吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我的恐怖陪月-影姐，現改名為麗姐；佢全名馮x影 ...

懷孕前後今日: 0|主題: 329759

收藏本版

發帖

返回列表

跳至頁

查看: 43847 | 回覆: 104

我的恐怖陪月-影姐，現改名為麗姐；佢全名馮x影

[複製鏈接]

12 3 4 5...6

ka302wing

大宅

積分: 3172

BK Milk勳章

1^#

發表於 17-1-9 23:43 |只看該作者 |倒序瀏覽 |打印

本帖最後由 ka302wing 於 17-1-14 09:39 編輯

大家好，我諗咗好耐究竟出唔出呢個post好呢？但為免再有人墮陷阱，所以我決定post 出嚟。
話說喺上年年頭我有咗，跟住我喺呢到搵咗一個陪月佢叫影姐約60歲，初初interview覺得佢講野好正常，覺得佢真係乜都識，覺得佢好好，咁我就即刻請咗佢，我一而再再而三同佢講我產期，叫佢唔好再接其他媽媽，佢話佢識做。佢收我一個月萬九蚊，跟住要畀定六千蚊訂，咁我就第日過咗數畀佢啦。
好啦到10月尾，11月頭我同佢講我有機會早產，佢話點解會？我話因為我係第二胎第二胎通常會早啲㗎嘛！跟住佢話醫生有冇話我會早呀？我話冇，佢話咁咪係囉！之後11月中佢拎d野過我到，我再提多次我會早產，佢又話我肚高，邊會！
到我12月頭醫生話我有糖尿所以要催生，佢先話俾我聽原來佢有個job接咗，可能提早唔到黎我到，我當堂嬲咗！佢話佢幫我搵個人頂佢，好啦到到我催生嗰日啦，佢講到好似係我錯咁樣話我早生咗，之後又話佢個僱主發燒，講到好似5想黎……到最後我出院後佢都有黎。但返咗一日，第二日拎咗半日假……
我晏少少打埋之後嘅內容仲恐怖！貪心，黑心，認叻，裝神弄鬼等，佢做d野一日比一日刺激！

0 0 0

私人傳訊

Sneezy1002

複式洋房

積分: 230

2^#

發表於 17-1-10 03:44 |只看該作者

ka302wing 發表於 17-1-9 23:43
大家好，我諗咗好耐究竟出唔出呢個post好呢？但為免再有人墮陷阱，所以我決定post 出嚟。
話說喺上年年頭 ...

擔凳仔，霸頭位

私人傳訊

ka302wing

大宅

積分: 3172

BK Milk勳章

3^#

發表於 17-1-10 04:28 |只看該作者

回覆樓主：

本帖最後由 ka302wing 於 17-1-10 07:43 編輯

好喇我之前講到個陪月話我催生好似係我錯咁，咁我出院嗰日我都同佢whatsapp咗咁我問佢係咪嚟，佢答我係，之後仲話佢一開工我要畀8000蚊佢，佢話呢個係規矩，我話ok！但係到咗夜晚十點九佢send咗段message過嚟，內容如下：靓女，早上天氣比較凉，要小心以免凍親吖？唔好像我剛剛提早6天终止時凍親吖，她攪到好麻煩！又發燒，又頭暈，又嘔吐啦！總知比她激死了！她今天終於要入浸會醫院先得囉！我现在都唔知点做好？靓女妳這邊我無可能唔到嗎！现在我希望靓女妳自己小心以免凍親至好吖！
我睇完之後個心當堂勁驚佢5黎，但因為太夜又費事打畀佢。咁好啦第二朝佢就真係有到，一入嚟已經同我講第二日要提早走，佢話因為之前個太太病得好犀利，佢要過去幫佢整d野，佢話聽日唔計返工，後日先計返佢。跟住佢話買餸錢就日日要畀佢，我都話ok, 跟住佢就係咁拎張佢手寫嘅單出嚟，問我拎番錢。咁我望完之後都嚇親要成500蚊以上…… 咁我都覺得正常嘅，佢又買咗石唇魚又買咗隻鮮雞，咁好啦我就冇再check過佢啲數就照畀佢。佢第一日返工係絕對正常，但除咗幫我仔沖涼時換片之外其餘時間都係我自己或我媽幫呀仔換，佢幫BB沖涼勁粗魯…… 第一日完，咁我身上面冇8000蚊就同佢講後日畀佢啦，佢話ok。
好啦咁到第二日返工啦，佢又係咁講呀太唔舒服咁佢又話佢早走真係覺得好唔好意思，咁我都覺得冇所謂，佢整曬嘢，問我拎完d買餸錢$500以上，之後佢又走咗喇。到第三日，佢返工，頭嗰幾粒鐘佢都冇乜嘢咁，好啦之後我啲屋企人全部出曬街，得我同佢，佢就嚟同我傾計，無端端話我個女黑父母，因為我個女額高，佢話佢孫女都係額高黑住佢老逗，又話佢女婿因為佢個孫女嘅關係，差啲死，佢話佢幫佢個孫女拜完神之後佢個女婿就冇事啦！佢講到似氣層層咁，但我同佢講，我有個friend幫我個女改名，話佢好聰明，話佢好孝順從來冇講過佢剋父母，而且我師兄喺屯門古廟嗰度做，冇可能呃我！

