夫婦情感

收藏本版
發帖
返回列表
跳至頁

首頁
123

尾頁
   8
codeblue


大宅

積分: 3110


1#
發表於 16-2-14 00:00 |只看該作者
我跟 c9 之間沒有第三者, 只是一段感情從拍拖發展到結左婚生埋仔, 好像一切就此平淡下來, 每天就是應付著子女的照顧﹑打理家庭的一切瑣事, 我從前作為她一個「最重要的情人」, 不知從甚麼時候變成了純粹「孩子們的爸爸」, 她的愛完完全全轉移到孩子身上, 而我對這個家就彷彿只剩下責任～

她不幸福嗎？我不知道，但她有一個完整正常的小康之家, 我們生活不算奢華但至少目前我倆也不用工作, 正因我做了全職爸爸加上我跟她的教育文化水平相距甚遠, 我可說是分擔了大部份安排子女照顧和教育的責任, 別人開的明明是「媽媽群組」卻是我這個爸爸厚著面皮加進去，本來我以為只要把所有家庭工作都安排好人去處理, 有工人﹑有媬母﹑有司機... 就可以讓我們保留多一些二人世界的空間, 令婚姻生活可以變得更浪漫美滿, 可是原來我想多了, 現在的她根本不怎麼願意把這些奢侈地買回來﹑不用照顧子女家庭的時間跟我一起渡過, 她心目中響往的自由國度居然容不下我, 原來我不單只再不是當年那個情人, 而且還成為了她心目中這個家庭束縛的一份子, 她的態度感覺上就好像是怪我一手把她從本來自由自在的生活帶進了一個地獄一樣, 而我居然還純情到以為自己在給她幸福呢~ 也許, 其實連她自己也不清楚自己想要甚麼...

有時我不禁想, 相處了十幾年經歷了這麼多, 最後我選擇了專心一意跟她結婚生仔, 這些年來花盡心力去建設這個家, 究竟其實我是為了甚麼呢？是我到了中年危機胡思亂想, 還是應該接受「婚姻就是如此」呢？
私人傳訊

eggcarol


水晶宮

積分: 50340


2#
發表於 16-2-14 00:12 |只看該作者

引用：我跟+c9+之間沒有第三者,+只是一段感情從拍

原帖由 codeblue 於 16-02-14 發表
我跟 c9 之間沒有第三者, 只是一段感情從拍拖發展到結左婚生埋仔, 好像一切就此平淡下來, 每天就是應付著子 ...
其實是你變定佢變？男人想變總有2千萬個理由
私人傳訊

eggpudding


子爵府

積分: 14327


3#
發表於 16-2-14 00:14 |只看該作者

引用：我跟 c9 之間沒有第三者, 只是一段感情從拍

原帖由 codeblue 於 16-02-14 發表
我跟 c9 之間沒有第三者, 只是一段感情從拍拖發展到結左婚生埋仔, 好像一切就此平淡下來, 每天就是應付著子 ...
我覺得一份感情最後會回歸到平淡
我諗同屋主係形容好多對夫妻的狀況
其實每一個人都係獨立
應該各自發展興趣
然後大家聚埋一齊有話題
又或者大家可以搵共同興趣
由兩個人結婚果刻
大家變相係心甘情願去放棄自由去共同建立一個家
可惜一份情經過年年月月時間的洗禮變成淡而無味
而最初果個人已經唔再係果個人
注意力唔好全神貫注係另一半身上
未經本人同意,請勿轉載內容!
私人傳訊

codeblue


大宅

積分: 3110


4#
發表於 16-2-14 00:27 |只看該作者
eggcarol 發表於 16-2-14 00:12
其實是你變定佢變？男人想變總有2千萬個理由

目前沒有打算改變或放棄, 因我還很愛這個家
只是感覺灰心, 以前以為只要盡心盡力婚姻就應該幸福快樂, 其實卻不然

私人傳訊

windfreight


男爵府

積分: 9387


5#
發表於 16-2-14 00:43 |只看該作者

回覆：codeblue 的帖子

我都會有你太太的想法，不過又不等於想分開，因為對家庭付出太多，失去了自己，女人不是有人分擔了母親的工作就放心，由孩子出生的一刻，就開始勞心
私人傳訊

IamDirector


侯爵府

積分: 23824

虎到金來勳章 親子王國15週年勳章


6#
發表於 16-2-14 00:55 |只看該作者
正常一段婚姻，經歷多年既洗禮，都會由激情轉為平淡。你為屋企/太太所要排既一切，係你角度可能很美好，但唔代表你太太都係。每個人既性格唔同，人認為兩公婆24小時走在一起，就代表恩愛，亦有人會覺得煩厭。好似我，每個星期六好鐘意自己出去行下，做自己鐘意做既野relax下，咁先balance返日常既工作/家庭厭力。
你太太想多d自由咪就佢law,唔洗煩架，結咗婚都需要私人空間，好正常呀！
私人傳訊

codeblue


大宅

積分: 3110


7#
發表於 16-2-14 01:01 |只看該作者
本帖最後由 codeblue 於 16-2-14 01:05 編輯
eggpudding 發表於 16-2-14 00:14
我覺得一份感情最後會回歸到平淡
我諗同屋主係形容好多對夫妻的狀況
其實每一個人都係獨立

