婆媳關係 今日: 8 | 主題: 27700

積分: 5132

好媽媽勳章醒目開學勳章

21^#

發表於 09-9-23 23:20 |只看該作者

多謝你地既留言呀

令我覺得好warm,唔係自己一個孤零零

繼續講埋件事

食晚飯後,我就打左好多個好長既sms向c6交代件事既大概經過,c6話等佢放工返黎先講,望穿秋水,終於等到佢放工,我一見到佢,未講野已經喊到blah blah聲,c6同我講"肥媽仔唔係有心整唔見既,手套仔ja嘛,我叫肥婆仔幫你買返10對8對寄過黎啦好唔好?我明白生完bb d情緒會比較難控制,醫生姑娘都話係正常,你唔駛擔心wor,我明白架"
聽到我鬼咁心急,簡直係有理說不清...我一邊越喊越勢利,一邊話"你根本就唔明..."
c6話"我有咩唔明,你講出黎啦"
我話"唔係三言兩語可以講得清楚"
c6話"你咪忍吓肥媽仔囉...最多我買兩間屋,你地住隔離,唔駛一齊住啦,好唔好?"
我話"今日出院第3日ja,我已經忍夠佢啦,再咁落去我會癲架!我唔會阻住你做孝順仔,你地可以留低,最多我走,我唯一既條件係bb要跟我"
c6話"咁夜你走去邊jei?有咩唔岩咪講到岩囉!"
我話"你放心,雖然我呢邊無親人,但係我有朋友肯收留我!無用架...點講都無用架...我要求唔高架,我只係想同個囡開開心心過日子ja...再咁落去我捱唔住架啦...如果我要繼續過d咁既生活我抱住個囡死左佢好過...你同99搵過個好新抱啦...只要我同個囡開心我咩都可以應承...你地放過我啦..."
c6話"我唔比你走呀,走咩jei?好丫,你要呀嘛,我就打比你阿媽,佢都企o係你果邊既話我就比你走"

跟住c6就打比我阿媽,同佢講話我為左隻手套仔要帶埋bb走...媽咪就鬧我"大小姐,你係唔係咁巴閉呀?手套無左咪買過囉!一d家教都無!你知唔知咩叫感恩咩叫惜福呀?你估你99過到去係享福呀?訓梳化好舒服呀而家?係既話又唔見我過去幫你?你估你99掉低佢老公仲要受你d大小姐脾氣好好受呀?"

呢個時候我忍唔住講"係因為你同爸爸恩愛,婚姻關係keep得好,唔似得99,62唔彩佢架,佢過黎對住個仔好過對住62但係無野講呀,我無叫佢過黎呀,我唔想佢過黎架!而家佢過左黎唔會走架啦,佢唔走唔緊要,咁咪我同bb走囉!我唔要再對住佢呀!你地唔比我走,我寧願貼錢比佢買機票返去又好,貼錢比佢租酒店住又好,總之有佢無我!"

媽咪"你收聲呀!你講乜野呀!"

呢個時候99就不停講"唔係架,件事唔係咁架,我無(捻)過過黎長住同享福架,隻手套仔件事真係好對唔住呀,最多我買返比你啦!你唔好走啦,你同bb留底啦,我走啦"我完全聽唔到媽咪同我講咩,我當時好(男女男),大聲喝99"你收聲呀!你有無禮貌架?媽咪同我講緊野呀!"

我同返媽咪講"係真架,唔信你問c6呀,係c6親口同我講架..."

媽咪話"你收聲呀!你咁既脾氣點做人阿媽呀?你教壞緊自己個囡ja!"

我將自己既心底話一五一十咁講晒出黎"媽咪,你知唔知我真係好掛住你地...我成日發夢見到你地會喊醒,好多人問我,點解你媽咪唔幫你坐月,我都話係因為你公司做野忙,你都係身不由己,係因為我想為你講好說話,唔想丟你既面,早知道而家日日過得咁唔開心,我當初就唔同c6結婚,咁我到而家仲係做緊你既乖女,我地仲可以1家4口齊齊整整咁去旅行...其實我受受埋埋好多委屈,但係我一次都無向你地講過,係因為我唔想你地擔心我,我寧願一直啞忍,一直自己承受,都唔想你地同c6關係再繼續差落去呀...你地知唔知呀?你地一直都唔知ja..."

媽咪話"呢條路係你自己揀既,你預左架啦!"

