吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 國家地區媽媽會› 移民的決擇

國家地區媽媽會今日: 0|主題: 20235

收藏本版

發帖

返回列表

跳至頁

查看: 5292 | 回覆: 25

[澳洲] 移民的決擇 [複製鏈接]

codeblue

大宅

積分: 3110

1^#

發表於 16-5-8 18:09 |只看該作者 |倒序瀏覽 |打印

有關移民的決擇，可能已經有好多人問過，但還是希望拿多一點意見～

我先整理一下印象之中多數人移澳的主要原因，如有錯漏請指正：

- 子女教育學習較輕鬆﹑父母同子女都較愉快﹑強英語﹑學習模式同多元文化令眼界思考較闊，費用亦較留港讀國際學校為低，下一代較易建立多元的朋友圈
- 空間大，空氣食物質素較好，工時短，生活節奏較慢，親子有充份時間相處，有更多閒暇享受生活
- 基本食住開支比香港稍低，社會福利和保障較高（雖不保證將來不變），貧富生活差距相對窄

凡事都有 give and take，有些代價也是想象得到的：

- 子女中文水平弱，如以中港為日後發展地，可能較輸蝕？會不會因為習慣了安逸競爭少的環境，將來萬一發生重大轉變可能較難 survive?
- 生活很多事情都需要重新學習，家中很多瑣事也得親力親為，買野不如香港方便，須多駕駛，由於海外運費貴，多數基本物資也比香港貴
- 新移民難找工作，而且非本土背景亦較難爭取較高職位，稅率高但收入低，較難有重大的事業突破
- 放低了香港的人脈，尢其是無人無物的新移民需要重新建立社交圈，舊朋友尚可以網上維繫，但父母年老需要實在的照顧，畢業有一度難過的心理關口實。而且文化不同下半生也很難真正融入外國人的生活。下一代雖較易適應，但種族間或多或少的歧視和排他心態依然存在，結果多數還是華人或其他黃種朋友較多，有朋友甚至想到：女兒的話將來選擇還多，但兒子的話作為華人將來尋找伴侶就會相對較難～

好想問下已經移澳的朋友, 當初決定拋低一切去移民希望得到的, 移民後的生活都過得快樂嗎？一切跟你原先想像的相差有多遠呢？感覺不斷有人想移民，也有人打算回流，咁其實甚麼人才適合移民呢？我知道每個人的價值觀也不同，其實如何決擇也只能靠自己，但畢竟移民對一個家來說算是重大決定，而這一切好處壞處目前只流於自己的想象，實在不希望有一天會後悔，希望能聽多一點過來人的意見，萬分感謝～

0 0 0

私人傳訊

candyaust

大宅

積分: 4895

2^#

發表於 16-5-9 05:52 |只看該作者

回覆：移民的決擇

我情況同你唔同，我係澳洲讀完書直接留低，但就你以上所提出，個人覺得：
基本物資：並冇比香港貴，遇上哩邊減價的話，日常用品其實好平（床單、衣服、食物、家用電器等），但如你本身偏愛日本食品用品就另當別論（因為哩邊會貴/ 根本冇）。
子女日後婚姻：其實佢地仲細，佢地同學都係外國人居多，佢地嘅選擇好多，就算未必係同西人拍拖結婚，亦可能會係其他華裔男女。

私人傳訊

goosema

翡翠宮

積分: 92484

畀面勳章 BK猜猜猜慶中秋 BK Milk勳章

3^#

發表於 16-5-9 09:52 |只看該作者

我黎左5年，其實融唔融入到好睇自己，如果你黎到樣樣都要同香港比，咁一定會難適應。

搵工就真係睇運，如果唔係要做返老本行，唔介意辛苦d就一定有工返。

生活上嘅野其實同香港差不多，出街食飯係貴嘅，同埋買野係無香港咁多元化。但係習慣左就ok，我一星期會有1-2餐係出街食，其他響屋企食，會經濟好多。

中文的話，我大女（5歲半）講到嘅，我覺得佢講得唔差，遲d會比佢學中文字。中文英文同樣重要，所以我會比佢去學，但首先係佢唔好抗拒。

點評

ptm

發表於 16-5-12 14:22

bosch

發表於 16-5-12 06:51

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

goosema

翡翠宮

積分: 92484

畀面勳章 BK猜猜猜慶中秋 BK Milk勳章

4^#

發表於 16-5-9 09:55 |只看該作者

暫時我覺得同其他人相處ok嘅，我女間學校d同學都好好，打成一片。可能我住呢區比較少華人，阿女又好動，所以ok

結婚方面唔到我地諗，只要佢唔係嫁錯朗我就ok

點評

ptm

發表於 16-5-12 14:22

bosch

發表於 16-5-12 06:51

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊

Lower_Primary

子爵府

積分: 14312

親子王國15週年勳章

5^#

發表於 16-5-9 10:21 |只看該作者

本帖最後由 Lower_Primary 於 16-5-12 15:15 編輯

.

