吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 巳經第4次拒絕做愛了

夫婦情感今日: 3|主題: 42446

收藏本版

發帖

返回列表

跳至頁

樓主: OneTwoThree

巳經第4次拒絕做愛了 [複製鏈接]

123

OneTwoThree

男爵府

積分: 5598

21^#

發表於 08-8-6 22:24 |只看該作者

原文章由 ma1860 於 08-8-6 21:57 發表

OneTwoThree，

唔好只望佢要改好，而係首先去改善佐自己先。先放下自尊，放下成見，放低心病，唔好執着，你要用個豁達嘅心去關懷、包容佢先啦！

當佢感受到被尊重，被關懷，你仲係幾 ...

講真而家對佢的愛真是所剩無幾, 以前好積極時會好有心機同佢講自己感受同想同佢溝通多d, 但自從生左個仔之後EQ都全歸個仔所有, 屋企又一大堆家務要做, 我唔想再浪費時間同佢做所謂的溝通, 要做都在生仔之前做過了, 同佢傾過n咁多次, 佢自己選擇唔成長我都無辦法, 佢選擇原地踏步死性不改我都吹佢唔脹, 我都要睇書了解個仔, 仲要睇埋夫妻相處之道, 仲要教多個仔?? no way!! 我實在無咁多時間再浪費係一個唔想變既人身上, 我睇我只是等時間, 等自己對呢個人全無感覺時就會諗吓下一步要點做, 一隻手拍唔響, 無論我點做幾多野都係無用, 大家都無法同步, 咁又點可能再同行落去呢?? 佢今日都有問我係咪嫌佢瘦, 我話就算我係嫌你都只係嫌棄你d咁衰既性格而唔係嫌你瘦, 我想經我拒絕左佢4次之後佢好似先開始領悟到有少少問題......

私人傳訊

小浣兔媽媽

大宅

積分: 1443

22^#

發表於 08-8-6 22:26 |只看該作者

[quote]原文章由 ma1860 於 08-8-6 21:57 發表

ma1860真係講得好啱, 希望樓主唔好一味厭惡你老公, 諗下辦法改善關係啦!
雖然聽你咁講, 個c6真係好難頂, 但當年揀咗同佢結婚, 一定有理由ge, 兩個人相處, 實有唔協調, 睇你想積極解決定就此放棄, 唔好咁就死心啦, 佢都唔算有乜對你唔住, 只係逹唔到你ge標準啫, 當係為咗個乖仔著想, 再試下同佢傾傾啦!

私人傳訊

alphabetagamma

珊瑚宮

積分: 108855

環保接龍勳章

23^#

發表於 08-8-6 22:37 |只看該作者

原文章由 OneTwoThree 於 08-8-6 22:24 發表

講真而家對佢的愛真是所剩無幾, 以前好積極時會好有心機同佢講自己感受同想同佢溝通多d, 但自從生左個仔之後EQ都全歸個仔所有, 屋企又一大堆家務要做, 我唔想再浪費時間同佢做所謂的溝通, 要做都在生仔之前做過了, ...

你幫你老公即係幫你個仔, 我覺得有個好爸爸對男孩子好重要.

私人傳訊

rainstarwater

禁止訪問

積分: 12681

24^#

發表於 08-8-7 00:46 |只看該作者

提示: 作者被禁止或刪除內容自動屏蔽

私人傳訊

ma1860

侯爵府

積分: 20018

25^#

發表於 08-8-7 01:03 |只看該作者

佢今日都有問我係咪嫌佢瘦, 我話就算我係嫌你都只係嫌棄你d咁衰既性格而唔係嫌你瘦, 我想經我拒絕左佢4次之後佢好似先開始領悟到有少少問題......

既然佢今日都開口問你嫌佢乜，如你想佢改嘅，咁你咪心平氣和同佢講囉！但你又唔講，咁邊有得解決吖。唉，你嘅處理手法都好有問題呀！

如果你自己都放棄，就無人幫到你喇！

你自己都話個仔出世後，D時間俾晒個仔。男人唔講出口咋，其實佢都好想你俾D愛心佢架。有時D男人受到冷落，又唔識表達，咪發脾氣發洩囉！若你明白就易解決。

家務嘅嘢重要得過老公？你將個仔，家務放在第一，二位，咁對佢好唔合理。你試吓身份掉轉，你係佢，你會好受嗎？

^^有緣能相聚，岩傾講兩句，岩笑揞住嘴，生活多樂趣^^

私人傳訊

JBlam

大宅

積分: 4801

26^#

發表於 08-8-7 09:39 |只看該作者

原文章由 ling619 於 08-8-6 19:49 發表

嘩!好恐怖,嚇死人
真係頂唔順,点同佢好咩呀???

