吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老豆包二奶，俾我捉到，我打左個女人一餐 ...

夫婦情感今日: 8|主題: 42449

收藏本版

發帖

返回列表

跳至頁

查看: 13063 | 回覆: 91

12 3 4 5

積分: 2439

1^#

發表於 11-7-23 08:12 |只看該作者 |倒序瀏覽 |打印

話說幾個月前，我老豆（64歲)行為古古怪怪，成日話冇錢，但佢自己一個月搵兩萬，家庭支出都唔會超過萬三蚊，而且我同細路都有準時交家用俾佢，理所當然有錢剩，但成日開口問我同細路借錢，咁我就開始懷疑，我同細路一齊查佢銀行記錄同電話記錄，發現佢近lee一年每個月洗三萬五，仲有一疊簽咭嘅收據，先發現佢成日同個女出街食飯，成日買野俾個賤人，又每一早都會陪個女人食早餐同每晚都會同個女人傾完電話先訓。咁我同細路就搵佢問佢依家想點，係唔係要個女人，但佢死口都唔認，話只係朋支，一齊食下飯傾下電話唔得咩，叫我唔好理，我再問佢，你意思係唔要lee個家，唔要我阿媽，揀個果女人？佢冇答，佢大我，叫我話俾阿媽知囉，我唸唸再認一排，睇下佢會唔會同個女人分開，因為我唔想我阿媽老左先冇左個伴。
之後，我就係佢架車裝左個偷聽器，睇下佢仲有冇搵個女人，點知都係有。咁我就同我老公開始跟跡佢，睇下個女人住邊，但有兩次都跟唔到，但lee件事已經影響到我嘅情緒，成日訓唔到，又嘔，我怕我有產前抑鬱症(我有左BB 6個月)，我老公叫我認下，話生完先再跟，我話唔得，我晚晚都訓唔著，我要將lee件事盡早解決，否則我會痴線。咁7月21日一早，我就

點評

guji 同問...家用5好比佢發表於 11-7-27 03:05

BOBO6 唔明點解家用比你老豆,唔係比你阿媽發表於 11-7-25 02:29

0 0 0

私人傳訊

lamyungyu

珍珠宮

積分: 34258

畀面勳章

2^#

發表於 11-7-23 08:38 |只看該作者

引用：話說幾個月前，我老豆（64歲)行為古古怪怪

原帖由 POLLY922 於 11-07-23 發表
話說幾個月前，我老豆（64歲)行為古古怪怪，成日話冇錢，但佢自己一個月搵兩萬，家庭支出都唔會超過萬三蚊 ...

追~~~~

見你一獲打你一獲

私人傳訊

POLLY922

大宅

積分: 2439

3^#

發表於 11-7-23 08:49 |只看該作者

回覆：POLLY922 的帖子

咁7月21日一早，我就搭的士跟跡我老豆去到慈雲山毓華里，我見到佢係架車度等人，過左一鎮佢收到電話就落左車，我估係個女人叫佢係邊度等，一齊食早餐，可惜我跟不上，為有係佢架車附近等，過左半個鐘終於返黎，我見到個女人上車，我火都黎埋，我上前拉開車門不停打個女人，我老豆見到即刻落車，拉開我，我同佢係毓華里大嘈，我話要用部相機影抵個賤人張相俾阿媽睇，我老豆就出手搶我部相機，不停打我隻手。之後個女人走人，我就上左我老豆架車再嘈過，我最後一次問佢，你會唔會同個女人分開，佢話唔會，佢鍾意個賤人，我一聽即刻打俾我阿媽，話俾我阿媽知佢包二奶，但當時我阿媽反應不來，有少少不知所醋，但我一路講電話時，我老豆不停打我隻手，又打電話俾我老公，話我痴左線，叫我老公快d來接我。係度等老公來之前，我不停鬧佢賤人，佢又不停打我隻手。
之後，我老公黎到接左我返屋企，佢不停打電話黎惡客我，話唔會放過我，好似要同個女人出氣咁，話我夠膽再搵個女人，小心後果。我個刻先發現，佢變左好多，同佢之前慈父形象差天拱地，冇得救。
我阿媽好傷心，想趕佢走，但佢死都唔走，話佢冇做過，佢做乜要走，佢話以後都唔會俾家用。我依架想唸辦法趕佢走，大家有咩方法，另外我懷疑個女人其實有老公的，所以佢驚我上去佢屋企搵佢。

點評

小花媽咪樓主, 陀緊B真係唔好咁火, 否則將來阿B發火對住你. 小心保重! 發表於 11-7-26 21:42

oolong817 美亞講得岩!! 發表於 11-7-24 16:21

ccwife how can he hit u!!!!!!!!! you are pregnant!!! is he crazy!!!! 發表於 11-7-24 00:45

