吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 反對餵人奶的聲音

母乳餵哺今日: 0|主題: 85695

收藏本版

回覆發帖

返回列表

跳至頁

查看: 2183 | 回覆: 30

反對餵人奶的聲音 [複製鏈接]

yautakken

大宅

積分: 2415

1^#

發表於 10-11-28 13:33 |只看該作者 |倒序瀏覽 |打印

阿b 12月將會出世, 我打算餵全人奶. 但身邊已經有無窮無盡反對餵人奶的聲音, 好討厭.

剛聲到的, 是我的親阿e, 她在e院嬰兒病房做. 她說:你就算餵人奶都要補水補奶粉, 阿b唔夠奶食會黃. 同埋你頭果2日都是無奶的.

我奇怪點解同健康院, 同母乳協會講的唔同. 官方一直係話不要補水補奶粉, 頭2日都有奶, 只不過超少, 但都足夠阿b用.

到底是那一方講大話? 有無實戰媽咪可以分享下?

0 0 0

私人傳訊回覆引用

cheungyimiu

別墅

積分: 915

2^#

發表於 10-11-28 13:59 |只看該作者

頭兩日未上奶真係無乜奶，但bb未出世時都會儲到d係身體，所以都足夠兩日，所以唔駛擔心bb會肚餓。

原帖由 yautakken 於 10-11-28 13:33 發表
阿b 12月將會出世, 我打算餵全人奶. 但身邊已經有無窮無盡反對餵人奶的聲音, 好討厭.

剛聲到的, 是我的親阿e, 她在e院嬰兒病房做. 她說:你就算餵人奶都要補水補奶粉, 阿b唔夠奶食會黃. 同埋你頭果2日都是無奶的.

...

私人傳訊回覆引用

flytoapple

男爵府

積分: 6400

3^#

發表於 10-11-28 15:39 |只看該作者

我由一開始都係全人奶
一餐奶粉都無補過

講真
岩岩生完又攰,傷口又痛
埋身喂奶又無時間休息
因為頭幾日奶水少
如果吾補奶粉BB會食得好密
我BB岩岩出世時
我較alarm每3個鐘起一次身
之後埋身喂
有時佢肚餓
2個鐘就要喂一次奶
講緊個時佢一餐食成個幾鐘
我同房有D媽媽好快捱吾住就補左奶粉

同埋老人家會覺得人奶B大得無咁快
奶B食得密就話你吾夠奶
其實係因為人奶稀過奶粉
所以會消化得快D

堅持~

私人傳訊回覆引用

szekamama

大宅

積分: 3887

環保接龍勳章

4^#

發表於 10-11-28 16:38 |只看該作者

你要在生之前做足功課, 除左自己知道外, 仲要幫屋企人做足功夫, 佢地咩都唔知, 會俾好多意見你的,你會好困擾的. 頭3天,BB真係有儲備, 不過點都要俾佢啜,佢瞓你都要整醒佢俾佢啜, 係好難頂的.
我在QMH 生, BB係難瞓B, 基本上冇喊過搵食, 隔離床亞B就識每2個鐘喊食,食完就SLEEP. 我就較鐘,每2 個鐘餵一次. 都係咩奶的, 不過我好記得母乳協會本書仔講左係等幾滴貨仔, 所以堅持到!
你會在邊度生 ? 醫院病房的氣氛好緊要的, 我同房個個都餵人奶, 你感受到餵人奶係天經地義的事,D 護士又會得閒睇下你, 鼓勵下, 半夜餵奶見我手忙腳亂都會幫下手掃風換片的. 不過你都要注意, 雖然大方向佢地都係傾向餵母乳的, 不過個個態度都有D唔同, 有D會建議你休息多D, 等奶上易D, 建議等你餵完後補少少奶粉, OR 幫你推BB入育嬰室. 你想唔想就要自己衡量下. 我當時就好驚會'dump'懶自己有惡性循環, 所以冇補過, 都冇俾bb入育嬰室.
不過不用飲水呢個POINT, 度度都係咁講喎, 冇問題呀!
你多d上嚟參考大家意見啦. 母乳協會, 同埋政府母乳hotline 我都用過, ok ga!
加油

私人傳訊回覆引用

szekamama

大宅

積分: 3887

環保接龍勳章

5^#

發表於 10-11-28 16:43 |只看該作者

仲有, bb 黃是真的, 所以要更加一早俾佢啜, 等你早日有奶上, bb有多d奶食, 去黃去得易d. 我bb第一次返去健康院有黃, 不過因為有心理準備, 所以知道時未致到超擔心.
所以, 好多嘢要事先知道, 同埋俾家人知道會冇咁騰雞.