咁都完美主意...
我話完蛋主意!!!

私人傳訊

bebu123

侯爵府

積分: 23162

好媽媽勳章醒目開學勳章

27^#

發表於 08-8-7 09:44 |只看該作者

原文章由 IRON 於 08-8-5 23:45 發表
2. 好污糟, 成日都借d易唔沖涼瞓覺, 雖然我地巳有3年無一齊瞓(我是同仔仔同房的), 但就好頂唔順佢呢樣野, 條睡褲著 1 week攪到好重尿味都唔洗, 瞓覺衫酸縮到行過房門口都聞到都唔拎出嚟洗, 而家攪到大家要分開洗衫, ...

agree~~我都係咁諗~
你都可以用呢樣野話番佢，對人要求點解對自己就無要求呀?

我係bebu mama~~我同bebu baba都好鍚bebu bb架~~bebu b你快d來啦!!!!be~~bu~~be~~ bu~~

私人傳訊

ng.case

大宅

積分: 1615

28^#

發表於 08-8-7 10:45 |只看該作者

本帖最後由 ng.case 於 13-4-30 15:55 編輯

私人傳訊

芝麻街

珍珠宮

積分: 39891

2024年龍年勳章虎到金來勳章牛年勳章開心吸收勳章熱血勳章

29^#

發表於 08-8-7 12:45 |只看該作者

原文章由 rainstarwater 於 08-8-7 00:46 發表
樓主,

唔好意思,我聽你咁講,真係覺得你老公應該feel到你唔愛再佢,太重視個仔,先會同你作對
你話:
全部eq比晒個仔
唔想再浪費時間同佢溝通
要睇書了解個仔,仲要睇埋夫妻相處之道, 仲要教多個仔?? no way!!
只是等時 ...

講得好好呀

私人傳訊

春天

複式洋房

積分: 226

30^#

發表於 08-8-7 13:22 |只看該作者

原文章由 OneTwoThree 於 08-8-6 22:24 發表

講真而家對佢的愛真是所剩無幾, 以前好積極時會好有心機同佢講自己感受同想同佢溝通多d, 但自從生左個仔之後EQ都全歸個仔所有, 屋企又一大堆家務要做, 我唔想再浪費時間同佢做所謂的溝通, 要做都在生仔之前做過了, ...

其實樓主有無諗過愛一個人唔係單單要對方討好自已，而係相方活得快樂！就算你老公今日改變佐，我諗聽日或者後日，你都仲有野要佢改，無止境咁改。但我諗你唔會因對方肯改而會變得高興！相反你會覺得更討厭。其實真正原因係你已經唔再欣賞或珍惜對方了，更希望籍着種種生活上的問題，增加自已的怨恨及相方矛盾吧了！

私人傳訊

香香

禁止訪問

積分: 8199

31^#

發表於 08-8-7 13:29 |只看該作者

提示: 作者被禁止或刪除內容自動屏蔽

私人傳訊

060905

男爵府

積分: 6052

32^#

發表於 08-8-7 13:33 |只看該作者

樓主,

你話你d EQ俾晒個仔, 點解你唔可以俾D EQ你老公呢??

你又諗下如果無你老公, 你又會唔會生到個咁得意既仔仔呢??

可能你老公係好多缺點, 但愛係要包容架！你老公無玩女人, 無賭, 又俾足家用你, 仲想點?? 我老公無俾家用我架, 我地兩公婆一齊搵錢一起養家, 我係雙職媽咪, 我老公除左煮飯之外, 乜都唔做, 我做餐死, 放假又無乜娛樂, 我仲間唔中要受6299氣添, 但係我因為愛我老公, 我都會忍, 忍過之後一家三口又可以開開心心, 點解唔忍呢！

仲有呀, 如果你想個仔仔係生活得健康, 首先要俾個健康家庭佢, 我知香港有好多單親家庭, 但係我相信除非迫不得已都唔會行呢條路, 男仔真係好需要爸爸, 到你個仔青春期時你會明架啦！我睇過本書講, 如果想孩子成長健康, 首先係父母恩愛, 知麻??

