在職全職 今日: 18 | 主題: 47931

積分: 4189

2^#

發表於 10-11-13 23:02 |只看該作者

Congratulations.

Can u adapt to your new life? I used to have high pay and good working profile but give up and change to work PT. Sometimes still miss those past days.

私人傳訊

fionwangwang

積分: 1607

3^#

發表於 10-11-13 23:50 |只看該作者

十卜你！加油

原帖由 catherineleungg 於 10-11-13 22:18 發表
因為而家D外傭勁唔掂, 請極都請唔到個好工人, 所以我終於決定放棄咗份高薪厚職, 自己湊番兩個BB. 雖然而家好忙, 又要湊住兩個BB, 做家務和煮飯, 但見到兩個BB日日都好開心咁, 我都感到好欣慰, 真係用錢買唔到. ...

私人傳訊

sbb3

積分: 4293

4^#

發表於 10-11-14 13:17 |只看該作者

me too!

我做了全職4個月了. 初時無人讚成我辭職. 雖人工高福利好5日工. 但壓力大(工作+家庭). 兩頭唔到岸. 做了全職媽後, 我脾氣好左...同老公, 仔仔關係都好左. 多左時間同佢相處. 多左住家飯食, 每日都有煲湯. 人壓力又細左. 不過唔慣的是小朋友返了學的時間好悶和無收入. 我相信得會多過失. 努力!

原帖由 catherineleungg 於 10-11-13 22:18 發表
因為而家D外傭勁唔掂, 請極都請唔到個好工人, 所以我終於決定放棄咗份高薪厚職, 自己湊番兩個BB. 雖然而家好忙, 又要湊住兩個BB, 做家務和煮飯, 但見到兩個BB日日都好開心咁, 我都感到好欣慰, 真係用錢買唔到. ...

私人傳訊

積分: 26402

畀面勳章陪月勳章

5^#

發表於 10-11-14 16:18 |只看該作者

見到大家願意放棄份工, 自己都好想明天交信.

事實上, 我已準備了resign letter, 只不過自己想住"拖字訣", 怕自己之後後悔, 到時找不到而家呢個人工, 又怕老左好長命, 無錢洗, 要阿仔養.
另一方面, 我而家的情況就係同大家差唔多, 壓力大, 個supervisor開到口, 話我請了工人就可以OT, 家庭時間少了, 老公理個家多過我, 佢好辛苦, 有時自己OT多了, 脾氣差了, 老公又受多一下苦...
所以自己好想辭, 但好似又有好多野怕.

其實, 你地決定轉做FT mum, 交信果一刻, 有什麼考慮? 有無擔心?

原帖由 sbb3 於 10-11-14 13:17 發表
me too!

我做了全職4個月了. 初時無人讚成我辭職. 雖人工高福利好5日工. 但壓力大(工作+家庭). 兩頭唔到岸. 做了全職媽後, 我脾氣好左...同老公, 仔仔關係都好左. 多左時間同佢相處. 多左住家飯食, 每日都有煲湯. ...

私人傳訊

bb2

翡翠宮

積分: 86127

6^#

發表於 10-11-14 20:39 |只看該作者

歡迎加入全職媽媽呢個大家庭!

我做左全職媽媽年半, 無用工人一年...SO HAPPY!

私人傳訊

bigmo

積分: 1336

7^#

發表於 10-11-14 23:41 |只看該作者

我9月頭生左囡囡, 而家仲放緊假 (因前0+3個星期大假), 會12月中返工, 而家就仲有1個月...不過我已經想一返工就resign, 因為我想對住我個囡囡, 生完之後一路都係我湊, 我發現bb仔真係學野好快, 佢擒日仲好努力咁學hold住條neck, 今日已經可以hold好耐...我真係唔想miss呢d野囉~ 我都怕自己後悔...不過小朋友成長真係一過左就冇既啦....so 我支持你呀~一齊成為ftm啦~~~

原帖由 kat0318 於 10-11-14 16:18 發表
見到大家願意放棄份工, 自己都好想明天交信.
事實上, 我已準備了resign letter, 只不過自己想住"拖字訣", 怕自己之後後悔, 到時找不到而家呢個人工, 又怕老左好長命, 無錢洗, 要阿仔養.
另一方面, 我而家的情況就 ...

私人傳訊

SYSTEM1234

積分: 1332

8^#

發表於 10-11-14 23:58 |只看該作者

我後天過試用期了. 但好羨慕的全職媽媽. 我都想唔做工了. 因為可以多的時間陪女. 係錢買唔到.

