吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 我係未對個女(2歲4個月)太嚴? (食飯問題) ...

少年成長今日: 0|主題: 15861

收藏本版

發帖

返回列表

跳至頁

查看: 3132 | 回覆: 26

我係未對個女(2歲4個月)太嚴? (食飯問題) [複製鏈接]

kmlee

複式洋房

積分: 389

1^#

發表於 14-1-10 23:04 |只看該作者 |倒序瀏覽 |打印

晚飯時大女唔肯埋枱食飯，我同佢講如果唔埋枱食飯就無飯食，佢唔理，自己係客廳玩(因為半歲嘅妹妹係到玩緊，有少少積木係廳)。

我媽用魚旦引佢嚟食，我乘機哄佢自己食飯並抱她坐上high chair. 佢食了2口就開始玩，仲企咗起身。我問佢食飽啦?佢答係。我話如果依家唔食，今晚不單無飯食，仲無奶飲。佢話\"得\"。之後我抱返佢落地。

我地食完飯15分鐘左右，佢大嗌要飲奶。我無理佢。佢之後大哭大鬧，我都無理佢。到佢平靜後，我問佢知唔知自己錯，佢話知。我問佢係未肚餓。佢點頭。我丁返熱碗飯比佢，但佢又唔肯食，然後鬧脾氣般唔望我。

可能之前哭鬧得倦，佢自己係廳地下瞓咗。但我媽覺得我太嚴，應該比奶佢飲。你地覺得我應唔應該比奶佢飲?大家又有冇建議我點改善佢唔肯食飯的問題?

0 0 0

私人傳訊

pyjess

侯爵府

積分: 23933

2^#

發表於 14-1-10 23:41 |只看該作者

本帖最後由 pyjess 於 14-1-10 23:41 編輯

你做得很很好喇...但我家更是"丁返熱碗飯比佢"也不會

因為一早對孩子說明, 現在不吃, 要到下餐才有得吃...期間不會有任何食物, 最多有水

反之, 若果好好吃完飯, 若家中有雪糕, 他會有份吃 (我老公愛吃, 孩子正正常常吃飯, 之後一大一小一起吃雪糕)

點評

Myfavourpink

發表於 14-1-14 19:53

VPL Agree! Will not reheat the rice to her too. This is the consequence that told her before. 發表於 14-1-14 10:13

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

03poshan03

大宅

積分: 3037

環保接龍勳章畀面勳章

3^#

發表於 14-1-11 02:16 |只看該作者

回覆：kmlee 的帖子

唔會，如果係我連叮都唔會叮，因為自己講咗冇得食就冇得食，如果叮番比佢，佢會覺得最終都有得食番，最多第二朝早啲比嘢佢食

私人傳訊

黃二少奶

水晶宮

積分: 65900

2024年龍年勳章 2023年兔年勳章醒目開學勳章畀面勳章 BK Milk勳章

4^#

發表於 14-1-11 14:33 |只看該作者

回覆：我係未對個女(2歲4個月)太嚴

你會叮飯好好喇，我會倒曬佢

私人傳訊

wan_sosin

珍珠宮

積分: 40761

5^#

發表於 14-1-11 14:41 |只看該作者

回覆：我係未對個女(2歲4個月)太嚴

你已經算心軟架啦!比我就點都唔比!兩歲唔教，大咗無教!
堅持呀媽咪!咁將來先有好日子過架!

私人傳訊

zitzai

珍珠宮

積分: 34656

6^#

發表於 14-1-12 00:17 |只看該作者

本帖最後由 zitzai 於 14-1-12 00:18 編輯

lunch 我做到收碗，由佢餓到 dinner，跟住 dinner 就會食得好好。但我想問 dinner 點搞？我仔 2 歲，萬一佢訓唔著 or 半夜餓醒，俾奶又好似妥協，唔俾o既話咪成晚大家唔使訓

私人傳訊

kmlee

複式洋房

積分: 389

7^#

發表於 14-1-12 07:10 |只看該作者

回覆：我係未對個女(2歲4個月)太嚴? (食飯問題)

多謝樓上各位回覆。我都知對小朋友要堅持D，但有時自己信心唔足又硬唔起心腸。

各位jm可否分享下大家堅持咗下餐正餐前唔比嘢小朋友食之後，佢地嘅食飯態度係未真係有改善?

