嬰兒食譜 今日: 0 | 主題: 27290

積分: 15328

1^#

發表於 11-2-26 12:15 |只看該作者 |倒序瀏覽 |打印

BB接近九個月，唔肯食粥仔已經成個月，每次只肯食幾啖至半碗，睇過醫生又話佢唔係唔舒服。

我就黎癲喇！每次都餵到想喊，有時真係喊左出黎！見住佢愈黎愈瘦，都唔知點好！

請問可以點呀？

0 0 0

私人傳訊

Flo0602

積分: 3997

好媽媽勳章

2^#

發表於 11-2-27 11:44 |只看該作者

唔好喊住, 係咪佢出牙仔呀? 其實bb耐唔中會無胃口食嘢係正常既, 唔好咁擔心! 如果真係出牙仔, 你試下將啲雪凍嘅蘋果切成幼條狀 (但又唔好太幼, 怕佢一咬就斷左咁就大件事) 然後俾bb自己拎住咬, 咁樣可以舒緩牙肉痛, 又或者你用紗巾包住手指頭然後浸啲凍開水, 再幫bb按摩下牙肉都ok ga.

如果唔係出牙仔, 咁你可以試吓俾啲嘢去引佢食嘢, 例如烚熟啲西蘭花或者紅蘿白然後切細細粒, 或者俾條菜心莖 (淨係要莖心) 俾bb慢慢"妹", bb會好開心ga, 因為佢覺得自己"大個仔"嘛! 同埋呢, 會唔會係你煮啲粥仔太稀所以佢唔鍾意呀, bb可以鍾意有"咬口"喎, 你又試吓煮杰身少少睇吓會唔會好啲.

再唔係既, 仲可以試吓煲開奶茶, 連飲兩日, 跟住bb會痾啲好核突嘅便便, 之後就會開胃ga la!

私人傳訊

積分: 15328

3^#

發表於 11-2-27 19:14 |只看該作者

之前都估佢出牙仔，但而家已經真係出左一隻，但都係咁！

牙膠佢唔食呀！

開奶茶都試過，情況同樣冇改善。

粥既稀杰我全部都試過，凍d熱d都試埋！佢只係肯食少少咋！

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

4^#

發表於 11-2-27 21:22 |只看該作者

有冇試過俾薯蓉, 麵包, 麥皮?

食粥前飲左奶幾耐?

[ 本帖最後由 bosch 於 11-2-27 23:42 編輯 ]

私人傳訊

積分: 15328

5^#

發表於 11-2-27 23:38 |只看該作者

原帖由 bosch 於 11-2-27 21:22 發表
有冇試過俾薯蓉, 麵包?

佢應該食唔到面包，薯蓉就未試過，可以點整呀？用湯？

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

6^#

發表於 11-2-27 23:50 |只看該作者

原帖由 irene_the_pooh 於 11-2-27 23:38 發表

佢應該食唔到面包，薯蓉就未試過，可以點整呀？用湯？

就咁用水烚熟個薯仔, 之後壓成茸. 你煲蕃茄薯仔湯既話, 都可以用個薯仔整成茸.

你個bb 9個月大, 可以試下食麵包, 你搣到包包好細粒咁餵佢, 睇下佢肯唔肯食啦. 想食軟d 既可以俾新鮮麵包, 要有咬感既就俾隔夜麵包, 我住外國, 健康院係教俾隔夜麵包 (仲要冇粒粒果種麥包, 可以搽軟牛油或芝士醬) , 咁d 麵包唔會太林同埋攝晒bb 牙肉度.

私人傳訊

serena2009

複式洋房

積分: 290

7^#

發表於 11-3-1 00:36 |只看該作者

其实每天喝奶都可以呀
如果他实在不想吃东西，每一餐喝奶，都可以，儿科医生说，喝到一岁都是可以呀。
我bb一岁时候三餐奶一餐饭，有时一日喝奶。现在2岁，都很好呀。没有关系，不要担心。小朋友怎么样都会长大。

你是我微笑的答案.

