自由講場 今日: 173 | 主題: 1302860

積分: 9773

21^#

發表於 09-5-5 08:50 |只看該作者

原帖由 estherking 於 09-5-4 17:14 發表
-Turn off the light and sing lullabies with him.
-Read books with him before going to bed.
-Go to theme parks or zoo when you have time.
-Be more patience , hug him more eve ...

thanks for your kindly sharing.

Acturally, I tried to read the story with him last

night. It seems that he wasn't really pay attention

to me/ the book, just looked around the room.

I tried to explaine "windy" to as it was the word

in the story. I blew the air to his neck. He laughed.

I was really happy. Knowing that he has already

given me this feedback, I tried pointed at all the

objects one the story book.

After we finished the reading, I gave him the book.

He could turn to the page that a flower was

showed up. And pointed to the flower and said,

"fa fa". Do you know that , it was so touching.

...................................................

thank you so much!

做一個c9唔係易事.

私人傳訊

積分: 9773

22^#

發表於 09-5-5 08:53 |只看該作者

原帖由 pylbowie 於 09-5-4 17:16 發表
時間係一樣好重要既野, 特別對於在職媽媽!!

就算你仔仔唔同你玩, 你都盡量係佢身邊, 唔好因為佢話唔要你就放棄, 時間係要點滴累積, 仲有, 同你99夾定, 當你回家後, 亞仔就由你take care, 試下啦, 縱然今日唔ok, 過 ...

當佢做左一d唔好既野.eg, 摷櫃桶, 入廚房,

飲水時特登吐D水出黎..........

應該點教./講?

做一個c9唔係易事.

私人傳訊

cy101

琥珀宮

積分: 188053

2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

23^#

發表於 09-5-5 08:55 |只看該作者

原帖由 nicolwong 於 09-5-5 08:37 發表
pollybell:

身邊既同事,都同你講既一樣.

"佢大大下,就會痴你."

我知只要我99唔係屋企,佢就會痴我地兩公婆.

99係到就無辦法.

我想教佢野,佢都唔願理我.

自己滿腔熱誠地教佢,佢又唔理我.

果下既感覺,好唔開心.
...

俾D甜點個小朋友先(ie. 同佢建立一個特有關係/親密memory, 係同妳99唔同既, 做d妳99唔會同小朋友做既野, 可以係出外參觀唔同museum, park, 一d親子班, 如做cake, 手工等), 打好關係, 然後再教/引導佢, 俾小朋友知道佢聽父母話, 父母就會帶佢出去開心; 另外見妳提及妳同佢講"no, 唔攪得.." 等說話or something like that, 及陪佢瞓, 直言一句, 小朋友只有一個feel, 呢個係no no媽咪, 什麼事都no no no! 佢咪無興趣跟妳. anyway 建立咗親子關係, 加多d 生活趣味, 俾d時間一定有改善!!! 加油!!

私人傳訊

yoko_hau

積分: 7857

24^#

發表於 09-5-5 09:00 |只看該作者

我都係在職媽媽 , 亦都係將囡囡放係99到湊 ,放假我先湊返 ,同樣地亞囡有99有媽咪時候 , 佢都係痴嫲嫲 ,無辦法 , 因為事實嫲嫲對佢時間多D , 但放假嫲嫲唔係到既時候 , 佢都會痴我 , 咁係單獨2個人既時候 , 我就會同佢邊玩邊教佢野 , 都OK WORK , 適當既時候讚下佢 , 言語唔得 , 就用佢鍾意既野獎勵下佢 , 慢慢佢就唔會同你作對 , 遲D大個D就會痴返你架喇 , 唔好灰心。

私人傳訊

Froggy_joe

積分: 46690

25^#

發表於 09-5-5 09:07 |只看該作者

首先回答左你問題先……
做唔正確的事/危險既野，一定要stop佢，但應該把道理"告訴"佢，而唔係大聲話，此外，在他做得正確的時候，要不吝嗇咁讚佢，用正面的讚來代替負面的鬧，讚到口水乾都要繼續。因為越鬧只會破壞你地的關係，相反，有讚的模式，不但能有效改善行為，而且還能建立關係!