私人傳訊

VKwan

珍珠宮

積分: 38391

33^#

發表於 08-8-7 14:10 |只看該作者

同意。
唔駛等到青春期，到個仔要自行去男toilet，樓主你就知幾唔方便！
我絕對冇惡意，但我真係想鬧醒你！

我都絕對認同個男人的衛生情況絕對令人好難頂，
但係唔該樓主你唔好咁無聊，
根本你都未盡力就諗住離婚解決，
呢度幾多媽媽想盡辦法都想比子女一個完整既家庭！

你要離婚關人咩事？
我就絕對唔阻你喇！
不過你諗清楚小朋友呢方面至好喎！

你可以話，你係外人，你講就容易！

但我同時感受到堂堂一個幾廿歲既男人被老婆嫌棄既可憐相喎！
試問如果你個新抱，唔愛唔包容你個仔，你做亞媽係咩感受？
點解你個仔就係仔，人地個仔就唔係仔？

難聽少少講句，你係咪利用個男人既精…同家用，來幫你生仔養仔，之後就完成歷史任務？

你唔係咁諗，但我怕有人咁以為，咁你話對方個心幾難受？！

唔係想你好，都費事打咁多字！得罪晒啦！

原文章由 060905 於 08-8-7 13:33 發表
樓主,

你話你d EQ俾晒個仔, 點解你唔可以俾D EQ你老公呢??

你又諗下如果無你老公, 你又會唔會生到個咁得意既仔仔呢??

可能你老公係好多缺點, 但愛係要包容架！你老公無玩女人, 無賭, 又俾足家用你, 仲想點?? 我老 ...

[ 本文章最後由 VKwan 於 08-8-7 14:11 編輯 ]

私人傳訊

B.GIRL

男爵府

積分: 5082

34^#

發表於 08-8-7 14:34 |只看該作者

原文章由 annie7711 於 08-8-5 23:49 發表
系啊，唔一定要有第三者才會離婚的，女人，始終都系自己賺錢，儲多點錢實際點，剛剛看了有個topic系講自己好幸福的，BUT有幾多個女人系真系會好似她甘幸福架？？
我就主張等bb大點返學了，就出去返工，找點part time賺少少都好，當然都 ...

完全同意,女人要自己靠自己

私人傳訊

星人mama

男爵府

積分: 7200

35^#

發表於 08-8-7 15:35 |只看該作者

原文章由 OneTwoThree 於 08-8-6 17:40 發表

分房瞓的原因是方便照顧仔仔, c6覺得無問題, 其次是他很臭, 所以唔想瞓他身邊, 回到家他得到什麼可要問他本人囉, 3次拒絕他是因為不想跟他做, 覺得他污糟, 同埋雙腳滿佈佢講所謂醫生話遺傳的一粒粒血倉(像給煙頭灼 ...

有啲男人, 如果無個老婆理佢, 真係會又臭又污穢

我老公又係咁, 唔叫都唔沖涼擦牙, 成身頭皮又唔理, 有香港腳買埋野俾佢又唔搽, 成日掛住打機

但係繼續由佢既話佢就會愈來愈臭, 話得佢多又話長氣又嫌你煩

但係唔理佢又唔得, 所以結緍後就變咗港傭

mouth:

私人傳訊

rubymo928

大宅

積分: 1612

36^#

發表於 08-8-7 16:08 |只看該作者

原文章由 OneTwoThree 於 08-8-6 14:26 發表
你知道嗎, 初時結婚我都有叫佢日日都要換衫擺係洗衣機, 仲反轉頭俾佢話我浪費d水洗衫, 佢唔擺我就幫佢擺, 仲俾佢話番我轉頭, 漸漸我都無再為洗衫呢樣野而執著, 佢放唔放落洗衣機洗都唔理佢, 但近呢年開始就發覺佢 ...

甘似我老豆 ga !

私人傳訊

alphabetagamma

珊瑚宮

積分: 108855

環保接龍勳章

37^#

發表於 08-8-7 16:27 |只看該作者

原文章由 星人mama 於 08-8-7 15:35 發表

有啲男人, 如果無個老婆理佢, 真係會又臭又污穢
我老公又係咁, 唔叫都唔沖涼擦牙, 成身頭皮又唔理, 有香港腳買埋野俾佢又唔搽, 成日掛住打機但係繼續由佢既話佢就會愈來愈臭, 話得佢多又話長氣 ...