私人傳訊

icecool

大宅

積分: 2132

8^#

發表於 14-1-13 00:25 |只看該作者

引用：lunch+我做到收碗，由佢餓到+dinner，跟住+

原帖由 zitzai 於 14-01-12 發表
本帖最後由 zitzai 於 14-1-12 00:18 編輯

lunch 我做到收碗，由佢餓到 dinner，跟住 dinner 就會食得好 ...

答案，奶冇，人道立場，俾水。

點評

sundarma426 人道立場--哈哈!LIKE 發表於 14-3-28 16:44

私人傳訊

icecool

大宅

積分: 2132

9^#

發表於 14-1-13 00:37 |只看該作者

引用：多謝樓上各位回覆。我都知對小朋友要堅持D

原帖由 kmlee 於 14-01-12 發表
多謝樓上各位回覆。我都知對小朋友要堅持D，但有時自己信心唔足又硬唔起心腸。

各位jm可否分享下大家堅持 ...

我仔，由細到大都唔吼食物。我夠鐘收碗，咩都冇，唔會叮飯。（特別日子例如病會無咁嚴）由於冇食飯，之後肚餓扭再食過就一定冇，但飯後生果，如果態度轉良好，我會照俾。但奶，餅，飯就唔會有。基於生果佢唔會狂食到飽，所以唔會影響下餐食慾。就算佢下餐又是如是，手法一樣。佢地試一輪就知生果唔飽肚就會主動食返飯。我覺得用生果緩衝下，對大家都好，又有益又唔會做成依賴。至於半夜就一定唔會有野食，但我會俾水。但如果你之前堅持得好，好少機會去到半夜肚餓咁惡劣。

私人傳訊

conconchan

男爵府

積分: 8783

10^#

發表於 14-1-13 09:46 |只看該作者

回覆：我係未對個女(2歲4個月)太嚴

我仔都係咁大,佢1.5-2歲日日都唔願食飯,咩都試過,最後有幾次我同你一樣,飯唔食奶都唔準食,佢話好,最後臨訓喊住要食奶,我點都唔俾最後喊住訓左,半夜又想食,我又提佢你唔食飯無奶,你忘記左?佢又好似明唔再提訓返。。到而家佢居然胃口好返,日日都自己食晒飯,但我每次佢自己食我都會勁讚佢幾廿次。。佢好滿足我成日讚佢乖

私人傳訊

C816

洋房

積分: 52

11^#

發表於 14-1-13 19:01 |只看該作者

我個囡一歲到而家16M都不定時有唔肯食飯的壞習慣，我同意大家講唔可以縱佢, 所以當佢唔食時但罰佢前，我先搞清楚佢係唔係因為 1) 眼訓 2) 大便緊 3) 真係飽到想嘔, 如果佢真係依3個原因, 我完全唔會罰佢，只會放佢落番地下唔使食 ( 如2就洗完再食) ; 如果唔係因為 1/2/3，咁即係Naughty啦, 咁我會同佢講我而家數5聲，當五聱數完，佢唔食就無我再食, 如是者，佢咁堅持５聲完唔食，咁就堅決唔會再餵，只可以等到下一餐再食 (中間有水果，但一定無飯無雜糧俾佢飽肚).

經驗係, 如果第一餐飯唔肯食，第二餐餓住多數食DOUBLE or 食正常份量.

如果佢食飯時周圍郁掛住完，同埋forewarn佢數五聲會罰，數完即係無得傾罰佢 -- 我方法係罰佢自己一個坐係一間房入面 (on a stool), 坐到佢有灰意為止.

+

自問以上方法workable, 但係唯一問題係當我唔係屋企，屋企人 (e.g 我媽咪) 餵完，佢地會心軟law ..... 我都盡量叫佢地要跟我同一做法, 但唔易, 唉 .........

私人傳訊

babe201222

大宅

積分: 2551

12^#

發表於 14-1-14 16:40 |只看該作者

唉..........小朋友食飯真係好麻煩, 我個仔23個月啦, 都係唔肯乖乖食飯.. 唔會坐定定, 成日激到我出晒煙...
而且脾氣又大, 一有d咩唔就佢, 佢就大吵大鬧............... 都唔知點解, 個格可以咁衰.......