原帖由 nicolwong 於 09-5-5 08:53 發表

當佢做左一d唔好既野.eg, 摷櫃桶, 入廚房,

飲水時特登吐D水出黎..........

應該點教./講?

私人傳訊

Froggy_joe

積分: 46690

26^#

發表於 09-5-5 09:17 |只看該作者

我見到呢個post，感同身受……

我大仔自小就工人姐姐湊，我和c6都係全職返工，為了仔仔多d痴我地，佢一歲九個月前都跟我地瞓，但由於姐姐好俾心機湊仔仔(呢樣我好感激)，仔仔一直好跟姐姐，鍾意姐姐多過我和c6

你講的情況，同樣發生係我身上，雖然我無嫉妒仔仔心繫姐姐，姐姐在佢心目中排第一位，c6排第二位，仔仔兩歲我又大肚，陪唔到佢玩太激烈既野，又抱唔到佢，所以我只係排第三位……那時候心中很不是味兒，有野食請姐姐/c6食，都唔請我食……

不過我無放棄丫，大肚時盡量爭取同佢玩一d我時間和身體應付到既野，例如同佢睇故事書、帶佢去公園散步等等，到妹妹出左世，我坐月，日日係屋企梳化坐係處等佢放學，第一時間同佢講:「你返黎啦!」到我坐完月，又爭取時間單獨帶佢去街，家下返緊工，都每日盡量送佢返學、接佢放學，星期六、日帶佢去玩(c6留在家中照顧妹妹)，佢快三歲啦，依家好痴我，我已經唔想比較仔仔錫邊個多d，因為我知佢依家好賜我，成日都叫住我......

你要加油，我都花左好多心思和時間，才奪回仔仔的心，之前佢做錯野，加上唔痴我，我心情唔好，有時會鬧佢，但我發現係唔work既，於是我改用讚的方法，效果顯著，佢又跟我多左。

私人傳訊

紅紅

侯爵府

積分: 21341

畀面勳章大廚勳章

27^#

發表於 09-5-5 09:20 |只看該作者

我明白你嘅處境，因為我都係過來人 .... 不過係小朋友角度嘅過來人。

我一出世就住喺阿公婆婆屋企，我媽咪爹哋只有周末先帶我回家。

唔駛問我錫我婆婆多過我媽咪，冇法，我一出世就對住婆婆，佢有當我係孻女咁錫喎！我記得次次我父母週末要帶我回家，我都勁喊，有次仲想『跳車』逃走！

大個咗，當然明白父母係愛我，照顧唔到我都係為咗我嘅生活。我亦會尊敬佢地。可惜嘅係，細個時失去咗嘅時間冇咗就係冇咗，媽媽同子女果種親密關係要由好細個時培養，大個咗就補唔返，我唔係話唔愛佢哋，只係冇果種好親密嘅感覺，例如我從來唔會『嗲』我父母，有一種生疏嘅感覺。

因為咁我自己一早就決定咗自己嘅bb一定要自己湊，所以結咗婚好多年先要bb，因為之前冇能力放棄工作。我怕自己仔女都同自己唔親！

你同我父母一樣，都冇做錯，只係生活需要你哋工作，不過小朋友如果真係唔親你，咁佢都冇錯，因為小朋友見得邊個多就自然會親邊個多d，咁細個邊識諗咁多，到識諗果時又太遲。

不過你個case都冇我咁嚴重，因為你哋都係一齊住會日日見面，你99又算識做，俾機會你同個仔相處。睇落你個仔咁同你作對，可能只係想引你注意佢多d，可能佢係想你多d同佢一齊就真喎！唔好灰心！

