婆媳關係 今日: 0 | 主題: 27700

積分: 944

1^#

發表於 09-4-6 14:53 |只看該作者 |倒序瀏覽 |打印

亞仔今年9月開始返幼稚園，咁我姑仔（在馬來西亞）今年8月會生BB，我已經同我C6講咗我同亞仔唔去，因為要返學，講了兩個月都未有話唔可以，但昨天同我講，要我同亞仔去，仲要係9月的時候去，等我姑仔的BB滿月時候去，我話我同亞仔去黎做什麼，又冇嘢做又浪費錢（機票加學費），最大問題係亞仔已返學，剛返了兩星期學就要請假去馬來西亞探他細妹，跟住我繼續話唔去，我話亞仔到時剛適應幼稚園生活，學識用小坐廁小便，返學唔會喊（因為亞仔係由我湊的他非常黏我），你又帶他去馬來西亞，他回來又要再適應過，對小朋友唔好，我話又要同學校交信話唔返學咁麻煩，最重要係我同亞仔唔去都唔係好大問題，我哋去到都沒有嘢做，只係睇下她的BB

C6話唔去唔知幾時再見到面，我話新年，聖誕節去咪得，C6又話那時候去D機票會貴好多，我話你細妹遲D都會返來香港探親，到時候才睇，他死都話要去，跟住我發脾氣話我唔去架，跟住他話咁你唔好去啦，我咪又話要去你自己帶亞仔同你亞媽去，你仲要自己同學校講唔返學，我睇你點搞掂我個仔，最嬲係C6話返唔返學有什麼所謂，咁細個返去都係玩，我咪鬧他，現在的幼稚園唔係返去玩的係有好多嘢學，同埋返學日子請假去旅行係咪好唔得呀！

我問他肯定係他亞媽叫我同亞仔一齊去，C6話唔係，係佢自己話要去，我就唔係好信，我最怕係同99一齊去，因為已經令敎過她的麻煩，前年先因為我姑仔在馬來西亞結婚同99一齊去過，那次我非常唔開心，未見過D人咁麻煩，所以我今次死都唔去

因為我C6是褔建人，他們一家好迷信同好麻煩，所以我估是我99要我同亞仔都去，最搞笑係我99同62會响8月我姑仔生的時候過去，然后9月滿月時再去多一次，你哋話係咪多餘，我先到我C6講，你係咪都應該响BB出世的時侯去，而唔係滿月的時候去，人哋擺唔擺滿月酒都成問題（馬來西亞都唔知興唔興啦，雖然都係中國人，但人哋做生意的，對象都係馬拉人，都沒有什麼中國人）都唔知可以請什麼人，我話係他們一家自己一相情願人哋會擺滿月酒

大家有什麼方法可以令到C6唔洗我同亞仔去？

[ 本帖最後由 channatung 於 09-4-7 12:25 編輯 ]

0 0 0

私人傳訊

SaSaHon

積分: 1268

2^#

發表於 09-4-6 16:23 |只看該作者

其實係咪因為你c6本身好鍚佢妹妹，所以咁想去呀! 自己細妹生咗BB而又打算擺滿月酒，佢要去都好正常啫! 而佢覺得一家三口去先叫整整齊齊，高興啲嘛!

你個小朋友到時先剛開始返學，仲要係K1我反而覺得你唔洗咁在意。你或都同你c6提出唔好去咁多日，這樣就不會太影響你小朋友了。

私人傳訊

chole_bb

子爵府

積分: 14255

好媽媽勳章

3^#

發表於 09-4-6 20:15 |只看該作者

可唔可安排禮拜六,日去呀,去馬來西亞都係幾個鍾,可以禮拜五晚去,禮拜日返lu,你c6妹妹生bb係開心嘅事,佢當然一家人開開心心去探佢妹妹啦.

