icy_chung 寫道:
我2個都要工作,到了囡囡2歲可唔可以唔要工人呢,有咩方法呢!多左個人係家始終都唔方面,做多好多野...要佢只是要照顧BB,因為沒有工人時我都是有做開家務...有時想講但又唔知點講,湊BB真係幾辛苦 :-(
icy_chung 寫道:
晴B媽
我想問下點樣才有減免,入息有沒有上限呢?
仲有全日制最遲幾點要接,因我有時早放,但有時都要7點才放工 :cry: .
worms_pig 寫道:
icy_chung,
我個囡囡4個月大,請工人都係第1次.其實你同太太遇到既問題係好易解決, 可以比你參考一下:
~你可以同個工人坐係餐枱前,叫佢講一講佢過去咁多個月以來覺得自己對自己既工作表現1.有咩評價 2.有咩唔開心 3. 有咩開心 (當然你要比佢自己講晒,你地唔好加意見啦)
~之後, 到你地倆公婆講對佢多個月以來既表現既評價 (當然要讚佢先, 然後再講其他你地希望佢做得更好既地方)
~最重要係同佢講彼此"尊重",可以令大家相處得開心
以上既方法都係由老細教我既, 佢同員工打成一片. 大家都做得好開心. 老細話最緊要係買起佢地個"心", 你只要比小小甜頭佢地, 佢地已經好開心. 例如, 有時有D野食我自己都唔會食, 我就會比佢叫佢星期日出街同fd一齊share;有時又會買包薯片比佢.
其實做倆公婆又好, 做僱主僱員又好, 最重要就係溝通. 有不滿就一定要講出來, 否則佢自己都唔知衰嘜. 仲有, 講既時候要用客氣既方法instead of 命令語氣. 只要你想想, 你最憎老闆用既語氣同你講野. 又再想想, 你最希望老闆用咩語氣同你講野, 你會一心一意對佢.
我教好多朋友都用坐底傾preformance, 都好成功. 所有工人都有improvement. 在此, 希望可以幫到你啦.