想生BB 今日: 4|主題: 109087

收藏本版

發帖

返回列表

跳至頁

查看: 13919 | 回覆: 44

台灣送子鳥借卵之旅分享 [複製鏈接]

12 3

moodyblue

別墅

積分: 925

1^#

發表於 13-9-6 21:06 |只看該作者 |倒序瀏覽 |打印

各位JM，好耐無見！其實小妹曾經都係BK活躍份子，不過眼見一齊chat JM個個都有好消息，覺得好大壓力，所以離開左BK 一段長時間！
好，講返正題！先俾d背景大家，小妹結婚6年，婚前因朱古力瘤做左傳統開肚手術，食過多仔丸，做過3次iui, 搵過養X名醫梁X康做IVF, 只抽到3粒卵，最後全部total lost, 連放胎嘅機會都無！被判無卵，無可能靠自己懷孕！（要借卵做人）

之後係BK 見到有JM 介紹中醫針灸，於是又走去試下，針針下，醫師話佢有個病人去左台灣送子鳥做IVF, 叫我試下去搵捐卵，於是一試無妨下sent 左個email 去問，促成今次去台之旅

1。之前一路用email 聯絡，將自己嘅病歷同來意詳細說明
2。帶結婚証書去台灣文化局做公証
3。月經第7-11到台見醫生和檢查

今次前後去左3日，主要見左王醫生（王懷麟醫生）+做左輸輪管攝影（x光）+子宮內視鏡+子宮頸細菌培養檢查，所有檢查連藥費，只用了台幣$14000（大約港幣$4000）

第一日，下午去到診所，連我在內有3對夫婦，診所有2層，有點殘舊，不過整體倘算清潔！d staff 好nice, 好有禮貌，感覺唔錯。之後正式見王醫生。

王醫生人很好，解釋很詳細，很有耐性，比香港果d所謂名醫好100倍！！（後來我上網發現王醫生最近成功使62歲的JM 懷孕了！勁！）之後安排我當晚到診所附近的醫院做輸卵管攝影，由王醫生親自做。
檢查前後大約20分鐘，因為要用鴨嘴撐開陰道再注入顯影劑，所以其實都有d痛，不過一直有個護士陪住係側邊，同我講嘢，分散注意力（係香港，邊有咁好，我記得係無人理！）檢查後，王醫生即時同我一齊睇x-光片，解釋返我嘅問題（輸卵管積水！）還提議我可返香港做治療，唔一定要係台灣做！仲叫我用相機影低張x-光片，等我可以返香港俾醫生睇，超好人！^^

第二日，我上午去律師樓辦公証，之後返去診所交文件，見到診所有5對夫婦，無見過王醫生。

第三日，一朝早返診所做子宮內視鏡檢查（嘩！診所超多人，起碼有20對夫婦，仲有成功左嘅媽媽返嚟覆診，好熱鬧呀！！）。係診所入面有間房，一邊有3張床，用布簾隔開，主要用嚟等及休息（如果檢查發現有瘜肉會即時麻醉做埋切除！麻醉醫生原來係香港人！佢好好呀，一路陪我傾計，又同我一齊睇檢查果個畫面，好nice！！）另一邊係手術/檢查室。感覺上手術室唔係密封，浄係得一隻摺門，不過已經瞓左上床，無得諗！
檢查都係王醫生親自做，仲有2個護士同1個麻醉醫生在場，都算安全。
完成檢查後，王醫生知我下午要飛，立即跑嚟同我講檢查結果同注意事項。
暫時未需要食藥，等配對到先開始食藥。

總結：成個trip我好開心，因為終於搵到問題所在，雖然最後結果我唔知，不過我開始有返d信心！

一提，我今次係做捐卵，如果配對成功，連埋俾捐卵人嘅營養費大約台幣$320000（全包，無再額外嘅費用！）（即HK$87000),大約係一次私家醫院IVF 價錢, 都算平。

寫得好長，希望可以俾到d概念大家，有問題可pm 我！

加油呀！！