

關仁隱事：搭船嫌棄從良女星2011年11月01日

內地影后「搭船」之前到香港宣傳電影，順便出席內地電影節喺香港舉行嘅活動。咁啱電影節入面有香港女演員「一剔」嘅片，自然要一齊出席活動。不過搭船好嫌棄呢位拍過三級片、但今日已從良嘅一剔，佢一早同公關講明唔會同佢合照。
好衰唔衰班記者見到兩個靚女，即刻要求合照，搭船就企硬唔肯，覺得自己係影后，冇理由同二打六女星影相，咁一剔都好識做行開，剩番搭船同套戲嘅導演喇。點知閃光燈一閃，有個黑影插咗入嚟，原來係去而復返嘅一剔，呢鋪搭船真係冇仇報。好在主辦單位知佢㷫，入席食飯時隔離咗佢哋咋。

「搭船」= 秦海璐
「一剔」= 温碧霞

http://lux.hexun.com.tw/2011-10-20/134385348.html

點評

22May 勁發表於 11-11-1 17:37

私人傳訊

connielamyee

水晶宮

積分: 56823

2024年龍年勳章 2024勳章 2023年兔年勳章牛年勳章 2018復活節勳章 hashtag影視迷勳章畀面勳章環保接龍勳章 BK Milk勳章

105^#

發表於 11-11-1 15:33 |只看該作者

michtony 發表於 11-11-1 12:40

有道理~

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

106^#

發表於 11-11-2 09:42 |只看該作者

關仁隱事：「飛標」誓阻攝青姐發達
2011年11月02日
最近有個江湖傳聞話金牌監製夫妻檔「生蠔哥」同「攝青姐」將會過檔「百科」嘅免費電視台，不過關仁收到風，百科之前的確係同佢兩公婆斟過，但最後百科因為成功搵咗金牌寫手「飛標」，所以攝青姐同生蠔哥肯定冇得過檔。
事關飛標同生蠔早年合作已經反晒面，飛標今次答應百科過檔，條件之一就係百科唔可以搵生蠔同攝青，由於百科認為一部劇成唔成功係睇劇本同演員，既然飛標過嚟幫手，佢亦尊重對方意思。再講，百科嚟緊方針係拍劇搵寫手做主導，而唔係過往電視台咁監製做話事人，既然係咁，根本唔使咁多人工請個監製過嚟，不如將嚿錢用嚟請多幾個好寫手好過。

「飛標」= 張華標
「生蠔哥」= 劉家豪
「攝青姐」= 梅小菁
「百科」= 王維基

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

107^#

發表於 11-11-3 14:10 |只看該作者

關仁隱事：「小章魚」陰招封殺「癲鳳」
2011年11月03日
女星「癲鳳」轉咗新經理人後，是非多到不得了，佢間新經理人公司周圍辣火頭，終於辣㷫咗紅女星「小章魚」，小章魚本身都唔係省油嘅燈，以前就只有佢借人上位，家佢俾癲鳳食住嚟上，係咁借佢嚟宣傳自己，小章魚梗係嬲到爆炸啦，私底下同啲圈中朋友係咁呻，話癲鳳嗰邊嘅手段好 cheap，小章魚為防癲鳳再借佢嚟製造話題，佢同電影公司事先講明，如果兩個人一齊開工，索性唔好畀傳媒嚟採訪，盡量唔好安排佢兩個同場做宣傳，仲話以後如果要接戲，有癲鳳嘅話，小章魚就一定唔會接，講到底小章魚嘅 market已經世界通行，佢咁講擺明想暗中封殺癲鳳。