私人傳訊回覆引用

yeemao

複式洋房

積分: 452

6^#

發表於 10-11-28 17:25 |只看該作者

生之前做足功課真係好重要, 要有正確知識就唔會比其他人o既錯誤講法動搖. 生左之後就唔會再有時間睇咁多書/ 聽講座架喇.

最能動搖你未必係其他人點講, 而係餵人奶真係辛苦過餵奶粉好多好多好多的, 要有心理準備. 無論pump 定埋身都係咁辛苦, pump 比埋身長遠更辛苦, 不過如果bb 唔識食或其他因素都冇辦法.

私人傳訊回覆引用

yeemao

複式洋房

積分: 452

7^#

發表於 10-11-28 17:40 |只看該作者

by the way, 我身邊d 人又冇反對餵人奶喎, 而且竟然係支持添, 後生又有, 老到70 幾歲o既又有, 個個知道我餵人奶都話: 好呀, 食人奶bb 健康d呀!! 真係出乎我意料之外.

好多奶媽都話最怕聽到d人問你夠唔夠奶. 我老公一定唔會問, 因為我未生之前已經叫左佢唔可問呢個題, 同埋佢都好supportive 的. 但如果有人問, 我覺得我會答: 夠, 多到bb 食唔晒!!!

講真, 你夠唔夠奶d 人鬼知, 係咪都答佢地夠咪得囉! 有時bb 密密要食, 唔一定係你唔夠奶, 而係佢地啜得唔好, 唔識食都唔定架.

私人傳訊回覆引用

Flower10

大宅

積分: 3353

8^#

發表於 10-11-28 17:42 |只看該作者

需然我正準備做人,但我都有上一些懷孕課程,身邊都有部份朋友哺母乳,她們都話丈夫的支持最重要,好像你想放棄時,他不斷鼓勵你,又例如你不夠奶水時,家人都叫你放棄時,你的丈夫替你講,母乳最重要,健康!
*加油,你一定要堅持!

私人傳訊回覆引用

ihui

子爵府

積分: 10214

9^#

發表於 10-11-28 20:54 |只看該作者

超同意上述媽媽，做足事前準備功夫是十分重要，自己亦要堅定信念，預計可能會發生的事，那自己就不會太驚及擔心。其次就真係要抵得住辛苦及要堅持，就算開頭唔係好夠奶，都唔緊要，只要密密餵或泵，奶量一定會慢慢上升的。
我bb頭兩星期，我都補過兩次奶粉，之後都係全人奶，我開始時，bb每1.5-2個鐘要食，我就俾佢食，無泵到，直至返工前兩星期先開始泵，以便儲定奶作準備。
總之有乜唔明，可以上黎呢度或致電母乳熱線，都會幫到你的！加油呀！堅持呀！

私人傳訊回覆引用

yautakken

大宅

積分: 2415

10^#

發表於 10-11-30 20:59 |只看該作者

謝各位分享.
我都好希望個個知道我餵人奶都話: 好呀, 食人奶bb

健康d呀!
但反對既都係親人, 一句支持既說話都無講過.

奶奶: 大嫂都無奶
老公: 可能你到時都無奶呢
阿媽: (超黑人憎的語氣) 到時你就知
阿e: 點都要補水補奶粉
大伯: 返工之後都要餵奶粉架啦
同事: 餵一陣好啦, 返工前要轉奶粉

好hurt, 好想自己玩失蹤坐用lor, 無咁多負面說話聽.

