大仔大女媽媽會

收藏本版
發帖
返回列表
跳至頁

首頁
1234

尾頁
   0
tinajapan


大宅

積分: 1554


1#
發表於 08-7-11 00:16 |只看該作者
真係做到火都來

呢排公司多野做. 日日唔準時收工, 有時仲要加班至8,9時. 回到家都無時間同仔仔溝通. 好無奈. 做到手痛, 要做物理治療, 喉嚨痛, 偏頭痛, 傷風. 呢10星期我就無那那瘦左5磅. 完全唔需要節食. 我由8時半開工, 食飯食15分鐘, 就做做做, 但無人理我..

我知我打份工, 唔係要佢地去理. 但我見佢地若無其事咁. 仲要加野做. 日日case都"騎呢" 客話咁做就要即做. 我又要求第二個部門做. 仲要比同事串幾句先做..好啦幫到個客佢當然唔多謝, 是應份做, ok 算數, close file. 點知仲要比客屈, 要我去開會解釋, 但上司都係當睇唔到. 客一係反口覆舌又問過 (明明白紙黑字寫明) 但上司一樣當睇唔到. 仲要在開另一會時, 當住其他部門既同事上司話我唔寫個咩咩字係唔岩?-(

今日我知我又要加野做啦...明明眼見其他同事準時收工, 工作時間上網睇野. 我就由朝8晚8, 真係...4個字: 我不擦鞋! 最失敗就係自己. 唉..

最幣係無時間親子, 教仔.....又要供樓. 唔可以唔做~無奈呢...
私人傳訊

期待寶寶


別墅

積分: 956

好媽媽勳章


2#
發表於 08-7-11 15:09 |只看該作者
我都有類似情形, 但冇你咁嚴重, 只怪自己唔帶鞋油番工, 咪唯有做囉 叫我日日吹水擦鞋, 我又做唔出, 認命-辛苦命 :;pppp:
要供樓, 想俾好d生活個囡, 激氣果時呻吓, 呻完又做過囉, 冇計

tinajapan, 一齊努力呀

原文章由 tinajapan 於 08-7-11 00:16 發表
真係做到火都來

呢排公司多野做. 日日唔準時收工, 有時仲要加班至8,9時. 回到家都無時間同仔仔溝通. 好無奈. 做到手痛, 要做物理治療, 喉嚨痛, 偏頭痛, 傷風. 呢10星期我就無那那瘦左5磅. 完全唔需要 ...
私人傳訊

lokjudy


男爵府

積分: 6242


3#
發表於 08-7-11 15:42 |只看該作者
Tina

唔好慶啦！呢啲《騎呢擦鞋怪》我公司呢度更有一個在左右，仲加埋啲上咗身既《殿堂級京劇變臉大師》，簡直出神入化
咁多年我當睇戲咁睇咋都睇化咗lu，我又好鬼有骨氣唔用鞋油喎 ，但係辛苦咗幾年轉咗部門後就好咗啲，宜家係度做日日準時返工放工，唔奢求咩lu，份糧最緊要夠養亞囝、夠日常所需已無求lu。但係宜家百物係咁加價，人工追唔到通脹 ，唔做又唔得喎，唯有向現實低頭...
私人傳訊

alysiayip


大宅

積分: 2466


4#
發表於 08-7-11 15:49 |只看該作者
我好 d , 唔算超多野做, 又可能係因為我已經係公司做左10年, 算得上老神子而做到慣.

由第一日返工我就堅持 :"死都唔 OT"

所以公司所有人都唔會覺得我盡時走係有問題

私人傳訊

yuenru


大宅

積分: 2122


5#
發表於 08-7-11 22:57 |只看該作者
tinajapan,
好明白你既感受, 出黎打份工都係想做好D野, 交到貨. 自己也唔想擦鞋,但係下場係非常辛苦.
唸住轉工有新景象, 點知我每晚9:30-10pm. 至放工. 每晚我都唸咁辛苦都係想小方生活好, 不過我無哂時間教佢. 點算好呢....
私人傳訊

tinajapan


大宅

積分: 1554


6#
發表於 08-7-11 23:31 |只看該作者
小方媽~
我同妳一樣..我都有想過轉工. 之前一份見左無回音. 而家..7月都半年走又好似....不如捱到出年算數.

