婆媳關係 今日: 0 | 主題: 27700

積分: 408

1^#

發表於 08-4-18 21:28 |只看該作者 |倒序瀏覽 |打印

我老公係家中唯一一個仔, 其他全係家姐細妹.

佢全家人自戀到無倫, 一日都覺得自己係最靚, 最叻. 永遠都要踩低別人, 抬高自己. 次次見親我同要比較一番 ... 比衣著, 比手袋, 比鞋襪, 比皮膚質素, 肥廋, 比樣 .... 當然, 我永遠都係手下敗將, 我只有是被取笑的對象.

62, 99 成日都認為自己的"出品"係全世界最好, 當然唔會覺得有問題.

我老公呢, 次次都只是說句: 佢地係咁架啦 ... 就算. 我真係好憎出席佢地家庭聚會, 每次只覺得佢地寻我開心. 我老公又唔識保護我, 只叫我忍, 大方D ....

你地會唔會好似我咁, 完全唔覺家人係家人 ...

0 0 0

私人傳訊

NicoleJ

積分: 161

2^#

發表於 08-4-18 23:03 |只看該作者

原文章由 (!_!) 於 08-4-18 21:28 發表
我老公係家中唯一一個仔, 其他全係家姐細妹.

佢全家人自戀到無倫, 一日都覺得自己係最靚, 最叻. 永遠都要踩低別人, 抬高自己. 次次見親我同要比較一番 ... 比衣著, 比手袋, 比鞋襪, 比皮膚質素, 肥廋, 比樣 . ...

我姑仔唔敢正面同我比, 因為佢知自己比唔上, 不過暗地裏見到我有乜同著乜, 都會買差唔多返黎學我打扮, 但係我99 同佢d 親戚就成日好直接咁話我唔夠佢個女好, 又話佢個女有幾靚, 有幾瘦(但係佢連我有咗5個月都著得落0既西裝,佢都可以拉唔到拉鍊)

我望住佢嗰個好似生完兩件未修身0既身型, 我唯有笑住回應99~ 不過外表嬴人無人0既, 最重要心地嬴到人~ 外在物質好又唔可以當飯食同好一世, 內心先係最重要~

私人傳訊

積分: 408

3^#

發表於 08-4-18 23:26 |只看該作者

我62, 99 可以經典到話所有人都妒忌佢D女靚. 睇電視又話呢個唔靚, 果個唔靚. D女就既刻話:我重靚過佢啦！　　

成日見到我就話：　　ＸＸＸ　你個 DUN　越來越大，下盆越來越粗壯。　一陣又話我面黃，　一陣又話我皮膚黑，　我好似要接受批鬥 ...

私人傳訊

Siuchoi

珍珠宮

積分: 32052

4^#

發表於 08-4-19 10:25 |只看該作者

我都有姑奶, 姑仔, 但冇你所講既事發生過...就算同我講肥左, 我都覺得係善意....

可能你C6的姊妹真係好出眾, 但冇[內在美]有鬼用咩~ 米一樣黑人憎~

可否少d出席呢d聚會呢? C6要去就由佢去, 你話你要返學or約左朋友or朋友結婚, 咁米唔去囉~~

私人傳訊

彤彤媽1205

積分: 1052

5^#

發表於 08-4-19 10:41 |只看該作者

回覆 #3 (!_!) 的文章

我同你處境差不多,姑奶好dd,但pk姑仔正衰人,成日睇唔起我,行街買野又覺得我買唔起,我買野比個女50蚊套衫都話貴,又當我白痴婆,仲笑我肥,個pk150磅竟然笑我130磅,c6係到就叫我呀數,c6唔係到就叫名,叫什麼都冇問題,係一個尊重,我冇同c6講,一直忍,忍左幾年,終於忍唔住,以後唔彩個pk.佢冇當我係自己人,我亦唔會對佢客氣,好多時為佢同c6炒大鑊,pk又係c6面前扮哂野,話唔知咩野得罪我,同我道歉,我一於當pk陌生人,而家成3年,真係好好好,因冇同c6嘈,而家見到個pk,我都會扮靚d,一於當pk透明.

私人傳訊

彤彤媽1205

積分: 1052

6^#

發表於 08-4-19 10:49 |只看該作者

回覆 #2 Siuchoi 的文章

只得c6返去又唔得喎,要返就一齊返,唔返就一齊唔好返,要比dpk知我地一家人做野係好齊心,因佢地好興見唔到我地,就勁講是非,少d出席就必然啦.

私人傳訊

sandy1425

珍珠宮

積分: 41032

好媽媽勳章大廚勳章

7^#

發表於 08-4-19 11:41 |只看該作者

原文章由 (!_!) 於 08-4-18 23:26 發表
我62, 99 可以經典到話所有人都妒忌佢D女靚. 睇電視又話呢個唔靚, 果個唔靚. D女就既刻話:我重靚過佢啦！　　

成日見到我就話：　　ＸＸＸ　你個 DUN　越來越大，下盆越來越粗壯。　一陣又話我面黃，　一陣又話我皮膚黑，　我好似 ...

