吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 2016年7月小產，宜家先可以重新振作

想生BB 今日: 6|主題: 109090

收藏本版

發帖

返回列表

跳至頁

樓主: rabbitmoon

2016年7月小產，宜家先可以重新振作 [複製鏈接]

123

rabbitmoon

洋房

積分: 46

21^#

發表於 17-1-24 23:33 |只看該作者

Fung3be 發表於 17-1-24 23:25
我同樓主一樣身邊有朋友陸續報喜，係好替佢哋高興，但另一邊自己屈埋個心真係好難過，呢兩日都有喊。我係 ...

無錯，真的好難過。黎緊新年，又會有好多人問幾時生返個呀？到時重要強顏苦笑。我真係好想答「上年有過呀，不過生唔出，滿意未？」
我做完手術後40日黎返M喇。你調理好身體，重拾心情後就可以了。我覺得心理障礙是最難克服的。

私人傳訊

lamlam1218

複式洋房

積分: 377

22^#

發表於 17-1-25 00:31 |只看該作者

rabbitmoon 發表於 17-1-24 23:33
無錯，真的好難過。黎緊新年，又會有好多人問幾時生返個呀？到時重要強顏苦笑。我真係好想答「上年有過呀 ...

其實流產真的很common, 我已三次。最近果次上個月12周。今次身體已經好好，個身體經常暖的，又浸腳，又做運動，又花膠湯，陀得超實，心跳size 全部正常。一心諗住等了3年8個月，今次是妳了，點知染色體不正常，要忍痛割愛。我想講的是，經過今次之後，一切上天已有安排，生有時，死有時。時間未到，強求都無用，一切皆是命。

番了公司，發覺45歳的女同事成功陀孖女6個月，所以只可苦笑，交番比個天。

私人傳訊

rabbitmoon

洋房

積分: 46

23^#

發表於 17-1-25 00:39 |只看該作者

lamlam1218 發表於 17-1-25 00:31
其實流產真的很common, 我已三次。最近果次上個月12周。今次身體已經好好，個身體經常暖的，又浸腳，又做 ...

無錯，好認同。一齊都係緣份未到。

私人傳訊

hellobaby12345

大宅

積分: 1638

24^#

發表於 17-1-25 07:05 |只看該作者

rabbitmoon 發表於 17-1-24 15:17
2016年6月第一次試有BB,7月5日驗到有孕，個刻開心到喊。之後每日都好眼訓，下腹脹，食唔落野。到了7月尾去 ...

唔好灰心我都小產過兩次而家有兩個小朋友了
好好照顧自己調整心情 bb會回來
祝早日好孕

私人傳訊

WinWin1026

複式洋房

積分: 146

25^#

發表於 17-1-25 08:45 |只看該作者

rabbitmoon 發表於 17-1-24 23:33
無錯，真的好難過。黎緊新年，又會有好多人問幾時生返個呀？到時重要強顏苦笑。我真係好想答「上年有過呀 ...

我都剛剛自然流產，這是我的第一胎，未有之前，一直求神問卜，紫微斗數話我上年係最後機會要有BB,，佢話之後都唔好再諗，最後應驗了，上年我成功拕到，但最終結果個天竟然收返了，從未想到結果會係咁，9week 5 day由天堂到跌落地獄，對我打擊真係好大，工作之前一直都很忙碌，情緒成日好波動，到發生左這件事後，我衹想停下來，同自己講要調理好身體，準備再懷孕，但個心又好怕相士講嘅野係真

私人傳訊

Fung3be

大宅

積分: 1009

26^#

發表於 17-1-25 09:50 |只看該作者

rabbitmoon 發表於 17-1-24 23:33
無錯，真的好難過。黎緊新年，又會有好多人問幾時生返個呀？到時重要強顏苦笑。我真係好想答「上年有過呀 ...

之前比同事追問我真係咁答，佢即刻啞咗。

希望小天使快啲返嚟你身邊，大家努力呀!! 希望生狗bb

私人傳訊

lamlam1218

複式洋房

積分: 377

27^#

發表於 17-1-25 12:27 |只看該作者

WinWin1026 發表於 17-1-25 08:45
我都剛剛自然流產，這是我的第一胎，未有之前，一直求神問卜，紫微斗數話我上年係最後機會要有BB,，佢話之 ...

