cat_house 寫道:
佢實告上勞工署﹐除咗佢封離職通知信同1封警告信外﹐你個妹重有乜證據係手?
FA8866 寫道:
順個便叫您妹去埋e生度,叫e生寫封信証明工人黎過,並認為佢個病係唔須要請病假,即係可以工作既,您妹有權去勞署開file要工人賠番1個月代通知金架.因佢走左嘛.但您妹可去報警,but個問題係個工人有接您地電話,只係唔出現啫,警方做唔到野架.
至於佢態度問題--您妹又無錄影/錄音,上到勞資係拗過架咋,但您妹都有勝訴機會既.當然要睇個官信邊個啦.
記住快d報去入境處呀.
wan-wan-ma 寫道:
[FA8866:
多謝您提出 o既寶貴意見,我已轉告我個妹叫佢照做!
講開又講,我個妹去完勞工處備案,最大的感受就係做傭主好無奈。
佢有心屈妳俾錢,攪到妳家無寧日,逼妳炒佢,到妳俾警告信佢,第一封佢雖然簽左。但到佢俾三十日通知 o既辭職信居然要傭主簽收,真係荒謬絕倫!我個妹當然唔采佢。我阿妹慎防佢玩野,再出第二封信表示確定收到佢 o既辭職信,並寫明希望佢合作做好依三十日 o既工作(其實明知佢會借 d 椅唔做野),佢見詭計被識穿,死都唔肯簽收!簽左就自斷財路。但係呢個位,僱主能夠做 d mud 野去保障自己呢?若我知道最近屋企附近有賊佬,我自己可以鎖緊門窗,但係呢 d 咁o既家賊,係咪真係無佢辦法,要任佢宰割呢?
另外,雖然佢地係飄洋過海 o既海外傭工(被列入弱勢社群),點解 d 官或一般見識 o既人總會幫佢地,不理青紅皂白,叫妳俾錢了事,公理係邊呢?點解個盲點咁大:弱勢o既人只係生活條件欠佳,但唔代表佢地作惡 o既能力都偏弱,好多時佢地作惡 o既能力仲往往比一般人強!您地話係唔係!