吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 和另一伴沒有共同興趣，點算？

夫婦情感今日: 5|主題: 42445

收藏本版

發帖

返回列表

跳至頁

查看: 4728 | 回覆: 31

和另一伴沒有共同興趣，點算？ [複製鏈接]

三月媽咪

別墅

積分: 724

1^#

發表於 08-8-5 11:10 |只看該作者 |倒序瀏覽 |打印

本來自己覺得同老公沒有共同興趣唔係一件咩事，但係一齊耐左就發覺甘生活下去有好多磨擦。

佢仲意做既野（去打牌／麻將，睇波）我又唔仲意，我仲意做既野（design, 行街，睇bb野）佢又無興趣。搞到大家無咩話題，又成日吵交。

有時我唔想佢成日去街（佢一個星期去1－2次），佢就好唔開心甘留係屋企，見到佢甘個樣我又唔開心，到最後只有兩個結果，1就係吵交，2就係唯有比佢去我就係屋企唔開心。

有時想同埋佢一齊去出（晚上），個仔又無人睇，一定要留返個係屋企睇仔，但係個個就永遠都係我。

因為我無咩朋友，朋友都好小去夜街。平時得我同bb係屋企，老公10：30－11：30pm先放工，一個星期返6日，我知佢辛苦，一個星期去一次都唔係甘過分（不過有好多時都去兩次），但係又好想佢陪下我同個仔，唉，所以問題就越來越大。

到日頭一家人去行街，佢就不停甘睇個電話check住打波分數。我知佢根本就唔仲意同我／bb去shopping。

我覺得同老公已經無左以前dating既感覺啦。我真係好想維持同佢既夫妻關係，希望大家可以開開心心落去，但係點解會甘難？

呢排又唔知做咩，成日吵。佢又成日發脾氣，我已經食死貓，好聲好氣，“談”佢架啦，但係佢都係甘。。。。

唉。。。。

有無姐妹可以教下我，分享下夫妻相處既心得啊？？

0 0 0

私人傳訊

060905

男爵府

積分: 6052

2^#

發表於 08-8-5 12:50 |只看該作者

互相遷就！

我同我c6都無乜共同興趣, 佢鐘意打機 + 影相！我鐘意行街買野！但我地會互相遷就, 我有時會陪下佢打機或者睇佢打機, 佢又會陪下我shopping, 如果佢掛住打機, 唔理我, 唔係太過份, 我唔會出聲話佢, 我覺得只要相愛, 就算無共同興趣, 一樣可以生活得好開心！

夫妻最重要係識得互相體諒！

私人傳訊

ivory0915

珍珠宮

積分: 39762

開心吸收勳章醒目開學勳章

3^#

發表於 08-8-5 13:26 |只看該作者

一星期已經返咗6日工確係無乜時間剩，咁佢放假嗰日呢？會唔會陪妳？

私人傳訊

晴B媽

水晶宮

積分: 52989

熱血金章至尊種植勳章畀面勳章 2011精緻種植勳章大廚勳章 BK Milk勳章

4^#

發表於 08-8-5 13:28 |只看該作者

首先你試下可唔可以投入下佢的興趣。如果大家都真係搵唔到共同興趣, 都無辦法, 唯有各自各精彩囉。

我自己就化妝扮靚咁, 又學下樂器跳下舞, 都好開心架。

老公見到我靚, 感覺到佢會望多我2眼, 彈琴時又當佢欣賞緊, 好開心架

(阿Q精神

)

私人傳訊

24112006

男爵府

積分: 5374

5^#

發表於 08-8-5 14:30 |只看該作者

你都要試下投入佢既興趣入面架.....你知佢鍾意睇波...咁你靜雞雞睇下佢鍾意邊隊波....買件波衫氹下佢囉......2公婆...互相體諒同磨合系好重要架.

