原帖由 JOEYJOKY 於 11-1-6 14:58 發表
唉.. 我都明白, 我同你一樣.. 諗住用多d 甜頭黎留佢... 但個心又唔係太服.... 但又好满意佢揍得我個女好開心喎....
佢可能就係持住有你個女做皇牌,所以先咁大胆成日話要返去。
咁我係咪5月份開始找新工人呢 ? 同埋, 請問你會再請時, 請印印, 定賓賓呢 ? 個心真係好煩.. 我仲要返工...
4月份好開始搵,因為真係唔係好多工人肯做我地呢份苦差。我搵過几間agents,都叫我唔駛諗本地完約工人,唔會有人肯做。overseas 印我web cam interview左一個,英文一句都唔明,問佢識唔識廣東話,佢話少少,點知我問佢野佢聽唔明,佢答我野我都聽唔明,係完全溝通唔到。所以我只係得返oversea 賓選擇 豈碼識英文溝通到先啦。最好搵d 以前在香港做過野,但回流返去個d。我依家呢件都係以前在hk做左4年返去,2年後我請左佢,一黎到佢真係自動波咩都唔駛我教架,開心左一年囉。
我又上年11月開始, 都一直唔敢同佢講傾續約的問題... 諗住過得一日得一日. 同埋我有左, 都一直唔敢同佢講.. 因為怕加快佢話唔做... 到啱啱佢同我傾佢想續約問題, 我就迫住同佢講我有左. 叫佢去到5月, 比d時間大家諗清楚先.. 到時再傾... 唉...
始終要面對,早d知佢點諗反而好d,因為你可以有充足時間搵人。唔好好似我咁,臨到生佢先黎玩野擺明屈我一個月糧,激到我死,我又唔鬧得佢(有大b在佢手),只係叫佢以後唔好咁咁咁,佢就搬d 借口出黎叫我抄佢。我咪只有忍囉。同佢講我有左時問佢做到完約ok嗎,佢又無表示,點知臨生我咪被佢牽住走囉,請人又請唔切,請到都死啦,個b岩岩出世,我仲邊有時間教佢做野?所以樓主你真係要即刻開始搵人,因為唔係一搵就岩,有岩就好要啦,等新人一到就抄左依家呢個啦,唔係真係有排你受氣呀。
原帖由 JOEYJOKY 於 11-1-6 15:35 發表
我都明.... 冇話agree 左呢樣野, 要走我都吹佢唔帳...
唉, 可能佢未去到咁黑我僧啦 !!! 等完約唔用佢, 其實我都有d 唔舍得佢架..... 畢竟佢都係呢兩年幫左我唔少忙.. 只係扭計返菲律賓令我煩姐.... 同埋冇安全感 ...