可能是我跟她步伐不一致吧, 她看破紅塵不再需要昔日那種浪漫, 而我還停留在需要那種情感滋潤和「被重視被需要」的感覺; 另一方面, 當初雖然大家係心甘情願去放棄自由去共同建立一個家, 但為人父母之後要面對的那種始料不及挑戰和壓力, 兩個人的適應及調整速度也未必一致, 她年紀不算輕, 但至今還有點「未玩夠」的感覺...

算了吧, 有時我甚至不理解為何她對我的態度好像特別惡劣... 我有朋友曾經講過, 「當你替她消滅了所有敵人, 你就成了她最大的敵人」, 意思是當我令她的生活再沒有其他憂慮, 剩下來唯還有能力和責任去管她﹑妨礙她任性地做自己喜歡的事... 就只有我一人。有時自己一廂情願以為自己對她來說理應很重要, 卻因此成為了最煩最乞憎人的一個...
私人傳訊

eggpudding


子爵府

積分: 14327


8#
發表於 16-2-14 01:09 |只看該作者

引用：Quote:eggpudding 發表於 16-2-14 00:14 我

原帖由 codeblue 於 16-02-14 發表
本帖最後由 codeblue 於 16-2-14 01:05 編輯
我同我ex之間好似有你講果種問題
我大致上係定落黎，好穩定平淡的人
我唔需要過多的激情
我一個人又得，兩個人一齊更好
心態上唔再追求咩戀愛感覺，新鮮感
呢一種唔係看破紅塵
係一段關係穩定變得太安心
亦代表你俾到安全感佢
從我的角度
男人對戀愛，激情，初戀甜蜜感覺有過多幻想
一份感情，經營左十多年
無論點去翻新都唔及你識個新人果種曖昧激情
但換個新人後再循環多次
你覺得成份感情到頭來係咪一樣
呢個係我的睇法
我唔知一份感情點樣年年月月都可以咁濃咁烈咁甜
你自問係咪想要拍拖感覺
未經本人同意,請勿轉載內容!
私人傳訊

pppw


大宅

積分: 2787


9#
發表於 16-2-14 01:19 |只看該作者
聽落似乎樓主太太把樓主當成家人了XD
而樓主對太太和這個家還有情感
別的不說，目前這種平淡已夠不少人羨慕，包括我 (喂
唔駛憂柴憂米喎 (喂呀

我拍拖時都試過在感情中出現倦怠，將一切變成老馮
情願自己一個去行街睇戲都唔想一齊去
即使同當時的男友有共同話題及興趣，最後當然是分開了

個人認為兩個人相處，要把一段關係昇華前，必須要一同進步
有互相欣賞的心態，仲要有交流先得 ...指的是思想，價值觀，對事物的看法
這樣無論是愛情、親情、友情才能細水長流
私人傳訊

codeblue


大宅

積分: 3110


10#
發表於 16-2-14 01:20 |只看該作者
本帖最後由 codeblue 於 16-2-14 01:27 編輯
IamDirector 發表於 16-2-14 00:55
正常一段婚姻，經歷多年既洗禮，都會由激情轉為平淡。你為屋企/太太所要排既一切，係你角度可能很美好，但 ...

多謝意見, 我都明白, 其實我潛意識可能係有少少大男人, 覺得兒女仲細, 我已經把本來作為全識媽媽的工作一一分擔, 目的本來就係想佢能陪我多一點, 然而她卻另作選擇, 我心酸之餘又覺得如此一來她沒盡媽媽的責任... 可能係我內心唔抵得佢可以拋開一切自己去 happy, 而我自己假如不能同老婆二人世界, 就覺得應該留多點時間陪仔女相處吧@@
私人傳訊

bobobaby1125


別墅

積分: 769


11#
發表於 16-2-14 01:26 |只看該作者

引用：我跟 c9 之間沒有第三者, 只是一段感情從拍

原帖由 codeblue 於 16-02-14 發表
我跟 c9 之間沒有第三者, 只是一段感情從拍拖發展到結左婚生埋仔, 好像一切就此平淡下來, 每天就是應付著子 ...
相信你會係個好爸爸好丈夫……曾經我都同你心態一樣，天真的認為付出佐真心就會有美满的婚姻，但當對方不再欣賞你時，原来你做什麽都無用，試下轉移視線，自己會活得開心d……
私人傳訊

