吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 開刀生B實錄-獻給每位女士

懷孕前後今日: 13|主題: 329771

收藏本版

發帖

返回列表

跳至頁

查看: 3800 | 回覆: 21

開刀生B實錄-獻給每位女士 [複製鏈接]

sukei88

民房

積分: 38

1^#

發表於 07-1-18 16:49 |只看該作者

開刀生B實錄-獻給每位女士

各位,好耐無見啦,8個月前我生左個女,托大家0既祝福,阿女都幾好,只是比"濕疹"煩擾,因為當BB2個月時,已有"濕疹"啦,當昤唔知,以為會慢慢好,到而家都會番發,原來有"濕疹"BB對好多食物同物件敏感架,所以大家要小心你0既BB會否有呢種病喎. 我將我生B時0既情況話比大家知啦,可能有D媽媽都睇過lu.
(2006年5月18日下午3:00pm) 我記得我大約39周半0既時候去澳門做掃描檢查(本身是澳門人，為方便我媽咪照顧，所以過左去生BB)，檢查完姑娘就叫我唔好走，要見一見醫生先，咁我咪等……入到去見醫生，佢話掃描發現我體內”羊水”比正常人小，對BB唔好，當時我成個呆左，好担心。
(6:00pm) 所以醫生建議我立即入院，同搵屋企人來幫我辦入院手續，結果我出門口打左比我媽咪，叫佢趕過來，再打比正在香港返工0既老公，通知佢我要即時入院啦，叫佢Ready，我可能隨時生，叫佢留意我電話。
(7:00pm)之後上左醫院，瞓上床度做詳細檢查，醫生就同我講，今晚要睇情況架，可能今晚或者聽朝就要比BB出離，因為唔等得太耐，要有心理準備…跟住重講左句，話我唔可以順產，要開刀；啊~~~天呀！我完全無諗過自己要開刀架，之前每日做好多產前運動，諗住用得著架，而家…都無法啦，”肉隨針板上”但我當時好鬼驚，只好扮鎮定。
(8:00pm)當我瞓係床度無所事事0既時候，醫生睇完報告後就話BB要今晚出世啦，姑娘會同你整理一下…跟住就落產房啦。嘩！D姑娘同平時0既效率徹然不同，快手快腳咁幫我插尿管同將我過床，準備落產房啦！“bob bob… bob bob”個心跳得好快，快到自己都聽見，推出房門時，見到我媽咪同老豆行來行去，我叫媽咪打比我老公，叫佢即刻過來，我好記得當時我媽咪同我講，叫我”唔洗驚架，好快就出返離，我地會係度等你，已經叫左阿駒(即我老公)過離啦”，聽完幾句說話，我重想喊，不過都是扮鎮定，瞓左係床上，雙眼只看見天花板同推住我入產房0既姑娘，自己亦不其言咁不停震抖，全身震過不停，可能驚0既關係啦，姑娘問我是否好涷?當出左電梯，過左幾度要入密碼0既門之後就到左我0既目的地產房，嘩！真係好似拍”妙手仁心”咁呀，睇見天花板有盞幾個頭0既大燈(手術燈)，周圍有好多器材，有個應該是將會放BB0既箱仔放係我旁邊，當時我0既心情大家都明啦，係超好奇，超緊張…跟住見到房入面有4個姑娘左右，0黎啦！0黎啦！我要正式瞓上手術床啦。
(8:20pm)我旁邊位姑娘負責幫我半身痳醉，有個姑娘重問我是否第一胎呢? 是否好緊張呢?我話如果播下音樂會好D囉，痳醉開始啦，先先在背脊打第一針…第2針…跟住唔夠10分鐘，下身開始無感覺啦.雙腳郁唔到，個肚又無反應，跟住入左位女醫生，好緊張啦，姑娘將我雙手分開用綁住，再同我吊針，做完一連串準備後，終於開始啦，當時我好清醒，眼前用左塊綠色布遮住，所以我只可向左向右望，同聽見其他人好細聲咁講野，有感覺啦！覺得有人按我個肚，我無辦法諗其他野去令自己分心，所以不停咁估佢地做緊咩同將會點做，令自己更緊張，按左幾下之後，覺得應該會係出刀0既時候啦，開始feel倒個肚附近被人大力按同不停左右推推動動，我整個人都被搖友被推，好似在瞓夢中被人叫醒一樣，當時自己諗，可能推緊BB出離，我閉起雙眼，唔敢睇，過左分半鍾左右停左，又聽倒好似用吸管吸野聲，應該是吸走手術時0既血，”格,格” 、”格,格” ，聲音令我覺得自己好似睇緊牙咁。
(8:57pm)”吖吖、吖吖” ，係啦，我聽到啦，係BB0既喊聲呀，我立即轉頭望向另一邊，見到姑娘抱住BB，佢同我講，生左啦，我問佢係咪女呀，佢叫我” 你自己睇下”，佢比左BB個重要部位我睇，當時我完全估唔到呢個係我個BB，係我0既命根，係我0既第一位，永遠…永遠…跟住，抱開左BB，我仍然聽見佢好响亮0既喊聲，眼淚不其言的流了出來，為左唔想比姑娘見倒，我擰轉面，漸漸覺得整個人好攰，只知姑娘在幫我縫針，我閉上眼得待離開產房。
(9:30pm)終於離開產房啦，又再全身震抖，比剛才入去時更利害。後來先知道，原來是剛才打0既痳醉藥影響，再望見剛才行過0既路，今次心情完全唔同啦，鬆晒啦，入病房前，姑娘話我臨入產房前見倒有個婆婆同我媽咪一齊等我出離，我知道那個真是我婆婆，因她住在附近，出左電梯,見倒媽咪、老豆、阿妹、婆婆、姨媽、舅母…原來佢地剛才見過BB，好開心好感動佢地為我打氣，那時我真的好攰…好攰…連多謝都講唔出。
(10:00pm)過左一陣，我老公終於到啦，見到佢，我真是好想喊，佢對我講，佢見過BB，重話辛苦我啦，跟住比左剛才同BB影0既相我睇；完全未接受倒呢個係我BB，睇完相後好想休息，因為我0既精神同身體已經過份疲勞啦。
而家BB已經5個月大啦，時間過得非常非常0既快，就好似我當日入產房同出產房咁快；呢段記錄我會一直保全，將來會比番個女睇，等佢知道在2006年5月18日晚上媽咪0既心情。