妳要10時先收工? 妳仲辛苦過我. 妳先要小心身子先. 我份份工做做下都會勁忙, 以前兩公婆生活無問題. 但而家有兒女就唔想咁夜走. 我又係想鐫廷仔生活好d. 起碼我有錢去報playgroup先, 小方同我鐫廷仔過左一歲, 我地做媽媽既又要考慮教育學業問題, 鐫廷仔一歲後開始滲出左脾氣(性格) 而家更需要時間去教. 係咯...忙到咁. 點教仔女呢
私人傳訊

tinajapan


大宅

積分: 1554


7#
發表於 08-7-11 23:37 |只看該作者
原文章由 lokjudy 於 08-7-11 15:42 發表
Tina

唔好慶啦！呢啲《騎呢擦鞋怪》我公司呢度更有一個在左右，仲加埋啲上咗身既《殿堂級京劇變臉大師》，簡直出神入化
咁多年我當睇戲咁睇咋都睇化咗lu，我又好鬼有骨氣唔用鞋油喎 ，但係辛苦咗幾年轉咗部門後 ...


Judy
多謝安慰. 忙到唔記得問細woody點呀. 我c6成日都叫我問侯下妳, 好番晒未呀? 我話忙到唔記得問, c6就比呢個樣我 (話我有無搞錯..哈哈) 希望今次之後, woody仔唔好再入醫院住

妳又講得對. 我呻完又要照舊緊張地工作, 無計呢, 人工少無辦法, 希望比到鐫廷仔, 又要供樓, 又要儲教育基金, 我相信bk媽媽同我地一樣...努力吧mouth:
私人傳訊

tinajapan


大宅

積分: 1554


8#
發表於 08-7-11 23:38 |只看該作者
原文章由 期待寶寶 於 08-7-11 15:09 發表
我都有類似情形, 但冇你咁嚴重, 只怪自己唔帶鞋油番工, 咪唯有做囉 叫我日日吹水擦鞋, 我又做唔出, 認命-辛苦命 :;pppp:
要供樓, 想俾好d生活個囡, 激氣果時呻吓, 呻完又做過囉, 冇計

tinajap ...


期待寶寶~
謝謝妳...我地要堅持不用鞋油....希望將來我地既世界會變得..很美
私人傳訊

咕嚕


別墅

積分: 582


9#
發表於 08-7-12 08:23 |只看該作者
o, 我做野咁耐 都係唔用鞋油, 但可能工種問題, 我又好少見係我周圍有要用鞋油既人....
我都岩岩轉左新工,, 但我都係一樣會準時走人. 但其實搵工個陣 都估到唔需要ot 我先接受, 之次堆左份人工較高較近,但就要ot 到7-8點既工...
湊女ma... 我都想日日早d返屋企見住佢架ma,
呵呵呵! 大家努力.
私人傳訊

cutienat


別墅

積分: 717


10#
發表於 08-7-12 08:44 |只看該作者
我都算好彩,公司文化係擦鞋只可幫一時,唔可以幫一世,冇表現遲早玩完,所以呢個亦係我做咗成9年嘅原因.

我有bb之前,都係9-9,有時9-12,每個禮拜起碼6日(full day,公司返5 day),試過兩個月冇放假(not even Sunday).

有咗之後,咁啱另一team有位,冇咁忙,老闆又問我過唔過去,所以調咗.我都同依家老闆講,唔死得人嘅就明天請早,不過有需要嘅我都會做到8,9點,有時寧願攞返屋企,等個女瞓咗至做,而且我做咗咁多年,個個都知我係隻牛,所以7點前會閃,總之我做得掂就ok.

在職媽媽都係好偉大,又要照顧屋企,又要努力工作,希望大家都俾心機.

[ 本文章最後由 cutienat 於 08-7-12 08:46 編輯 ]
私人傳訊

BB618


大宅

積分: 2606


11#
發表於 08-7-12 10:23 |只看該作者
Tina,

唔好唔開心, 有時打工就係咁辛苦~
冇計啦, 鬼叫我地宜家有個細既,
又想將好既野比佢, 媽咪就係辛苦d,
我未生之前份工又係ot到暈,
peak season個陣可以做到2-3點,
1個禮拜做6-7日, 唔係人過架
所以生完matthew之後我就辭職啦,
就算減人工都要搵份準時放工架~
好彩我宜家份工, 一個月最多忙一日,
其餘時間準時收工