私人傳訊

puiyi

大宅

積分: 1487

6^#

發表於 16-5-11 09:56 |只看該作者

請問有無小朋友讀中學先黎移民去澳洲，他們能適應嗎？
請分享。

曉昕都可解作晨曦, 希望曉昕的人生像聖經說:「但義人的路好像黎明的光, 越照越明, 直到日午。」
巧楠的英名係 Hannah ( 哈拿 ) -- Sammuel 的 mother (一個向主傾心吐意的女人.)

私人傳訊

codeblue

大宅

積分: 3110

7^#

發表於 16-5-12 14:03 |只看該作者

candyaust 發表於 16-5-9 05:52
我情況同你唔同，我係澳洲讀完書直接留低，但就你以上所提出，個人覺得：
基本物資：並冇比香港貴，遇上哩 ...

其實我冇具體比較每一樣野, 但係從地理位置考量, 因為香港背靠中國, 亦就近其他較落後國家, 再加上免稅, 可以低成本 access 到好多物資, 香港租貴, 你去門市買野可能差唔多, 不過今時今日好多衣物﹑五金﹑建材﹑工具﹑簡單電子... 等等但凡本來就係國內生產的, 基本上都會從國內直接淘返來; 相反澳洲入口運費貴, 生產成本又較高, 我唔知係咪真係可以比較~

私人傳訊

codeblue

大宅

積分: 3110

8^#

發表於 16-5-12 14:08 |只看該作者

goosema 發表於 16-5-9 09:52
我黎左5年，其實融唔融入到好睇自己，如果你黎到樣樣都要同香港比，咁一定會難適應。

搵工就真係睇運，如 ...

冇辨法, 如果已經移民當然既來之則安之, 但考慮移民時最好對所有「取捨」都有定心理準備, 因為帶著小朋友, 一旦過左去讀書就幾難回頭~~

私人傳訊

airforce1

大宅

積分: 1586

9^#

發表於 16-5-12 19:10 |只看該作者

codeblue 發表於 16-5-12 14:08
冇辨法, 如果已經移民當然既來之則安之, 但考慮移民時最好對所有「取捨」都有定心理準備, 因為帶著小朋友, ...

完全同意，小朋友超鐘意呢度，冇得返轉頭

私人傳訊

codeblue

大宅

積分: 3110

10^#

發表於 16-5-12 19:25 |只看該作者

回覆 airforce1 的帖子

坦白講，目前對我黎講移民的最大考慮係自己的老爸老媽，我的兄弟早已在外國工作，如果我一家走埋就只剩低兩老在香港，父親行動不方便，要他們一起過來澳洲探我們不是太可能的～
其實大家當初選擇移民，究竟如何能忍心留下他們呢？

私人傳訊

codeblue

大宅

積分: 3110

11^#

發表於 16-5-12 23:20 |只看該作者

本帖最後由 codeblue 於 16-5-12 23:23 編輯

雖然不知為何要把回覆刪掉, 但我反正已經回了...

- 子女教育學習較輕鬆﹑父母同子女都較愉快﹑強英語﹑學習模式同多元文化令眼界思考較闊，費用亦較留港讀國際學校為低，下一代較易建立多元的朋友圈＝＝＝香港（華人、黑頭髮）畢竟追求成績，補習，繼而考精英學校比比皆是，看個人取向

>> 這也是, 但至少真的選擇完全不作競爭也不至於被迫入讀最差的學校, 而且要完成學位也相對容易吧?