私人傳訊

christy1012

水晶宮

積分: 65828

2024年龍年勳章 2023年兔年勳章醒目開學勳章畀面勳章 BK Milk勳章

6^#

發表於 08-8-5 15:54 |只看該作者

其實我覺得兩個人唔一定要有合共興趣先可以相處,
你地都可以試下融入對方興趣,發掘一下樂趣,
或者大家各自各精彩,最緊要大家唔相遷就,
我老公鍾意電腦,佢好鍾意行電腦城睇野,
但係我就嫌又熱又焗又悶,起初陪佢行,
我會成日問走得未,佢又想慢慢睇喎,
搞搞下費時大家嘈,我唔同佢一齊去囉,
我自己留係屋企好過,相處之道都係貴乎遷就體諒

私人傳訊

ChristieMing

侯爵府

積分: 20768

好媽媽勳章畀面勳章

7^#

發表於 08-8-6 00:08 |只看該作者

我同老公都冇共同興趣o架....佢鍾意睇波,我唔鍾意,我鍾意睇文藝片,佢鍾意睇黑白道o既片等等，但兩個人相處，係要互相尊重對方，之前o係bk見到有人post 過「美滿婚姻的秘訣」，我在此轉贈給你：

美滿婚姻的秘訣是甚麼？

其實非常容易，但就不是人人能做到，秘訣就是「包容」。

俄國大文豪托爾斯泰說：

「美滿婚姻的秘訣並不在於你們有多協調，而是怎樣處理你們之間的不協調。」

小至牙膏怎樣唧、早餐的多士烤不烤、廁所板應揭起還是放下，大至國家選總統的心水人選，是無神論還是有信仰，而信仰又有這麼多種，怎可以兩個人甚麼都意見一致？

李敏一言：婚姻能維繫並不是因為大家甚麼都一致，而是因為大家都尊重對方跟自己有不同的意見。

私人傳訊

盈盈ma

別墅

積分: 534

8^#

發表於 08-8-6 03:18 |只看該作者

我同我隻c6都冇咩興趣係一樣架~~好似佢like養魚我唔比架開頭(佢連缸都已經搬左返黎)...之後唸唸下佢有時幾唔鍾意幾悶同陪我做我鍾意既野...結果佢生日我就買左條魚比佢...而家屋企有3缸= ="
其實大家就下大家咁咪得lo~~有時你想出街或者好想佢陪下你同個仔咪坦白d同佢講lo~佢會明白的~如果你唔出聲佢一出街就扁咀咪大家都唔開心lo~2公婆大家有相量嘛

私人傳訊

三月媽咪

別墅

積分: 724

9^#

發表於 08-8-6 05:24 |只看該作者

好多謝個位的意見！其實念落老公好多時都好遷就我，但係佢有時發脾氣，就算明知佢自己做錯野都唔會道歉，而前幾日佢更講左一句“我同你一齊越來越唔開心。” 。所以搞到我個心好酸。

事後佢話自己只係發脾氣，但係我知道佢係講真，因為自己都感覺到已經無以前甘開心。

我好想好想大家一齊係真心開心甘生活，但係而家好似係為左個仔有個完美既家庭先唔分居甘。。。

仲有，我發覺同佢溝通上都有d問題。 “互相尊重” 呢幾個字佢睇得唔重，佢只會念“開心就得”。而“尊重”就唔係好識。

p.s. 老公5歲開始就係美國長大，今年29歲，但係份人仲係好細路仔。

私人傳訊

盈盈ma

別墅

積分: 534

10^#

發表於 08-8-6 05:29 |只看該作者

原文章由 三月媽咪 於 08-8-6 05:24 發表
好多謝個位的意見！其實念落老公好多時都好遷就我，但係佢有時發脾氣，就算明知佢自己做錯野都唔會道歉，而前幾日佢更講左一句“我同你一齊越來越唔開心。” 。所以搞到我個心好酸。

事後佢話自己只係發脾氣，但係我知道佢係 ...

咁你咪試下同佢相處果陣當佢細路仔lo~好似湊仔咁....我都係好努力咁湊緊3個(加埋隻c6=3個)佢都係大細路:;pppp: ...細路仔都係要氹既

係會辛苦d累d....但有時佢好似細路氹呀媽咁氹我既時候都幾開心既...

總有辦法解決架~~唔岩試到岩lo~
加油吧!!

