懷孕前後 今日: 3 | 主題: 329745

積分: 826

1^#

發表於 14-11-4 21:13 |只看該作者 |倒序瀏覽 |打印

本帖最後由 iababy 於 14-11-4 21:17 編輯

我35W4D係QE照超聲波, 話BB SIZE 偏大, 有成6磅, 頭同腳大2W,腹圍剛剛好.

但今日我36W2D 去私家度照, 醫生竟然話BB得 5.2磅, 過去兩個星期BB無重到. 只係個頭有跟住大左兩周(今日38W), 腳(36W)同腹圍(34W)都無大到.

有冇人試過咁架? 我真係唔明點解公立同私家會差咁遠!!!!!!
問過私家醫生, 佢又話一切正常, 唔駛擔心.

但最後呢段時間係BB生長得最快的時期, 無長胎又點會唔擔心呢?

我個私家醫生係霍麗玲, 朋友介紹的, 好似都幾出名既....聽人話佢好有經驗, 但唔知點解, 我對佢信心唔係太大..........有冇睇佢的JM可以分享下睇法同經驗嗎?

哎, 而家十級擔心(雖然知道擔心無用, 及對BB唔好, 但都控制唔到)

0 0 0

私人傳訊

crystalchan0928

積分: 594

2^#

發表於 14-11-5 00:04 |只看該作者

回覆：BB Size 令我好困惑同擔心! HELP !

其實size依樣嘢。。參考下就得啦。。唔使太擔心嘅。。我生前度都話有6磅幾啦。。但阿b出世得5.8磅。。只要心跳ok。。臍帶血流得ok就得啦。。

私人傳訊

kobe2013

積分: 2896

3^#

發表於 14-11-5 00:24 |只看該作者

回覆：BB Size 令我好困惑同擔心! HELP !

完全唔使擔心喎！我陀b嗰陣佢一路都大偏大！我試過喺私家同政府照到6磅，下一個月，私家照到7磅，政府仲係得6磅，仲由嗰次開始話我bb個size正常，下次唔使再照，我問醫生，我bb成個月都冇重過喎！醫生話部部機同每個醫生度出嚟都會有啲出入，可能之前嗰幾次度大咗啫！我O晒咀囉！:pppp:

臨生之前幾日喺私家度到7磅11安，結果我生咗個9磅5安嘅bb出嚟囉！

所以照聲波嘅磅數攞嚟參考吓好喇！

私人傳訊

Rilala

男爵府

積分: 5270

4^#

發表於 14-11-5 00:47 |只看該作者

引用：完全唔使擔心喎！我陀b嗰陣佢一路都大偏大

原帖由 kobe2013 於 14-11-05 發表
完全唔使擔心喎！我陀b嗰陣佢一路都大偏大！我試過喺私家同政府照到6磅，下一個月，私家照到7磅，政府仲係 ...

差咁遠

私人傳訊

jw101

積分: 1389

5^#

發表於 14-11-5 01:47 |只看該作者

回覆：BB Size 令我好困惑同擔心! HELP !

其實好多人話醫生幫你check個陣講既磅數、同生出泥既磅數系有分別，不能盡信，

私人傳訊

saula

積分: 4955

6^#

發表於 14-11-5 01:58 |只看該作者

回覆：BB Size 令我好困惑同擔心! HELP !

我生果朝係醫院生check, 話8磅咁上下，生完出黎有10磅，所以佢其實係唔準咖。

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

7^#

發表於 14-11-5 09:48 |只看該作者

我生b 前2個月冇重過, 臨生之前醫生夠話我個bb 似細碼b, 個肚仲有好多位俾佢啦, 點知生出黎bb 有9磅幾.bb 咁細, 醫生個mouse 拉遠少少, 成個數可以好唔同. 照u/s 既誤差可以好大.
響外國, d 醫生直頭唔會咁去照, 佢地覺得無必要知, 同時費時無啦啦搞到個產婦擔心.

你個生有專業判斷又真係幫你照過bb 兼知尔既情況, 點解你唔信佢, 反而信bk jm 呢? 你唔好自尋煩惱啦.

私人傳訊

kelly_zf

複式洋房

積分: 183

8^#

發表於 14-11-5 09:57 |只看該作者

我都系睇霍醫生，週數同你類似（36w)，但個頭大一週，腳就短幾日。之前響霍醫生度睇完話腳短兩週，隔日系政府睇又話完全match週數。唔好甘緊張，出嚟先追番啦。

反而頭仔太大9.22，怕唔可以順產。

私人傳訊

marah

積分: 626

9^#

發表於 14-11-5 10:02 |只看該作者

喺正常範圍咪得囉，你都見超聲波幾咁“清楚“架啦，唔使驚！幾重真係估，唔好太介懷

私人傳訊

lokceci

積分: 2532

10^#

發表於 14-11-5 10:44 |只看該作者

引用：我35W4D係QE照超聲波, 話BB SIZE 偏大, 有

原帖由 iababy 於 14-11-04 發表
本帖最後由 iababy 於 14-11-4 21:17 編輯

我35W4D係QE照超聲波, 話BB SIZE 偏大, 有成6磅, 頭同腳大2W, ...

