單親天地 今日: 1 | 主題: 18279

積分: 2865

1^#

發表於 11-6-29 13:56 |只看該作者 |倒序瀏覽 |打印

個賤人今日同我講,佢問過宿舍組,分居紙一出,間宿舍就要即該比交返比政府,我想知係唔係真???當初我諗著到正式離婚之前,都重可以住兩年以上,咁期間我就一路申請公屋,到收宿舍時,再打算,但依家要我走我都唔知去得邊???

0 0 0

私人傳訊

Bubu0130

積分: 1634

畀面勳章

2^#

發表於 11-6-29 16:17 |只看該作者

引用:個賤人今日同我講,佢問過宿舍組,分居紙一出

原帖由 dream_dream 於 11-06-29 發表
個賤人今日同我講,佢問過宿舍組,分居紙一出,間宿舍就要即該比交返比政府,我想知係唔係真???當初我諗著到正 ...

呢樣真係唔清楚喎，你可唔可以打去問福利組呀？

私人傳訊

積分: 2865

3^#

發表於 11-6-29 22:37 |只看該作者

回覆:Bubu0130 的帖子

聽日打去問下！

私人傳訊

積分: 21845

4^#

發表於 11-6-30 00:00 |只看該作者

回覆 dream_dream 的帖子

我ex係police!
首先米聽您老公點您!分居係未洗交宿舍住架可以補留1年~但出了離婚令便真的要30日內交番間屋比宿社組!
令外,如果您無生命危險,我都會見意您繼續住係宿舍先,因為只要福利官知道您嘅情況係緊急小朋友嘅管養權係您到!她們亦會優先幫您轉介比房屋處的!如果搬走了您又拎了政府嗰d綜援嗰d之類嘅嘢~咁您便要由房屋處隊,我估起碼要等幾年先有屋所以千期唔好衝動吖~
但是要見紀律部隊的福利官,您係需要直接搵您老公嘅上司推薦先做到的...
如果有福利官的推薦report我見過幾個伙記嘅老婆,出了離婚令係可以直接由宿舍搬去公屋的~不過您要考慮清楚因為搵了您老公嘅上司,亦代表您嘅婚姻係9成9要完結的.....
您有咩嘢想知道,您pm我吖~
或者我所知嘅可以幫到您dd嘅~~~

私人傳訊

積分: 2865

5^#

發表於 11-6-30 17:03 |只看該作者

回覆:babytszkin 的帖子

好多謝你嘅資料，我有個朋友個老公都係警察，佢都幫我問咗，都話係離婚紙出咗先至交返間宿舍出嚟，我唔明佢點？係咪想我兩母女瞓街？

私人傳訊

shirleyauhc

子爵府

積分: 14684

好媽媽勳章畀面勳章

6^#

發表於 11-7-2 22:28 |只看該作者

係,除非仔女哨佢住先可以保留囉..

[size=medium]穎慧賢淑是伊人，怡悅自樂最歡欣

私人傳訊

Bubu0130

積分: 1634

畀面勳章

7^#

發表於 11-7-2 22:47 |只看該作者

引用:好多謝你嘅資料，我有個朋友個老公都係警察

原帖由 dream_dream 於 11-06-30 發表
好多謝你嘅資料，我有個朋友個老公都係警察，佢都幫我問咗，都話係離婚紙出咗先至交返間宿舍出嚟，我唔明佢 ...

擺到明博你唔識啦，一係直接問佢想點啦

私人傳訊

積分: 2865

8^#

發表於 11-7-3 00:13 |只看該作者

回覆:shirleyauhc 的帖子

我知子女跟佢間宿舍係可以保留，但佢依家話分居紙一出間宿舍就要比返宿舍組，要咁快嘅咩？係咪依家改咗呀？

私人傳訊

積分: 2865

9^#

發表於 11-7-3 00:20 |只看該作者

回覆:Bubu0130 的帖子

我真係想三口六面同佢講清楚，睇下佢想點？如果真係有咩傾唔掂，我唯有用babytszkin個辦法，佢唔死我死！

私人傳訊

K.K.NG

子爵府

積分: 10404

10^#

發表於 11-7-3 02:05 |只看該作者

回覆:有無EX係公務員嘅媽媽係度?

其實正式黎講，係由你地分居開始你就無得住嫁啦，因為宿舍係你老公做戶主，就算分居都只可以戶主响到住而唔係個配偶！至於正式交宿舍，就係離婚令出咗一個月就要交！

神呀，請允許bb黎到我身旁！

私人傳訊

積分: 21845

11^#

發表於 11-7-3 08:05 |只看該作者

樓主~
以您留言睇黎,您老公未必想同您離婚喎~
講真他係行內人~點會唔知內情,或者您個心應該甜一甜,因為他係想挽留您先咁同您講~
雖然我唔知您係因為咩原因想離開您老公~不過我呢個過來人好想同您講,如果可以坐低慢慢咁同您老公傾清楚,記住唔好發皮氣~
咁對您係百利而無一害架~

私人傳訊

積分: 2865

12^#

發表於 11-7-3 10:20 |只看該作者

回覆:babytszkin 的帖子

我太了解佢啦，佢唔係唔想離婚，而係佢係一個超越自私的賤人，我哋分開咗4年多，但因為大家都無地方住，所以住係同一間屋。佢突然提出要簽紙，而且同我講，如果個女撫養權係我到的話，屋又無，個女所有福利全部無哂，所以佢叫我將個女嘅撫養權比佢，咁間宿舍就可以保留，佢會搬走，我同個女就可以住到佢退休為止！我同佢講如果係咁，你可以照搬走吖，使咩要去簽紙？將來如果大家有需要再婚先去攪囉，（我心諗覺得好無保障囉，如果佢第日反口咁點算？佢將來個老婆都唔會肯有宿舍住唔住，比個前妻住，自己就要比幾千蚊租樓住啦！）跟著佢又話唔想拖咁耐、要攪清楚件事，而係談判過程中，佢又話因為我有個女，所以我唔會有贍養費，最多係只有子女生活費！！照以上推斷，佢根本就係想要個女嘅撫養權嚟留間屋同埋唔想比贍養費我，而且佢重可以有子女免稅額！超賤呀