樓主唔好話自己唔係一個好媽媽，睇你都好識諗，會話預咗個仔會冇咁黐你，我相信你識得咁諗，都應該會有耐性湊好個仔嘅！

[ 本帖最後由紅紅於 09-5-5 09:22 編輯 ]

私人傳訊

VKwan

積分: 38391

28^#

發表於 09-5-5 09:26 |只看該作者

更正：你唔係冇付出，你付出比你99更多！
你努力工作，付出勞動力，賺取酬勞，
你付出(犧牲)左你同仔仔的親子相聚時間，
你冇法親眼見証個仔成長中一舉一動，
你付出左同個仔的親密關係，

你無奈地失去你作為母親應有的特權，因為你要賺取金錢來供養你個仔！呢一切付出，我認為你一定要比你個仔知道，就算家陣唔明，長大些少都要比佢明白，唔可以等佢以為麻麻係最錫佢既人！It's unfair!!!

原帖由 nicolwong 於 09-5-4 15:46 發表
我有一個22個月大既仔.

因為我地兩公婆都要返工,阿仔就由99幫手湊.

我地同99一齊住.

每次放工返到屋企,99都會將照顧阿仔既責任交

返畀我地兩公婆.

我唔懂得同佢相處,應該話係,佢唔係好聽我講!

每次佢想攪攪震 ...

私人傳訊

VKwan

積分: 38391

29^#

發表於 09-5-5 09:33 |只看該作者

其實我都身同感受，到最後，我受唔住，辭工，家陣係全職媽媽，都值既，因為幫亞仔基礎打得穩，佢成績唔錯，雖然c6亦對我都唔差，唔會點限制我洗錢，不過市道唔好，全家得一個人搵錢，始終係擔心，而且冇個人收入都係另一種痛苦……

原帖由 Froggy_joe 於 09-5-5 09:17 發表
我見到呢個post，感同身受……

我大仔自小就工人姐姐湊，我和c6都係全職返工，為了仔仔多d痴我地，佢一歲九個月前都跟我地瞓，但由於姐姐好俾心機湊仔仔(呢樣我好感激)，仔仔一直好跟姐姐，鍾意姐姐多過我和c6

你講的情況，同樣發 ...

私人傳訊

Froggy_joe

積分: 46690

30^#

發表於 09-5-5 09:37 |只看該作者

我係仔仔六個月大時，轉左工，家下可以日日接送佢返學放學，基本上，仔仔除左返全日學之外，佢見得最多既人就係我

原帖由 VKwan 於 09-5-5 09:33 發表
其實我都身同感受，到最後，我受唔住，辭工，家陣係全職媽媽，都值既，因為幫亞仔基礎打得穩，佢成績唔錯，雖然c6亦對我都唔差，唔會點限制我洗錢，不過市道唔好，全家得一個人搵錢，始終係擔心，而且冇個人收入都係另一種痛苦…… ...

私人傳訊

VKwan

積分: 38391

31^#

發表於 09-5-5 09:42 |只看該作者

你咪好囉，做工同湊仔都有得平衡下，係香港地，呢樣係福氣黎架！

原帖由 Froggy_joe 於 09-5-5 09:37 發表
我係仔仔六個月大時，轉左工，家下可以日日接送佢返學放學，基本上，仔仔除左返全日學之外，佢見得最多既人就係我