我聽完之後心都碎埋...原來我日掛夜掛既媽咪只係覺得我抵死,我以為我係佢個囡,佢點都會有少少掛住我...原來都係我自己一霜情願...

呢個時候,我已經喊到講唔到野,c6就同媽咪坦白62同99既情況,到99接手聽電話,佢就扮晒可憐做晒戲同我阿媽講"唉呀,親家99,真係唔好意思呀..."

講左一輪,媽咪問我"你係唔係要一意孤行?你係唔係自己坐月?你搞唔搞得掂!"

我話"係,我唔駛人幫!我自己坐!bb我自己湊!我自己一個搞得掂!"

媽咪話"好!你自己講架!你記住自己今日所講所做既野!第時你有咩搞唔掂你唔好求人,唔好後悔!"

我話"決不求人,絕不後悔!"

跟住c6同媽咪傾左陣就收左線, c6同我講, 99聽日就會買機票走, 呢個時候, 我,bb,c6同99都喊...

返到入房,c6一路喊一路(唉)我"點解會搞成咁架...你同肥媽仔道歉丫,你話你一時控制唔到自己,你唔駛佢走丫...可唔可以呀..."之後佢就訓著左,果晚我失眠,因為太大件事同太突然,我不停(捻),我趕左99走...我同99反左面...我係唔係做得好錯...我係唔係好(5逆)...咁以後既日子點算...我坐月點出街買(送)...就算我出,bb點算...佢咁細個帶佢出街多病菌唔好,唔帶又買唔到...

天光啦,c6同99準備去機場,99臨走前同c6講(其實特登講到好大聲,係比我聽)"工廠有流浪狗,我都會做好心收留佢幾日啦,我呢?連狗都不如呀!留多一陣都唔得添呀!d人真係黑心呀!"跟住99就去左阿德雷德搵姑仔...

就係咁,我都無再同99/媽咪聯絡...

紅色字,係代表c6同99到而家都認為我只係因為隻手套而搞到咁,o係開呢個post之前,只係得兩個朋友知道成件事既來龍去脈...而家終於講晒出黎,唔再覺得咁委屈...

完

[ 本帖最後由 mrs_b_lam 於 09-9-23 23:46 編輯 ]

私人傳訊

sbandliz

積分: 2106

好媽媽勳章

22^#

發表於 09-9-24 07:34 |只看該作者

原帖由 mrs_b_lam 於 09-9-23 23:20 發表
多謝你地既留言呀令我覺得好warm,唔係自己一個孤零零

繼續講埋件事

食晚飯後,我就打左好多個好長既sms向c6交代件事既大概經過,c6話等佢放工返黎先講,望穿秋水,終於等到佢放工,我一見到佢,未講野已經喊到blah ...

I cried reading this.
I feel very sorry for you to have to live through this.
If this happened recently - you need to talk to your doctor or nurse at the baby health centre. You maybe suffering from "baby blue" (not postnatal depression, baby blue is your hormones affecting your emotion - caused by your pregnancy).

You can take your newborn baby to the shops in Australia - just need to pick a time when they are not busy to cut down the chance of contact and infection.

Good luck. Remember your baby needs you.

私人傳訊

mrs_b_lam

積分: 5132

好媽媽勳章醒目開學勳章

23^#

發表於 09-9-24 09:03 |只看該作者

thanks sbandliz

bb而家兩個幾月大,我坐完月好耐lu~好彩c6一直肯幫我買(送),我而家生活得好開心,最近囡囡成日笑,感染到我都成日笑,只係想同大家分享呢件事,呻完舒服晒!同埋多謝你地肯咁好心機睇晒我打既野!

私人傳訊

wing1128

複式洋房

積分: 443

24^#

發表於 09-9-24 09:14 |只看該作者

唔好唔開心啦,唔發生都發生左啦,(座月) 唔可以辛苦架,
不過我大仔出生時,我都因為頂唔順,叫我99 & 媽咪唔好來,得我同工人,但工人唔知點照顧BB,我自己一手一腳,
之後都有後悔,(不過果下系好難頂) 我係過來人,我100%
明,現在最重要係平服自己的情緒,(媽咪關係唔洗想太多,點差的關係,都可以修補番,放心啦一定無事)

,

至於 99 (你對佢點好,你都唔係佢過女,不好有幻想 (99 & c6 & 自己) , 所以唔洗太界意,唔好想太多佢點對你,同你講D咩 , 好聽未聽,唔鐘意聽,咪洗了佢,唔好去要99改,
(太陽唔會在西邊出), 你宜家有自己的B女,有自己的家庭,
要堅強D , 無野比你地一家三口,開心快樂重要,

