樓主, 我達成左啦~ 不過~~
你要預左:
1. 可能你會覺得悶, 要自我調適下(我覺得ok啊~但人人不同麻),
2.要預左你老公間唔時就會發下神經搵你黎出氣, 因為佢係經濟支柱麻, 總會覺得好大壓力,
3.要預左做晒所有家務, 你老公愛你同縱你鍚你既, 就可能有時唔洗煮飯, 不過少少說話在所難免,
4.仲有身邊既人(例如6299)會覺得你冇返工, 一定好得閒, 於是事無大小, 即使搵個電話no.都要打電話比你, 叫你即時去佢度報到, 幫佢搵其他人的電話no. 一句講晒, 你得閒丫麻!!
5. 仲有6299一定多說話, 話你唔返工搵錢, 做死佢個仔, 又覺得佢個仔養緊你, 所以你應份要服侍返佢地~
6. 想買d唔等洗野, 就要先問過老公, 除非你老公每個月比一定的零用錢你花, 唔係就想買野都難!! (再唔係好易嘈交)
我唔鐘意返工, 又好彩有個鍚我縱我保護我既老公, 所以以上好多野雖然曾經經歷過, 不過最後大部份都可以免役, 所以我覺得好舒服開心~
如果要你經歷以上既事黎換取唔洗返工, 又點睇呢?
(ps, 唔係晒命, 只係想話, 返唔返工都有難處, 各不相同, 睇下自己如何取捨姐~)
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!