引樓上39既內文如下：
2023年2月3日
FI專欄｜金融戲子續風騷 殼王執爛攤｜Louise
要數金融界入型入格的「戲子」，非Stephen Hung(洪永時)莫屬，至今仍不忘由佢主理嘅澳門氹仔路易十三酒店（現稱：澳門13酒店）吹咩，就係夠浮誇有話題。呢排香港啲金融佬睇到Stephen Hung同火辣辣嘅墨西哥籍老婆Deborah，有份在Netflix演出「璀璨帝國-紐約篇」的真人騷，就笑到嘴都「歪」埋，尤其見到字幕寫上Stephen Hung的「Net Worth $2 Billion」，即20億美金…..呢個世界真係鬥抛！
璀燦酒店熄燈
講起就諷刺，當呢套真人騷在Netflix開播之際，正正是澳門13酒店嘅母公司南岸（577）正式取消上市地位嘅日子。2018年已經離任嘅Stephen Hung繼續風騷，只是難為了殼王陳國強，要為呢間資不抵債嘅酒店埋尾，現在清盤之中，聽澳門人講，呢間曾是全澳門最浮誇的六星級酒店，現時門口剩得一個保安留守，酒店連燈都唔多盞。
勞斯萊斯出巡
Stephen Hung可謂金融界老戲骨，係佢做騷之下，呢間一直冇賭牌的酒店，搞到成家賭場概念股咁，公司股價曾攀上過$40，當年誇下海口，謂酒店車隊要威過半島酒店，訂咗30部勞斯萊斯幻影系列咁話，雖然最後得5駕交付，聽賣車經紀講仲係demo車咋。係香港，Stephen Hung亦去中環巡遊谷人氣，車牌掛上老婆名字「Deborah」粉紅色勞斯萊斯泊喺中環AIA金融中心，而另一部掛上佢英文名簡寫「S H」黃色撞橙色的勞斯萊斯，就泊在中環中建大厦，正式係揾駕車同自己賣廣告，直接到位。
老虎也燒鬚
Stephen Hung啲騷味又引到外資基金落叠，當中包括老虎基金，揸咗南岸（577）5.53%，不過老虎基金唔單止無牙，創辦人Julian Hart Robertson舊年亦已「拉柴」，唔信邪都唔得。而蘇絲黃個大佬，一直幫殼王打理保華德祥嘅劉高原（Tom Lau），自己都坐埋落去揸南岸(577) 8.64%。2020年基金Blackrock輸錢發難，開會踢走埋劉高原。不過最邪係南岸搵咗有「中環劏豬櫈」嘅盧永仁做獨立非執董…咁公司又點會唔走上清盤之路呢？
變身富貴老人院
而最傷嘅莫過如做大股東嘅殼王陳國強，聽講呢鋪佢老哥都幾傷下，慘過係直升機跌落嚟。冇計啦，呢間酒店搞極都搞唔到個賭牌返嚟，又話想向四太借、又話同何猷龍的角子老虎機合作，但咁容易好似以前咁，批出三個賭牌後又有副牌咩？家陣賭業規範化嘛！卒之Covid殺到將佢冚旗。現時酒店在清盤資產將重組，有個金融老手度咗條橋，建議將酒店改裝為高級老人院，諗下都幾過癮，一於吸引大灣區班富貴老人，落澳門入住養老，每日活動就係去賭場賭兩手，以防老人痴呆。
註：專欄作者的觀點不代表本網立場。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
C 火, 我係HK人, 
返回列表