私人傳訊

lai88

積分: 4821

好媽媽勳章環保接龍勳章大廚勳章

4^#

發表於 09-4-6 20:45 |只看該作者

如果果個係你自己阿媽同自己細妹, 我估你唔會咁講...你老公想你同個仔一齊去係正常o既事, 因為想自己一家三口, 熱熱鬧鬧一齊去探細妹同bb, 始於中國人思想比較傳統! 同埋你話你奶奶8月過去, 9月又過去, 咁講真, 你生過bb啦, 做媽媽o既...當然想個女坐月時調理下個身子啦....咁就算你估仔個奶奶會照顧佢呀, 點都唔及自己媽媽, 而且呢一點....都麻煩唔到你, 而你自己反而咁小心眼去睇, 似乎有點兒唔大方囉....另一點, 同學校請假有幾麻煩, 只要寫封請假信就得啦, 唔通學校唔批咩...
奉勸樓主一句, "愛屋及烏" 呀...多d設身處地為另一半想想啦

私人傳訊

driedpork

禁止訪問

積分: 2182

5^#

發表於 09-4-6 22:58 |只看該作者

提示: 作者被禁止或刪除內容自動屏蔽

私人傳訊

我愛Corina

瑪瑙宮

積分: 134457

2024年龍年勳章 2024勳章好媽媽勳章醒目開學勳章環保接龍勳章

6^#

發表於 09-4-7 03:21 |只看該作者

原帖由 driedpork 於 09-4-6 14:58 發表
我都同意以上幾位媽咪的講法, 負擔到的咪去囉, 如果話真係無錢就無得好講, 可能你C6同個妹感情好好呢? 即使係你99叫, 牛唔飲水唔禁得牛頭低, 你C6 都應該係好想去, 一係好似有位媽媽咁講, FRI 放學時間去, SUN 晚番, ...

完全認同!!!

短短地請一兩日假+weekend都有4日....都唔係好過份je...

私人傳訊

peggy_723

積分: 1103

7^#

發表於 09-4-7 03:28 |只看該作者

原帖由 SaSaHon 於 09-4-6 16:23 發表
其實係咪因為你c6本身好鍚佢妹妹，所以咁想去呀! 自己細妹生咗BB而又打算擺滿月酒，佢要去都好正常啫! 而佢覺得一家三口去先叫整整齊齊，高興啲嘛!

你個小朋友到時先剛開始返學，仲要係K1我反而覺得你唔洗咁在意。你 ...

我都好應同你o既講法，可能樓主o個老公好鍚o個妹，同埋第一次做舅父喎，梗係開心啦，所以想同樓主一齊分享，大家一齊開心!!

私人傳訊

jaycee_mami

珍珠宮

積分: 45305

好媽媽勳章

8^#

發表於 09-4-7 09:31 |只看該作者

你c6想去探妹妹和她的bb你應該支持呀, 又唔係去得耐 (最多幾日), 而且你老公咁念親情, 是好事呀. 滿月酒應該一家人開開心心出席.

私人傳訊

tinlingyuetka

積分: 4189

9^#

發表於 09-4-7 10:39 |只看該作者

原帖由 driedpork 於 09-4-6 22:58 發表
我都同意以上幾位媽咪的講法, 負擔到的咪去囉, 如果話真係無錢就無得好講, 可能你C6同個妹感情好好呢? 即使係你99叫, 牛唔飲水唔禁得牛頭低, 你C6 都應該係好想去, 一係好似有位媽媽咁講, FRI 放學時間去, SUN 晚番, ...