我老公就係果d無人理佢, 佢會周身敏感又唔擦牙的人. 鬼咩. 廿歲同佢拍拖, 即係佢係佢家中成廿年都係咁, 佢都慣晒啦. 所以我好努力同堅持要改造去, 同時我唔會怨佢囉. 我老公食錯野就會出紅疹, 除非係痕的, 佢可以唔理佢, 對腳成日出紅粒粒, 佢腳汗又多. 我之前好有心機, 得閒就開香薰沐足俾佢浸腳. 佢就有佢做野, 睇文件, 上網, 我有我整. 我搞好佢身體, 及俾佢食得身壯力健, 我會好有成功感的. 之前話佢食野敏感, 另外我99食野唔健康及唔均衡, 所以我老公肥大但唔壯. 所以我也做了他的營養師. 我唔理佢, 無人理佢架啦, 佢由細到大都係咁, 佢阿媽又唔教佢理自己, 又或者身教唔到, 所以老婆對老公的幫忙是很重要的.

仲有, 樓主, 你唔鍾意你老公身上的缺點都唔想仔仔係身上出現, 唔希望仔仔有樣學樣. 身教係最重要. 你講湊仔書幾大條道理都無用, 仔仔係以佢父母為榜樣的. 將個重心移回到你丈夫身上吧~

私人傳訊

jacquesau

珍珠宮

積分: 35511

38^#

發表於 08-8-7 16:34 |只看該作者

我老公好多時用完啲毛巾週圍放, 第二日又攞黎用, 明明都臭哂重用, 用完個身都臭埋.....咁佢唔理, 咪唯有我理, 勤啲幫佢攞啲毛巾去洗囉！

我覺得兩公婆係要互相照顧既, 下下都係個仔行先, 我覺得唔得囉....你都要顧下佢感受！

好好過每一天......

私人傳訊

OneTwoThree

男爵府

積分: 5598

39^#

發表於 08-8-7 16:36 |只看該作者

原文章由 VKwan 於 08-8-7 14:10 發表
同意。
唔駛等到青春期，到個仔要自行去男toilet，樓主你就知幾唔方便！
我絕對冇惡意，但我真係想鬧醒你！

我都絕對認同個男人的衛生情況絕對令人好難頂，
但係唔該樓主你唔好咁無聊，
根本你都未盡力就諗住離婚解決，
呢度幾多媽 ...

多謝你鬧得我咁精彩, 我知入得嚟回野的都是出自真關心, 而唔係係又鬧唔係又鬧, 但你唔知道的事等我而家慢慢講你知......

1. 我在4年前巳經主動搵過社工幫手想攪好夫妻相處的關係, 我獨自見社工巳有兩次, 社工叫我try吓心平氣和跟他傾, 就算對方發脾氣我自己都要控制唔好發脾氣同佢好聲好氣傾, 但最終都是不歡而散, 後來社工建議我搵埋c6一齊同社工傾, 但c6拒絕, 還拋下一句 : 你要見你自己見, 我係唔會去的, 之後我就再無搵社工傾

2. 我絕不是想借精生仔, 反而是我覺得他借肚生仔就真, 我不嬲對生仔都不感興趣, 而c6就一直恨有, 因為他比我大12年, 所以他很心急想生一個, 結左婚5年我先生左仔仔, 生左個仔之後我都有聽d bk媽咪話要主動攬吓同錫吓c6, 但是他每次都推開我唔想我攬同鍚, 只是想攪野時才會自動走埋嚟攪吓我, 其餘c6而家只想攬攬錫錫個仔, 巳經唔會主動 or 俾我同佢有呢d行為, 所以我自己心理上似性奴多過似性愛, 而並不是你們所講的用性來拒絕當武器......

3. 至於家用我敢講, 我以前自己搵自己洗一定好過而家既生活, 現在家用全都用在平日買餸、早、午餐、日用品&同個仔身上, 我自己連幾十蚊一件衫都唔捨得買, 晚晚佢食飯都有魚有肉, 全部新鮮, 從不食罐頭, 再講每月的家用都要左慳右慳先夠洗, 咁我何來有得貪佢俾我既家用呢?? 以前最艱難既日子我都無走同佢一齊有粥食粥、有飯食飯, 而家講番轉頭我又貪過佢d乜呢?? 以上所講呢d野佢自己心中有數, 如果我係好逸惡勞就唔係嫁佢, 自己一個人仲豈不消遙自在?? 我未有個仔時都想第時d仔女有個好爸爸, 因我自小就有老豆等於無老豆, 自己都唔覺呀媽唔同老豆離婚好得去邊, 但見他咁恨有小朋友心想他一定會好錫個仔, 而原來只是他想要, 而不懂教, 也不想點學教, 這才是我失望的地方......

私人傳訊

香香