睇下有無人可以邦手買野,睇下有無人可以邦住下先,
唔得啖自己頂,最近要心情平靜,(同C6關係耍快D收服番,
一家人耍同心,唔可以散,無野係解決唔到,OK ^^)

座車完月100日都可以多休息,食D健康野都OK架,
(我宜家10月要生細B,我99未都你o甘,算啦最重要求
c6 , 大仔,細b , 同自己 , 座完月無事架啦,(仲有好多人關心我地架,

)

原帖由 mrs_b_lam 於 09-9-23 23:20 發表
多謝你地既留言呀令我覺得好warm,唔係自己一個孤零零

繼續講埋件事

食晚飯後,我就打左好多個好長既sms向c6交代件事既大概經過,c6話等佢放工返黎先講,望穿秋水,終於等到佢放工,我一見到佢,未講野已經喊到blah ...

私人傳訊

安室だがな

公爵府

積分: 28938

好媽媽勳章醒目開學勳章畀面勳章

25^#

發表於 09-9-24 10:52 |只看該作者

你做得好丫,d99好識做戲,想人地覺得我地依d新抱蝦佢..當初我結婚時99對我唔好架,有左之後就360度變.又煲野我飲...不過我知佢想我比佢bb佢湊,佢都有問我,叫我出去返工佢幫我湊,,但我就答佢"我1定會自己湊,如果我比人湊我就唔會生!"我好決絕甘講,佢就冇出聲,佢就同我老公講想湊,但老公知我咩脾氣,我決定左既野係唔會改,加上我唔想比bb99湊,有次佢抱走左我個仔,我就大聲罵佢"做咩呀你,做咩抱走佢!佢係我個仔你(朋)咩抱走佢呀!"之後99再唔敢,,又有次bb大喊,佢抱住bb哄佢,但唔得.姑9又抱都唔得.我想抱返,佢2個阻住我唔比我抱,我就大聲講"行開啦,你地阻住我呀我個仔喊緊呀!"我1抱起就收聲佢地就黑面,跟住我老公返來我就同佢講99姑9甘樣,我話唔想見到佢2個,之後3個月都冇見,3個月後99打比我返去食飯我都有返,不過我唔比佢地抱.姑9叫我比佢抱我話唔好,佢地2個依家對我好客氣!

[ 本帖最後由安室だがな於 09-9-24 10:57 編輯 ]

私人傳訊

kalincliff

複式洋房

積分: 236

26^#

發表於 09-9-24 15:46 |只看該作者

你媽咪講野d語氣真係有d似我媽咪
可能係你99係度,佢唔能夠太幫你,or佢係好要面既女人....
咁你同你媽咪冇再聯絡啦?

事後你同你老公既關係點樣好番呀?

私人傳訊

mochapig

積分: 15568

好媽媽勳章畀面勳章環保接龍勳章大廚勳章 BK Milk勳章

27^#

發表於 09-9-24 16:22 |只看該作者

原帖由 安室だがな 於 24-9-2009 10:52 發表
你做得好丫,d99好識做戲,想人地覺得我地依d新抱蝦佢..當初我結婚時99對我唔好架,有左之後就360度變.又煲野我飲...不過我知佢想我比佢bb佢湊,佢都有問我,叫我出去返工佢幫我湊,,但我就答佢"我1定會自己湊,如果我比人 ...

做得好！

私人傳訊

boobecky

積分: 17328

畀面勳章

28^#

發表於 09-9-24 16:39 |只看該作者

樓主, 你99 / mami唔鍚你唔緊要
我睇得出你c6都仲好鍚你
仲有,最最緊要係自己一家人開開心心
bb女健康活潑

私人傳訊

boobecky

積分: 17328

畀面勳章

29^#

發表於 09-9-24 16:41 |只看該作者

有時對呢d人唔強硬原來係唔得架

你好勁呀~~

原帖由 安室だがな 於 09-9-24 10:52 發表
你做得好丫,d99好識做戲,想人地覺得我地依d新抱蝦佢..當初我結婚時99對我唔好架,有左之後就360度變.又煲野我飲...不過我知佢想我比佢bb佢湊,佢都有問我,叫我出去返工佢幫我湊,,但我就答佢"我1定會自己湊,如果我比人 ...

