吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 阿姨等唔等於係99 ?

婆媳關係今日: 4|主題: 27700

收藏本版

發帖

返回列表

跳至頁

查看: 2281 | 回覆: 35

阿姨等唔等於係99 ? [複製鏈接]

anita1981

別墅

積分: 728

1^#

發表於 12-3-15 16:30 |只看該作者 |倒序瀏覽 |打印

本帖最後由 anita1981 於 12-3-15 16:55 編輯

大家好, 雖然我仲未入門, 但都好想係呢度呻下。

我有一個拍左 12 年拖嘅未婚夫, 佢媽咪好早過左身,而老豆一早離左婚後不知所終。末婚夫一個人租樓住, 我平時 (除左星期二同三會返自己屋企) 會去佢屋企住。幾年前,佢一個阿姨因為被迫遷(查實包租婆收佢友誼價, 佢住左人地度好多年, 人地要賣樓,佢無得再租),未婚夫個邊無人肯收留佢, 我竟然舉手話接佢黎一齊住, 因為我諗得好完美,點知原來係惡夢開始。

佢係做日間保安, 月入超過$8,000 (早上6:00 開工 , 晚上 7:00收工) 。佢由頭到尾都好縮骨, 無為屋企付出過乜 ( 我地唔係寄望佢會夾小小租), 但至少屋企嘅日常用品都闊佬懶理,我自己一個人經常一袋二袋買番黎 ( 尤其佢係素食人仕), 記得有一次佢放例假,我同佢講不如一齊去百佳入貨,佢冷冷一句 " 我唔得閒,您自己去,平時都係搭的士返黎乍嘛 !" 結果我又係一袋二袋素食食物及飲品自己拎番黎。佢只會享受,好快食晒您買番黎嘅嘢。

平時食完飯我會自動自覺去洗碗, 有一日佢衝入黎廚房同我講 " 我唔駛你洗碗 !", 我問點解, 咩事呀 ?佢好似老細上身咁 " 我唔滿意你洗碗 !" , 個一刻我真係好難受。我煮野唔叻但經常睇食譜煮飯,由於佢食齋, 我已經盡心配合佢, 有一次我煮餸落左洋蔥 ( 事前真係唔知佢唔接受架), 佢一食落口即刻拋低筷子好串咁話 "我唔會食你嘅餸" , 之後自己發脾四衝入廚房發出巨響煎素腸。我走出街係到喊, 最後未婚夫氹番我。

3 年前佢話因為著緊嘅鞋令佢腳痛所以我尊登放假去搵一對出名又舒服嘅鞋俾佢著。但佢從來無著過,足足3年係佢床尾打入冷宮。

我最嬲嘅係2年前係中環買左一條七色水晶手鏈俾佢戴住黎招財納福, 佢無戴過不特止條手鏈仲不知所終我開口問佢條手鏈去左邊 ? 佢最初話平時開工唔方便戴咁靚所以收埋左, 之後竟然答我放在係佢所謂朋友
嘅水晶店內,仲串我話 " 我朋友同我睇過呢條手鏈最尾個粒係膠珠黎嘅 ", 於是乎個條手鏈無再出現係屋企。

大家一齊住左4年, 佢從來唔會清潔屋企 ( 包括吸塵 / 洗地 / 洗廁所), 因為全部我做晒 ! 佢間房又酸又臭都唔理.....好無衛生, 生人勿近 ! 我同未婚夫講出年4月租約期滿一定要走兼且分開住 !! 佢答應左我要求 !

忍無可忍不需再忍 !!

點評

wong191 唔好再傻落去.

發表於 12-3-30 22:38

Anpanmama 4 years.

...your are super!!! 發表於 12-3-16 18:01

0 0 0

私人傳訊

BigB大B

男爵府

積分: 6476

2^#

發表於 12-3-15 16:39 |只看該作者

只可以講亞姨係長輩囉~~
不過, 最初你蠢左, 根本唔應該叫佢一齊住 !

點評

wong191 同意

發表於 12-3-30 22:38

私人傳訊

LINGS

男爵府

積分: 5919

好媽媽勳章

3^#

發表於 12-3-15 16:39 |只看該作者

回覆：阿姨等唔等於係99 ?