私人傳訊

gingerbeer

大宅

積分: 3216

32^#

發表於 09-5-5 10:04 |只看該作者

回覆 1# nicolwong 的文章

其實樓主吾洗太擔心，慢慢來，你的99識做已經係一件好事，我建議你在這個階段不要想教他太多的知識，妳小朋友還小，盡量同他玩就好了。我想縂有一些遊戲是你99不會同他玩的，這樣就是你的機會，如果他覺得開心就自然想同你玩多D，建立好親子關係，將來他就會聼你的話。有時你不想他做的事情，也可以請99幫忙一齊教，好似話禁樣吾得架，吾信你問下嫲嫲係咪吾得。我媽媽成日都有縱小朋友的習慣，我就成日交返個ball比她，如果大家都話吾得，小朋友就冇禁放縱。妳多點同他玩他鍾意的遊戲，好快他就會想妳快點放工回來同他玩，到時chi返妳，就會好教好多啦。不要老是想管教他，因爲嫲嫲都吾係禁架嘛~ 其實我覺得好多父母都要學下點同小朋友玩，我就成日覺得我老公同小朋友玩都令他們很有壓力，因為佢成日吾比人錯，又吾比人中意點玩就點玩，一定要跟"他"的規矩，有時覺得小朋友玩得吾暢快。我就覺得你玩得越低能小朋友就越鍾意妳。一於同他玩玩玩！

I love Jesus!

私人傳訊

BABYPURPLE

子爵府

積分: 13233

33^#

發表於 09-5-5 10:19 |只看該作者

我個大仔都係一出世就係我姑奶同我老爺湊...我只係放工後同放假湊返佢...而我係同老爺奶奶一齊住既...
佢係歲幾時....係好跟爺爺架....不過我成日攬住佢...話媽咪好鐘意佢...好錫佢...當然...佢做錯時都會鬧啦...但慢慢....佢就變得好痴我...係痴得好勁果隻....到我個仔而家就快3歲....佢一得閒就會話好鐘意媽咪....
所以...只要比多d時間同個仔玩...比佢知道你係好錫佢既...你始終係佢阿媽..慢慢就會跟你架啦...如果急...反而會弄巧反拙...

私人傳訊

8C9

大宅

積分: 1078

34^#

發表於 09-5-5 11:15 |只看該作者

唔好介意我講, 我真係覺得你付出唔夠. 你有一個咁識做既奶奶, 係好有福啦. 要個仔痴你, 頭兩三年, 你係要有好大既犧牲先得.

我個陣唔俾工人同d女沖涼, 一定放工自己做. 晚飯自己餵. 同佢地玩, 瞓前講故事唱歌. 最後支奶自己沖. 放假時所有起居飲食自己做番哂. 教佢地認物件, 認形狀, 認顏色, 數123, 全部都親力親為. d細路係認照顧佢個個. 佢對你既感情一定同你服侍佢(係俾佢見得到既)既時間成正比.

你個仔22個月啦, 你要趕快補償佢. 你奶奶肯合作, 係最好不過啦. 同埋佢係冇責任教你個仔, 個責任係你度. 家中有咩規矩, 係應該你同個仔講, 要賞要罰, 都應該係你做, 咁佢先會聽你話. 你唔好以為佢細, 由佢開始理解simple instruction 開始, 你已經可以教佢咩可以做, 咩唔可以做, 配合一套consistent 既賞罰, 佢會好快知道d規矩, 當然做就要時間去訓練啦.

私人傳訊

ankle

侯爵府

積分: 20529

叻叻勳章 wyeth冷知識勳章醒目開學勳章親子達人勳章畀面勳章

35^#

發表於 09-5-5 11:35 |只看該作者

唔使咁擔心, 我個囡都係大你個b幾個月,
初初我放工佢都唔采我架, 我99走佢就喊到cc下, 而家佢生性好多架啦, 我朝早起身, 佢會講媽媽返工呀~~
我返黎又會大叫媽媽~~
其實小朋友會慣架, 我唔會因為少揍佢就縱佢架, 佢做錯事都鬧到佢cc下架~~
大家講得好啱架, 血濃於水, bb知邊個係啊媽架, 放假時, 我囡痴我痴到不得了架, 佢唔俾99抱架~~

私人傳訊

ngtsuio

洋房

積分: 295

36^#

發表於 09-5-5 12:38 |只看該作者

係樓下見過有老人家只會係小朋友後面睇住佢玩，只要唔跌親，唔危險，就好似完成任務，雖然個小朋友係由老人家全日照顧，但個小朋友係一d都唔跟佢。

想反，佢媽媽一放工，個小朋友一見到個阿媽就衝埋去，而個阿媽會同個小朋友傾解，玩。

遇到唔可以做的事，會慢慢同個小朋友解釋，或者抱開佢，雖然小朋友唔可以玩會大喊，但過一陣又會跟返阿媽。反而打或罵，成效好似無咁理想。

私人傳訊

yuenwa

積分: 5774

37^#

發表於 09-5-5 13:14 |只看該作者

有個嬤嬤咁開通, 係屋企搞乜都得, 我都會鐘意嬤嬤多d.