私人傳訊

szetoszeto

積分: 1740

8^#

發表於 11-3-1 22:47 |只看該作者

依個階段多數都會有此情況
我囡囡之前同你bb一樣
每日食粥仔就好似打仗一樣
每次好不容易先食到半碗

慢慢嚟喇! 唔好比自己同BB太壓力
你又擔心、又會攪到BB唔開心(怕怕食粥仔)

其實BB食粥仔更係好喇!
但係唔食都唔好太擔心
因為補奶同樣夠營養

你試吓每日同樣都比杰粥佢食
唔食就補奶
遲吓佢會慢慢食番多d!

另外,你d粥仔點整架! 用d咩才料煲
你可以試吓落小小洋蔥
有d味同好香BB會鍾意食架!
又或者可以煲d燙做粥低
都會好味好多架
每次煲完我一定試味
唔好味可以改良嘛!

有時間大家傾吓
唔好比自己太多壓力
BB都會唔開心架!

私人傳訊

積分: 15328

9^#

發表於 11-3-1 23:22 |只看該作者

原帖由 serena2009 於 11-3-1 00:36 發表
其实每天喝奶都可以呀
如果他实在不想吃东西，每一餐喝奶，都可以，儿科医生说，喝到一岁都是可以呀。
我bb一岁时候三餐奶一餐饭，有时一日喝奶。现在2岁，都很好呀。没有关系，不要担心。小朋友怎么样都会长大。 ...

多謝你安慰呀！
我而家都叫自己放鬆ｄ，佢餓就會食，好多朋友都同我講：只要佢精神肯玩即係冇事啦！

你最後ｏ個句說話令我安心ｄ呀！
多謝你！

私人傳訊

積分: 15328

10^#

發表於 11-3-1 23:24 |只看該作者

原帖由 szetoszeto 於 11-3-1 22:47 發表
依個階段多數都會有此情況
我囡囡之前同你bb一樣
每日食粥仔就好似打仗一樣
每次好不容易先食到半碗

慢慢嚟喇! 唔好比自己同BB太壓力
你又擔心、又會攪到BB唔開心(怕怕食粥仔)

其實BB食粥仔更係好喇!
但係唔食都唔 ...

睇你既說話知道你都有此經驗，唉…有時大家餵　／　食到鬼哭神號咁，真係心疼！

我而家努力學習緊，點好做一個多ｄ耐性既媽媽呀！

私人傳訊

貓貓人

積分: 1593

11^#

發表於 11-3-3 23:45 |只看該作者

唉....我個case可能仲差過你, 我日日餵阿b真係餵到很氣餒, 無論我煮任何食物, 生果蓉, abc粉, 不同的粥仔, 又魚又雞又瘦肉, 不同的瓜菜, 面包, 他都完全不肯食......我真的很想喊, 人地話bb餓自然會食, 佢已經8個幾月了, 我完全找唔到任何一種食物佢喜歡的, 每次餵食物都全家總動員, 又tum又玩, 佢總是顯的很不開心, 食幾啖就作嘔.....一係又吐出o黎.........我都唔知可以點......好心痛

9W7D 2.64cm 11W5D 4.72cm(OSCAR)

私人傳訊

積分: 15328

12^#

發表於 11-3-5 23:23 |只看該作者

原帖由 貓貓人 於 11-3-3 23:45 發表
唉....我個case可能仲差過你, 我日日餵阿b真係餵到很氣餒, 無論我煮任何食物, 生果蓉, abc粉, 不同的粥仔, 又魚又雞又瘦肉, 不同的瓜菜, 面包, 他都完全不肯食......我真的很想喊, 人地話bb餓自然會食, 佢已經8個幾 ...