私人傳訊

Irvine

男爵府

積分: 8468

2^#

發表於 07-1-18 17:24 |只看該作者

Re: 開刀生B實錄-獻給每位女士

congratulation.
really that day can't forget.

私人傳訊

nicky127

大宅

積分: 1253

3^#

發表於 07-1-18 17:47 |只看該作者

Re: 開刀生B實錄-獻給每位女士

我都睇到好感動啊!

私人傳訊

hohopingping

男爵府

積分: 9777

4^#

發表於 07-1-18 18:19 |只看該作者

Re: 開刀生B實錄-獻給每位女士

睇到我都 :-( 我都係緊急開刀!

私人傳訊

lenglengma

大宅

積分: 1279

5^#

發表於 07-1-18 21:26 |只看該作者

Re: 開刀生B實錄-獻給每位女士

我想問問之後慢慢回復感覺時係唔係好痛呀﹖

私人傳訊

cecilia1fu

別墅

積分: 577

6^#

發表於 07-1-18 21:35 |只看該作者

Re: 開刀生B實錄-獻給每位女士

我同你既情況一模一樣,睇到你既留言,感覺就好似番去當時一樣,多謝你令我再回憶到呢個感覺,因為工作同湊b令每日既時間沖沖流過,再感受當時既喜悅~

http://cecilia1fu.spaces.live.com/PersonalSpace.aspx?_c02_owner=1

私人傳訊

KCBB

複式洋房

積分: 373

7^#

發表於 07-1-18 22:28 |只看該作者

Re: 開刀生B實錄-獻給每位女士

每次聽到呢d分享，總係覺得做媽媽真係好偉大

私人傳訊

Anna88

大宅

積分: 2895

8^#

發表於 07-1-18 23:47 |只看該作者

Re: 開刀生B實錄-獻給每位女士

一路睇一路感覺像自己當日的處境一樣, 因我也是入院當日醫生叫要開刀生阿b時一樣....., 你的實錄簡直一一寫出當日的細節, 沒有講漏..... 但你在當晚有沒有因子宫痛痛到你食止痛藥也無用呢?那一刻我覺得等於順產的十級痛

私人傳訊

kayan_329

大宅

積分: 2096

9^#

發表於 07-1-19 08:54 |只看該作者

Re: 開刀生B實錄-獻給每位女士

好感動...睇到好心急咁~~ 咁生果陣開緊刀時同聯針時有咩野感覺同痛唔痛生完麻醉過後係咪超痛ar!!

私人傳訊

PigPig2

別墅

積分: 540

10^#

發表於 07-1-19 09:13 |只看該作者

Re: 開刀生B實錄-獻給每位女士

好感動呀，　差些哭了出來，　我下個星期六都要開刀，　我都很緊張呀

私人傳訊

nicky127

大宅

積分: 1253

11^#

發表於 07-1-22 11:18 |只看該作者

Re: 開刀生B實錄-獻給每位女士

開完刀都仲會咁痛ga?唔係傷口痛,反而係子宮痛?究竟係點ga?我都想開刀生,所以想知多d呀,thx

Anna88 寫道:
一路睇一路感覺像自己當日的處境一樣, 因我也是入院當日醫生叫要開刀生阿b時一樣....., 你的實錄簡直一一寫出當日的細節, 沒有講漏..... 但你在當晚有沒有因子宫痛痛到你食止痛藥也無用呢?那一刻我覺得等於順產的十級痛

私人傳訊

SandyHung

子爵府

積分: 13830

12^#

發表於 07-1-22 12:09 |只看該作者

Re: 開刀生B實錄-獻給每位女士

真係好感動呀！
我都差d 喊咗出嚟！

私人傳訊

yychoi

複式洋房

積分: 284

13^#

發表於 07-1-23 15:40 |只看該作者

Re: 開刀生B實錄-獻給每位女士

我都覺得好感動喔!!

私人傳訊

csyy

大宅

積分: 4875

14^#

發表於 07-1-23 21:53 |只看該作者

Re: 開刀生B實錄-獻給每位女士

好感動呀!

私人傳訊

tiffanylmc

子爵府

積分: 11327

畀面勳章

15^#

發表於 07-1-23 22:08 |只看該作者

Re: 開刀生B實錄-獻給每位女士

真係 :-( 左出來添. .
諗返3個幾月前我都係第1次俾人推去手術室.

私人傳訊

appletimtim

民房

積分: 25

16^#

發表於 07-1-24 10:53 |只看該作者

Re: 開刀生B實錄-獻給每位女士

其實以中醫既角度黎睇
開刀既媽咪係仲傷過順產
因為無啦啦係個肚度開一刀，邪風入左肚..
以前武俠片會放內功外x之類！
so 一般做完手術既人身體會虛弱過以前好多，點補都補唔番
同埋外來入侵既空氣同你身體內本身既空氣唔一定合得黎...

我真係唔明點解d媽咪可以自已一開始就選擇開刀！
私家醫生梗係想你開刀，佢地可以搵多d錢。

~~ 人稱天下無雙既小龍女就係我......個女啦~~~~哈哈哈

私人傳訊