原文章由 carylce 於 08-10-16 15:48 發表
企系你地中間..
你奶奶都傻既..
不如叫她穿婚紗結婚啦...
好彩我奶奶好,但我媽媽既奶奶,我嬤
就系一個好衰既奶奶..
和一個比較自私的媽媽和嬤嬤..
嘿..父母要返工,她在家照顧我地.
煮飯做家務.
話自己連工人都不如, ...
你估佢唔想呀!!
佢都不知幾憎我搶左佢個仔呀!!
佢個仔未拍拖時, 就猛咁叫佢拍拖, 當時99都見過我架, 仲話呢個女仔都幾好丫! (同個仔講架!)
之後? 當我真係同佢個仔拍拖, 佢就開始係我面前講個仔既ex幾好啦~ 又話收埋左個ex送既月餅盒, 成日攞返出黎睇, 又話個ex點好點好! 以為佢個仔唔會同我講佢個ex d野, 諗住激到我地嘈交, 分手最好, 殊不知佢個仔一早已經同我講晒啦~~
到結婚前一個月, 無啦啦係個仔面前要生要死, 一哭2鬧3上吊咁, 又話激到阿媽死咁濟, 講左一大輪先知原來佢要求個仔同我分手!!
我老公打比我, 話我聽呢件事, 我聽完眼都突埋, 但我知呢個係攞分好機會, 咪用好溫柔既聲線講:"老公, 你決定得架啦, 無論你做咩決定, 即使要同你分開, 我都會支持你架!" 我老公聽完冧到不得了~
即刻同佢阿媽講:"同佢分手, 可以, 不過我非佢不娶, 娶唔到佢, 我就一世都唔結婚!!"
驚到佢阿媽即刻正常返, 仲話快d結婚添呀!!
我99仲成日好似舊望夫石咁望住個仔, d痴戀既眼神, 真係睇到我都打冷震!!!
講埋比你地聽, 我99好留意個仔既衣著, 有時著d運動褲d料冇咁挺身, 顯得果度都幾大, 我99一見到佢, 第一句就話"做咩著呢d褲呀, 顯得下面咁大!!!"
搞到個仔超尷尬!!
我心諗:"99, 真係好留意個仔喎!!! 第一眼就望呢d地方......"
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!