「癲鳳」= PG
「小章魚」= 章子怡

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

108^#

發表於 11-11-4 09:51 |只看該作者

關仁隱事：「夾夾」水樽屙尿嚇走拍檔
2011年11月04日
Band壇以前有隊好紅嘅組合「夾埋一塊」，本來佢哋喺音樂上嘅合作都算得心應手，做過唔少出色嘅音樂，可惜佢哋其中有個成員「夾夾」嘅性格古古怪怪，又成日做埋啲無厘頭嘅嘢，令人費解。「阿埋」就係因為頂唔順夾夾咁騎呢，忍無可忍先要同佢拆夥。
有 Band壇口痕友話畀關仁知，阿埋最頂唔順嘅係、夾夾好鍾意人有三急要小解時，隨手攞起水樽、水杯之類嘅嘢隨處搞掂，就算有廁所喺隔籬佢都但求就手，完全唔理衞生問題，不過最難頂係有次夾夾竟然隨手攞起錄音室入面煲水飲嘅水煲……當時錄音室入面嘅人你眼望我眼，大家對住個水煲即刻想嘔！

「夾埋一塊」= 達明一派
「夾夾」= 劉以達
「阿埋」= 黃耀明

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

109^#

發表於 11-11-7 09:51 |只看該作者

關仁隱事：「皇上」密室慶生
2011年11月06日
「皇上」同「拉鏈」拍拖已經係公開嘅秘密，但係唔知點解咁多年佢哋點都唔肯公開，不過難得拉鏈唔介意，繼續做皇上背後嘅女人，既然要女朋友咁難為，皇上梗係要吓女友畀啲甜頭，好似啱啱皇上過生日，佢公開話開 party會預埋拉鏈，但係狗仔隊等成晚都冇收穫，唔通皇上隨便講吓就算？
不過關仁就八到皇上真係有開 party，佢喺某私人會所訂咗地方搞，但為免俾人發現，佢搵第三者兼傳媒唔識嘅朋友出面訂房，咁咪神不知鬼不覺囉，嗰晚皇上同拉鏈以及成班朋友冇後顧之憂係咁狂歡，拉鏈喺現場十足女主人，咩威都攞晒喇！

「皇上」= 郭富城
「拉鏈」= 熊黛林

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

110^#

發表於 11-11-7 09:52 |只看該作者

關仁隱事：「大力」戒煙唔成
2011年11月06日
零污染天后「咖喱」形象一向好健康，佢同青梅竹馬老公「大力」結咗婚之後，形象繼續保持得純過蒸餾水，生埋仔之後，一家三口生活得好鬼幸福，不過咖喱想生多個 BB，所以成日叫老公戒煙，仲唔畀佢一身煙味埋身，之後大力都叫做戒過一排，不過煙癮難忍，關仁前幾日見到大力喺禮拜日撇甩妻兒，約埋個同性朋友 tea一 tea，佢為咗可以吸煙，仲特別揀坐露天位，關仁見佢同朋友猛傾車經，睇嚟大力咁大煙癮，咖喱嘅造 B計劃又被迫再延遲。

「咖喱」= Kelly
「大力」= Alex

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

111^#

發表於 11-11-7 09:55 |只看該作者

關仁隱事：「熊貓」真情錯付
2011年11月06日

豪門第三代「 King Kong」同潛水女王「熊貓」話結婚講來講去，都係得個講字，連 King Kong爸爸「 King Sir」，對未來新抱嘅事越講越冷淡。查實知道內情嘅人，都戥熊貓可憐。當日 King Kong初出茅廬要搞大運動會乜都唔識，對神州大地嘅人脈網絡更加一無所知，根本就冇門路搞，多得熊貓幫口又幫手，加埋佢有個金漆招牌在身邊，成件事八卦咗，益咗 King Kong曝光兼做事搞宣傳，家大運動會搞完， King Kong喺北京又撈得頭頭是道，對熊貓就冷淡晒，可憐性格單純的熊貓，仲癡癡地等。