私人傳訊

Monkey25

積分: 1051

30^#

發表於 09-9-24 17:14 |只看該作者

我99都係呀......佢上黎坐, 睇b, 我welcome架, 但係我走入房餵奶時, 佢唔敲門又走埋入黎睇住我餵.......

原帖由 charmg.melody 於 09-9-21 01:40 發表

我隻99又係咁, 入我地房唔會敲門, 會睇住我餵奶, , 不過宜家佢睇住我餵都ok, 但係入房唔敲門同理關門成日都好嘈好大力囉, 我好唔鍾意

私人傳訊

瑩の媽

積分: 2724

31^#

發表於 09-9-24 17:37 |只看該作者

咦, 咁角色換轉你C6 同你MAMA, 唔知會點呢?????????

私人傳訊

charmg.melody

複式洋房

積分: 402

32^#

發表於 09-9-24 20:05 |只看該作者

原帖由 Monkey25 於 09-9-24 05:14 PM 發表
我99都係呀......佢上黎坐, 睇b, 我welcome架, 但係我走入房餵奶時, 佢唔敲門又走埋入黎睇住我餵.......

佢地都唔明乜野叫做禮貌/家教

私人傳訊

kayingivy

積分: 18129

好媽媽勳章醒目開學勳章

33^#

發表於 09-9-24 21:36 |只看該作者

睇完晒，最尾果節，我都睇到想喊，檈主，而家bb都2個幾月，幾難過都過咗，呻完心情好番就ok啦，你99果邊，唔好再理再提
你媽媽果邊，bb係解藥，有朝一日，你帶bb去見佢，兩母女會無事，相信你媽媽唔係感性嘅人，所以當期時鬧你，相信佢係覺得你無家教，佢亦要話你知，你做咗人媽媽，好多嘢唔可以任性，同時，佢根本唔可以立即幫到你乜，佢企你果邊，只會令你更偏激，要明白，佢唔想你俾位人入呀

私人傳訊

gutgut22

積分: 6658

34^#

發表於 09-9-25 00:31 |只看該作者

我記得我坐月既時候~我99同你99差唔多...我果陣都同屋企人反曬面...99請左一星期假黎陪我~點知~果日我同個朋友仔去食過LUNCH姐~佢就話比我C6知~我C6就勁小我啦~佢唔想99煩...之後我媽咪黎左~我無出去食飯~係ROOM果度自己發脾氣上綱~不過我媽咪知道~後尾佢黎同我傾左陣計走左~之後我99仲發脾氣同62走人TIM~我C6覺得我唔比面....我99話我唔比面我媽咪~大佬~都唔關你事啦...我媽咪又無野~我C6要我打去同99 SAY SORRY~我打比99就比62係咁小TIM啊~所以我都明你感受~D 99好識做戲...你得既~我果陣湊住個細同大一齊去買野都得~你都得~支持你~

私人傳訊

mother904

翡翠宮

積分: 78147

畀面勳章

35^#

發表於 09-9-25 00:46 |只看該作者

原帖由 安室だがな 於 09-9-24 10:52 發表
你做得好丫,d99好識做戲,想人地覺得我地依d新抱蝦佢..當初我結婚時99對我唔好架,有左之後就360度變.又煲野我飲...不過我知佢想我比佢bb佢湊,佢都有問我,叫我出去返工佢幫我湊,,但我就答佢"我1定會自己湊,如果我比人 ...

我都好同意架。

人善被人欺，我都係咁對99同姑9，近幾年先有番d好日子。人好衰架，當佢地知你唔會驚佢地，就會買你怕架。

私人傳訊

Mandy.Q媽

積分: 6005

36^#

發表於 09-9-25 11:00 |只看該作者

原帖由 mrs_b_lam 於 09-9-23 23:20 發表
多謝你地既留言呀令我覺得好warm,唔係自己一個孤零零

繼續講埋件事

食晚飯後,我就打左好多個好長既sms向c6交代件事既大概經過,c6話等佢放工返黎先講,望穿秋水,終於等到佢放工,我一見到佢,未講野已經喊到blah ...

我又覺得你媽咪講嘅嘢無錯噃~佢絶對有資格咁話你~~我諗你媽咪以前都好錫你，佢都係口硬心軟，試吓同媽咪聯絡番啦，你嫁到咁遠，我諗佢都好掛住你~~99唔見無乜所謂，但唔同媽咪聯絡係你嘅損失~~

~~為咗健康, 努力運動!!