你咪話:;pppp: 係呀,但係你地阿哥(細路)鐘意,都吾知點解,可能因為我心地好,吾會甘話人lo:;pppp:

私人傳訊

rachel_BB

積分: 3771

畀面勳章

8^#

發表於 08-4-19 12:14 |只看該作者

姑仔比就無比.不過奶奶其實個人就無咩野,對我都好好嘅,不過係中意話人肥囉,不論自己個女,又或者新抱,佢都中意話人肥,我有bb之前同之後都成日講,你知啦,肥人最唔中意人地話佢肥嫁麻,雖然係事實啫,都唔中意人地咁話嫁..

私人傳訊

alphabetagamma

珊瑚宮

積分: 108855

環保接龍勳章

9^#

發表於 08-4-19 16:13 |只看該作者

我想問你點知佢同你比?
我妹妹都好鍾意講佢買左咩...佢做過晒research, 最好, 會揀最有品味的. 我估佢係開心想表達才會這樣, 但佢真係唔係有心囉. 我老公都唔會話佢唔啱, 只會同我單獨時才話佢細路女.

知嗎? 當場好似贏左, 其實都幾膚淺. 首先, 邊個做評判呢? 佢地覺得自己最靚咪就係錯囉. 係咪最好最靚, 唔係自己講的. 如果有d, 一出來就一副高姿態, 無敵的款, 井底蛙囉. 唔好為依d事煩同唔開心啦.

私人傳訊

alphabetagamma

珊瑚宮

積分: 108855

環保接龍勳章

10^#

發表於 08-4-19 16:25 |只看該作者

原文章由 (!_!) 於 08-4-18 23:26 發表
我62, 99 可以經典到話所有人都妒忌佢D女靚. 睇電視又話呢個唔靚, 果個唔靚. D女就既刻話:我重靚過佢啦！　　

成日見到我就話：　　ＸＸＸ　你個 DUN　越來越大，下盆越來越粗壯。　一陣又話我面黃，　一陣又話我皮膚黑，　我好似 ...

唔好意思, 我睇漏左. 你當佢唱歌咪得囉. 你越唔開心, 佢地就越開心都未定.
我有個阿姨, 大我九年only. 自從佢嫁俾我表哥的親戚後, 就時時串我, 讚我表哥(怪人, 佢要攞我女人同男人比), 仲有我長大後才明白可能佢想"懶"風趣. 其他人見過佢, 都知我阿姨無心, 但個個都話佢口臭. 咁你d姑仔都係無口德囉.

佢鍾意係大棚人面前話"你肥左呀". 大佬我最肥都係25吋腰. 我老公成日話我唔健康, 唔好理人講, 千其唔好減肥, 自自然然就ok啦.
以前未結婚都好怕見到佢, 到後來結婚後, 人大左見面又少左, 佢都仲係咁(又唔見佢話其他人, 其他舅舅及舅母成日話我靚架, keep得好好), 有一次佢又串我你肥左, 又話依件衫我同xx就著到, 你著唔到啦. (心裡都想頂佢啦, 佢飛機場我34c, 點比呀, 我好多衫細碼都著到, 貼身唔扎, 佢就成日話我肥, 不過我面有肉同圓圓地), 果下都好想串佢, 不過算. 我淨係笑晒口講係呀, 我肥左好多, 肥豬咁, 轉頭同老公講點解你咁鍾意隻豬~~~ 就同老公玩下打下, 直頭唔會再同佢係同一個topics上講, 最後唔好正經同佢講任何野. 包無死!!

私人傳訊

NicoleJ

積分: 161

11^#

發表於 08-4-19 16:32 |只看該作者

肥係無罪0既, 皮膚黑都唔係錯~ 呢個世界又唔係得你一個肥, 得你一個皮膚黑, 你d 姑仔鐘意點講就有得佢, 慘得過就算你外表真係好似你d 姑仔講到咁差又點啫~ 你老公宜家簡咗你呀嘛~ 唔使同嗰d 無謂人計較喎, 你聽完唔開心, 咪即係對佢哋在意囉~
一d 無資格係自己心裏面佔位置0既人, 所講0既嘢都唔需要介懷同在意~
我老公d 親戚夠試過係成枱人面前講:"嗰bb 一見到你就喊, 一定係你樣衰呀~" 我當時都好嬲架, 但係其他有眼睇, 邊個先係樣衰嗰個0既~ 佢哋可以咁唔識尊重人, 佢哋唔只外表衰, 連個心都咁衰~

私人傳訊

JessBB

積分: 1003

12^#

發表於 08-4-19 16:39 |只看該作者

原文章由 (!_!) 於 08-4-18 21:28 發表
我老公係家中唯一一個仔, 其他全係家姐細妹.