我唸做埋今年到出年先再唸啦.

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

9^#

發表於 10-11-15 08:49 |只看該作者

原帖由 kat0318 於 10-11-14 16:18 發表
見到大家願意放棄份工, 自己都好想明天交信.

事實上, 我已準備了resign letter, 只不過自己想住"拖字訣", 怕自己之後後悔, 到時找不到而家呢個人工, 又怕老左好長命, 無錢洗, 要阿仔養.
另一方面, 我而家的情況就 ...

好多野, 唔到你去諗, 亦預計唔到. 時間唔會等人, 你諗得黎果陣, bb 成長階段過左, 唔通你會唔後悔咩?

我老公住外國, 我甚至係生完大b 後用"拖字訣"去延遲辭工同埋移民, 果陣已經有同事叫我快d 辭職, 因為唔止bb 同父母要有bonding, 而且bb 成長係一過左就冇, 但果陣我有好多原因, 所以決定照返工, 隔左好耐至走.

我而家諗番以前返工同埋響香港可以自由自在既日子, 同埋日日對住個仔有時真係好攰, 事實上我唔係湊仔既材料, 我都想有返工既一日, 但話雖如此, 我都發覺小朋友真係長大得好快, 我個大仔而家2歲幾, 朝早教佢d野, 下晝再remind 下佢, 佢已經識啦. 我試過響度喊, 佢見到果陣, 已經指住我塊面同我老公講我塊面濕左有水, 搞到我想匿埋喊都唔得.

到生左細b, 我都忙到爆, 不經不覺細b 已經幾個月大, 同時之前太忙又太攰, 都冇好好仔細地睇住細b 成長, 而家細b 戒左夜奶, 我又有番多少少時間休息, 開始又有精神去留意細b 一舉一動, 同埋教大b啦. 呢幾個月入面, 應驗埋我舊同事所講既野, bb 成長真係一過左就冇, 我睇番細b 出世有幾細粒要靠睇相啦, 而對於我老公黎講, 佢係第一次睇住我個肚點大同埋睇到bb 成長 (我老公見過大b幾星期後就同佢分開, 到過左好多個月至團聚), 呢樣我覺得最內疚既事.

講到將來, 我都唔知會點, 其實都係見步行步. 你地還好, 想返番工既話, 準備一下就可以返番工, 搵唔番咁既人工都叫有機會搵到工.你地煩既只係搵唔搵得番呢份人工, 冇得扮靚, 或者請唔請工人等等... 我就盡地一煲, 走到去非英語國家既深山之中, 呢度又唔興請工人, 面對語言及culture shock 之餘, 仲要為個仔唔肯講中文而唔開心等等.. 有時我覺得你地面對擔憂其實唔難解決, 或者你地慣左安逸, 面對轉變時差d 信心去令自己獨立吧.

有時我會亂諗野, 如果第日個仔對我好差, 差到好似新聞咁講會打阿媽, 甚至殺阿媽又點呢? 你問我驚唔驚? 梗驚啦, 但我都相信如果我提供一個健康正常既家庭生活俾佢, 相信 (希望) 佢將來壞極有限.

講多少少題外話... 我有家人為份工, 搞到有親戚就黎"走" 都趕唔切去見人最後一面... 事實係咪咁我唔知, 我只係概嘆生老病死呢d 野, 真係唔會等人. 你老闆講果d 野, 佢事業心重又要顧住盤生意, 佢咁講係不無道理, 我係絕對尊重佢, 但佢咁講又係用錢撻人囉, 佢理得你屋企發生咩事o者, 有咩事上黎佢只會話唔關佢事!

如果你本身鍾意份工多過湊仔既話, 當然係照返工係冇所謂, 亦唔會有你呢個post, 但你既然認真諗過要湊仔, 咁食得鹹魚抵得渴, 揀得呢一步既話, 冇得你去驚第日會點, 煮到埋黎就要食.

[ 本帖最後由 bosch 於 10-11-15 09:08 編輯 ]

私人傳訊

積分: 26402

畀面勳章陪月勳章

10^#

發表於 10-11-15 13:49 |只看該作者

自己都想係工作上有滿足感, 有滿足感, 就會想返工. 但係而家做到"work stupid and inefficient" given external factors, 常常無意義地OT, 影響家庭.
反之, 仔仔自小我就教他英文, 中文, 現在佢的程度都令我滿意. 這些滿足感, 同工作上的0%/負數滿足感, 實在驅使我好想做FT mum.