美亞咁.一定要俾佢老公知.順便叫你老豆小心收尾果幾年.無人邦佢養老~ 發表於 11-7-23 22:13

私人傳訊

POLLY922

大宅

積分: 2439

4^#

發表於 11-7-23 08:50 |只看該作者

引用：Quote:原帖由+POLLY922+於+11-07-23+發表話

原帖由 lamyungyu 於 11-07-23 發表
追~~~~

追乜？

點評

lamyungyu 追~~~你個post . 發表於 11-7-23 10:19

私人傳訊

ndw

子爵府

積分: 13717

5^#

發表於 11-7-23 09:09 |只看該作者

本帖最後由 ndw 於 11-7-23 09:23 編輯

先聽你老公話，養好胎。有乜先揾細佬同你老公去查，去辦。既然你而加都露左面....
你先多點了解下你媽媽先。或者你媽媽０甘多年來都無想去查，無想去知這個丑陋的真相呢？
又或者你媽媽系知，但系距唔想畀仔女知個老逗０甘呢？
LEE D 始終都系距地三個人或四個人０既事，你幫你媽媽之前一定要問過你媽媽意思想點先。唔好自把自為。每個女人０念０野唔同。母女都有分別價。搞唔好，第日你啊媽無老公仲怪你今日所做０既添。
我都唔希望你啊媽老時無老伴，老人家無老伴咱搞到D仔女０既家庭。姻親關系 e.g. 婆媳關系都可能影響埋。

願你們都好！

點評

toysbuddy agree for such action! 發表於 11-7-23 09:55

私人傳訊

Hamster123

複式洋房

積分: 390

6^#

發表於 11-7-23 09:16 |只看該作者

回覆 POLLY922 的帖子

點解要打個女人呢？最大既責任係你老豆，牛唔飲水唔禁得牛頭低。

點評

心如飛絮本來我都想兩個都打.但老豆始終係老豆,所以,會先打小三! 發表於 11-7-29 09:26

bongbongpatty 比我兩個都打發表於 11-7-28 01:56

alice44 點解唔可以打個女人呀! 我覺得樓主做得正確, 出下氣唔得咩! 發表於 11-7-25 16:48

careysum 做咩要打個女人？比我兩個都打發表於 11-7-24 21:50

私人傳訊

lili2509

大宅

積分: 4717

7^#

發表於 11-7-23 09:20 |只看該作者

少心保重自己呀.妳有一個bb係道.

毛毛豬

私人傳訊

annmama

別墅

積分: 882

8^#

發表於 11-7-23 09:34 |只看該作者

其實你未攪清楚就出手唔係太好，不如揾你老豆心平氣和傾下，睇下佢同個女人之間嘅關係，另外亦可以問下佢心諗住點面對你媽先。
其實任何一對夫妻，如果關係好嘅話唔會比第三者咁易入侵嘅。

點評

心如飛絮無可能心平氣和啦.做路人甲,講就易囉. 發表於 11-7-29 09:27

alice44 真係有好多男人係想享齊人之福. 兩公婆感情好都唔代表無呢D事發生. 發表於 11-7-25 16:51

hedycaca 感情唔好都唔代表佢可以包二奶，佢可以離婚，擺明想享齊人之褔！發表於 11-7-25 09:35

fafacat 車, 又係呢句! 發表於 11-7-24 23:39

私人傳訊

lovenambb

子爵府

積分: 12654

9^#

發表於 11-7-23 09:46 |只看該作者

回覆：老豆包二奶，俾我捉到，我打左個女人一餐

搵偵探去查,一拍兩散!!!

私人傳訊

clshei

男爵府

積分: 9857

10^#

發表於 11-7-23 09:55 |只看該作者

離婚咪可以趕佢走, 問題係妳媽媽想唔想佢走...........

私人傳訊

不是港女

複式洋房

積分: 349

11^#

發表於 11-7-23 10:14 |只看該作者

俾著我,我會囉介刀劃花佢塊面
叫佢勾人老公勾的咁開心呀拿
睇佢返屋企點同佢老公講.
PK狐狸精死十次都唔多

點評

心如飛絮我唔會為任何人背上刑事案.但我會打個女人,佢夠膽就告我囉. 發表於 11-7-29 09:28

尤嘉妮好正呀,你的而且確唔係港女,係俠女發表於 11-7-29 05:14

vet don't do that!!!! 發表於 11-7-29 02:34

tchu 為對付狐狸精而犯法, 唔不值得 lor! 發表於 11-7-27 01:26

fafacat 以上既情節, 大家唔好學! 發表於 11-7-24 23:40

私人傳訊

lamyungyu

珍珠宮

積分: 34258

畀面勳章

12^#

發表於 11-7-23 10:22 |只看該作者

樓主你粗身大細, 要顧住自己先呀. 至於你老豆單野,都比你揭穿咗咯,而家都做唔倒d嘜. 我諗你老豆而家都好亂,大家都需要時間諗下. 你唔好理住了. 目前最緊要顧住你自己啦,你個B啦,你呀媽. 此事發生最傷係你呀媽.