仲要等到出年4月，仲有成年，樓主你點頂呀

點評

joannewu_0302 都頂左4年啦, 唔差呢1年啦! 發表於 12-3-15 17:25

私人傳訊

angelic

男爵府

積分: 5509

4^#

發表於 12-3-15 16:40 |只看該作者

佢老人家冇仔女??

定係因為自己D他女都知佢咁麻煩所以情願做不孝子??

但點都好, 你未來C6 support搬返開住, 咁就恭喜你先

私人傳訊

mimichong

珍珠宮

積分: 33876

2024年龍年勳章畀面勳章環保接龍勳章 wyeth冷知識勳章叻叻勳章

5^#

發表於 12-3-15 16:40 |只看該作者

咁都好呀...同佢講租約滿咗揾地方搬...
(但唔好依家咁早講....提早3-4個月都可以...我怕佢有排比氣妳受)
話妳地想組織家庭...唔同佢一齊住啦...
但妳諗住點同佢講...好難開口

前面是絕路~希望在轉角

私人傳訊

BBqueenie

男爵府

積分: 8081

hashtag影視迷勳章 BK Milk勳章畀面勳章

6^#

發表於 12-3-15 16:43 |只看該作者

一開始無人肯同阿姨住...都應該覺得有問題..有古怪..........
仲有一年.....好快會過....
唔開心就上黎講~~~~

私人傳訊

bastet

伯爵府

積分: 16747

春季勳章好媽媽勳章

7^#

發表於 12-3-15 17:18 |只看該作者

你都唔知佢乜身世, 你都舉腳讚成??
點解仲有成年約架? 而家先3月, 你簽左兩年死約咩??

今晚又OT!!!!

私人傳訊

李大嫂

侯爵府

積分: 23500

8^#

發表於 12-3-15 17:23 |只看該作者

快d問口叫佢走啦

私人傳訊

joannewu_0302

珍珠宮

積分: 40639

認識瑞士牛牛第二回認識瑞士牛牛第一回我的育兒心得勳章熱血勳章玩具勳章好媽媽勳章 wyeth冷知識勳章遊學勳章 hashtag影視迷勳章 DHA勳章

9^#

發表於 12-3-15 17:26 |只看該作者

加油!
你EQ都唔錯啊!
仲有一年姐, 好快過.

私人傳訊

manman800800

男爵府

積分: 7569

環保接龍勳章

10^#

發表於 12-3-15 17:26 |只看該作者

做咩事自頭羅網啊

私人傳訊

anita1981

別墅

積分: 728

11^#

發表於 12-3-15 17:27 |只看該作者

呢個阿姨係最初一直係道堂 (佢個教好怪, 信奉呂祖 + 耶蘇 +佛祖 , 好似叫三聖教?)長住, 但據聞個道堂話事人離世之後新人接任(佢自稱被人逼走), 斷斷續續在不同的人家裏住過 (係一頭半個月),之後搵到麵檔份工, 人地老闆娘見佢一個 50 幾歲單身女人居無定所就超友誼價俾佢租住自己一個唐樓單位住, 住左至少5年人地要收番,佢就數人地點樣對佢衰點樣刻薄佢等等。之後佢被迫遷幾日前同佢親妺 (我地叫三姨), 拎一萬幾千俾佢搵樓住, 但三姨收入不穩無可能俾到錢出黎 ( 本身三姨同佢聯名抽到公屋,但當時佢有隻狗仔,三姨唔鍾意狗再加上公屋唔俾養, 我地曾經提議過放隻狗係我未婚夫屋企,我地幫手湊,佢去三姨度住, 但佢一口拒絕,話要同隻狗甘苦與共)

隻狗死左 8 個月 ( 自然老死, 十幾歲), 佢成日閂自己房門擺好多狗食零食乾糧佈置得好好,放唔開死左嘅事實。每月薪金寧願俾晒動物慈善機構, 一蚊都唔支持住緊嘅屋企 ??晚晚放工返嚟奉旨要我地買埋飯俾佢架 !!!

隻狗死左咁耐....三姨都無主動提出接番佢同佢住 ??

我D friends 都話我當初太蠢啦 !! 仲有咁耐先走 ( 出年4月先走得), 好難捱呀 !!

私人傳訊