我都好想做full time mum,但經濟上不允許。我要俾好多家用,而且老公收入唔穩定,加上我地經濟獨立,我唔知佢實際搵幾多,佢都唔會我exactly份糧係幾多,其實我唔知佢願意每個月俾幾多我。我份工,如果停左之後好難搵返,就算搵倒人工會少一大截。
有時我會質疑自己,到底係環境真係唔許可,定係我唔肯為個女付出?我可唔可以放棄事業?可唔可以過好慳好慳的日子?撫心自問,我係因為對老公唔100%信任,我想像唔倒乜都要靠佢時會點,所以我唔想冇左工作。我享受自給自足,我亦想俾家人及個女好d的生活,唔駛下下計住,但代價係.....我每日過得唔開心。
好羨慕你有勇氣有能力做全職媽媽,我好恨日日自己湊女返學放學,我好恨自己教唔駛旁人一人一句,我好恨可以自己煮三餐俾個女唔駛佢成日食街外野...有時諗諗下我會喊,真係好辛苦。