私人傳訊

ka302wing

大宅

積分: 3172

BK Milk勳章

4^#

發表於 17-1-10 04:45 |只看該作者

回覆樓主:

好啦之後呢佢又冇端端隔咗一陣又講啦，話其實我咁遠佢都好唔想黎，佢住屯門，搭車要成兩粒鐘過到黎，不過佢見我咁慘所以就過嚟幫我囉！好啦跟住又話一入到我間屋覺得個頭好痛呀好唔舒服周身唔聚財，跟住佢話尤其是行入我間房，佢話佢個頭痛到不得了，跟住佢走入我間房，我間房有塊鏡，因為對住bb床頭咁我就用塊布遮住咗塊鏡，跟住佢就話啦，我奶奶係塊鏡裏面，佢話佢想摸bb，所以bb前晚半夜係咁扭計。又話我奶奶走得好急，好突然，又話我哋唔拜佢搞到我奶奶冇衫著…… 總之佢又講到似氣層層，搞到我半信半疑，因為我屋企好少拜我奶奶…… 之後佢話我十二朝要倒碗薑醋解喺塊鏡前面，比我奶奶食先，又叫我夜晚開盞長明燈帶我個仔床頭，之後到我個仔滿月我要跪喺塊鏡前面倒杯茶比我奶奶飲。好啦佢講完我奶奶同塊鏡之後佢行出咗我房門，佢企咗喺我62房門口，今次玩畀鬼上身，跟住佢話我62間房好污糟好多嘢，叫我，我女，我仔同我老公最好唔好入我62房…… 跟住佢行左出廳，我廳到有啲觀音像同佛像等，咁佢幫我執好啲觀音像同佛像，佢一路執一路我同我講話個觀音同佢講話佢自己開咗光，佢又叫觀音好好照顧我全家。好啦執完之後佢又坐咗喺梳化到同我傾計，佢話我62 係佢69歲嗰年有過關要過，跟住又話我姑仔會死於非命，又話我31歲嗰年又有關要過…… 之後佢話我要拜神…… 好喇，我都5知點解當時我有d嚇，我居然有一下信咗……之後我屋企人返黎，佢就冇再係佢地面前講，我提佢，千祈唔好喺我媽面前講，我阿媽怕鬼神之說！跟住佢話ok。
第三日完。

私人傳訊

ka302wing

大宅

積分: 3172

BK Milk勳章

5^#

發表於 17-1-10 08:59 |只看該作者

回覆樓主：

本帖最後由 ka302wing 於 17-1-10 09:03 編輯

本帖最後由 ka302wing 於 17-1-10 09:03 編輯

補充下先，當第三日佢走之後我打比我師兄，同佢講呀影姐話我99困咗係塊鏡到，我師兄立刻粗口！我師兄話究竟佢做陪月定係做神婆？佢咁勁咁使乜做陪月姐？話佢變態，我師兄話坐月婆同新生嬰兒嘅地方神鬼要迴避，仲要講我99困喺塊鏡裏面簡直係白痴！師兄話佢心地唔好，想害到坐月婆有抑鬱！好啦同我師兄傾完我個心都定啲，我師兄教我喺bb床頭仔放米袋可以幫bb定啲，嗰晚我照做，bb的確好訓咗。
到第四日，佢一嚟到問我有冇開盞長命燈放喺bb床頭？我答佢有當然有啦，跟住佢就話係唔係呀我都話咁樣bb會瞓得好啲㗎啦，跟住佢再講都話夜晚你99 想出嚟摸你個bb，先搞到你冇覺好瞓！跟住佢即刻攞到付出嚟攝咗喺我個仔嘅枕頭下邊，話咁樣可以鎮住d鬼。跟住佢問我老公知唔知我99困咗係塊鏡入面，我話我冇講呀，我老公信基督教，佢都唔拜神！跟住佢叫我唔好話畀老公聽。佢話佢好驚我老公！好啦之後我即刻叫我老公將道付拎走，我再打畀我師兄同我師兄佢畀咗道付我，我師兄叫我將道付放係郵筒內，當晚我即刻叫我阿媽去做。之後佢成日都入我間房問我老公有冇發現道付？我答佢話唔知我冇特登同我老公講。跟住佢話叫我同我老公信佛，我同佢講我老公嘅信仰我冇辦法去阻止佢，我同我老公係互相尊重！跟住佢無嘢好講，又攞返佢本買餸簿問我拎番買餸錢，我乜咁貴㗎，又500蚊以上，佢話貴埋今日聽日就會平啲！好啦我信佢啦，之後我出去，佢即刻同我阿媽講話我斤斤計較佢啲錢，跟住我阿媽話我老公好好，佢就話啦佢覺得我老公一啲都唔好，下下同佢計錢，又話去買餸貴，講完之後叫我阿媽唔好話我哋，跟住我阿媽每次行親入我房之後再出返去，佢都會問係唔係話過我哋？我阿媽話冇，佢就扮好人咁叫我阿媽唔好話我哋。跟住我阿媽同我講話佢好鍾意喺度挑撥離間，同埋好鍾意明明我哋叫佢唔好講出嚟佢有專登講出嚟啲嘢！