私人傳訊

JFL

積分: 17159

37^#

發表於 09-9-25 12:23 |只看該作者

恕我直言,我都非常同意你亞媽咁講,你亞媽真系鬧得你好啱,條路系你自己揀架,你自己要負番責任,你真系好任性,老公系你在不理家人反對之下嫁的,老公嘅家人系冇得揀,they come with the package?!你９９在大陸生活,梗系有Ｄ大６人嘅惡習啦,你咪就亞佢囉,佢雖然好冇禮貌,但如果佢一直系咁,都好難一時３刻改過黎,你咪同佢講醫生講嘢叫佢唔好同時講嘢,如果唔系你聽唔到,我在呢边都有陪Ｄ老婆婆老公公去睇醫生,佢地可能心急,都好多時在醫生講嘢時問問題,我都會同佢地講解,你淨系怪佢出醜影衰你,你都冇體諒過佢！重有６２９９点相處,我地Ｄ後生有乜資格過問,６２有２奶,９９選擇唔出聲死忍咁又点？９９想黎享仔福都無可厚非呀！好在你老公好understanding,知你可能生完bb啲情緒會比較難控制,情願送走自己亞媽黎遷就你.使到你同娘家關系更差的,是你自己呀,唔好賴你９９喇！系你做嘢唔理後果唔理人感受.你想你媽咪点做？幫你鬧你９９,幫你趕佢走,然後立即飛過黎幫你？妳以前己經咁傷佢心,今次又咁,佢會覺得自己好冇家教架！我諗你一定好年輕,我大女都２０（讀梗Ｕ）,如果佢好似你咁一意孤行去嫁人,又同９９搞到咁,我一定鬧爆佢,不過我就心較,一定會去睇下佢,你媽咪可能硬頸Ｄ,遲Ｄ你ＴＵＭ番佢啦,边個做亞媽會唔掛住自己Ｄ骨肉架？！可況你嫁到咁遠,人在外地,冇人冇物,有咩事起上黎,冇人幫手都好慘架！

私人傳訊

瑩の媽

積分: 2724

38^#

發表於 09-9-25 15:15 |只看該作者

其實我都覺得樓主放大左D缺點, 我唔係話你99岩哂, 但亦唔覺得佢錯得去邊, 你去睇下人地第2 D CASE呀, 什麼福健99個D, 先係有問題呀, 你呢D....唔係你99有問題, 有問題係你囉, 影衰埋你MAMA tim ar

將心彼己....你第日個女婿因為你有問題(或者係佢覺得你有問題)要你個女叫你走, 第2日就走......你會點呢.....我覺得你老公好慘, 你亞ma就俾人冠以無家教罪名, 你老公就不孝

你睇你ma係神, 你自己係人, 你老公係禽獸, 你99禽獸都不如, 呢個世界唔係你的呀, 你bb就係你bb, 咁你老公唔係佢個仔咩, 你bb俾人抱就話人霸住, 咁你咪又係霸住人地個仔

問心呀, 你mama俾佢個新抱咁樣對待, 要趕佢走, 第2日就走個隻喎, 你做女點諗呀, 係咪鬧爆你亞ma, 話佢呢唔岩個樣唔岩?!?!?!?!

最後我想講, 個洗尿布的盤仔有幾污糟呀, 話明係洗呀嘛, 你唔係係個盤度洗到d尿布乾淨為止架咋, 咁尿布都乾淨左, 咁點解個盤係污糟呢??? 佢2日著埋同一日o既衫....有咩問題, 係人都有試過架喇, 如果有日你無地方洗白白, 係咪要跳樓死左佢?????

我都唔like我99, 但我唔會咁樣趕佢走囉, 同埋好多野都好少事, 唔駛日日對住你老公喊呀

私人傳訊

瑩の媽

積分: 2724

39^#

發表於 09-9-25 15:20 |只看該作者

以下是copy另一個topic的, 你睇下反醒下囉, 我都好希望我99睇到你呢編野, 等佢知道, 其實我已經對佢好好架喇

個陣我媽咪每星期日放假一早就會黎幫我睇bb,陪我talking,有一日,佢講左個故仔比我聽.........
以前我地條村有個啊婆就黎死嘞,佢個仔就用個籮擔住佢,同個孫揹佢上山唸住掉左佢,掉低啊婆之後,啊孫同啊仔講,爸爸,快d拎返個籮啦!!!啊仔問啊孫點解,啊孫話,你唔拎返個籮,第時我搵咩黎擔你呀??嚇到啊仔即刻揹返啊婆返屋企...........

私人傳訊

KY2026