至於小人/擦鞋王, 真係間間公司都有,
不過唔緊要啦, 有實力, 老闆實知,
唔通擦鞋可以擦過世咩~
唔好理佢地, 自己盡左本份就ok 啦~~

加油啦!!
私人傳訊

lokjudy


男爵府

積分: 6242


12#
發表於 08-7-12 11:00 |只看該作者
Tina

我個囝住咗三日院就出院啦，醫生宜家當佢係初期哮喘咁醫，要每日早晚聞隻預防氣，聞到10月尾再返去覆診有冇進展，希望係入秋轉天氣時斷尾 唔係我就斷氣架啦 因為今次亞囝比起先前兩次嚴重咗，我同隻佬見到佢咁辛苦都好心up 所以我啲親朋好友係咁搵啲食療比亞囝嘗試，而我哋亦等太陽伯伯出嚟帶亞囝去乾煎，因為哂太陽係好有效既治療。
宜家最緊要亞囝好返，健健康康成長，我就心滿意足lu。 你都係呀！be happy啦....
私人傳訊

BB811


大宅

積分: 2115


13#
發表於 08-7-13 23:51 |只看該作者
hi Tina,

收到你個email都未得閒覆你tim, 我都好忙呀!你方便就call我啦! 我個dept. 啱啱"抄"咗個,我要頂佢最大飯d工作,不過為咗阿仔都要捱啦!我已經放咗14年青春喺度,經過咗好多風浪(多次收購,合併都唔c得,算賺咗了).我從來都冇唸過"唔做"哩2個字,我要同佢哋班人鬥長命
你以前做過account,依家想搵咩做?喺度放吓聲氣,睇吓有冇媽媽有好介紹.
呢個星期日你係咪同我哋去swim? 如果係就出嚟傾啦!

其實有好多在職媽媽都好辛苦,尤其小胡媽早排晚晚冇覺好瞓tim,
唔好唸咁多,最緊要bb身體健康,我哋可以為bb捱都算幸福了!
奸爸爹!!!
私人傳訊

lokjudy


男爵府

積分: 6242


14#
發表於 08-7-14 00:45 |只看該作者
BB811
我從來都冇唸過"唔做"哩2個字,我要同佢哋班人鬥長命
哈哈哈...呢句最合啱聽... 我10年牌已攞咗啦！宜家留係度都係為 ，講感情NO啦，留返比亞囝同隻佬啦
私人傳訊

alysiayip


大宅

積分: 2466


15#
發表於 08-7-14 12:12 |只看該作者
同意! 同意!

tina, 努力呀! 如果真係頂唔順, 有時轉工可能係另一個選擇~

原文章由 lokjudy 於 08-7-14 00:45 發表
BB811
我從來都冇唸過"唔做"哩2個字,我要同佢哋班人鬥長命
哈哈哈...呢句最合啱聽... 我10年牌已攞咗啦！宜家留係度都係為 ，講感情NO啦，留返比亞囝同隻佬啦 ...
私人傳訊

tinajapan


大宅

積分: 1554


16#
發表於 08-7-14 13:44 |只看該作者
好感動呢...各位媽媽~多謝開解支持...
妳地有咩低落時, 都上來傾下計, 大家分享下...原來蓮媽仲忙, 小方媽都係...努力呀!

我都無想過唔做. 唔係萬能, 但無就萬萬不能....

好怪份份工做兩年後就會勁忙. 我之前份工係星期一至六 08-10, 仲要星期日返去做半日. 都做左6年..後來我做到精神壓力大, 頂唔順. 就唔做轉了呢份. 做得好地地, 所以做了一年後就生bb, 同事又後生好玩, 但點知陀住都未生得時, 熟既同事走晒, 上司走埋. 我地無上司理都一年多, 自己食自自己. 部份同事就搞搞震. 我放產假時仲老屈我添...上司終於請到了, 又係個完全唔係呢行既人, 呢10星期真係衰左. 比人投訴兩次, 公司部門之間唔合作, 獲就硬食. 要解釋都難, 仲要用英文解釋....真係 Oh my god! 我都係難逃(忙碌)宿命

anyway~~ thanks all working mum
私人傳訊

tinajapan


大宅

積分: 1554


17#
發表於 08-7-14 14:00 |只看該作者
原文章由 BB811 於 08-7-13 23:51 發表
hi Tina,

收到你個email都未得閒覆你tim, 我都好忙呀!你方便就call我啦! 我個dept. 啱啱"抄"咗個,我要頂佢最大飯d工作,不過為咗阿仔都要捱啦!我已經放咗14年青春喺度,經過咗好多風浪(多次收購,合併都唔c得,算賺咗了 ...