私人傳訊

ka302wing

大宅

積分: 3172

BK Milk勳章

6^#

發表於 17-1-10 09:02 |只看該作者

回覆樓主：

本帖最後由 ka302wing 於 17-1-10 09:06 編輯

例如佢明知我阿媽驚鬼神之說，佢仲要一入到嚟專登同我阿媽講話佢一入到我間屋佢就頭痛唔舒服，之後我媽同我講返我就勁嬲，咁我哋唯有將計就計扮乜都唔知，佢仲成日同我阿媽講叫我阿媽幫我坐月都得啦洗乜佢啫。好啦我媽就唔識點樣應對佢因為我阿媽都唔係好識坐月，只好靠佢…… 第四日完

私人傳訊

Msolivialeung

子爵府

積分: 14959

7^#

發表於 17-1-10 09:35 |只看該作者

ka302wing 發表於 17-1-10 09:02
例如佢明知我阿媽驚鬼神之說，佢仲要一入到嚟專登同我阿媽講話佢一入到我間屋佢就頭痛唔舒服，之後我媽同 ...

下，古靈精怪！
鏡對住床唔好我都有聽過！米袋我媽都有教我！
題外話，呢啲唔過夜既陪月幾好做喎！
成萬九一個月！
請問係咪煮埋飯煲湯？work hour實際上係幾點至幾點？

私人傳訊

miumiu1013

大宅

積分: 1558

8^#

發表於 17-1-10 09:40 |只看該作者

回覆 ka302wing 的帖子

追...

BTW, 你咁忍得ge? 俾我佢一講啲乜鬼神神怪怪我就踢佢走; and, 陪月真係要開頭俾晒全數? 咁唔滿意點算?

私人傳訊

Christy924

複式洋房

積分: 188

9^#

發表於 17-1-10 12:49 |只看該作者

ka302wing 發表於 17-1-10 09:02
例如佢明知我阿媽驚鬼神之說，佢仲要一入到嚟專登同我阿媽講話佢一入到我間屋佢就頭痛唔舒服，之後我媽同 ...

要我俾萬九請佢講鬼故我會即炒佢，係咁無事生非，坐緊月已經好攰，仲要防埋佢。樓主你真係辛苦。

私人傳訊

JlIl

男爵府

積分: 5952

MommyPanel勳章 2018復活節勳章開心吸收勳章親子王國15週年勳章

10^#

發表於 17-1-10 13:11 |只看該作者

我睇到佢開始話bb高額剋父母
又話奶奶乜果度已經skip哂無睇
一句：炒咗佢
佢博你炒佢攞錢/唔洗賠
佢根本就唔想做（又話屯門住得遠...
講完
唔好再聽佢老點.老吹

私人傳訊

ka302wing

大宅

積分: 3172

BK Milk勳章

11^#

發表於 17-1-10 14:01 |只看該作者

JlIl 發表於 17-1-10 13:11
我睇到佢開始話bb高額剋父母
又話奶奶乜果度已經skip哂無睇
一句：炒咗佢

我係第九日已怒炒佢

點評

miumiu1013

發表於 17-1-10 17:48

私人傳訊

jeanne1120

子爵府

積分: 11135

12^#

發表於 17-1-10 14:10 |只看該作者

簡直癡線，而家佢黎做陪月定神婆？！
陪月係要減輕媽媽的負擔，佢就掉返轉!
我個人勁憎啲人講神怪嘢，一律唔信!
我覺得唔使想咁多，即炒。

同埋買送錢一日$500，係幾多餐幾多人食？我都用緊陪月，一日兩餐，午餐和晚飯每餐2-3人食，平均每日百幾蚊而已!

私人傳訊

hoiching0516

男爵府

積分: 7561

陪月勳章

13^#

發表於 17-1-10 17:04 |只看該作者

1. 最怕o的陪月拉事拉非, 口不擇言, 其實做陪月應該好多野做好忙, 佢咁得閒講廢話應該一早炒Q左佢

2. 樓主又係要俾成$6k做deposit, 其實有冇需要俾咁多? 我o個個都係要我俾$6K做deposit又話係行規囉

3. 講真佢見工時都知你住邊, 嫌遠就唔好接啦

4. 我覺得佢應該係唔鍾意你媽o係度, 始終多個人o係度佢會覺得俾人監視住咁, 其實好多野佢驚俾人知佢打斧頭 / 帶走材料

私人傳訊