「 King Kong」= 霍啟剛
「熊貓」= 郭晶晶

點評

simple430 大 6 妹好少咁蠢發表於 11-11-7 13:05

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

112^#

發表於 11-11-7 09:56 |只看該作者

關仁隱事：「春嬌」雜食抵俾「甘美」鬧
2011年11月07日
近日俾「甘美」唔小心流出嘅慾照玩殘嘅「猩猩王」，為避記者大玩潛水，甘美就日日出嚟大方接受訪問，好戲到不得了。甘美雖然扮可憐，但都冇特別踩猩猩王，話晒冇佢呢個男主角幫手，佢邊可能攝到上位。不過，甘美就對之前煲唔起嘅廣告哥哥「春嬌」憎到爆，次次提親都鬧爆佢。關仁聽聞甘美呢次冇鬧錯人，春嬌都算新一代賤男，佢每晚冇女不歡，就算約唔到女伴，春嬌都會自己落轉老蘭搵獵物，所以佢屋企張床其實瞓過好多女，佢又唔係勤力到日日換床單，真係床同人都一樣咁污糟。

「甘美」= Cammi
「猩猩王」= Edison
「春嬌」= 沈志明

很想知道，追夢的人是如何踏出第一步?

私人傳訊

yoyomama

大宅

積分: 2494

113^#

發表於 11-11-8 01:52 |只看該作者

追追追

:angryfire: :chair: :ranting: :adore: :verycold: :wave: :evil:

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

114^#

發表於 11-11-8 09:22 |只看該作者

關仁隱事：「小 Monkey」媾唔掂義氣姐
2011年11月08日
「小 Monkey」爛玩爛滾，佢嘅行徑已經令好多人反感，覺得佢冇得救，就算佢要喺娛樂圈再撈落去，啲人都睇死佢冇乜生機。不過話分兩頭，佢女又真係有一手，好多女肯同佢上床之餘，幾乎對佢提出嘅要求都好少拒絕。不過小 Monkey都試過失手，話說幾年前佢同「義氣姐」合作拍戲，兩個人年紀相差一大截，但小 Monkey明知義氣姐有個威水男友，打風都打唔甩，佢一樣冇有怕照追，之不過義氣姐見慣世面，真係嫌佢太嫩完全唔受媾，小 Monkey都係醒目仔，知道義氣姐冇意思玩就收手，所以家佢兩個都仲可以繼續做好朋友。

「小 Monkey」= Edison
「義氣姐」= 劉+0

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

115^#

發表於 11-11-9 09:52 |只看該作者

關仁隱事：「風風」盲目自戀遭調職
2011年11月09日
早年同富婆拍拖嘅「風風」，曾經因為精神出現問題而搞到滿城風雨，好在佢康復後獲得「大間」重用，搵佢重出江湖繼續靠把聲搵食。不過，聽聞風風做咗無幾耐，佢個節目又突然停播，最後仲調咗風風去訓練新人。
關仁打探之下，原來係同風風過份 hard sell自己有關。聽聞佢做節目時，猛讀自己以前寫畀人嘅情信，有時佢又興起唱京劇，仲係冇音樂墊底清唱嗰種。仲有係風風又成日播自己以前錄低嘅歌，由於嗰啲聲帶有部份係現場收音，質素好差，有違大間講靚聲嘅宗旨，所以大間即時喊停，暫時調風風做其他工作，等佢冷靜吓之後再安排新時段畀佢做。

「風風」= 洪潮風
「大間」= 大班

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

116^#

發表於 11-11-10 09:21 |只看該作者

關仁隱事：「心醜」屎橋追女仔
2011年11月10日
關仁最近同一位圈中老友傾偈講開圈中男藝人追女仔嘅手法，唔好睇廣播道騎師「心醜」把口好似好勁，仲好似好多計仔，轉數又高，原來佢追女好屎橋，嚟嚟去去都得嗰一招，話說，喺佢未結婚前，佢好 like用信紙或情人卡寫情信，每次約女仔，都會寫定三封肉麻到痹嘅情信，第一封就係喺約會時，一見面就畀個女仔，而第二封就會等到約會開始開餐時攞出嚟畀個女仔，到第三封最後一封，「心醜」會等到送到女仔返到屋企門口畀個女仔，個女仔就會甜到漏咁收埋封信，「心醜」除咗呢招之外，從來冇第二招，佢呢個老婆都係用呢招追番嚟，唉，關仁老土都要講句，橋唔怕舊，最緊要受！

「心醜」= 森美

很想知道，追夢的人是如何踏出第一步?

