自由講場 今日: 191 | 主題: 1303384

積分: 12170

2024年龍年勳章

23^#

發表於 17-12-9 23:58 |只看該作者

本帖最後由彥彥媽咪於 17-12-10 00:20 編輯

mugtaitai 發表於 17-12-9 16:25
好多謝你嘅第一手親身經驗，我話比親戚聽先

我諗佢地都未真係深入了解長租一層樓同次次返來住 service apa ...

其實要先睇你親戚 prefer 乜, budget 係幾多, 佢既計畫會否常變等因素。好似我6299咁，典型有錢都要慳唔捨得食咁個停老人家，叫佢比成 $25000 租 service apartment 但中途會丟空, 佢一定會寧願算到盡住酒店，即係例如 1月1號來，2月11-20回內地探親過年，4月尾走咁....佢一定會叫我同佢租 1/1 - 11/2 既酒店，到時 checkout 執包袱，再訂 20/2 - 30/4 咁訂法。但問題係，佢兩個有時又成日三心兩意（試過跟佢咁訂好，突然走前一星期又話香港既野未搞好，本來話20號走既突然同你講想住多兩日至走喎）點知間酒店話無房，又因為想延後個兩日酒店本身全 full, 結果報個天價比你（個次住西環間 Best Western) , 即係明趕佢地走喇，無計、只好死死氣 checkout。當然可轉去另一間，但咁即係又要執來執去執包袱嘛，麻煩也...既然成日d plan 會改，咁一係就長租私人樓，一係買一間好了。但若兩者比，心理上當然係買好啦，唔駛幫人供樓嘛。若你親戚唔會成日計畫有變動又岩 budget 既，咁訂 service apartment 都無問題。

另外，你朋友在不在意要好 service 亦係考慮，service apartment又好，長訂一個酒店房又好，若以同類 size and layout 咁計，計埋一個月既收費一定比租私人樓貴，貴左既費用在於水電雜費，同執房啦。但呢d 在我眼中唔太影響6299，因為佢地老人家、水電煤用得幾多丫，好少 je, 執房既野，我多數係叫我家工人每日或隔日在中午去執下，有時6299都會比個利是工人等佢開心d 就算，洗衫既野咪家務 je, 呢d 自己做一定平過 service apartment 收你既錢。所以我幫佢搵地方都會盡量在我地容易到既範圍，咁先幫到佢執頭執尾, 港島區自是首選。

6299作息時間唔同，多年都係分房訓既，所以要兩房既 service apartment 又會更貴，最近我幫佢地睇過....港島區...兩房一廳，若要揀大型屋苑, 例如北角健威 6xx 呎建面，實呎488左右既都講緊 6xx - 700 萬, 一係就考慮d 單棟既，都有 d 5xx - 600 萬既。我建議佢地考慮後者，因佢都不是常會住，係但求有個單位應酬下佢回港，咁起碼買枝豉油去煮飯都唔駛計住計住丫, 因買細枝裝又貴, 買大枝裝用唔哂咁到 checkout 時放去邊？結果我咪年年都接收唔少佢呢d 佢未用完既野啦...生果又有，生油又有, 菜又有，洗衣粉柔順劑大包小包咁

其實呢d 建議我在三年前佢開始玩走來走去時已講過，佢都同意但又嫌香港樓價貴，結果大家有眼睇，依家仲貴，佢就又更唔想買，真捉蟲了...今年睇得出佢真想的起心肝去搵，只好講句：遲到好過無到啦...祝佢好運啦 (我真心想佢買得成呀, 咁我明年就不用再揾屋了, 嘻嘻)

私人傳訊

積分: 12170

2024年龍年勳章

24^#

發表於 17-12-9 23:59 |只看該作者

回覆樓主：

本帖最後由彥彥媽咪於 17-12-10 00:17 編輯

del

私人傳訊

sanriokitty

積分: 11526

25^#

發表於 17-12-10 00:26 |只看該作者

回覆樓主:

svc aptm好多都滿，唔係咁易搵得到想要既時間，不過租唔到米退去住酒店囉，但都係日日上落價，可能會好貴。
反而住宅掉吉時米放租比人做短期約幫補下囉，反正咁多人裝修搵地方。