AGREE!
PUSH!
反正去又唔係成個禮拜, 去最多咪3日兩夜或5日4夜~ 小朋友放假長小小都係六日加咪公眾日共3日~ 點會唔適應呀~~~~ 唔好睇小你個B~~~~
同埋, 我身在異鄉, 我無時無刻都好想我父母姐弟來探我的~ 我估若係我大肚的話, 佢地成家人黎探我, 我會超開心~
將心比己, 就算係咪福建人, 細妹生BB, 做大老的走去關心下, 有咩唔岩先?
就算係99話要一齊去, SO WT? 若你生BB時, 你啊媽同你的兄弟話要一齊黎探你, 唔得咩???????
你咪當俾下面人, 下次人地俾面返你LAW, 你唔去, 帶同BB唔去睇佢姑姐的話.......以後你地關係實好僵~去最多係5日4夜, 你唔去俾人係背後唱足成年~ 關係仲要差TIM~

私人傳訊

chanwendy

伯爵府

積分: 16903

10^#

發表於 09-4-7 11:14 |只看該作者

如果樓主八月會過去探姑仔的話, 我就唔贊成九月再過去喇, 始終係開咗學, 唔好以為小朋友細個唔識, 佢地係有記憶架, 佢會記得可以唔返學去咗玩架, 將來同你講以前都係咁啦, 到時你就慘喇. 我都贊成樓主所講, 要見聖誕新年都可以見, 我始終唔贊成返學的日子亂咁請假.

私人傳訊

積分: 944

11^#

發表於 09-4-7 11:36 |只看該作者

你哋都有所不知，如果換轉係我屋企人，我C6一定唔去，你哋會唔會估到我個仔3歲了但我都未去過我D親戚那裡拜年，因為係他唔想去，唔想去見其他人，那為什麼他又唔可以為我諗，擺滿月時只請了他自己的親戚，新年又唔去，我D親戚個個都未見過我個仔，我一個人又唔可以自己帶個仔去，因為他們住得太遠，我住柴灣，他們住天水圍，轉車都要好幾次

如果佢好聲好氣同我講都好D，他係用命令的口吻同我講，我咁大個人有我的自由，我都有同他講過為什麼唔8月去唔洗請假又當去旅行，又探了我姑仔，他係都要堅持要滿月去，根本沒有第二D方法我選

過幾天我試下用你們的意見，星期五去星期日OR一返，睇下他點反應先

chanwendy的意想就同我一樣，大家以為咁細個唔係好記得，但我的仔他所有嘢都好記得，人哋在他面前只要做過一次的嘢，他好耐都記得，就算同他出街，他見到D嘢，他一個月后再出，他都記得在那裡看見話番俾我聽

同埋我覺得一次係咁，第二次有D什麼事他們都會係咁亂咪請假，我估我姑仔唔會只生一個BB，她生多幾個，我個仔咪要係咁請假

私人傳訊

積分: 944

12^#

發表於 09-4-7 11:41 |只看該作者

lai88唔係我冇愛屋及烏，係他們都沒有，他們由我結婚到現在都沒有話叫我亞媽出來吃飯，我亞媽知道他們咁對我，我亞媽更唔會找他們，我覺得要將心比己的是他們，次次都係我一個去讓步，他們成日還用以前的觀念，我嫁了他們家，就係他們的人，什麼都要聴晒他們

私人傳訊

積分: 944

13^#

發表於 09-4-7 11:45 |只看該作者

其實我自己的朋友個個都好支持我，因為他們知道我C6及他的家人是什麼人，所以她們覺得我沒有錯，不過我都覺得你們的方法可行，不過我又變成再一次屈服，我已經變得沒有主見任人魚肉

私人傳訊

iampaulineko

積分: 5096

14^#

發表於 09-4-7 11:58 |只看該作者

其實如果唔得閑的話, 又唔需要去, 我自己都係福建人, 都明白d人的思想, 但係有時d野都係要幫人諗下,其實有你c6做代表都ok, 我二哥結婚果時, 我大哥一家都冇來香港, 因為個bb又係要反學, 覺個bb周歲擺酒果時, 我地都冇全部反去,因為屋企人有d反工都忙. 又唔會話特登反去飲, 大家有個心就ok..

