備孕7年，中醫都睇o左幾個，一路都唔中，
遲過我結婚o既都生晒，我仲原地踏步，每個月一m到就好失落！
後黎去o左睇董醫生，驗o左amh ok, 照o左輸卵管係通，照埋內膜無息肉，老公丁丁唔算好亦唔算太差，於是開始iui之路！同時間亦都排定QM ivf, 雖然當時我無諗過做ivf, 但排定無壞，一排個期係3年後！
當時我32歲，董醫生覺得我算後生所以好驚我中twins，第1次iui只幫我谷1粒卵。
諗返起我都覺得自己好叻，唔知邊度黎o既勇氣令我可以自己幫自己打針。
我都知iui成功率唔高，所以第1次無好大期望，failed後我都好快接受o左。
然後第2個月即開始第2次iui, 因爲董醫生話連續做成功率會高D，今次谷o左2粒卵，
但到放丁丁o個日我老公病o左，所以丁丁quality好差，卒之又failed!
身邊jm開始叫我不如試ivf, 話我做iui o既＄都夠我去轉taiwan做ivf,
但當時我真係唔想，我唔想行到ivf呢一步，好驚抽卵呢part, 所以我選擇做第3次iui!
咁o岩我第3次iui時董醫生放假，所以轉o左睇周醫生，佢比較進取，肯幫我谷3粒卵，
佢仲叫我中3胞胎時唔好怨佢！
有得中我無所謂呀，可惜我想要1個都難！
我對呢次有好大期望，話晒谷o左3粒,
老公呢次仲驚當日丁丁唔夠好，所以預先雪定1次，再加埋當日新鮮o既一齊用,
點知都係failed！ 呢次真係崩潰。。點解想生個b都咁難架。。
做o左3次iui後，唔單止all failed, 仲要連平時好準o既m小姐都亂晒，試過5x幾日先黎，
所以又轉個中醫睇。
今次去o左睇莊醫師，第1次去佢同我傾o左9個字，因爲佢覺得我真係好down, 情緒好差，
我好乖咁個個week去睇佢，我老公都有一齊睇，
我就仲加埋針灸艾灸，但每個月都係失望！
醫師都覺得點解咁耐都唔成功，開始驚我同老公係丁丁卵子排斥
睇o左1年度就收到QM電話話我可以提前見醫生，見完prof. ng, 得出o既結論係我同老公屬於不明原因不孕，無咩可以提前做，所以繼續排ivf隊。
排多差不多1年就有得做喇，既然公家有得做，咁我就鼓起勇氣去試1次ivf，
食避孕藥，打針，抽卵，抽o左16粒，抽完卵我痛o左成個week, 行路都痛，
臨返去聽結果時勁驚結合唔到，
點知全部16粒都結合到，但得8粒去到day 2, 然後醫生suggest全部再養去day 5！
最後得返1粒day 5, 2粒day 6!
本身我想即個cycle放鮮胎，但我p4太高，所以要下個cycle放雪胎，
咁我就繼續睇中醫調理先，
醫師見丁丁同卵子o既結合率咁高，佢就覺得係我條通道有問題，令D 丁丁游唔到上去，
因爲我個人偏濕，白帶又多，所以叫我 do do 前用梳打水洗一洗下面，令到變得鹼性D。
我當時一心只係想快D到下個cycle可以放胎，完全無期望可以自然中，
但竟然呢次等極都無m, 咁我就去醫師度叫佢幫我快D黎m, 我想快D可以放胎，
點知醫師叫我隔多幾日驗下先，我話驗乜鬼，無可能中，佢叫我驗完下個禮拜返去覆診先算啦
咁我返到屋企即管用紅D試下，有深粗，我心諗亂到而家先排卵？
第2日用綠D，竟然見到從未見過o既2條線，即叫醒老公睇下，大家都不能相信
返去見醫師時佢話中o左喇，
我話有乜可能，足足7年喇，3次iui都failed, ivf卵都抽埋，而家竟然自然bingo???!!!
解釋唔到，關梳打水事？ 關抽晒入面D卵事？關心情轉移o左去ivf事？關緣份事？
話咁快，而家阿女都滿月喇，
望返轉頭覺得D時間過得好快，經歷o左咁多難關令我同老公更加珍惜而家o既一切。
所以各位jm真係唔好放棄呀，緣份話黎就黎架喇！
發表於 
返回列表
