吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 反對餵人奶的聲音

母乳餵哺今日: 0|主題: 85694

收藏本版

回覆發帖

返回列表

跳至頁

樓主: yautakken

反對餵人奶的聲音 [複製鏈接]

綿媽媽

大宅

積分: 1598

21^#

發表於 10-12-2 01:31 |只看該作者

yautekken,

我支持你呀!

我bb 2 歲啦,仲係食緊人奶架,全埋身!佢出世之後3個鐘開始食第一餐人奶,姑娘話24小時之內要有小便,不然,就要送bb去兒科部跟進,到了最後3個小時,bb還未有小便,姑娘話一定要補奶粉,於是bb食咗第一餐奶粉,跟著真的有小便!

第二晚,因為傷口好痛,bb連續四個鐘頭,要換片,食奶,掃風,換片,食奶,掃風,換片...我差點支持不住...哭了...姑娘勸我第三晚不用起床,餵奶粉...我很不願意的答應了!

自此以後,直至bb現在兩歲,我都是用母乳餵bb的,頭六個月一滴水也沒有補,我也有奶奶等家人的反對聲音,唯一全力支持我的是我的丈夫,自從他和我一起去聽醫院的母乳講座之後,便完全支持我餵全母乳!

我認為丈夫的支持係最重要的,除了心靈上的支持,便是行動上的,bb出生後,媽咪需要爭取休息時間,才能容易上奶,丈夫能夠協助換片,掃風及其他家務,就是最好的支持.

還有,我bb都有黃的,只需要出院後繼續返醫院檢查,但無須照燈,你要知道,黃是常見的,不需要過份擔心.

你現在要準備心情迎接bb的誕生,多些休息,不要顧慮太多,這裡有很多人支持你的!(有問題的話記得要問其他人的意見,我也曾向母乳育嬰協會請教很多,他們很支持你的)

努力呀!

原帖由 yautakken 於 28-11-2010 13:33 發表
阿b 12月將會出世, 我打算餵全人奶. 但身邊已經有無窮無盡反對餵人奶的聲音, 好討厭.

剛聲到的, 是我的親阿e, 她在e院嬰兒病房做. 她說:你就算餵人奶都要補水補奶粉, 阿b唔夠奶食會黃. 同埋你頭果2日都是無奶的.

...

私人傳訊回覆引用

5geng

複式洋房

積分: 413

22^#

發表於 10-12-2 08:52 |只看該作者

it is very important to let ur bb to suck on ur nipple as soon as the bb was born. it helps the brain to stimulates the 'let down' reflex. stop thinking about things like 'not enough milk' as the brain may produce less amount of milk while u r thinking about it. i'm a breastfeeding mum n never given any water (untill offering solid) or formula. my bb is 8 months now. she is very healthy.

私人傳訊回覆引用

fonny

大宅

積分: 3223

好媽媽勳章

23^#

發表於 10-12-2 13:53 |只看該作者

初初出世，真係無奶架﹗每次食奶都應該俾阿b埋身食完先補奶，無刺激唔得架﹗我就係一個例子，第一至二日，堅持唔補奶粉，醫生護士都話ok，第三日想出院就話bb體重跌得太多，唔出得，即刻叫我補奶粉，第四日先出得院。到而家4個月，仲係全人奶﹗

私人傳訊回覆引用

kristinecheng

大宅

積分: 1805

24^#

發表於 10-12-2 17:55 |只看該作者

我bb都係全人奶b，食到17m左右，因為我有咗細b冇晒奶，先同佢戒。
我阿b出世冇黃，不過生長線就由75%跌至10-25%左右。呢個係佢唯一令我地擔心，不過其他方面，就令我地好放心。佢瘦but長得好高（75%），出好多牙（夠鈣），好有力，身體好健康，各方面不管physical﹑language﹑認知既發展都好好，我唔可以講呢啲全部係人奶既功效，不過亦證明咗有人奶b係健康同聰明的。

