吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好唔開心 - 結左婚成十年, 我媽都唔接受我老公 ...

婆媳關係今日: 5|主題: 27700

收藏本版

發帖

返回列表

跳至頁

查看: 3903 | 回覆: 23

好唔開心 - 結左婚成十年, 我媽都唔接受我老公 [複製鏈接]

bobo_bo99

大宅

積分: 4947

1^#

發表於 08-5-13 22:01 |只看該作者 |倒序瀏覽 |打印

我未夠21歲就大左肚同我老公結婚. 我老公係我同學, 拍拖都4年, 出左黎做野都KEEP住拖友既關係. 我地有打算遲D先結婚, 不過有左在先. 甘咪結婚囉.

點解甘早結婚, 因為我地2個係屋企都唔開心, 甘想有自己既屋企. 我屋企係一個好封閉既地方. 我中5出去同同學溫書都唔得既, 一定要交抵個電話. 如果遲左返屋企, 我媽又會即刻打俾同學問人地個媽媽我去左邊. 由細到大我都唔可以決定買咩衫, 食乜野. 我媽係一個好有控制欲的人. 我媽一日到晚都同人打麻將, 唔理我地. 甘既生活我唔想要.

我媽擒日同我講覺得我好可憐. 嫁個甘既人做老婆. 我生左2個身材走晒樣, 衫又唔多件, 又要去打工. 都唔知甘早嫁做乜.

我聽左好唔舒服. 我老公打份工, 係搵得唔夠我多, 不過佢對我好好. 對一對仔女好好. 對個家好有責任. 係唔係一定要嫁個有錢人先係幸福. 我唔買衫係由細都大既習慣, 因為不嬲都係我媽去買一D佢覺得我喜歡既衫. 我係冇決定權. 甘我肥, 係我荷爾蒙有問題, 而且我又冇刻意去減肥, 我覺得OK咪得囉, 我老公又OK, 點解我媽甘大反應. 我慳係因為我都想留個錢俾D仔女. 條路係我選擇, 我又冇返屋企攞, 我去捱我又冇去呻過, 點解十年後都仲係甘唔LIKE我老公. 我真係好唔明白. 我真係好唔開心.

我媽久不久就會講D甘既說話. 我都唔明佢想我點. 係唔係想我離婚再去改嫁佢先安樂. 我媽對我地既教育有問題, 唔去檢討仲要推卸責任落人地到. 唉....我都唔識講

[ 本文章最後由 bobo_bo99 於 08-5-13 22:22 編輯 ]

0 0 0

私人傳訊

pauline6

大宅

積分: 1904

好媽媽勳章

2^#

發表於 08-5-13 22:07 |只看該作者

您自己覺得開心便得．．．

原文章由 bobo_bo99 於 08-5-13 22:01 發表

私人傳訊

查小恩

別墅

積分: 708

3^#

發表於 08-5-13 22:16 |只看該作者

最緊要係你自己~千祈唔好因為任何事情令自己唔開心~其實每個媽咪都緊係想自己個女嫁個有錢人架啦~因為我媽咪都係咁~但只要你自己活得開心~個老公對你好~仔女乖就已經係最好既回報囉

私人傳訊

JFL

伯爵府

積分: 17159

4^#

發表於 08-5-13 22:31 |只看該作者

系囉,自己開心咪得囉.Ｄ亞媽成日都想個女好似除子淇咁嫁個有錢人唔駛捱做少奶奶.我亞媽以前都叫我嫁個做生意嘅喎咁一嫁入去就做"士頭婆"啦!在美国做"士頭婆"你估唔駛做呀,分分鍾要做多過Ｄ伙計.我而家唔知幾好,老公雖然系打工仔,日日準時返工放工,假日同Ｄ仔女去玩,長假期又可以鍾意去边就去边!

