我都鍾意胡歌，佢同袁弘都係我喜歡嘅大陸演員，而佢兩個好朋友嚟，又係文藝青年款，但兩者比較，胡歌比較文質彬彬，而袁弘就屬於風流瀟灑果種，兩個都好高瘦。胡歌我係睇佢射鵰英雄傳先，同劇有袁弘做楊康，當時兩個都算係後生，果個版本嘅射鵰改到支離破碎，根本同原著偏離晒，但我睇完好有印象就係呢兩個男角，胡歌嘅郭靖有種純樸戇直嘅氣質，而楊康面帶春風又同時一抹邪氣好出彩，同劇女角林依晨同劉詩詩反而麻麻地，被兩個男主搶晒戲。戲後段覺得胡歌個樣有D怪，後來得知原來佢發生車禍，死過返生，當時頸同右眼縫咗100針，聽到都心寒，之後佢做咗好多善事，都係以死咗嘅助理名義去做，對佢個人又多幾分好感。
見佢微博入面《大好时光》王麗萍编劇講：NO1 这是今年7月草原杀青的镜头。当天晚上，剧组吃关机饭，@胡歌 向每个工作人员一一敬酒，感谢大家的付出。他说：“戏是一起拍的，出名的只有演员，这本身就不公平，所以敬大家是应该的。”后来我跟他说起此事，胡歌说：“这是入行的时候，前辈教我的。”成功的人，不忘初心，难能可贵！而胡歌回應只係一句：应该的[作揖]
另外近年喺大陸好紅嘅男演員我仲喜歡霍建華、吳奇隆同鍾漢良，佢地共通點都係曾經捱過，對人好又有禮貌，為人低調，比起好多而家香港嘅演員，佢地唔只演技好，個人修養都好高。
花旗太太生活在花旗國，留意時差，你問我未必即時答到。
發表於 
搵過佢好多舊劇，好多睇一集半集已經唔想追。
仙劍，天外飛仙，楊家將，果時知佢拍射鵻都好期待，然後發生車禍時真係嚇到，好怕佢有咩事
所以我都算好早睇中佢
返回列表