私人傳訊

積分: 21845

13^#

發表於 11-7-3 21:58 |只看該作者

回覆 dream_dream 的帖子

每個人都會有自私嘅一面,您為自己想,他亦會為自己想,所以無咩話錯與對~
您們可以同一屋簷下4年,咁點解唔係差不多要完結關係嘅時後,放低小小,行前小小~
您有打工嗎~如果無...贍養費對於您2母女黎講亦是好重要的,我自己有工做都係有固定收入的,
我ex都係無比贍養費我(每年1蚊)他每月比小朋友嘅錢亦足夠讓小朋友有基本的生活開支...
您老公打政府工...徐非他有嚴重嘅欠債入不敷出,如果唔係,他係一定要比錢養小朋友的,,亦係應該盡的責任~
不過您真的要心平氣和咁同他傾.....對您2母女百利無一害~
至於屋..講真,您ex同您離婚,他在婚一樣都會有屋~所以如果您無生命危險...我覺得您都係留係現址,宿舍組係不會強行收屋的....到時宿舍組會以人道理由..推薦您和吖女優先分配公屋~
我有幾個朋友,係可以由宿舍直接搬到公屋,連舊屋傢俱都可以用得到~
不過我離婚已經2年喇~....我都怕我嘅消息未必係最update的...
您搵個行內人幫下您吖.....他們才會是最清楚的....
行每一埗都要想清楚....千奇唔好衝動....ok

私人傳訊

積分: 2865

14^#

發表於 11-7-3 23:49 |只看該作者

回覆:babytszkin 的帖子

真係好多謝你同我分析咁多嘢，我有嘢做架，但佢依家有欠債，我都驚如果依家攪離婚，佢都比唔得多我哋，所以我覺得拖返兩年先簽紙係最好的，因為到時候佢嘅債應該清得七七八八，咁會好好多！
咁係咪即係如果我賴死唔走，宿舍組都唔會強迫我哋走？但我聽聞會收返市價租金！我依家都周圍問緊行內人，希望可以順利攞到間公屋啦，係現今社會，一間屋真係好重要，一個普通打工仔直係好難負擔到租金，更何況我要照顧埋個女！

私人傳訊

積分: 21845

15^#

發表於 11-7-4 07:29 |只看該作者

本帖最後由 babytszkin 於 11-7-4 07:33 編輯

回覆 dream_dream 的帖子

唔好咁客氣喇,我當然明白您嘅難處!
有個地方屬於自己,可以比d小朋友安安定定咁生活,唔洗跟住我地做遊牧民族....呢個係好多單親爸-媽
嘅第1埗
至於您問我要唔要交市直租金,以我所知係您係欺騙成份下先要交...但以我估計係您未搬離舊屋前宿舍組都會搵您架喇.家上間屋係您老公個名,有咩事...您都唔洗太擔心...追都係追他...唔會追您架....
至於贍養費...哎..您真係要搵他傾架...好像我ex欠債離婚嗰陣欠債成百萬....他淨係minipay都要幾萬..
我本來都係打算唔要他d錢,但傾傾下都為吖仔爭取到幾千蚊一個月...
所以真係要搵您老公...慢慢傾講下您嘅難處...希望他明白得多d....照顧下您2母女~
放鬆d...唔好急~慢慢一埗埗黎喇~一定得架~

私人傳訊

積分: 2865

16^#

發表於 11-7-4 10:49 |只看該作者

同你傾計真係好開心,可能大家都係背景差不多,咁你依家住係邊呀?遊牧民族嘅意思係?

私人傳訊

積分: 21845

17^#

發表於 11-7-4 23:38 |只看該作者

回覆 dream_dream 的帖子

SORRYa ~我今晚要ot所以而家先可以覆到您嘅留言!
我都好開心可以識到您~
我小朋友係自閉兼弱智嘅所以經e生嘅推薦信社工嘅幫忙,我用體恤安置嘅理由
離婚後約8個月到已經取了公屋,所以我同吖仔已經入伙1年多喇~
當初,我行錯了路,因為我老公包2奶,欠債百萬,我老爺仲同我講您個仔又係低嘅,無本事嘅女人學咩人講離婚

不過最令我死心嘅係我傾盡我所有去幫我ex,都比我發現他重有同個女人有來往...我堅持要離婚他仲郁手打我!
搞到最後係差人上門,係嗰一日我口袋無咩錢,只有一盒手飾,吖仔便跟住我離開了屋企~
雖然我很幸運,遇到好多好落於幫我2母子嘅人,不過係我和吖仔相依為命住係嗰間一落床已經要出門口嘅套房!
呢8個月嘅生活徐了要忍耐,到現在我仍很餽疚於我吖仔...點解我咁衝動.唔願意埋沒自己小小,等他唔洗改變原本嘅生活
而要呢個小朋友同我一齊挨呢!
所以我常會告介係呢樹準備要離婚嘅人....呢個世界無咩話邊個無邊個唔得!不過如果有小朋友便真的要想多一點想清楚一點先在行動~無謂要d小朋友受苦~
我已經覆了您pm喇~
遊牧民族嘅意思=無屬於自己嘅地方,徐時要搬家嘅意思吖~

私人傳訊