[ 本文章最後由 JFL 於 08-5-13 22:36 編輯 ]

私人傳訊

E@V

大宅

積分: 1312

5^#

發表於 08-5-13 22:50 |只看該作者

其實做阿媽自己個女開心未得囉
真係唔明, 個女都結佐婚, 有頭家, 又有細路..開開心心唔好咩?? 仲要講咁多野..唔通個女離婚佢就會安落!?

私人傳訊

我愛Corina

瑪瑙宮

積分: 134493

2024年龍年勳章 2024勳章好媽媽勳章醒目開學勳章環保接龍勳章

6^#

發表於 08-5-14 01:21 |只看該作者

um..係咪你地冇咩錢比你媽咪呀??所以你媽咪覺得你老公好冇用??你知啦,而家d c9好鬼煩,成日都同人比較,可能亞邊個邊個個女婿搵幾多幾多...
係亞媽都想個女嫁得好,我媽咪想我嫁得幸福,佢唔計較我老公有冇錢,佢話只要兩公婆和諧共處,比心機做野就會有錢...但係我唔係hk,呢度冇咩3姑6婆同佢比較...

私人傳訊

小魔

別墅

積分: 691

7^#

發表於 08-5-14 03:28 |只看該作者

咁你自己覺得幸福快樂就夠
把口生係人地度, 人地點睇, 你管唔到喎
你唔可以迫你呀媽都要鍾意你老公架嘛, 佢老人家死都要咁諗, 咪由佢
見完佢自己都唔開心, 咪見少D
覺得佢唔0岩, 咪記住佢, 唔好咁對自己D仔女
老人家, 無得變架啦, 學你話, 你自己揀架嘛, 理鬼佢呢

私人傳訊

bobo_bo99

大宅

積分: 4947

8^#

發表於 08-5-14 09:12 |只看該作者

多謝大家既安慰. 我之前都係甘諗. 自己開心咪得囉. 唔好理人點睇. 但係個個人係自己媽媽, 個種感覺真係好難受. 我屋企又唔係大富之家. 又唔係窮到冇飯開個d. 都唔明點解我媽甘樣諗野既.

初初都有俾家用ok既2500-2000到啦. 後來我媽有一次好悔氣甘同我地講叫話甘少錢叫我地留返黎買奶粉啦. 買餸都唔夠啦. 我之後一路都冇再返我媽到 - 都幾年時間lu.

其實我做女個陣一個月都俾5000家用我屋企, 我搵6000又係俾甘多, 搵1萬又係俾甘多. 不過我媽從來都冇要求我細佬比家用. 讀書冇零用錢我出去做part time搵3千蚊, 我媽都要我俾埋佢既. 時時都係睇錢, 我真係好煩. 個時個節我乜都做足, 甘又點, 成日都挑剔我地, 唉....真係好心灰

私人傳訊

柚子

大宅

積分: 4939

9^#

發表於 08-5-14 09:47 |只看該作者

原文章由 bobo_bo99 於 08-5-14 09:12 發表
多謝大家既安慰. 我之前都係甘諗. 自己開心咪得囉. 唔好理人點睇. 但係個個人係自己媽媽, 個種感覺真係好難受. 我屋企又唔係大富之家. 又唔係窮到冇飯開個d. 都唔明點解我媽甘樣諗野既.

初初都有俾家用ok既25 ...

我明你唔開心d咩,窮同苦你都唔怕,最怕家人不諒解不支持和撥冷水,呢種感覺真係好傷心和難受,樓主.唔好再苦惱落去啦.我諗無論你做什麼都改變唔到你媽媽既諗法.由得佢啦.只要老公錫你.就咩都夠.一個幸福的家庭.得來不易的.加油呀!