Emily~
我都知妳好忙架啦~原來妳做了14年..哈哈, 不如妳公司收購埋我公司呀...咁就想當年回到未嫁時, 我地又成為同事了

妳地大公司仲多生意, 我唔轉field啦, 年紀大啦, 就來都無人請啦. 都係想做番forwarder, 我想做anaylst, 但我唔夠學歷, 搵番CS無聲氣呀. shipping gazette話呢排好靜, 無再聯絡我. 我舊同事話而家船公司都無生意. 所以我地科記都無咩生意. 但我呢間中型公司, 又想搞大點知好多生意流失左, 比大科記搶晒...而家一做既就係照野蠻客. 分明玩我地架. 外國客直接同我講點做. 仲話大家係team work, 佢enjoy team work喎. (我真係閘住呀, 都short short地) 所以我先做到c c下.. 內部的management又亂, 今年年尾加人工都有難度

anyway, 多謝妳鼓勵, 我都明白, 有時轉工都要講緣份及運氣既. 有時無那那會轉到. 有時想轉都轉唔到. 都7月中了. 無咩聲氣, 都要捱埋12月先. 明年1月再想想吧!
私人傳訊

tinajapan


大宅

積分: 1554


18#
發表於 08-7-14 14:03 |只看該作者
原文章由 lokjudy 於 08-7-14 00:45 發表
BB811
我從來都冇唸過"唔做"哩2個字,我要同佢哋班人鬥長命
哈哈哈...呢句最合啱聽... 我10年牌已攞咗啦！宜家留係度都係為 ，講感情NO啦，留返比亞囝同隻佬啦 ...


嘩..Judy,
10年了..公司有無比過金牌妳呀?
我好衰架, 我最長的都係6年, 有一份在大公司做. 真係想過做到退休. 點知經濟衰退時, 成個部門無左....真係黑仔...當時都做左4年了...
私人傳訊

tinajapan


大宅

積分: 1554


19#
發表於 08-7-14 14:06 |只看該作者
原文章由 lokjudy 於 08-7-12 11:00 發表
Tina

我個囝住咗三日院就出院啦，醫生宜家當佢係初期哮喘咁醫，要每日早晚聞隻預防氣，聞到10月尾再返去覆診有冇進展，希望係入秋轉天氣時斷尾 唔係我就斷氣架啦 因為今次亞囝比起先前兩次嚴重咗，我同隻佬見到佢 ...


小朋友生命力強, 好快好番架啦, 妳自己都要小心身子. 妳健康仔仔就會健康呢!
我c6話, 換個角度睇, 小時醫...好快斷尾架啦~r叫妳放心. 好快無事.(佢成個專家上身咁真係激c ) 祝woody仔健康 (見到張相都瘦左好多)
私人傳訊

bridge


大宅

積分: 2770


20#
發表於 08-7-14 14:24 |只看該作者

回覆 #1 tinajapan 的文章

我的公司好多人都會遲放工，我算係最早走的1個，起初心理壓力都大，但現在唔理啦!!因為我真的好掛住個仔!!早陣子公司都有d唔好開心，加上個仔這一兩天都發高燒，好想唔做野照顧bb，但係我知我份糧對於這家都好緊要，如果唔做的話，係好勉強......起碼現在公一份婆一份生活質素都算不錯，但如果我唔做，老公的壓力好大....我又唔想這樣....
有時候見到公司的唔公平和唔開心，唯有同自己講:回家總有bb和老公錫錫，返公帶腦唔帶心是我一向的宗旨，唔係唔在意工作，而係唔好太上心，盡己責任就ok啦!
bb又發高燒，今天迫不得意咁請假，唔放心俾工人姐姐睇住，因為今次燒到103又唔係點退燒，可能出疹.....
越來越感受到雙職媽咪的辛苦和付出，我估很多人都想全時間照顧bb，但迫不得意外出來工作......
加油!!!在這路上有很多人陪著你走!!
私人傳訊


首頁
1234

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見