我都係睇霍醫生，佢好有經驗，好好架，唔洗擔心。

至於size 問題，學樓上jm 話齋，靠個mouse 拉條線去度再估計幾重，真係唔係好準，不能盡信，只要bb keep 住heart beat rate 好，臍帶blood flow 無問題就得

私人傳訊

積分: 826

11^#

發表於 14-11-5 20:48 |只看該作者

crystalchan0928 發表於 14-11-5 00:04
其實size依樣嘢。。參考下就得啦。。唔使太擔心嘅。。我生前度都話有6磅幾啦。。但阿b出世得5.8磅。。只要 ...

多謝你的意見! 心跳係公立同私家都照過, 都話OK.
至於臍帶血流量我就唔記得問我個醫生. 因為果下個人好亂, 好多野諗唔到, 只係識得問BB有冇問題, 佢話無問題!

不過睇開我個醫生的JM 們都話我個醫生有問題的話先會講, 唔講代表無問題.

私人傳訊

積分: 826

12^#

發表於 14-11-5 20:57 |只看該作者

kobe2013 發表於 14-11-5 00:24
完全唔使擔心喎！我陀b嗰陣佢一路都大偏大！我試過喺私家同政府照到6磅，下一個月，私家照到7磅，政府仲係 ...

好多謝你咁詳細的分享!
咁即係話, 公立和私家同時都度細左你BB的SIZE喎!
我覺得公立度錯都唔出奇, 但我個私家醫生個個都話佢好有經驗, 度錯機會應該微D, 所以我先更加擔心!

不過聽完你咁講, 先知道原來公立同私家都可以度細左咁多.......

其實我果日去QE 係姑娘幫我照U/S 既, 但佢部機清楚過我個私家醫生好多架, 好多野我都睇得好清楚
反而我次次去私家醫生照U/S, 勁蒙, 咩都唔係好識睇.

我決定左聽日去第二個私家醫生度再照下, 拿多個意見參考下. 屋企人同朋友都覺得無必要, 但唔睇我放心唔落.
不過我今日心情平復左D 架啦.

私人傳訊

積分: 826

13^#

發表於 14-11-5 21:03 |只看該作者

jw101 發表於 14-11-5 01:47
其實好多人話醫生幫你check個陣講既磅數、同生出泥既磅數系有分別，不能盡信，

...

我都有聽過.
因為我一路都希望阿B出世時起碼有7磅,
所以當QE話我36W阿B有6磅時, 我係勁開心,
點知幾日後就跌入谷底.

而家寄望係私家度得唔準啦!
但我又會搵私家醫生開刀喎, 如果佢連度都度唔準....咁.........

私人傳訊

積分: 826

14^#

發表於 14-11-5 21:03 |只看該作者

saula 發表於 14-11-5 01:58
我生果朝係醫院生check, 話8磅咁上下，生完出黎有10磅，所以佢其實係唔準咖。

...

嘩, 咁真係爭好遠喎!
你係順產定開刀啊咁?

私人傳訊

積分: 826

15^#

發表於 14-11-5 21:17 |只看該作者

bosch 發表於 14-11-5 09:48
我生b 前2個月冇重過, 臨生之前醫生夠話我個bb 似細碼b, 個肚仲有好多位俾佢啦, 點知生出黎bb 有9磅幾.bb ...

你個B居然由細碼B變大碼B........

其實如果係細碼B, 但個SIZE 有隨周數一路KEEP住大都冇咁擔心.

問題係我個醫生話我B過去兩個星期完全無長到........係突然間變成咁架,之前一路都好地地架........ 所以我係勁擔心剩下的日子會唔會又唔長胎呢? 呢樣先係我最擔心既野 ! 因為如果出世真係得果5磅, 就係超細碼, 怕出世後無咁好湊

你講既外國經驗, 我都略有聽過.........我唔係完全唔信我個醫生, 但因為佢睇症比較快, 個人比較COOL, 所以有時我真係比較缺乏信心.....

我其實都知道我的擔心係多餘...........因為擔心解決唔到任何問題, 只會更加影響阿B, 但真係好難控制! 而家都努力控制緊......

點都好, 好多謝你的意見!!

私人傳訊

積分: 826

16^#

發表於 14-11-5 21:20 |只看該作者

lokceci 發表於 14-11-5 10:44
我都係睇霍醫生，佢好有經驗，好好架，唔洗擔心。

至於size 問題，學樓上jm 話齋，靠個mouse 拉條線去度再 ...

好多人都好似你對霍醫生好有信心.....但偏偏我就冇呢種信心, 可能真係我既問題 !

BB heart beat rate is ok. But I forgot to ask her about the blood flow ah. Very confused and upset at that moment !

私人傳訊

積分: 826

17^#

發表於 14-11-5 21:26 |只看該作者

kelly_zf 發表於 14-11-5 09:57
我都系睇霍醫生，週數同你類似（36w)，但個頭大一週，腳就短幾日。之前響霍醫生度睇完話腳短兩週，隔日系政 ...

見到同路人可以分享下, 個心特別開心!

我個BB 都係頭仔偏大小小.......腳之前就偏長2W, 今次就變成剛剛好(既係過去2周無長到). 但腹圍一路都偏細, 屬於瘦B.

係呢, 咁你BB而家幾重啊?

你打算搵霍醫生接順產嗎?

我打算開刀, 所以頭仔大都冇咩問題..........我凈係希望阿B可以健康同大隻D.

私人傳訊

lokceci