私人傳訊

charlotte413

禁止訪問

積分: 32712

熱血勳章畀面勳章環保接龍勳章 BK Milk勳章

117^#

發表於 11-11-10 18:51 |只看該作者

提示: 作者被禁止或刪除內容自動屏蔽

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

118^#

發表於 11-11-11 13:35 |只看該作者

關仁隱事：「喜仔」搞革命失手
2011年11月11日

近年嚟因為「小 Monkey」唔爭氣，形象越搞越差，佢嘅對手「喜仔」食埋佢個位，真係多咗唔少戲拍，但喜仔始終冇改過啲性格，喺現場一樣係麻麻煩煩，諸多要求，好擺阿哥款，早排佢仲聯同同公司嘅「阿嗲」、「叻姐」約老闆「肥嘟嘟」起革命，幾個人係咁喺老闆面前投訴唱片部同經理人部門唔掂，要老闆換人，雖然佢搞宮廷政變，但肥嘟嘟唔係第一日做人，當然知班友仔想搞乜，佢不但冇聽佢哋講，仲一早準備所有佢哋買碟數據、接 job能力，叫佢哋自己好好反省，唔好一味埋怨公司做得唔好，俾老闆窒到一面屁，搞到喜仔同阿嗲好冇癮。

「小 Monkey」= Edison
「喜仔」= 余文樂
「阿嗲」= 王菀之?
「叻姐」= 何韻詩?
「肥嘟嘟」= 林建岳

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

119^#

發表於 11-11-14 09:16 |只看該作者

關仁隱事：大鼻「為為」囂走記者
2011年11月13日
「為為」喺電視台拍過嘅劇集唔算好多，有代表性嘅角色真係點都諗唔起，喺近日套《劏屍》裏面做嘅大狀叫做有啲表現，不過佢冇自知之明，成日以為自己已經好紅，係人都要畀面佢。

通緝記者
關人就聽講佢出席活動嘅時候，扮晒大牌要求多多，當正自己係視后咁，當然呢啲醜人就係搵佢公司經理人出面做，唔會自己出聲。佢唔止對廣告商大鼻，對記者就更加唔客氣，除咗對同佢老死嘅好啲之外，對其他人都畀面色人睇。試過有次出活動，班同佢唔係好熟嘅記者叫佢做咗訪問先出場，佢就睬你都儍走咗出去，點知完 show返到後台一個記者都冇佢至識驚，差啲想報警通緝班記者返嚟同佢問料。

「為為」= 胡定欣??
《劏屍》= 法証

很想知道，追夢的人是如何踏出第一步?

私人傳訊

22May

子爵府

積分: 12941

hashtag影視迷勳章好媽媽勳章醒目開學勳章環保接龍勳章 BK猜猜猜慶中秋

120^#

發表於 11-11-14 09:17 |只看該作者

關仁隱事：「迷暈」唔敢嫁冧女王
2011年11月13日
「霸主」個女「迷暈」同奀星「水哥」撻着哄動全城，關仁聽啲太太講，話同親迷暈飲茶，迷暈都呻話唔明點解人人唔睇好佢哋，所以佢先將單戀情自我引爆，企硬十卜水哥，等外界冇嘢好講。不過迷暈家先知唔掂，冧女至醒嘅水哥同佢拍拖梗開心啦，但要同水哥做人世，兼要學打理大盤家族生意，迷暈都希望身邊嗰個可以叻啲幫到手，所以每逢提到話結婚，迷暈都發脾氣，皆因佢自己都唔知點算。

「迷暈」= 超雲
「霸主」= 賭王
「水哥」= 陳山蔥

很想知道，追夢的人是如何踏出第一步?

私人傳訊

4 567 8...84

跳至頁

返回列表

上一主題 • 下一主題

回覆

發帖

頻道

討論區

熱門搜尋：

影視娛樂 今日: 12|主題: 15860

點評

點評

點評

影視娛樂今日: 12|主題: 15860