見你一獲打你一獲

私人傳訊

tired

珍珠宮

積分: 30410

13^#

發表於 11-7-23 10:30 |只看該作者

回覆：老豆包二奶，俾我捉到，我打左個女人一餐

我鄧你牙煙呀樓主，粗身大細，萬一個女人打返你甘點呀！小心自己身體呀

甘你媽咪而家點？多點陪佢同安慰佢啦，一時間甘大打擊，佢未必接受到，至於個老豆，我會以後5比家用佢，睇佢几時比29渣乾:;pppp:

私人傳訊

shingmami

大宅

積分: 2486

14^#

發表於 11-7-23 10:41 |只看該作者

回覆 POLLY922 的帖子

唔好咁衝動! 要冷靜一點, 更何況你大肚呢！你咁樣對自己同bb 同唔好 . Claim Down !
但你媽咪有個咁為佢出頭既女,真幸福 . 男人永遠都信不過, 就算現在說有多愛你, 時間久了, 日子耐了,
都會受不住誘惑, 受不住新鮮面孔所的吸引, 做出一些自以為無傷大雅, 非傷天害理的事去傷害自己伴侶, 還滿口大道理, 將責任推卸給別人, 我相信, 很多為 "老公包二奶" 而飽受困擾的太太們都一定有所同感, 男人永遠是自私的動物 .
Polly , 現在可以做的是抽多啲時間陪你媽咪, 和她傾訴, 嘗試把她不開心的情緒發洩出來, 不要讓她太多時間獨自一個, 因這樣會胡思亂想, 做出儍事, 讓事情淡化一點再解決吧!　我相信，　你媽咪有倆個愛自己的兒女己足夠！可必為這些男人而動怒呢　！

點評

tchu "Claim Down", do you mean "calm down" ah! 發表於 11-7-27 01:27

私人傳訊

sos...

大宅

積分: 3865

15^#

發表於 11-7-23 10:55 |只看該作者

回覆：老豆包二奶，俾我捉到，我打左個女人一餐

使乜自己出手呢？俾$搵人查佢，真係有做過唔到佢唔認！依家最緊要安撫伯母心情，畢竟對住自己丈夫敢多年，有d野我地做子女也不能過問太多，唔好迫佢做任何決定，感情呢樣野只有局內人才能解決，靜觀其變，多d陪伴伯母，等佢知道佢重有你地錫佢，愛佢，支持佢！

樓主，你要放開心情，多保重，你既情緒要克制一點，你阿爸講到明你再出招，唔會放過你！千祈唔好迫狗又窮巷，變左質既男人真係乜都做得出，或之你係乜水丫，佢睇唔到野架喇，你大住肚，唔好同佢硬碰硬，攪出人命就大件事！小心身體呀！

點評

guji 同意發表於 11-7-27 03:12

私人傳訊

juicypig

珍珠宮

積分: 30278

環保接龍勳章 hashtag影視迷勳章

16^#

發表於 11-7-23 10:55 |只看該作者

好激

一個人之所以快樂,不是因為她擁有得多, 而是因為她計較得少

私人傳訊

waiyuktsoi

珍珠宮

積分: 37177

2024年龍年勳章熱血勳章畀面勳章環保接龍勳章 BK Milk勳章

17^#

發表於 11-7-23 10:56 |只看該作者

樓主你好勇，但係你都要小心自己身體呀

我的生命由我主宰.

私人傳訊

juliababy

男爵府

積分: 5614

18^#

發表於 11-7-23 11:09 |只看該作者

回覆：老豆包二奶，俾我捉到，我打左個女人一餐

只狐狸精幾大啦？！樓主阿爸被迷惑到唔顧及自己個女大住個肚勞氣唔好啦！呢個時候唔好逼佢選擇吖！越逼越作反！！當佢無到，多D同阿媽去街，傾計，等佢覺得再係咁，自己就會被孤立，眾伴親离！然後迷途知返！！！

私人傳訊

NoirNoirNoir

別墅

積分: 906

19^#

發表於 11-7-23 11:12 |只看該作者

回覆：老豆包二奶，俾我捉到，我打左個女人一餐

樓主保重

私人傳訊

全為愛

水晶宮

積分: 55811

20^#

發表於 11-7-23 11:14 |只看該作者

本帖最後由全為愛於 11-7-23 11:18 編輯

polly922：
從你的post，看到你有很多憤怒；除此之外，你還有什麼感受？
你父親的行為令你有什麼感受和想法？
你打左個女人一餐，你當時的心情是怎樣的？現在又有什麼感受？
你試著將它們一一寫出來，讓我幫你分析。
你現在已失眠和顯然有很大困擾，這個須要處理的呀！

polly，我建議你先處理好自己的困擾和心情，才去處理你父親和母親那面。

私人傳訊