私人傳訊

janet61

洋房

積分: 297

10^#

發表於 08-5-14 10:17 |只看該作者

唔好咁唔開心喇,我身邊既朋友都有好似你咁既媽咪,佢地係唔會變架,永遠都要同你計,大吉利事講句呀,要到佢地唔行得唔郁得既時候,你地都仲照顧佢既,佢先會知邊個對佢好架,我老公個嫲嫲都係咁架,以前一齊住都成日鬧我,咩都鬧一餐,日日都係,好似唔鬧過我唔安樂咁...我又唔敢出聲喎,真係好慘(不過好彩我奶奶對我好好)...有次佢跌親無人知,我上去搵佢先知,之後入左院,一直都唔行得,宜家入左老人院,我地成日去睇佢,佢先知邊個好ja....

私人傳訊

piglover

大宅

積分: 2839

11^#

發表於 08-5-14 10:23 |只看該作者

你要記住, 你將來果50年係同你老公生活, 而唔係同你阿媽一齊, 咁就得啦!!!

仲有阿媽唔like你老公, 你就由得她啦, 無謂勉強!! 就等於好多99都唔like個新抱啦!!! 唔通個個都離婚咩???

你唔好唔開心, 你阿媽話你, 你就當她唱歌, 唔好放在心上!!

私人傳訊

hihihaha168

洋房

積分: 62

12^#

發表於 08-5-14 10:25 |只看該作者

雖然你感覺難受,但係你又明唔明亞媽更心痛你要去捱,只係佢表達嘅方式你接受唔到
可能你好enjoy現有生活,但試問有邊個父母唔想仔女活得好呢?
試吓多d同佢溝通,講比佢知你活得如何開心活得精彩,我相信佢終有一日會明白你的

私人傳訊

piglover

大宅

積分: 2839

13^#

發表於 08-5-14 10:26 |只看該作者

原文章由 bobo_bo99 於 08-5-14 09:12 發表
多謝大家既安慰. 我之前都係甘諗. 自己開心咪得囉. 唔好理人點睇. 但係個個人係自己媽媽, 個種感覺真係好難受. 我屋企又唔係大富之家. 又唔係窮到冇飯開個d. 都唔明點解我媽甘樣諗野既.

初初都有俾家用ok既25 ...

其實你媽媽肯唔要你比家用已經好好啦, 我知道有d人嫁左, d阿媽仲要問個女拿錢, 要個女養埋全家!!

私人傳訊

bobo_bo99

大宅

積分: 4947

14^#

發表於 08-5-14 10:48 |只看該作者

多謝大家message. 我媽就係早陣子入左醫院, 好危險, 差不多要死. 而家出左院我真以為佢會改觀. 佢係醫院, 執屎執尿都係我地幾姊弟, 點知又係甘.
之前早幾年真係搵得唔多錢. 俾唔到好多佢, 我知佢唔開心我俾甘少. 不過我有2個細佬都出左身, 我媽又出黎做野, 我老豆都係打工. 4個人成4/5萬一個月. 都好夠駛. 又有公屋住. 我知我媽心痛我捱. 所以好多唔開心既野, 我99對我唔好, 我c6攞晒我d金去借俾佢呀哥我都冇講半句. 我真係試過窮到冇錢都冇返去問佢地借我就係唔想佢地擔心. 唉....我都知唔可以改變, 不過久唔久就甘俾d野我聽. 我真係會癲.

私人傳訊

Irismammy

別墅

積分: 697

15^#

發表於 08-5-14 10:57 |只看該作者

原文章由 bobo_bo99 於 08-5-14 09:12 發表
多謝大家既安慰. 我之前都係甘諗. 自己開心咪得囉. 唔好理人點睇. 但係個個人係自己媽媽, 個種感覺真係好難受. 我屋企又唔係大富之家. 又唔係窮到冇飯開個d. 都唔明點解我媽甘樣諗野既.

初初都有俾家用ok既25 ...

其實我都好明白你感受，因為我媽都同我講過同一樣的說話....有時真係做唔到自己覺得開心幸福就咩都得嘅感覺，因為嗰個始終係自己呀媽！！

其實我老公都唔算搵太少，都有廿幾K，起碼多過呀哥，又多過所有姐夫，但我呀媽都一樣同我講，唔明點解我揀呢個老公，又講到比我嫁都係被迫，怕我怨佢之餘始類....