私人傳訊回覆引用

goosema

翡翠宮

積分: 92484

畀面勳章 BK猜猜猜慶中秋 BK Milk勳章

11^#

發表於 10-11-30 22:53 |只看該作者

人奶媽第一樣要識既野就係扮聾!好多人只係聽返黎就好似自己親身經歷過咁!唔好理!最緊要自己support自己，仲有呢度有實戰經驗既媽媽都會幫你

任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~

私人傳訊回覆引用

shrekbb

男爵府

積分: 6528

好媽媽勳章畀面勳章

12^#

發表於 10-11-30 23:33 |只看該作者

我覺得最重要係~~~~堅持！！！！！
你得閒時多Ｄ去母乳育嬰協會網站，了解多Ｄ
加油呀！！！

私人傳訊回覆引用

fishcowcow

男爵府

積分: 5517

13^#

發表於 10-12-1 00:20 |只看該作者

無錯, 堅持係最重要, 唔好理人地點講

私人傳訊回覆引用

cpui_shan

大宅

積分: 2833

好媽媽勳章 BK Milk勳章

14^#

發表於 10-12-1 02:18 |只看該作者

原帖由 yautakken 於 10-11-30 20:59 發表
謝各位分享.
我都好希望個個知道我餵人奶都話: 好呀, 食人奶bbhttp://adex.baby-kingdom.com/www/delivery/avw.php?bannerid=1353&cb=2134
健康d呀!
但反對既都係親人, 一句支持既說話都無講過.

奶奶: 大嫂都無奶
...

帶老公去聽下d母乳講座,等佢知人奶係咩同佢要點支持你!

你希望別人怎樣待你,你也要怎樣待人(太7:12)

私人傳訊回覆引用

karymama

複式洋房

積分: 202

15^#

發表於 10-12-1 02:35 |只看該作者

對哦~堅持, 相信母乳是最緊要的!
尤其是剛開始的時候, 會聽到更多打擊聲音, 例如:
1) 當你餵左成個鐘, 一放低bb, 佢又即刻喊, 好似好肚餓, 咀郁郁咁, d人話會話:你唔夠奶呀, 你d奶稀呀, 食唔飽bb呀, 補奶粉啦! => 應該了解bb咀形是否正確, 同埋要學識睇佢係咪真係食緊奶, 定當你奶咀, 有時bb都好鐘意人抱住既感覺, 所以一放低就喊都唔奇! 留意濕片數量是否足夠, 一日有6塊濕片就ok, 濕片既意思係有3湯匙既尿, 所以係可以好輕既!
2) 比人話: 邊有人一日餵咁多次架! 餵到無時無候, 一定係你唔夠奶, 你d奶唔靚, 先要食咁多次啦! => 母乳係最易消化, 最易吸收既, 而初出世既bb個胃只有乒乓球咁大, 多都食唔到, 奶粉難消化, bb無4個胃去消化, 需要多d時間消化, 造成奶粉飽肚d既錯覺... 只要feed on demand, 奶量會慢慢提升, 到時餵奶相隔時間都會耐d...有時都會餵到懷疑自己夠唔夠奶, 因為真係好似食極都唔飽咁, 依個時候真係要相信母乳,相信自己, 只要口形岩, 一定可以餵飽bb!
3) 當初初bb埋身食得唔理想 or 食到乳頭損晒, 可能你會諗, 不如泵出來比bb食啦, 起碼知佢食左幾多, 但初頭泵奶, 泵出來既奶量可能得好少, 唔夠bb食, 依個時候又會有人話: 嘩! 得咁少, 夠阿b zip牙縫呀? 唔怪之得成日喊啦! 真係陰公, 無餐飽飯食! 佢日日唔夠飽都會影響佢發育, 佢個腦部發展架! 講到幾好有鬼用咩, 都唔夠飽!=>泵奶只可反影出你泵到幾多奶, 而唔係你實際奶量, bb吸吮可以刺激造奶, 而好多時初初泵奶都會因為個泵同泵奶技巧影響到泵出來既奶量!
4) 泵出來既奶好多時會比人話好稀=>係咪初乳? 當時係咪夏天? 因為母乳會隨氣候而改變, 夏天時會多d水份, for bb解渴, 冬天又會多返d脂肪, for bb保暖, 唔同奶粉, 一年四季都係跟一樣既沖調指引! 所以話飲人奶係唔洗飲水就係咁解!
5) 媽媽病左, 唔可以餵bb => 好多時, 甚至私家醫生都會叫你先停餵, 但事實係普通既傷風感冒, 只要你話比醫生聽你餵緊奶, 叫佢開返大肚婆食得既藥比你, 就可以照餵bb... 其實係媽媽病既時候, 母乳會製造特別抗體保護bb...
6) 阿b身體有咩事, 一定話你d奶有問題! 無論大小事, 都關你d奶事! 有個朋友個女, 出世3星期, 塊面出粒粒, 其實好多bb都會出, 係之前係肚入面吸收左媽媽既賀爾蒙所導致(中國人就話係胎毒), 個爸爸一見到個女咁即刻話係咪佢依排食既野熱氣?!
其實做人阿媽既, 又點會唔緊張自己個b食得飽唔飽, 身體有無事! 最重要係知道人奶同奶粉既分別, 咩先對bb最好, 咁就有力量去堅持!
祝你奶到功成!!