我老公都同我講, 唔諗得咁多, 唔做就唔做......
但可能自己emotional些, 總係諗好多野. 所以舉棋不定.

[我其實係一間半公營機構工作, 我個supervisor如果係做一些幫老闆賺錢的公司, 一定唔洗一個星期就被趕走, 因為做野實在太慢, 拖足幾個月, 同埋focus係line spacing, font size多過 content

]

原帖由 bosch 於 10-11-15 08:49 發表
好多野, 唔到你去諗, 亦預計唔到. 時間唔會等人, 你諗得黎果陣, bb 成長階段過左, 唔通你會唔後悔咩?
我老公住外國, 我甚至係生完大b 後用"拖字訣"去延遲辭工同埋移民, 果陣已經有同事叫我快d 辭職, 因為唔止bb ...

私人傳訊

SandyMaMa

積分: 2593

11^#

發表於 10-11-15 15:39 |只看該作者

我都做咗全職媽媽一年, 每日湊住佢地, d小朋友梗係好開心, 而我個心成日唸, 好似賺少一份人工以作日後傍身, 又無咗一份安全感! 奇怪是我無做工後, 脾氣差過做工個時, 係咪我真係適合出外做工呢? 其實好想做工同d同事social下. 真係難取捨!

:giveup:

私人傳訊

kubibi_2008

別墅

積分: 531

12^#

發表於 10-11-15 17:59 |只看該作者

睇左大家既post, 我都好慶幸自己有機會做FT媽媽. 我覺得做FT媽媽真係一件好有挑戰性且有義意既工作...不過等個仔返小學時點都會搵的野做等自己唔好同社會脫節....

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

13^#

發表於 10-11-16 08:30 |只看該作者

原帖由 kat0318 於 10-11-15 13:49 發表
自己都想係工作上有滿足感, 有滿足感, 就會想返工. 但係而家做到"work stupid and inefficient" given external factors, 常常無意義地OT, 影響家庭.
反之, 仔仔自小我就教他英文, 中文, 現在佢的程度都令我滿意. 這 ...

Hehe.....你老闆係咁既話, 更加唔駛理你老闆講乜啦!!!!磨爛蓆開埋d 無意義既ot 係無用架喎, 呢個年代唔係穿膠花年代, 唔係盲目地做得耐就等於有效率有回報.

我都曾經響公營機構, 同埋"最大僱主"度做野.

曾經遇過個舊上司, 又係鍾意focus 埋去d line spacing 度, 夾硬要我去改 format, 轉頭我print 張一模一樣既信俾佢睇, 佢就話順眼, 佢都傻傻地....

既然你老公覺得冇問題, 你又覺得鍾意湊仔多d, 咪go ahead. 先俾半年時間俾自己先, 覺得有問題咪搵番工.

私人傳訊

sbb3

積分: 4293

14^#

發表於 10-11-16 10:00 |只看該作者

回覆 9# kat0318 的文章

在交信前一刻是要好大勇氣, 特別是一份高薪厚職的工作. 我交信前一刻真係好忐忑. 無得返轉頭, 好似交左信就定左刑咁, 一切已完結了的感覺. 幾年的努力白費了. 之前試過2次都失敗. 因為我知將來一定搵唔返呢個人工和咁好的福利. 再加上我不喜歡做家務. 我已在工作上得到少許成就的時候放棄有點可惜. 但一想起小朋友已不小了(初小). 如果這刻不自己揍, 再大已無用, 好羨一些和媽媽關係好的孩子. 我知道繼續做這份工, 我同仔仔老公關係都不會好. 就係咁...工作...家庭...不停反複地想...終於家庭戰勝了.

[ 本帖最後由 sbb3 於 10-11-16 10:07 編輯 ]

私人傳訊

jackb

複式洋房

積分: 218

15^#

發表於 10-11-16 11:11 |只看該作者

其實我覺得做ft媽咪都有得着或需要取捨,自己都咗半年ft媽咪都好開心囡囡好"次"我,好似冇咗我唔得!但我又覺得做ft媽,做2年就ok啦,次終她讀書後有自己的生活圈子,她大d唔多需要你時,你又冇做嘢咁耐到時又好難揾返嘢做,又失去咗自己,其實揾番多Ｄ$,又可以比好Ｄ個女,自己又可以想買乜都得,老咗多舊$"婆"身,

不過如果老公揾到$,唔駛計住計住駛,買乜都得咁做全職媽都是好的,唔知大家有冇同我一样唸法呢?