不要相信人說的話，應該相信神的話。

大家一起調理下身體先。

試過3次之後，下一次我一定會覺得又會一樣，其實順利生產真的很難。

難以想像三次天堂去了地獄，我現在還如常生活、工作。要一切交俾神。

私人傳訊

lamlam1218

複式洋房

積分: 377

28^#

發表於 17-1-25 12:34 |只看該作者

lamlam1218 發表於 17-1-25 12:27
不要相信人說的話，應該相信神的話。

大家一起調理下身體先。

經過咁多次的失敗，今次仲咁甘，其實我見了一堂輔導。她的建議幾好的。等我今晚share.

私人傳訊

RC0128

別墅

積分: 855

29^#

發表於 17-1-25 13:00 |只看該作者

我都試過二次喇身邊要成功既都成功了。
我仍然係等待，曾經因爲咁有創傷壓力症
依家仲等緣份.....
所以加油呀

私人傳訊

WinWin1026

複式洋房

積分: 146

30^#

發表於 17-1-25 14:25 |只看該作者

lamlam1218 發表於 17-1-25 12:27
不要相信人說的話，應該相信神的話。

大家一起調理下身體先。

我好明白你感受，你真係好堅強(emoji)，咁你有無想過人工受孕？我有同事試過三次小產，有一次自然流產，兩次人工失敗，最後第四次人工成功左，我網上都見到好多同我一樣小產，佢地都一樣無放棄，努力走出傷痛去，重新來過，所以心態都好緊要，我決正面D，平常心面對，唔再去求神問卜！我現在剛開始座月，打算先休息一個月，放低哂所有野，好好調理身休，之後再重返工作崗位，因為這短短幾天，收到了很多客人朋友家人的問候同照顧，我覺得我應該要振作，不要再令身邊的人再擔心，大家都唔好灰心，加油！祝大家早日拕得一個健康肥肥白白的BB(emoji)(emoji)(emoji)(emoji)(emoji)(emoji)

私人傳訊

lamlam1218

複式洋房

積分: 377

31^#

發表於 17-1-25 20:51 |只看該作者

WinWin1026 發表於 17-1-25 14:25
我好明白你感受，你真係好堅強(emoji)，咁你有無想過人工受孕？我有同事試過三次小產，有一次自然流產，兩 ...

一d都不堅強，今次因為B女真係陪咗我好耐而要放棄，不知哭了多少次，只是現在開始返工才好一點。我c6先堅強，他深信這是神的安排，祂有更好的計劃給我們。

第3次呢胎是IVF的，因第2和3次隔咗2年，有d等得不耐煩（我一條輸卵管阻塞的）

輔導建議如下：
1. 我們可以哭，可以抒發情緒但同時間應重回正常生活如上班。這可加快我們recover的

2. 大部分的我們都接受不到我們不會有小孩這個可能性（包括我，以前一想起便很怕）。我們可以繼續努力試、努力IVF, 但應該同時間開始接受我們有機會一世二人世界，如果是這樣，有什麼想做呢（因為都多好多時間）。要有2個人生劇本的準備（有小孩和無小孩）

3. 當我們下次再懷孕時，必定很大壓力。我們現在就要開始找些可以幫我們減壓的事情（除了運動，因為當大肚時不宜做劇烈運動），當我們真的有咗時，一有壓力，便知做什麼可以令我們舒服些。

我覺得她的建議幾好！希望幫倒大家！

私人傳訊

WinWin1026

複式洋房

積分: 146

32^#

發表於 17-1-25 21:16 |只看該作者

lamlam1218 發表於 17-1-25 20:51
一d都不堅強，今次因為B女真係陪咗我好耐而要放棄，不知哭了多少次，只是現在開始返工才好一點。我c6先堅 ...

謝謝你分享的建議，留產後再嘗試，真係好雖要勇氣，見到身邊的同事朋友，都有BB，係會好難受，但我同自己講，人生無論係過得怎樣，都係要向前行落去，隨緣吧，平常心面對會舒服D，加油，好好調理身體，希望大家都能夠有個健康BB！

私人傳訊

kktsang80

別墅

積分: 668

33^#

發表於 17-1-25 21:44 |只看該作者

好明白樓主心情。
第一胎無左個陣，都用左大半年先慢慢接受到，心情先比較平靜，有一日問自己，如果個天真係註定我呢世都無BB時我會點，係咪就咁屈埋屈埋過一世？
問完自己，心情突發開左d，明白呢個世界好大，生命仲有好長，工繼續番，旅行照去，衫照買，愛自己多d，關心朋友多左，照樣生活。
當慢慢放底左諗住放長假旅行，先發現BB執齊野番黎喇；心情無特別激動，第一句諗到既係「命裡有時終需有」，有無信仰都好，當有d控制唔到既野交番比個天決定，感覺會好好多。