懷孕前後今日: 16|主題: 329756

收藏本版

發帖

返回列表

跳至頁

查看: 22000 | 回覆: 112

12 3 4 5...6

積分: 830

1^#

發表於 14-9-8 05:34 |只看該作者 |倒序瀏覽 |打印

本帖最後由 konieyin 於 14-9-23 02:38 編輯

啱啱出院，所以同大家講講瑪嘉烈走佬袋內容，以免執太多嘢用唔著

按照瑪嘉烈通告嘅要求:
入院時~
產前檢查文件，你同C6 身份證: 當然係必須。
衛生巾: 不必要扣，穿水後產前房嘅姐姐會用醫院提供的有扣衛生巾及床墊幫你。產後房先會要求自備，用貼的加網褲或紙底褲就得。
廁紙: 自備在床邊使用，都有人去洗手間時自備，隨個人喜歡。
梳洗用具: 自備
拖鞋: 必須，提議著住入院可以拎少一樣嘢
水杯: 必須，最好有蓋。姐姐每日會提供熱水到每張床。
氣墊或水泡: 個人決定，我個人覺得作用不大
生理沖洗器: 個人決定，我見好少人真係攞出嚟用。
網褲: 必須，紙底褲都可以。
紙尿片: 必須，一上房姐姐就會問你攞。
小圍巾: 餵母乳嘅不必，唔見有人用。餵奶粉嘅請自己決定。
棉花或濕紙巾: 必須，濕紙巾比較方便。

出院時（出院先叫C6拎去醫院）~
BB衣物及自己衣物: 必須

你一生完上房，姐姐就會問你攞齊衛生巾，底褲，紙尿片，濕紙巾，水杯，幫你擺好。。。

參考:
衛生巾多少視乎你用幾多，第一次姐姐會打孖幫你用，之後可以落床就自己去換。順產會留院最少36小時，而我就啱啱好用咗一包20片。
網褲/紙底褲: 一樣，睇你換得密唔密，第一次姐姐用一條，之後自己搞。我只用咗3條。
紙尿片: 姐姐會寫你嘅床號响包裝上，然後放連同濕紙巾放响你bb床下格，一定唔會唔見。當你可以落床後（多數8小時）你就要自己負責幫bb換片。我1包20片夠用有多。
濕紙巾: 同紙尿片放埋一齊，我1包80片夠用。
床墊唔需要帶，瑪嘉烈有提供。產後房一張用到你走。如果有需要，問姐姐攞多張應該都可以，啲姐姐都好好人。

其他:
相機: 响產房生完之後息哂啲儀器，姑娘會主動問要唔要影相，用手機都可以（生嘅時候要息機）
手機充電器: 產前同產後房每個床位頭頂都有電，但寫緊急用電。大家都會照充電，只要唔影響到醫療同其他人，姑娘唔會出聲，甚至提醒你唔可以邊叉邊講電話，以免爆炸
零食: 生完好忙，忙休息忙餵奶忙換片，自己決定有無需要帶啦
胸圍: 全場女人，而且大家都要餵奶，胸圍只適用於出院。
外套: 生完好多人會覺得怕冷（雖然我覺得唔凍仲有啲熱），帶件外套好啲，都有人著住襪保暖。
Mp3或其他打發時間嘅物品: 無用，有時間最好瞓覺。。
。
p.s. 好多JM 有唔同嘅問題，我會將我知嘅話俾大家知，但提醒一句，我只係新手媽媽，向瑪嘉烈生過一次，我講嘅只係我見到嘅，唔可以代表全部，謝謝。