私人傳訊

積分: 26402

畀面勳章陪月勳章

16^#

發表於 10-11-16 23:00 |只看該作者

而.... 咁佢應該係穿膠花年代的人喇.

超鍾意磨爛蓆, 你efficient做野, 唔OT, 就寸你, 同放工時先找你傾工事, 有時甚至(下班時間後)在toilet門口等你出來, 等你無得走....

佢真係極品女人

返黎我地個主題.....
我都好希望早日好似你地咁, 鼓起勇氣, 交封信
(唔知點解, 呢樣野真係好難做到......

)

原帖由 bosch 於 10-11-16 08:30 發表
Hehe.....你老闆係咁既話, 更加唔駛理你老闆講乜啦!!!!磨爛蓆開埋d 無意義既ot 係無用架喎, 呢個年代唔係穿膠花年代, 唔係盲目地做得耐就等於有效率有回報.
我都曾經響公營機構, 同埋"最大僱主"度做野. ...

私人傳訊

積分: 26402

畀面勳章陪月勳章

17^#

發表於 10-11-16 23:13 |只看該作者

呀, 我呢刻的心情就同你當年的一樣.....

信已寫好, 日期已寫上, 而家考慮係咪改寫明天交信日期.
好忐忑.

而家我小朋友k2, 諗到而家走, 就全心全意做portfolio, 準備in 小學事宜(可能大家都係咁, 做慣野, 無野做唔得, 總係要找野做, 重要excel自己

)
我都有諗過或許做全職mum到阿仔小一(最低限度).
因為若然品行, 學業能由好細個做好, 令佢psychologically and intellectually prepared for primary school education, 咁佢自己之後跟上去都好些.

不過, 重係諗當中....

重未有你所擁有的guts.... 交信!

原帖由 sbb3 於 10-11-16 10:00 發表
在交信前一刻是要好大勇氣, 特別是一份高薪厚職的工作. 我交信前一刻真係好忐忑. 無得返轉頭, 好似交左信就定左刑咁, 一切已完結了的感覺. 幾年的努力白費了. 之前試過2次都失敗. 因為我知將來一定搵唔返呢個人工和 ...

私人傳訊

積分: 26402

畀面勳章陪月勳章

18^#

發表於 10-11-16 23:15 |只看該作者

Exactly係我的諗法呀!
所以我而家交唔到信囉.....

原帖由 jackb 於 10-11-16 11:11 發表
其實我覺得做ft媽咪都有得着或需要取捨,自己都咗半年ft媽咪都好開心囡囡好"次"我,好似冇咗我唔得!但我又覺得做ft媽,做2年就ok啦,次終她讀書後有自己的生活圈子,她大d唔多需要你時,你又冇做嘢咁耐到時又好難揾返嘢做, ...

私人傳訊

HK1002

積分: 1400

19^#

發表於 10-11-17 01:51 |只看該作者

bosch我睇完你的分享，真係忍唔住，俾個〝勁讚〞你^0^，你講得非常好，我同C6睇完都好感動....

「BB的成長過咗就無」係呀!!!講得好啱...
我都想講我BB9個月大，佢一出世我已FT照顧佢，最初3個月，我叫晒救命，不斷想請工人，出來做PT，但唔知是否上天安排，直到依家都請唔到。但又到了BB6個月，自己又發現好似適應咗，再到依家9個月，開始睇見BB每個月都唔同，有進步，每日安排不同活動俾佢，佢又勁鍾意媽媽，我發現自己享受咗每日同BB相處。

每晚BB睡覺，我都同BB講，今日開心的活動完結喇，媽媽同你明天再玩過啦....我發現BB同我的快樂，比我工作所得好多的人工，完全無得比，我每日都珍惜同BB各種的活動，當我投入同佢玩，佢真係好開心架!!!!

原帖由 bosch 於 10-11-15 08:49 發表

好多野, 唔到你去諗, 亦預計唔到. 時間唔會等人, 你諗得黎果陣, bb 成長階段過左, 唔通你會唔後悔咩?

我老公住外國, 我甚至係生完大b 後用"拖字訣"去延遲辭工同埋移民, 果陣已經有同事叫我快d 辭職, 因為唔止bb ...

私人傳訊

wan2010