我媽又不斷同我講，話我啲同學朋友個個都揀個好嫁個好嘅！個個老公都搵十萬八萬，唔計我，搵最少個醫生都六萬，都唔明我老公有咩好.....

我當然有即刻駁咀，我問我媽點解唔生得我靚啲，(因為我個個同學都好靚，靚到有啲似明星，有啲仲靚過啲明星)，佢就答係我自己死都要嫁，死都要揀呢個老公啫！

其實我駁咀那一刻都有啲死頂，因為我啲眼淚都已經沖到上心了！

但回到家我當然唔敢同老公講，亦唔敢同人講啦！

今次我都係第一次講出嚟咋！

私人傳訊

angelymama

男爵府

積分: 5908

16^#

發表於 08-5-14 11:10 |只看該作者

原文章由 bobo_bo99 於 08-5-14 10:48 發表
多謝大家message. 我媽就係早陣子入左醫院, 好危險, 差不多要死. 而家出左院我真以為佢會改觀. 佢係醫院, 執屎執尿都係我地幾姊弟, 點知又係甘.
之前早幾年真係搵得唔多錢. 俾唔到好多佢, 我知佢唔開心我俾甘少 ...

Hi, 係呢度又見到你, 其實我媽都唔鍾意我老公, 廿年啦, 不過我媽就無比說話我聽, 我都好似你咁, 老公顧家又錫仔女, 自己都好慳, 只係搵錢唔多, 佢無請你飲茶食飯, 但佢對自己阿媽都係咁, 又唔係只對阿媽好唔對外母好。所以我都唔理佢, 但阿媽見自己女捱會心痛唔捨得都唔奇, 第日自己嫁女可能都會咁。

大家體諒啦。

私人傳訊

trintrin

男爵府

積分: 6529

17^#

發表於 08-5-14 11:23 |只看該作者

bobo_bo99,

你好

, 因為你無因為家庭背景而影響你的思想, 我意思係你BB將來都唔會受你現在所受的, 正所謂己所不欲勿施於人, 你好聰明, 你的老公同BB好幸福.

我個舊同事有日返到屋企, 亞爸話她知已買樓

, 預她一份供... 個刻我朋友真係

Irismammy,

你都好偉大 , 自己受唔比老公知.

支持你們!

私人傳訊

bbautumn

大宅

積分: 1231

18^#

發表於 08-5-14 11:42 |只看該作者

記住老公對你好
仔女錫你健康成長已經夠啦
唔好因為咁唔開心

有時舊思想媽媽會係咁架
例如我朋友媽媽都有同佢個囡講過
如果你嫁得唔好(既是辛苦過做囡個陣)
就不如唔好嫁
唔想個囡好似自己咁捱死一世

歡迎參觀我的個人網頁

私人傳訊

bobo_bo99

大宅

積分: 4947

19^#

發表於 08-5-14 14:12 |只看該作者

angelymama

甘啱既又係呢版見到你既.

各位媽咪

好多謝你地既安慰. 我都明做一媽媽一定會擔心既. 邊個唔想個女嫁得好唔駛憂. 不過我嫁左人, 唔行都行左條路出黎. 如果個老公對我唔好, 我都冇甘上心, 個老公係好既先激心. 我都知我媽唔會改嫁啦, 除非我老公有一日俾好大舊錢我媽啦.

原文章由 angelymama 於 08-5-14 11:10 發表

Hi, 係呢度又見到你, 其實我媽都唔鍾意我老公, 廿年啦, 不過我媽就無比說話我聽, 我都好似你咁, 老公顧家又錫仔女, 自己都好慳, 只係搵錢唔多, 佢無請你飲茶食飯, 但佢對自己阿媽都係咁, 又唔係只對阿媽好唔對外母 ...