至於應該即日還車還是過夜,都係考慮幾點:行程安排上,會夜返嗎?會早出發嗎?如果你返到來人地已經收舖,或者第二日你要一早出發,人地都未開門,咁一定要租過夜了;車租問題,連續租通常平過逐日租少少,但有 d 租車公司可以每幾個鐘計算車租,如果你嗰日唔係用足全日,咁又可能會平 d,要仔細計下數;泊車問題,你住嘅酒店有停車場嗎?要收錢嗎?貴唔貴?如果冇,附近容易搵到車位嗎?泊過夜要幾多錢?綜合晒以上因素,睇下邊個做法最適合
本來想同幾個朋友去,但我地幾個都唔係幾敢揸雪地,如果唔自駕,就要 join local tour,一大群人,趕鴨仔咁,人頭湧湧影一陣相就要走,冇乜意思,除非訂到嗰度嘅民宿過夜,等團走晒,可以靜靜地喺村內行下影下相,但呢 d 時候嘅民宿超難訂,因為點燈時間好遲先出,等到佢出,民宿已經 full 晒,有人就搏,自己估計點燈日子,然後訂定民宿,如果估錯就浪費錢同時間,又有人好豪咁一二月所有 weekend 都訂晒,實有一個會中,我地冇辦法咁玩,一定要搵到個可以雪地揸車嘅人同行先有得諗了