bb2002 寫道:
我想講下我個經歷:
當我8歲時我家由九龍搬到屯門某屋村,
我地一家五口住大單位.每戶都有個花槽.
我媽於花槽種左好多花.
晚上街燈燈光令天花板有窗花o既影子同花o既影子.
有一晚我和弟弟如常訓o係沙化床上正想睡覺.
我望到花槽倒影有個頭.
當時我好驚,問我弟弟見唔見到.
佢都見到.我地以為係賊,因為我地住低層.
當我地起身望花槽時就見唔到有野.
但一訓低,個頭就出現.若隱若現.
我地又再起身望,又係唔見有.
當訓返時........就好清楚從倒影中見到一個枯顱頭橫過花槽走左.當時佢係夌空架,我地好驚.即刻倒頭大睡.
之後就忘記左呢件事.
事隔4年,一個寒冬晚上.
我和弟弟於窗台上傾計.當時我已上中一,唔太習慣同弟弟訴心事.
突然間好大風.我見到樓下有隻貓嘶叫.好快咁跑走左.
隔一陣我見到有個頭o係街燈下飄過.
當時我好驚,問我細佬見唔見到.佢來唔切望個頭已經走左.
當時我係咁震
即刻關上全屋o既窗簾.
而家想返都驚~!
呢個係真人真事.希望唔會嚇親大家.