佢全家人自戀到無倫, 一日都覺得自己係最靚, 最叻. 永遠都要踩低別人, 抬高自己. 次次見親我同要比較一番 ... 比衣著, 比手袋, 比鞋襪, 比皮膚質素, 肥廋, 比樣 . ...

一Q樣, 我奶奶同佢個女即係我姑仔, 佢兩個都係咁PK, 自大都不得了, 以為自己好靚, 好叻, 最鐘意就係晒命, 都係一樣踩人抬高自己嗰D PK中的PK, 我奶奶成日讚自己個女又靚又瘦, 以為去澳洲讀過大學好巴閉, 好叻咩??? 叻就唔洗出國讀啦!!!! 成日都讚個女(成面暗蒼流晒濃都話靚), 又讚我老公靚仔, 話佢似邊個邊個明星, 攪到我老公以為自己真係好靚仔, 成日話我執到, 真係自大到不得了. 好彩我唔會比佢地得逞, 佢個女大學學士畢業, 我咪去讀碩士囉, 佢個女知道後, 西住塊難面對住我, 成日妙咀妙舌. 以前佢地最鐘意用A貨, 但呢排佢個女加咗人工, 買咗個貴嘢用, 但佢買唔係咩大品牌, 買咗成6千銀, 成日攞出嚟晒命, 又叫人估下幾多錢, 嘩!! 個款似400蚊貨仔, 連個名都唔知係咩就去買, 佢地好枯淺, 覺得貴嘢就一定係名牌, 係好嘢, 正一大陸人(佢地係之後嚟香港定居), 成日講埋D唔咸唔淡的廣東話, 見到佢地就想車巴佢地嘆...........

好彩我係純正香港人, 唔會同佢地一般見識, 如果唔係同佢地出街就好似同咗班自遊行行街一樣, 所以我唔會同佢地出去, 第時都咪駛旨意同我個仔出街呀!!!!!!!!:;pppp: :;pppp: :;pppp:

私人傳訊

ivymeoow

男爵府

積分: 5160

13^#

發表於 08-4-19 17:13 |只看該作者

原文章由 (!_!) 於 08-4-18 21:28 發表
我老公係家中唯一一個仔, 其他全係家姐細妹.

佢全家人自戀到無倫, 一日都覺得自己係最靚, 最叻. 永遠都要踩低別人, 抬高自己. 次次見親我同要比較一番 ... 比衣著, 比手袋, 比鞋襪, 比皮膚質素, 肥廋, 比樣 . ...

你指住佢地下面,
話：『乜你咁短既？！......條牛仔褲拉鍊......』
睇下佢地仲有咩講!!!

私人傳訊

積分: 408

14^#

發表於 08-4-19 17:37 |只看該作者

原文章由 彤彤媽1205 於 08-4-19 10:49 發表
只得c6返去又唔得喎,要返就一齊返,唔返就一齊唔好返,要比dpk知我地一家人做野係好齊心,因佢地好興見唔到我地,就勁講是非,少d出席就必然啦.

哈哈! 終於揾到一個同我處境相似既人--- 只可以一齊出席, 唔可以單獨, 或齊齊唔出席. 否則就變成眾矢之的. 又話我自卑感作惴 XXXXX

私人傳訊

積分: 408

15^#

發表於 08-4-19 17:53 |只看該作者

原文章由 JessBB 於 08-4-19 16:39 發表
又讚我老公靚仔, 話佢似邊個邊個明星, 攪到我老公以為自己真係好靚仔, 成日話我執到, 真係自大到不得了.

原來佢地都係同一pattern, 我個姑奶會眾目睽睽下話: 我細佬都唔知點解揀個唔靚既老婆....

佢亞媽我99 會指住佢個女既朋友張相話: 人生女, 佢生女, 點解佢亞媽生得你朋友咁唔靚, 害咗個女一世 ... 咁話人. 好變態...

私人傳訊

NicoleJ

積分: 161

16^#

發表於 08-4-19 18:09 |只看該作者

原文章由 (!_!) 於 08-4-19 17:53 發表

原來佢地都係同一pattern, 我個姑奶會眾目睽睽下話: 我細佬都唔知點解揀個唔靚既老婆....

佢亞媽我99 會指住佢個女既朋友張相話: 人生女, 佢生女, 點解佢亞媽生得你朋友咁唔靚, 害咗個女一世 ... 咁話人. 好變態 ...

哈哈哈... 你99 咁講都未算過份, 我99直情係我面前踩我老公個舅母, 話佢核突, 仲話佢一代醜媳婦, 萬代醜孫兒, 仲話見佢嗰兩個仔咁肉酸就知~ 一日到黑淨係識讚佢個女靚, 話呢核突, 話嗰個醜樣~

私人傳訊

wmpl