本帖最後由 Donald1211 於 13-3-8 14:21 編輯
嗯....唔知有冇人仲記得我出過一個帖係男朋友搭上女同事
講講背景:
同男朋友由2009年開始拍拖2011年開始同居
2012年8月我地分左手佢搬走左
2012年9月我地復合
2012年10月復合一個月發現佢同女同事搭上
個女同事自己都有男朋友
發現後唔夠一星期男朋友已經同女同事講清楚
之後因為佢地日日見面同team同事,所以會一齊大圍食飯做野
選擇左繼續o係埋一齊就要信佢
佢地whatsapp仲有聯絡,不過男朋友delete左冇得睇
男朋友2012年10月正式搬返黎住
兩個人相處得好好
直至2013年1月我仍然會因為突然諗起佢地o既事而唔開心
上網睇過資料
知道自己已經去到抑鬱邊緣
男朋友好擔心我
佢好想我可以完全忘記唔開心o既事
所有可以令我有信心o既事佢都做足晒
2013年2月尾
個女同事夜晚whatsapp我男朋友講好似係關於工作上o既野
但係我男朋友一眼就睇穿佢係多舊魚捃黎講o既
我地冇理佢
個女仔繼續whatsapp我男朋友
我問清楚佢地而定究竟係點
我男朋友話普通過普通同事,已經故意避開佢
平時大圍食飯對話一句起兩句止
好
我問准男朋友可唔可以代覆
我只係whaspp返佢: none of ur business
點知個女仔繼續打蛇隨棍上
話咩:I know I’m always nothing to you
唉
邊有女仔咁唔要面
但係男朋友真係好想正正式式完結件事唔想個女同事再自作多情
就叫我打俾個女仔
我話好
但係要你打左俾佢先等佢知道係你俾個電話我講o既
打左去個女仔40幾秒都唔出聲
咁我米講我應該講o既台詞
我收左聲之後個女仔whatsapp我男朋友
話明白晒
祝福我地
唔會再接觸我地同叫我地唔好再打俾佢
雖然佢係自己先撩者賤
但係佢想要個尾彩我絕對歡迎!!
最緊要佢講得出做得到真係唔再接觸我地
講真
我男朋友同佢都有錯
但係我男朋友已經清醒左仲對我好好
個女同事都仲要做呢類小動作以為我男朋友唔會俾我睇
佢有冇尊重過佢自己男朋友呢?
有冇尊重過感情呢?
好采今次我男朋友話一定同我坐埋同一條船
我開呢個帖係想鼓勵老公有外遇o既姊妹
雖然呢場杖由上年8月到今年2月當中我行錯好多步棋
令自己白白唔開心
但係行錯棋輸左幾步唔緊要
人誰無錯?
千其唔好俾人將你軍
留得青山在哪怕無柴燒?
要贏人必先要贏自己!!
即使到最後要同個男人分開
都唔可以認為自己係輸俾第三者
只不過係wrong time with the wrong person
冇左個唔愛自己o既男人,罷就囉!
俾左一次機會都唔珍惜唔學!好o既,咁o既男人仲要黎做乜?
人生入面真係有好多事會發生,唔如意o既十之八九
唔好放棄對抗到底
即使唔係大團圓結局
我地都問心無愧
我唔敢講同呢個男人會一生一世
無人可以保證
但係起碼呢一刻
我盡力去愛去維繫
一個人對感情認真
其實係對自己交代多過對人交代
姊妹,共勉之﹗
嘩嚇死我o係手機睇鬼乸咁大隻字