不過唔使灰心, 只要做好媽媽教養子女本份, 就唔使怕.

好似我咁, 我亞囡由出世到兩歲, 都係我亞媽揍. 但我亞囡見到我同老公, 就會好跟我地, 佢唔係好跟婆婆, 因為我老公係氹細路高手, 再加上我亞囡食人奶, 自然覺得跟爹地媽咪有jetso.

如果婆婆縱佢, 由佢倒旦, 我會好嚴厲罰佢, 就算係bb我都會好惡咁閙佢, 等佢知道婆婆唔係檔箭牌.

到亞囡兩歲, 我就送佢返全日制幼兒園, 接送全由我兩公婆包辦, 婆婆冇機會埋手.

私人傳訊

積分: 9773

38^#

發表於 09-5-5 15:23 |只看該作者

原帖由 Froggy_joe 於 09-5-5 09:07 發表
首先回答左你問題先……
做唔正確的事/危險既野，一定要stop佢，但應該把道理"告訴"佢，而唔係大聲話，此外，在他做得正確的時候，要不吝嗇咁讚佢，用正面的讚來代替負面的鬧，讚到口水乾都要繼續。因為越鬧只會破壞你地的關係，相反，有 ...

我個仔係好鍾意做一d野,只要你係有咩反應都好.

佢就覺得自己成功引你,並繼續做.

好似我最憎既係飲水唔正經,含係口度,然後慢慢由佢流.

佢一見我地有任何反應都好,佢就好開心咁笑.

而呢種笑,就係:我整古到你喇!!哈哈!

...................................

試過有一次(lur水)教極佢都唔理/聽,我唔畀反應佢.望住佢,

佢就一直做,做到我忍無可忍,我出手大力打佢手板仔,

佢都仲可以對住我笑!

激到我著煙.........我入房冷靜唔理佢.

....................................................

面對呢個情況可以點??

做一個c9唔係易事.

私人傳訊

積分: 9773

39^#

發表於 09-5-5 15:33 |只看該作者

原帖由 ngtsuio 於 09-5-5 12:38 發表
係樓下見過有老人家只會係小朋友後面睇住佢玩，只要唔跌親，唔危險，就好似完成任務，雖然個小朋友係由老人家全日照顧，但個小朋友係一d都唔跟佢。

想反，佢媽媽一放工，個小朋友一見到個阿媽就衝埋去，而個阿媽會同個小朋友傾解，玩 ...

我個仔好硬頸,而家落街.佢一見到花就指住"花花,花花",

然後,走過去擇落黎.係因為99!!!

99知阿仔識用言語,行動黎表達所需,就會好開心.

因為呢種開心,蓋過愛護植物既教育!

所以阿仔同我地落街,一見到花,就會花花,

然後咪過去想擇囉!

我同老公都同仔仔講:花花,係用眼睇,睇.唔可以擇.

佢係咁扭,係咁扭,扭到唔肯行路.

要衝過去擇先得,抱起又扭.仲放軟個身.唔理佢.

又大喊.試過畀佢覺得"再唔乖,媽咪,老豆就走!"

(轉身行,當然有會頭望一望.)

佢一於少理,係都要擇.

..........................................................

我試過分散佢既注意力,指住頭上既樹,"嘩!樹樹喎!"

都係唔聽!

仲可以點?

做一個c9唔係易事.

私人傳訊