我宜家有了細b，下一胎我都會餵人奶，老公亦有觀望態度變成支持（佢好似冇買奶粉俾細b既打算）。

私人傳訊回覆引用

yautakken

大宅

積分: 2415

25^#

發表於 10-12-2 19:04 |只看該作者

多謝大家的鼓勵, 我會加油~~
好怕到時會谷氣到喊, 影響人奶成份lor

私人傳訊回覆引用

cpui_shan

大宅

積分: 2833

好媽媽勳章 BK Milk勳章

26^#

發表於 10-12-2 22:57 |只看該作者

我都係全人奶到已家(21mth)我老公果邊我個女未出世就已經問我地要咩奶粉,我同佢地講人奶,佢地都仲話咁你都要補奶粉比佢架!我都費事理佢.我個月出世都有黃佢唯一飲過奶粉就係去左照燈果日!佢出院都未退架,佢差唔多成2個幾星期先叫退晒,佢果時係2日就要返醫院抽一次血,我都堅持冇比奶粉(我果時屋企直頭係冇買到奶粉)我就餵得好密架!到亞女6個月大佢地又叫我要比奶粉亞女試下啦!等等好多說話,其中一個姑9仲話你仲餵咁肉酸佢大過啦...!我比例自我,所以佢地講嘅所以野我都會當聽唔到!

你希望別人怎樣待你,你也要怎樣待人(太7:12)

私人傳訊回覆引用

cpui_shan

大宅

積分: 2833

好媽媽勳章 BK Milk勳章

27^#

發表於 10-12-2 23:01 |只看該作者

原帖由 yautakken 於 10-12-2 19:04 發表
多謝大家的鼓勵, 我會加油~~
好怕到時會谷氣到喊, 影響人奶成份lor

支持你呀...
真係唔駛理d人講咩架!我果時咩注意都放晒係亞b度!
餵奶時真係要開心,亞b食左都會開心架...!

你希望別人怎樣待你,你也要怎樣待人(太7:12)

私人傳訊回覆引用

szekamama

大宅

積分: 3887

環保接龍勳章

28^#

發表於 10-12-3 10:28 |只看該作者

你預咗生完會喊啦, 湊BB,面對一件你從來都唔識做的事,係超辛苦, 餵人奶就仲辛苦,又驚佢食唔到會黃..... D人又多嘢講, 更重要係,荷爾蒙真係會影響你情緒的. 有呢D心理準備好D, 趁而家話定俾你老公知到時你會變癲婆, 請佢多多包涵.
人奶成份你唔駛擔心, 佢點都係最好的奶, 最適合你BB的需要的.

原帖由 yautakken 於 10-12-2 19:04 發表
多謝大家的鼓勵, 我會加油~~
好怕到時會谷氣到喊, 影響人奶成份lor

私人傳訊回覆引用

kristinecheng

大宅

積分: 1805

29^#

發表於 10-12-3 11:58 |只看該作者

作最壞打算，有定心理準備會孤軍作戰，日日以淚洗面好啲。因為就算唔餵奶，照顧初生bb既辛苦已經超乎想像（我家姐當年同我講頭一個月想我姨甥返番入個肚，我唔信，因為我陀大b好辛苦，好想快啲生佢出黎，點知出黎真係辛苦過陀多多聲），而且身體荷爾蒙失衡會令人情緒化容易鑽牛角尖（所以好多人會產後抑鬱），加埋餵奶（我算係富媽媽，不過因為成日塞同發炎，都搞到差啲抑鬱），嗰種壓力係我有生以來最大既﹗（讀書考試搵工做嘢既壓力真係濕濕碎）

我覺得，心理準備真係好緊要。如果你真係決心餵（我當然想你係），就要準備自己為個bb要犧牲一切，包括睡眠/休息時間，面對反對既壓力。唔好睇少呢兩點，當一個人長期唔夠瞓（可以話冇得瞓，我當時未試過瞓一場超過2小時既覺），身邊人又成日潑冷水，少啲意志都係會放棄。

同埋產前搜集多啲資料，我生之前冇打算餵人奶，零知識，屋企4大罐明治standby，點知生完一步一步俾醫生同健康院人奶姑娘「迫」我成為人奶媽（佢地個個話我天生係奶媽喎），當中遇上好多問題，身邊冇一個人有知識可以幫我，我媽媽仲成日懷疑我啲奶搞到個囝輕磅，我老公見我咁辛苦驚我抑鬱，唔想我餵，不過當時我已經上咗腦（天生奶媽嘛），我坦白同我老公講，我點都會餵。直至bb2個半月時因為自己既無知患上嚴重乳線炎（爭啲入院抽膿嗰隻），老公睇住我忍痛不斷吱啲發炎既奶出黎，佢見到我既決心，之後就好支持我，即使個囝一直跌生長線，佢見醫生時只會問有冇問題，從來冇提過一句食奶粉，之後見個囝各方面發展都非常好，阿囝既瘦就唔再係我地兩公婆擔心既問題（雖然我阿媽仲成日煩我呢樣嘢）。