私人傳訊

babyf

伯爵府

積分: 15252

26^#

發表於 17-12-10 01:00 |只看該作者

回覆樓主:

我個人覺得service apartment唔係咁好住，因為是中央冷氣，我覺得空氣唔乾淨，好易有退伍軍人症。

私人傳訊

積分: 12170

2024年龍年勳章

27^#

發表於 17-12-10 01:33 |只看該作者

本帖最後由彥彥媽咪於 17-12-10 01:43 編輯

sanriokitty 發表於 17-12-10 00:26
svc aptm好多都滿，唔係咁易搵得到想要既時間，不過租唔到米退去住酒店囉，但都係日日上落價，可能會好貴。 ...

反而住宅掉吉時米放租比人做短期約幫補下囉，反正咁多人裝修搵地方。

==> 呢個提議我真係有諗過呀, 當日都係想用呢招游說 99 買間屋好過, 唔住既時間就同佢短租出去, 又或 air bnb 咁....

但後來再想, 又發現係理論上可行, 實踐上有困難.....試想, 若要比人短租, 咁即係自己住完時要收走哂所有個人日用品, 一枝牙擦, 一把梳都要收起, 因為你唔會想比人地用你呢D 個人既物品, 人地亦唔會用, 但唔用你都唔好放出來嘛, 唔係租客點住? 咁同一問題又出來: 即係又要執包袱, 衫褲鞋襪要統統在走之前執走, 咁放響邊呢? 一係放在喼再收起在其中一房?

另外, 其他無咁個人既野如廚房既野, 一把刀, 一枝油...都要預比人用, 否則又要收起....咁好煩喎, 咁比人訓埋你張床, 又是否人人都喜歡? 出面租人屋係訓人張床, 依家間屋係自己就係人地訓你張床, 心理上我唔肯定是否人人都 OK? 若比著我 99, 佢一定叫我將所有野洗過一次先好比佢下次回來, 咁既話我寧願佢去住 service apartment 好過了。

又: 咁若業主已回外地, 屋短租出去, 租完後揾邊個去收樓, 清潔, 檢查? 咁要預香港有個人幫你打理先得喎....(哈哈....我當日諗到呢樹就放棄了, 因教99短租, 即係揾自己笨, 佢實到時叫我幫佢搞, 收樓執屋做妹仔咁....唔制.... )

除非買左間屋後好似外地個D 管渡假屋咁, 交比管理公司搞, 由佢負責承租出去, 包埋執拾呀咁, 但業主可先畫起自己住既日子, 剩下既就幫你揾人租左佢, 咁就好D, 但又會走出同一個問題:, 就係都係要執來執去咁囉...即係似住 service apartment, 若係咁, 我何必買間屋責死我既資金? (搏升值另計)

所以我認為大前提係: 親戚是否介意常常將物資個人用品, 煮食調味料等都帶來帶去 (或走前要掉哂佢), 又或唔介意將自己家裡既野同人共享 (如買樓後短租比人), 又有無人在港會支援你幫你睇實間屋, 若無問題既, 咁在無人既日子短租出去當然會最 cost effective。否則, 買左後, 自己住 only 算了, 其餘時間丟空, 朋友/親戚間唔時幫你過去開下個水喉, 開下窗通下風咁就簡單得多。

私人傳訊

積分: 60891

28^#

發表於 17-12-10 01:56 |只看該作者

提示: 作者被禁止或刪除內容自動屏蔽

私人傳訊

積分: 12170

2024年龍年勳章

29^#

發表於 17-12-10 01:59 |只看該作者

cinda72. 發表於 17-12-10 01:56
我好多外國業主都係咁做喎，
係香港過年前後返黎2個月，其餘時間短租出去
...