- 子女中文水平弱，如以中港為日後發展地，可能較輸蝕？會不會因為習慣了安逸競爭少的環境，將來萬一發生重大轉變可能較難 survive?＝＝＝咁移民為乜？

>> 我跟太太基本上已經退下來, 不再為事業打拼, 但子女將來選哪裡發展還是他們的自由, 因為不知他們的取向, 所以不肯定讓他們在澳成長是不是真的比較好~

- 放低了香港的人脈，尢其是無人無物的新移民需要重新建立社交圈，舊朋友尚可以網上維繫，但父母年老需要實在的照顧，畢業有一度難過的心理關口實。而且文化不同下半生也很難真正融入外國人的生活。下一代雖較易適應，但種族間或多或少的歧視和排他心態依然存在，結果多數還是華人或其他黃種朋友較多，有朋友甚至想到：女兒的話將來選擇還多我，但兒子的話作為華人將來尋找伴侶就會相對較難～＝＝＝呢樣預咗，雖然佢地都係講英文，但好多話題比較接近。舉個例，華人家教比較嚴，韓國人、印度人都係，細時話題多數圍繞家庭，一定講阿媽唔準乜唔準物，呢啲變得大家有共鳴。你想將來啲兒媳係西人？

>> 也不是特別想他們跟西人通婚, 只是怕選擇太少, 難找合適對象~

- 好想問下已經移澳的朋友, 當初決定拋低一切去移民希望得到的, 移民後的生活都過得快樂嗎？一切跟你原先想像的相差有多遠呢？感覺不斷有人想移民，也有人打算回流，咁其實甚麼人才適合移民呢？我知道每個人的價值觀也不同，其實如何決擇也只能靠自己，但畢竟移民對一個家來說算是重大決定，而這一切好處壞處目前只流於自己的想象，實在不希望有一天會後悔，希望能聽多一點過來人的意見，萬分感謝～＝＝＝我初時一兩年唔多開心㗎，但現在認識多咗朋友，已經接受了

>> 主要因為乜野而唔開心呢? 就係因為冇朋友? 介意講講移民幾多年嗎?

私人傳訊

serinawong

別墅

積分: 872

12^#

發表於 16-5-13 08:49 |只看該作者

引用：+本帖最後由+codeblue+於+16-5-12+23:23+編

原帖由 codeblue 於 16-05-12 發表
本帖最後由 codeblue 於 16-5-12 23:23 編輯

雖然不知為何要把回覆刪掉, 但我反正已經回了...

不如樓主講下自己背景先，会容易俾到意見你，例如约咩年龄，仔女幾大，用咩visa去，有冇住過係澳洲或其他國家，最擔心係咩等等

其實移民好處同壞處都聽唔少，冇話一定好同吾好，要睇太太，老公，甚至仔女佢地有冇心理準備，有冇支持，好似錢，親人等，好多時最唔適應係大人。移民好多時為仔女，但唔係唯一出路，當中要付出其实唔少。

私人傳訊

mrschui

大宅

積分: 2561

13^#

發表於 16-5-13 10:56 |只看該作者

其實你所講嘅大部分都唔係大問題除左以下兩個

1）工作，搵唔搵到工或者份工同以前差幾多係非常影響到你移民後開唔開心，扮到份ok嘅工，有社交有經濟能力，其實其他嘢好快習慣（我自己除左澳洲亦住過另一國家，做工後係好好多。我爸爸泥到做唔返本行，其實消沈咗好耐）

2）父母，呢個真係要睇你自己安排，或者遲啲試下申請long stay visa泥住下

私人傳訊

codeblue

大宅

積分: 3110

14^#

發表於 16-5-13 15:16 |只看該作者

serinawong 發表於 16-5-13 08:49
不如樓主講下自己背景先，会容易俾到意見你，例如约咩年龄，仔女幾大，用咩visa去，有冇住過係澳洲或其他國 ...

是咁的, 本來自己對移民的取態是一半一半, 亦不著急, 如果能等父母百年歸老先走會安心好多, 早幾年試過 target 189 但不成功, 因為考左一次 IELTS writing 只得 6.5 唔夠分, 之後年紀再大一格要考 8 分更加唔駛諗, 乾脆打算將來真係想移民先做 188A/B/C, 成件事本來就此閣置, 但最近卻得到一個拿 186 的機會, 可以直接拿 PR 並省下投資的金錢, 才重新又再考慮這個問題...
少少背景, 自己 70 後, 子女才剛讀幼稚園, 香港土生土長冇在外留學或工作經驗, 留港或移民都可以不用工作生活也不成問題, 所以移民的主要考慮還是父母的照顧與子女的教育安排問題~

私人傳訊