至於我阿媽，第一次乳線炎時我找了人奶顧問幫我吱發炎既奶，阿媽都在場，佢淨係好緊張問bb食咗我啲發炎奶有冇事，冇咩理我既情況，於是個顧問同我媽媽講「你個女好叻，她忍得痛，又勤力，餵人奶真係少啲毅力都做唔到﹗」，從此我阿媽唔敢再叫我唔餵。

其實每個人奶媽既路都好艱難，不過我相信每一個人奶媽都會同你講，雖然付出巨大，但收獲係比付出仲要多好多。餵人奶既好處唔止抗體同營養，當中既bonding同對bb口肌&心理上發展既幫助，都係無嘢可以代替。

支持你~

原帖由 yautakken 於 10-12-2 19:04 發表
多謝大家的鼓勵, 我會加油~~
好怕到時會谷氣到喊, 影響人奶成份lor

[ 本帖最後由 kristinecheng 於 10-12-3 12:00 編輯 ]

私人傳訊回覆引用

yeemao

複式洋房

積分: 452

30^#

發表於 10-12-3 15:01 |只看該作者

原帖由 kristinecheng 於 10-12-3 11:58 發表
作最壞打算，有定心理準備會孤軍作戰，日日以淚洗面好啲。因為就算唔餵奶，照顧初生bb既辛苦已經超乎想像（我家姐當年同我講頭一個月想我姨甥返番入個肚，我唔信，因為我陀大b好辛苦，好想快啲生佢出黎，點知出黎真係辛苦過陀多多聲）， ...

極之同意kristinecheng 所講!!

我生之前已經成日睇呢版, 見到好多媽媽堅持哺乳所面對o既困難, 同自己講, 我都一定要做足準備, 堅持到底. 果時我都成日睇 kristinecheng d posts o既

對我尼講, 哺乳最大o既挑戰唔係其他人o既說話, 我始終覺得, 世衞/醫生建議全人奶至少六個月架喎, 你叫我補奶粉, 你係醫生咩?!, 總之如果有人叫我補奶粉, 我就一定會答佢「世衞/醫生建議全人奶至少六個月架喎, 你唔知咩??」除非真係特殊情況, 醫生建議, 否則唔應該比奶粉架.

kristinecheng 講得o岩, 你預左好辛苦, 日日以淚洗面係我初初o既情況! 我生之前都估唔到自己會咁易喊, 日日都好似就尼崩潰咁..... 我諗一來係hormone轉變, 二來真係餵得好辛苦. 因為我好想比bb 食奶, 但係佢日頭完全係點整都唔醒(黃bb係超攰的), 點都唔食奶, 到夜晚佢就不停喊食, 但係埋身食唔到兩啖就吐出來喊, 我同佢埋身肉摶由9pm 至3am 都係食唔到, 人都din.
生完周身都痛, 我傷口勁痛, 坐唔到, 盆骨又痛, 企同行都痛, 第唔高隻腳, 仲要冇得瞓, 第一個星期每日瞓唔過三個鐘, 係total 喎. 唔夠瞓真係好慘.

bb 返屋企開始冇乜尿, 唔駛換片咁滯, 又冇屎, 返健康院同醫院check 黃同磅重, 重量day 4已經跌左12%, 姑娘再教餵奶, 但係bb 好攰 ,唔肯食, day 6 跌左14%, 健康院姑娘直頭唔肯教我餵奶, 要我補奶粉, 佢話bb 再係咁就攰到唔識喊, 我傷心到不斷"飲泣"...... 屋企就不斷咁ji 同泵出尼, 終於用樽餵bb 先食到...

有d 人餵得好開心好順利, 但係我開始至個幾月都係好辛苦好大壓力的, 不過而家兩個月喇, 舒服左好多, 同埋見到bb 都仲係along 生長線, 發展又正常, 真係好安心, 同埋見到佢食自己的奶, 感覺好close, 雖然有點可惜係佢唔識埋身. (我相信係bb 第一日上左兒科觀察用左樽, 有nipple confusion, 同埋黃, 攰到唔肯開口, 唔好講latch on, 直到口都唔開比你, 先至唔識埋身.)

如果你順利, 恭喜你, 但如果唔順利, 都唔駛愁, 好多人係咁, 第日bb 大個, 你可以好proud 同佢講, 你overcome 左幾多挑戰, 比到人奶佢食, 佢先咁健康同聰明呀!!

加油, 各位奶媽!!

私人傳訊回覆引用