本帖最後由彥彥媽咪於 17-12-10 02:01 編輯

咁係咪有咩方法我可以唔執走我任何在屋內既野都可以順利短租出去比人？你有好提議嗎？

在我諗法：若次次回來離開都要執來執去執物品既話，咁同我回來租 service apartment 完全無分別，咁我就會傾向租 service apartment 了

私人傳訊

積分: 60891

30^#

發表於 17-12-10 02:17 |只看該作者

提示: 作者被禁止或刪除內容自動屏蔽

私人傳訊

我愛Corina

瑪瑙宮

積分: 134489

2024年龍年勳章 2024勳章好媽媽勳章醒目開學勳章環保接龍勳章

31^#

發表於 17-12-10 02:48 |只看該作者

cinda72. 發表於 17-12-10 01:56
我好多外國業主都係咁做喎，
係香港過年前後返黎2個月，其餘時間短租出去
...

通常咩人會租？

私人傳訊

積分: 12170

2024年龍年勳章

32^#

發表於 17-12-10 07:01 |只看該作者

cinda72. 發表於 17-12-10 02:17
完全唔執走就難架啦，搵個位置，例如床底，放個有鎖既箱鎖起，咁貴重物品當然要拎走啦，一枝油呀，鹽糖既 ...

本帖最後由彥彥媽咪於 17-12-10 07:04 編輯

呀....係啦，咁即係好似外國咁，好多大型酒店集團都幫客包起來做，有d 甚至有 guaranteed return 比業主添。

不過呢種形式對我6299既有用程度真係50/50，皆因佢地人老又大頭蝦，即使唔執一把刀，一枝油，佢地要執既都肯定唔會少，藥啦，文件啦，個人日用品啦，嘿嘿...到時實上屋搬下屋，執到變阿福

之後唔見埋...所以我寧願佢丟空算數。

不過睇錢份上我估佢地一定會為左有租金收入就寧願執執執既...咁不如問埋你係邊樹可以搵到呢類短租私人單位？兩房一廳，有齊傢電咁既，一個月租金幾錢？佢地一定要住有電梯同不能行斜路個d 單位，若在港島區既，你經驗收費幾多？若掉轉，買個同類單位，唔住既日子搵管理公司幫忙打理放租，又可收到幾錢 per week 之類？請分享下等佢地又多個選擇

私人傳訊

mugtaitai

公爵府

積分: 28219

33^#

發表於 17-12-10 10:19 |只看該作者

彥彥媽咪發表於 17-12-9 23:58
其實要先睇你親戚 prefer 乜, budget 係幾多, 佢既計畫會否常變等因素。好似我6299咁，典型有錢都要慳唔捨 ...

哇，咁多嘢要考慮，真係頭都暈

我會將呢個 post 所有回覆都 forward 比我親戚睇，等佢地多方面考慮自己嘅需要同預算，以及香港而家嘅實際情況，我一個外人，對於佢地具體個人嘅生活習慣，都唔會知道太詳細，等佢地自己諗啦

多謝你幾個咁詳細嘅分享，資料好有用，應該可以幫到我親戚。再次多謝你

私人傳訊

nintendo

侯爵府

積分: 24316

2018復活節勳章

34^#

發表於 17-12-10 10:55 |只看該作者

mugtaitai 發表於 17-12-8 21:56
我幫佢地分析，長租嘅好處係可以叫做有一個家，有 d 日用品可以留喺度，唔使每次往返都搬來搬去，我唔知服 ...

我女兒的同學，是美藉香港人，父母在香港長租 service apartment。
其實好多好少少的 service apartment 已經咁做短租，半年以下你比錢都唔租。
有朋友屋企裝修，想租四個月租唔到。

私人傳訊

bearbear2003

積分: 14166

35^#

發表於 17-12-10 11:58 |只看該作者

本帖最後由 bearbear2003 於 17-12-10 11:59 編輯

馬鞍山海澄軒service apartment ok, 两房一厅，less than $20k

私人傳訊

積分: 60891

36^#

發表於 17-12-10 12:18 |只看該作者

提示: 作者被禁止或刪除內容自動屏蔽

私人傳訊