私人傳訊

joejoemum

男爵府

積分: 9104

畀面勳章

11^#

發表於 08-8-6 13:05 |只看該作者

其實一家人都唔會有共同興趣架喇！你就我、我就你咁先至得架！我老公只係鍾意攪電腦、我鍾意行街、睇衫、種野、我呀仔鍾意睇波、踢波、我行街就唔會掛住睇自己野，都要迎合佢地要求，睇下電器、電腦加埋陪呀仔睇波衫、體育用品，真係要慢慢睇就自己去行！電腦展我都會同c6一齊去睇，波經我又會睇下，學識少少咁！樣樣都學d識d咁，就有小小興趣，唔洗冇話題！

大家真係要互相遷就！如果唔係一世流流長都唔知點對！

「所謂幸褔，不是沒有苦惱，而是置身痛苦漩渦中，抱持樂觀而堅定的信念，不畏懼，也不嘆氣，勇敢迎擊迎面而來的洶湧波濤，浪愈大，愈是咬緊牙關向前衝，跌倒了再站起來，從摸索與挫折中學習與鍛鍊，磨練出膽識與智慧，無論橫流逆境多麼艱難，希望與確信依舊，直至獲得最後的勝利。」

私人傳訊

芝麻街

珍珠宮

積分: 39889

2024年龍年勳章虎到金來勳章牛年勳章開心吸收勳章熱血勳章

12^#

發表於 08-8-6 23:31 |只看該作者

其實有幾多對夫婦有着一模一樣嘅興趣, 我個c6鐘意嗰啲, 我都唔鐘意嘅, 但...... 我地就非常恩愛,

若要人似你, 除非兩個你, 是嗎?
就係因為兩個人唔同, 先會吸引倒對方, 首先你唸吓 ~~ 當初你同佢點開始架/ 佢點吸引你/佢嘅優點等等 >>
用多啲欣賞/感謝嘅眼光望佢, 同佢講都唔駒.
溝通絶對係重要嘅, 咁點先可以同c6溝通倒呢?
有本書想介紹你睇, 有興趣可pm比我.

芝麻街

私人傳訊

芝麻街

珍珠宮

積分: 39889

2024年龍年勳章虎到金來勳章牛年勳章開心吸收勳章熱血勳章

13^#

發表於 08-8-7 12:04 |只看該作者

三月媽咪,

你好, 已pm給你~~

芝麻街

私人傳訊

JBlam

大宅

積分: 4801

14^#

發表於 08-8-7 12:07 |只看該作者

在我地男人來講..(當然,我唔能夠代表大多數男人la.)

我有以下意見:
1/ 我同意christy1012講,好似行電腦中心,買game ar..等等..地方又細,又焗, 又多男人..我所知,包括我自己都唔係好想老婆一齊,唔係唔想佢陪,而係佢又唔多鍾意d 電子野..又悶, 在我地來講,要照顧佢la..又要快d la..,好多時男人同一樣產品可以睇好耐.
我寧願自己得閒慢慢睇好過..
相反..其實女人shopping都係..不過好似覺得老公唔肯陪自己,即係唔鍚自己..又好想老公比下意見..其實係錯覺,男人(指唔鍾意shopping既包括我) 唔鍾意shopping..係度睇係好辛苦既...又會左住晒..時間會覺得過得好慢., 所以唔代表唔鍚老婆
所以我同老婆拍拖到而家佢同我各自shopping同睇自己野都會搵自己既朋友..又可以慢慢睇,又有同興趣既朋友比意見.

私人傳訊

JBlam

大宅

積分: 4801

15^#

發表於 08-8-7 12:29 |只看該作者

2/ 樓主,其實你都要有自己既圈子,朋友..就算有小朋友都要keep住..我指萬一你地大炒,都可以有人同你分擔同傾下...唔會覺得都係自己一個承受晒.

3/ 其實有左小朋友更加要有2夫妻既2人世界時間..特別係而家佢地仲細,自要開始..因佢地大大下自開始有呢d時間,大家已經慣晒比晒d時間仔女,更難改變. 你要比你小朋友知道父母係定時會拍下拖ga...好多專家都講,如果父母關係好, 小朋友會更有安全感,係有直接既關係.
所以應該想下辦法,無論係你or你c6既家人幫手睇住..可以1-2week一次,唔洗話好長時間,可能只係一個晚餐加睇套戲都係一晚時間,可以搵到親人睇住就,咁就又開心又放心la!!!

個日我屋企人帶左囝囝去玩,我地原本諗住join埋食飯,但諗落屋企人睇住又放心,我地2夫妻想去睇戲,但買唔到ticket..最後去左食迴轉壽司都好開心ar...因自從知太太有左(唔食得魚生)...到囝囝6-7個月(無乜時間)都未出街食過魚生..所以就算好簡單既活動都可以好開心...我地開始緊盡量安排la..

私人傳訊