再者, 如果你c6對你屋企人咁的態度, 我就更加唔會去. 佢一味只識要你對佢屋企人好, 又唔會以同樣的態度去對你屋企人. 咁點解要下下就佢地. 等自己咩話事權都冇. 我c6又係福建人. 我99又係要求我要對佢屋企好好,但從來都唔會care我屋企人. 跟住我埋同我c6講, 你唔對我屋企人好都唔好指意我會對你屋企人好. 我嫁入你屋企, 唔係賣身俾佢地, 我都係有父母生, 都有兄弟.你地唔識來尊重我, 我亦都唔會去尊重你果d親友.

舊年拜年果時, 99要我初一上佢果邊順便去親戚果d拜理. 我同c6講先上99同邊冇問題, 但第二個要上我媽咪果邊, 一定要先同屋企人拜晒年, 如果唔係唔好指意我去同你地d親友拜..

channatung好多野, 你真係唔好下下就佢地, 雖然我本人都係福建人, 但係我都知有d人都係好過份, 永遠都只有佢地要求你去做, 但唔會去幫你諗. 如果你永遠都服從佢地. 你就會好辛苦..

私人傳訊

littlecarey

積分: 8097

育兒性格勳章畀面勳章

15^#

發表於 09-4-7 15:31 |只看該作者

原帖由 iampaulineko 於 09-4-7 11:58 發表
其實如果唔得閑的話, 又唔需要去, 我自己都係福建人, 都明白d人的思想, 但係有時d野都係要幫人諗下,其實有你c6做代表都ok, 我二哥結婚果時, 我大哥一家都冇來香港, 因為個bb又係要反學, 覺個bb周歲擺酒果時, 我地都 ...

完成同意。兩夫婦應該互相尊重，平等對待。

私人傳訊

littlecarey

積分: 8097

育兒性格勳章畀面勳章

16^#

發表於 09-4-7 15:46 |只看該作者

做人父母應該想清楚點樣教仔。
不論小朋友有多大，返學根本就唔應該請假去馬來西亞，做人父母應該要小朋友知道返學係佢哋的責任，除非係嚴重事情(例如生病、至親過身等...)才可以不用返學。
為了自己的喜好(妳c6同阿妹親),就要阿仔同老婆一齊去,簡直係自私的行為
姑仔生bb係普通事，妳哋一家人有空就一齊去，唔得閑就叫c6自己去lor,來日方長,總有見面的機會。

私人傳訊

SaSaHon

積分: 1268

17^#

發表於 09-4-7 16:38 |只看該作者

原帖由 channatung 於 09-4-7 11:36 發表
你哋都有所不知，如果換轉係我屋企人，我C6一定唔去，你哋會唔會估到我個仔3歲了但我都未去過我D親戚那裡拜年，因為係他唔想去，唔想去見其他人，那為什麼他又唔可以為我諗，擺滿月時只請了他自己的親戚，新年又唔去，我D親戚個個都 ...

原來如此! 咁俾著係我，我都會諗好多借口推搪。

至於你自己親戚，你家人都係住得好遠? 可唔可以叫你家人陪你一齊去探親友呢? 又或者可唔可以試吓約一個大家方便既地方出來飲茶見面。

私人傳訊

iampaulineko

積分: 5096

18^#

發表於 09-4-7 16:48 |只看該作者

係呀, 如果樓主你咁樣就完佢一次又一次, 你係果個屋企就唔會有地方, 果d人就係咁哀, 永遠都要將個新抱彩低. 唔會俾佢地有話事權, 我大伯個老婆又係福建人, 係屋企6299, 大伯話東佢唔敢去西. 因為佢仲未落香港, 要依靠佢地. 所以咩都唔敢反對. 我咁入門果時, 佢地又想咁對我. 我彩佢地先傻. 我同c6講, 我依家唔係要你養, 我點解要睇你地全家臉色做人. 咁辛苦, 我結個婚來做咩.

終之, 我會尊重你屋企人, 但佢地都要尊重我. 唔好得佢地講冇我講, 如果有咁的一日, 我一定唔會理你屋企人, 丑話講左先..費事有咩事又話我地錯.

私人傳訊

iampaulineko