私人傳訊

usausagi

公爵府

積分: 27536

環保接龍勳章

13^#

發表於 14-1-14 16:54 |只看該作者

回覆：我係未對個女(2歲4個月)太嚴

如果我個女咁佢就係唔使諗呀，我唔會再俾野佢食，仲會同老公食雪糕，等佢下次識乖，不過，叫佢食飯我都會有少少緩衝期既，例如，而家執積木，執好就洗手食飯，如果佢睇緊卡通，我會俾佢睇埋先（通常都係五分鐘），係度講睇完/執左就一定要去食飯

我個女好知我講左就講左，佢唔做會無運行

私人傳訊

Tungxxk

大宅

積分: 2837

14^#

發表於 14-1-14 17:04 |只看該作者

係咪個個bb都係咁？我姪女１５Ｍ，見乜都食，有時驚佢飽都照食

唔好望我

私人傳訊

supersarah8

大宅

積分: 1258

15^#

發表於 14-2-22 17:06 |只看該作者

回覆 kmlee 的帖子

Yes,我女2.4歲，她呢排唔系好食飯，餐餐都食唔完，咁她唔食就洗碗，中間沒野事，當然有水飲，夜晚果餐她食完。

私人傳訊

jenntang

大宅

積分: 4474

熱血金章 BK Milk勳章

16^#

發表於 14-3-21 16:24 |只看該作者

啱咖啦! 係要餓吓佢地先得咖!

私人傳訊

kiubaby

大宅

積分: 3985

17^#

發表於 14-3-22 19:37 |只看該作者

我都仲未堅持到,個女好揀飲擇食,試過餓過佢幾日,但佢真係可以每餐食好少,已經係無俾零食佢食
如果唔餵/逼,佢會唔食瓜菜唔食肉,淨係食白飯,真係好擔心佢唔夠營養

私人傳訊

babybabychung

大宅

積分: 2784

18^#

發表於 14-3-25 13:18 |只看該作者

回覆：我係未對個女(2歲4個月)太嚴? (食飯問題)

唔嚴。
如果佢扭午餐（1：00）唔食我會收起，佢多數因為上一餐（早餐或早點）未消化，所以唔餓，我唔會迫佢食，會同佢講：咁你一陣肚餓都係食返哩份，無茶點架喇（茶點係最愛），佢會點頭，多數2點幾就會食，仲會清晒。
如果晚餐（7：30）唔食，最多只有生果，唔會有奶。
觀察到自己囝囝唔係扭計唔食，多數係飽，所以我會尊重佢唔食就算。如果係掛住玩的，我會問佢係咪飽喇？佢會識得講：媽媽我飽喇，唔食喇，我想落地呀！咁我就會放佢落地玩。

私人傳訊

Cheeselover

別墅

積分: 768

19^#

發表於 14-3-26 00:19 |只看該作者

回覆：我係未對個女(2歲4個月)太嚴

睇到大家的孩子都有飲食問題，即時輕鬆晒，因為我以前的問題原來噤常見。開始學習同食，每次都希望有餐安樂茶飯，不過多數悲劇收場，經過一番研究，終有些心得分享。1) 流質食物與固體食物不同，固體成人食物熱量較多，小孩消耗不了，所以不餓並不出奇，特別是當天活動少，三餐中有一餐好已足夠。2) 女孩子比男孩食得少，大家明白。3) 放電後，吃得好（瞓得好），所以我有空便帶女兒到公園消耗消耗。4) 水果有果糖，一樣可以飽肚，熱量也不少。5) 晚餐唔食無得食，半夜起來喊飲奶，唉，前面媽媽不是說唔俾咪大家無得瞓。6) 小女上PN，學校有茶點，我會問老師她吃得好不好（當然是總體而言），吃得好回家不餓並不出奇。7) 盡量少雜食，通常下午茶我只俾一兩片餅乾，絕少甜食。8) 飯餐時不吃就到旁邊玩（當然不是睇電視），不可以搗別人，也不可上桌，遲一兩小時再吃，小孩子不餓，迫吃也對身體無益。9) 不存在賞罰制度，食飯是生活一部份，不是談條件。10) 我以前都以為餓到下餐就會自動補回上次不足，告訴大家身體好神奇，肚餓唔俾就喊，再唔俾就放棄，找身體其它東西應付，我們有時也會餓到無感覺，係身體自己攪掂咗，小孩不可以常常如此，補充是無用，那一刻要用而沒有，身體就不去造。
現在，小女每天都吃得好，只要了解她的習慣就可以，免傷大家感情。

私人傳訊