我發覺調校自己既期望會好d！
呢幾日我抱住「預左你唔食」既心態，人輕鬆左，或者可能係咁，阿囝反而食番好d！

另外一個方法係我改左食粥時間，之前第二、四餐食粥，阿囝唔願食，奶就食得好快，而家改為第二、三餐食粥，如果第三餐食唔晒，就第四餐都係粥，等佢冇得揀，餓就焗住咩都食！

我而家都仲係用緊呢個方法，亦係抱住呢個心態，你不如都試下啦！

私人傳訊

Jo3

積分: 2798

13^#

發表於 11-3-7 01:24 |只看該作者

我個囡就來18個月, 都係唔食飯, 有時我嬲起上來, 試過打佢...
事完就好後悔...

原帖由 irene_the_pooh 於 11-2-26 12:15 發表
BB接近九個月，唔肯食粥仔已經成個月，每次只肯食幾啖至半碗，睇過醫生又話佢唔係唔舒服。

我就黎癲喇！每次都餵到想喊，有時真係喊左出黎！見住佢愈黎愈瘦，都唔知點好！

請問可以點呀？ ...

私人傳訊

積分: 15328

14^#

發表於 11-3-7 16:37 |只看該作者

原帖由 Jo3 於 11-3-7 01:24 發表
我個囡就來18個月, 都係唔食飯, 有時我嬲起上來, 試過打佢...
事完就好後悔...

哎呀…真係勁後悔架！
我都試過好大聲鬧佢、又試過打佢，雖然真係好細力，其實係拍下咁，但佢知你係鬧緊佢，所以佢真係喊得好慘！

我事後真係勁後悔！而家諗起都會唔開心架！

私人傳訊

daizz

別墅

積分: 894

15^#

發表於 11-3-9 07:59 |只看該作者

我都有咁嘅問題。我塞唔到糊同粥入佢口，乳酩都試過，食到一身都係，好氣餒，但可以點做？
我每日都prepare finger food，由佢自己食，見佢便便變左就即係食左d。
我而家對餵佢仲摸索近，有無媽媽有多d經驗呢？支持吓我地

私人傳訊

carol_kk

男爵府

積分: 7377

16^#

發表於 11-3-9 08:54 |只看該作者

其實BB唔肯食固體係有原因既.....佢地呢個時間多數吽牙仔, 唔舒服咪唔想食粥或飯, 但佢地可能會肯食水果或麵包, 咪照比佢食囉, 無乜所謂架.....到佢地吽咗D牙出黎, 會食得好快同多架啦.....我個仔都係咁, 9個月試過個幾兩個月只肯食幾啖粥, 之後又可以食到差唔多一碗, 最近13個月左右, 每餐只肯食1/4碗咋!!! 到呢一, 兩日又開始肯食一碗杰粥啦! 我發現原來佢多咗兩隻大臼齒呀! 原來之前又係吽牙.

私人傳訊

su611ki

積分: 1560

17^#

發表於 11-3-10 00:18 |只看該作者

我有經驗同大家分享下.我個仔就歲半啦.由一歲到而家都食好少野.起初我都好擔心.驚佢依樣個樣.打鬧咩都試過,又比d開奶茶佢飲.結果都係一樣.每次食個細碗仔食都有剩.我覺得佢好快就飽,一飽就會作嘔.一日比一日瘦,而家只得10kg.但我覺得佢超有活力唔似有病,我惟有比佢少食多餐.但我唔會唔零食佢.時關已經營養唔夠.食太多零食陣間又食唔洛飯咁就唔好啦

私人傳訊

daizz

別墅

積分: 894

18^#

發表於 11-3-11 14:04 |只看該作者

我嗰個一粒牙都無，還有兩天8個月了，唔肯開口吃spoon上的食物，但我用手放入佢口或佢自己放入口就食，但咁樣食唔到粥或其他流質嘢，我已經無迫佢，由佢食少少蔬果麵包就算，有無bb係唔食粥，會不會唔均衡唔夠calcium, iron影響生長？
我只好俾芝士，因可以用手拿著

[ 本帖最後由 daizz 於 11-3-11 06:08 編輯 ]

私人傳訊

su611ki