RAY媽


伯爵府

積分: 19342

2024年龍年勳章


12#
發表於 16-2-14 01:27 |只看該作者

引用：Quote:eggpudding 發表於 16-2-14 00:14 我

原帖由 codeblue 於 16-02-14 發表
本帖最後由 codeblue 於 16-2-14 01:05 編輯
溝通一下，問問她想要什麼。
如果她想要自由，便給她自由吧。
如果她想要你，那就告訴她你想要什麼。

婚姻內可以有秘密，但我覺得對於感覺溝通必須坦誠。佢對你態度不良且自己並不察覺，很難走下去的。
私人傳訊

codeblue


大宅

積分: 3110


13#
發表於 16-2-14 02:02 |只看該作者
回覆 RAY媽 的帖子

其實我也不是天真到想有戀愛時的激情, 不過我認為一個家的核心源於夫妻間的愛, 兩個陌生人能夠擠在一起生活化磨擦為感情的必要條件, 兒女也需要在父母關係良好的環境才容易健康成長, 所以最起碼大家能夠久唔久為大家長遠關係主動做點功夫, 即使已昇華成為家人, 有心的話相信也可以含蓄地表現出來...
讓她自由當然冇問題, 就是擔心感情一年比一年淡...
私人傳訊

IamDirector


侯爵府

積分: 23824

虎到金來勳章 親子王國15週年勳章


14#
發表於 16-2-14 02:06 |只看該作者
codeblue 發表於 16-2-14 01:01
可能是我跟她步伐不一致吧, 她看破紅塵不再需要昔日那種浪漫, 而我還停留在需要那種情感滋潤和「被重視被 ...

似乎你太太未玩夠，而你就好似爸爸般去「鵝」佢管佢，令佢對你越來越反感。性格呢樣野真係冇得改，唯有等佢修心養性，而你唔好想太多，除了家庭子女，都可以搵下自己既興趣，or做下義工幫下人
私人傳訊

bedwinfi


大宅

積分: 3918


15#
發表於 16-2-14 04:51 |只看該作者
婚姻愛情都要雙方付出及互相維繫,當只有一方付出而另一方只接受,便成了家長子女,不平等又無私的愛通常按受那個都不會feel到
你可賞試發掘她的興趣,並讓她承擔足夠的責任,間中有意無意擾亂佢既節奏,給點小挑戰. 舉例,如果她喜歡攝影的,可以一起參加比賽;故意弄破她心愛的鏡頭,其實已買了個更好的,等等
私人傳訊

siujanjan


珍珠宮

積分: 30211

BK Milk勳章


16#
發表於 16-2-14 08:07 |只看該作者

引用：回覆 RAY媽 的帖子其實我也不是天真到想有

原帖由 codeblue 於 16-02-14 發表
回覆 RAY媽 的帖子

其實我也不是天真到想有戀愛時的激情, 不過我認為一個家的核心源於夫妻間的愛, 兩個陌 ...
我哋唔應該要求對方改變，亦唔好太過以對方為中心，要有自己嘅生活，朋友，興趣。平時你哋相處點？唔拖手唔kiss？
私人傳訊

soso1227


珍珠宮

積分: 37293

醒目開學勳章 畀面勳章


17#
發表於 16-2-14 12:28 |只看該作者
可能你老婆嘅家庭教育係咁，
你外父外母係咪咁相處？
如果你兩個年紀相差得遠或佢係大陸人，
你就不要投訴了。
私人傳訊

子皓媽媽


男爵府

積分: 9374


18#
發表於 16-2-14 13:01 |只看該作者

回覆：是我中年危機胡思亂想, 還是該接受「婚姻就是如此」?

婚姻本黎就係咁樣，由原黎既愛情變佐親情，在乎既再唔係浪漫而係柴米油鹽
私人傳訊

yeunghung


侯爵府

積分: 22780


19#
發表於 16-2-14 14:19 |只看該作者
愛一個人並不是整天在她身邊轉, 有時要俾私人空間佢. 愛她亦要自愛, 培養一些自己的興趣, 有時享受吓自己一個的自由, 才會曉得一起的快樂.
私人傳訊

mimi88


公爵府

積分: 28058

好媽媽勳章


20#
發表於 16-2-14 14:22 |只看該作者
樓主, 不好意思, 你話你係全職爸爸, 意即靠你太太賺錢養家?(絕無冒犯意思)
會不會因為這個原因你自卑感作祟? 你想太多???
老實講, 我身邊都有朋友佢老公係全職爸爸, 太太係高級護士長, 收入高, 夫妻商量後, 決定爸爸在家做奶爸, 如今2個仔女都成十歲八歲了, 相方都好享受呢種方式呢....
網上世界咩人都有 ，謝絕介紹買賣 ，謝絕代購！
私人傳訊


首頁
123

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見