私人傳訊回覆引用

Nail

大宅

積分: 2199

16^#

發表於 10-12-1 06:54 |只看該作者

乜都唔駛講唔使理,生完得你同BB係醫院

奶奶: 大嫂都無奶
佢無奶關我乜事,又唔係要佢餵我個B
老公: 可能你到時都無奶呢
系呀,唔餵唔餵慢慢就無架啦,所以一定要餵
阿媽: (超黑人憎的語氣) 到時你就知
我知啦,做晒功課LU
阿e: 點都要補水補奶粉
點先要補水補奶粉?醫生話BB體重有問題先要,重返就OK
大伯: 返工之後都要餵奶粉架啦
D奶可以泵出來的
同事: 餵一陣好啦, 返工前要轉奶粉
唔使理同事,產假見佢唔到

私人傳訊回覆引用

kojin

別墅

積分: 639

17^#

發表於 10-12-1 10:06 |只看該作者

最緊要係你老公上網睇多d資料認識多d
到時其他人有咩反對咪由佢擋
因為初初頭10日餵人奶真係好辛苦的
初乳初初係好小不過係最有營養
頭2日未上奶勁小係好正常
bb有儲備唔駛怕佢會有事
我睇見我老婆頭10天2-3個鐘就要醒一次
bb又黃又比護士話唔夠飽
仲邊有心機應付其他人
佢阿媽+我阿媽都成日怕bb唔夠飽
真係餵到鬆哂唔夠咪補奶粉law
(初時埋身多就唔會食完奶咀唔埋身了)
人奶應該有幾多餵幾多
多飲水休息好一定有架
加油

私人傳訊回覆引用

Glad

版主

積分: 16321

好媽媽勳章醒目開學勳章

18^#

發表於 10-12-1 10:45 |只看該作者

yautakken,

加油啊!

人人都有選擇的權利! 可是當人的生命開始之初是由父母為他選擇的.

人出生吃的第一口糧食是母乳? 是配方奶? 都不是自己可選擇的.

他只可選擇張口吃與不吃.

我兒出世時, 醫院的安排是在差不多10小時後才將兒子交給我. 護士說, 他一直不肯張口吃奶瓶裡的配方奶, 他很精明, 識得母乳是最好.

可是10小時後, 交給我後, 他一直都是安安靜靜沒有哭鬧, 除了拉大小二便外, 其餘時間大都是睡. 雖然醫生和護士有著我在派奶時或他換片後餵他, 可以他一直都不肯張口吃母乳或瓶裝奶.

直至他64小時後, 他大哭了, 是他吃第一口的食物------母乳.

在等待兒子吃的過程裡, 我很靜心地等待, 半點兒憂慮也沒有, 因為把兒子交給我的護士, 同時告訴我, 人可以在出生後72小時不吃也是安全的.

"世衛"是醫學的權威, 比起任何對母乳認識不多的醫護人員來說, "世衛"的建議是最可信和可靠的.

面對不支持的聲音, 我們嘗試以正面的方向去想, 他們都是在自己所認知的範圍裡, 付出他的認為對你和bb最好的關懷表示. 輕鬆面對, 甚至向他們表示關懷的謝意, 將之化為動力啊!

在堅持母乳哺育寶寶之時, 記得要有正確的餵哺方法, 確保bb吃得正確, 他才吃得好, 而你也不會被弄傷乳頭. 有任何疑問, 記得去健康院找醫護幫忙. 上來跟大家分享, 在交流中, 加強自己的力量, 就更有信心給寶寶吃最天然、最健康的母乳.

至於能否全母乳給子女, 記得要留意餵哺的過程. 曾經有一個案, 有位母親在不甚了解的情況下, 寶寶大小二便極度不足, 寶寶體重漸趨下降至不安全的水平, 主因是餵哺不正確, 寶寶吃不到奶, 自然母乳量也不足的情況下, 這位母親執著地問為什麼我依足"全母乳", 整天都在餵奶, 為什麼會弄得如此田地, 哭訴和指責醫護和輔導的義工, 慶幸, 她及早去"投訴", 能即時將bb送院檢查, 並給她輔導全母乳的應有知識.