原帖由 kirstyau 於 09-5-31 00:58 發表 
本來都心ＣＣ想試下做，但聽完大家意見，都係唔好攞苦黎身，仲要我屋企唔近郵局，行去一來一回都要成半個鐘，都係專心揍囡，得閒上下網，睇下有乜平野買好過！ ...
其實係超辛苦,一來要湊女,二來真係好晒時間,我每晚都一定要個女訓左先做得野,最早都11點半後先開工,一做就做到起碼3點,基本上每日只訓幾個鐘,一般都係4-5點先訓到覺,晨早7點半最遲一定要起身返工,湊女返學.........
你真係要考慮下,因為一洗濕左個頭就....真係.....
我老公最近多次叫我唔好再做,執鬼左佢,一係賣小d,一係慢慢做....其實邊有得賣小d,慢慢做,你無可能人地同你買左野你遲遲唔寄比人,或是唔覆mail架嘛...比著我自己買野我都擔心啦,錢比左,無回音 ???所以寧願唔訓羅,唔係點姐 !
c佬成日話,你咁落去好快死架喇,你咁樣又照顧唔到個女,又教唔到個女野,有時掛住做野,一返貨影下相,打下description,check貨,搵貨．．．寄貨覆ｍａｉｌ等等．．．一大堆工作，無真正教下個女陪下佢．．．有時急住覆買家野，求其開隻碟比個女睇啦，完全唔理佢．．．而且佢地見到媽咪係咁做野唔理佢，佢一定過來痴痴共，又會係要上大比坐阻住你做野．．．有時急住做的話，自己會覺得佢煩，可能會對佢態度唔好喎．．．其實咁樣我自己都知好忽略左小朋友 ！
好似呢掛黑仔，自己有ｄ唔舒服，個女又病左好多日喎，無返工無返學啦大家都係屋企休息，佢一病大人一定好慘好心痛，照顧一定要全心全意．．．一病又會仲每分鐘都痴住，到佢訓果時，自己已經心身疲倦，咁點算呢 ？仲做唔做好呢 ？但再唔訓自己仲病得嚴重，你唔覆ｍａｉｌ又心掛掛，驚比客人鬧，驚要客人擔心，但已經累到爬唔到起身喇．．．．唉．．．．
有時因為呢ｄ野，連家務都無點做．．．ｃ佬要幫手，佢份工又辛苦，咁放工返黎又要做公司野仲要幫手做家務，大家都維持左年幾係每日４－５點先訓晨早起身既生活，自不然有時會燥燥地，唔夠訓，疲倦，係咁不停做做做．．．．當然仲有錢啦，老實，要咁樣做得既，屋企環境好就唔洗咁樣辛苦啦，咁無錢又會鬧交，咁辛苦去搵錢無得娛樂，只係做．．．仲會個人燥上加燥，爭執難免多左，雖然鬧完大家都知係為生活先咁辛苦，不過鬧果下就唔會記得架嘛，梗係咩乞人憎野都講架啦，哈哈哈
如果未開始既我勸你唸得清清楚楚先決定做定唔做，屋企環境許可的話，我覺得留ｄ時間比小朋友會好好多，對佢對自己對家庭都唔同ｄ ！
如果決定加入，我都為你打氣，媽媽賣野會又多一名成員，都祝你生意興隆 ！努力加油 ！
禁止在戶名，頭像相片，自定義頭銜，個人簽名，使用帶有 商業/個人/團體 廣告或宣傳推介成份之字句/圖片/超連結。
發表於 
... 
返回列表
