本帖最後由 LL1999 於 17-6-19 22:55 編輯
可以從另一方面認識下小妹妹個爸爸, 其實人品如何
Celine爸爸憑女貴？ 家燕姐：此人居心叵測
家燕姐：食碗面反碗底
有「小巨肺」之稱的Celine譚芷昀近日因《全美一叮》（America‘s Got Talent）的比賽片段一鳴驚人，而親手訓練Celine的爸爸譚順生博士亦成為焦點，因為有意見指他「父憑女貴」，借女兒催谷自己人氣，更批評譚順生視女兒為搖錢樹。曾與譚順生合作的娛樂圈前輩薛家燕直斥，「食碗面反碗底」，又指此人居心叵測，合作時要相當小心。
Celine爸爸譚順生，因為Celine的關係，不時出席不同場合，與多位巨星合照。連候任特首林鄭都有份。
最近爆紅的Celine妹妹原來曾是「家燕媽媽藝術中心」的學生，對於近日Celine妹妹聲名大噪，家燕姐接受《香港01》電話訪問時表示：「Celine佢真係一個好有天份好有潛質嘅一個小妹妹，但係講起佢爸爸（譚順生）就真係有點兒那個，真係食碗面反碗底。當年佢爸爸有同我講，話想喺『家燕媽媽藝術中心』入面教小朋友唱歌，我見佢認識音樂又有熱誠，我就請咗佢。但後來我覺得好奇怪，點解我啲學生唔喺學校上堂，而係逐個逐個上佢（譚順生）教室同佢單對單上堂。後來啲學生家長走番轉頭同我講，話去咗譚順生度上堂，話譚順生sell佢哋單獨授課，收咗一萬蚊學費，成個課程都未完成，就要佢哋交下期學費。」
講到譚順生「搶客」，家燕姐失望地表示:「我知道呢件事之後，我真係好失望，我哋都有我哋嘅行規，你喺人哋學校做導師，唔可以就咁搶咗人哋嘅學生，要同人哋講聲，我覺得咁做好無道義。」家燕姐又慨嘆：「你要向上爬唔緊要，但係唔可以咁工心計。」
「當初Celine參加內地選秀節目都係由我搭路」
家燕姐又提到：「最初Celine報讀戲劇班，因為佢爸爸好想個女加入TVB，而我見佢好有潛質，就介紹佢去TVB一個母親節節目，咁就上咗鏡喇。」
至於Celine能夠參加內地節目《中國新聲代》並且奪冠，原來全靠家燕姐幫忙，家燕姐憶述：「當初Celine參加內地選秀節目都係由我搭路，因為我覺得Celine係好有天份，但係佢當時唔合符參賽資格。因為嗰陣參賽者最小要年滿10至11歲，但當時Celine只得5歲未能參賽；所以就用我喺湖南衛視嘅關係介紹佢去參賽，最後佢仲有好好嘅成績。但係佢爸爸連一句多謝都冇講，仲要喺自己嘅網站，話佢自己有渠道可以幫小朋友報名（參賽），但要啲小朋友上佢堂。以呢樣嘢做賣點，我覺得呢個人好有居心，同呢個人合作要好小心。」
就事件《香港01》記者嘗試聯絡當事人譚順生，但到截稿仍未有回應。
https://www.hk01.com/音樂/98921/Celine%E7%88%B8%E7%88%B8%E6%86%91%E5%A5%B3%E8%B2%B4-%E5%AE%B6%E7%87%95%E5%A7%90-%E6%AD%A4%E4%BA%BA%E5%B1%85%E5%BF%83%E5%8F%B5%E6%B8%AC
發表於 
佢老豆真係當個女係搖錢樹
返回列表
