吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 結了疤的傷口再出血..... :**:

單親天地今日: 1|主題: 18277

收藏本版

發帖

返回列表

跳至頁

樓主: Chunma8083

結了疤的傷口再出血..... :**: [複製鏈接]

maymay.choi

大宅

積分: 1422

21^#

發表於 11-5-7 14:45 |只看該作者

哎，见到你地一个二个甘讲，我都唔知讲咩好。
我系因为同佢相处唔到离婚嘅（成日挑剔我，小至买菜人家多给了两棵都有得吵，仲要成日HI口HI面）
宜家，唔知佢有无另一个，BUT，我系希望佢有咯，无使成日来烦住晒，好烦家。。。。。。

私人傳訊

Chunma8083

伯爵府

積分: 17000

畀面勳章

22^#

發表於 11-5-29 02:24 |只看該作者

經過上次件事後, 阿仔之後都有繼續過去阿爺屋企食飯, 但就同阿爺講咗如果爸爸和嗰個女人來, 就要通知阿仔, 佢就不會過去, 我都以為阿仔只係唔想再見到個女人, 但原來佢連佢爸爸都唔想再見, 就係早兩晚, 阿仔如常過去阿爺家, 原來佢爸爸嗰晚都係阿爺屋企, 阿仔一見到開門俾佢的是爸爸, 就轉身走, 即使阿爺追出去, 阿仔都繼續走, 之後連阿爺和爸爸的電話也不聽, 這是阿仔事後講回給我聽的, 我聽完後問阿仔, 為何今次會這樣嬲爸爸? 當時阿仔答"唔知". 老實講, 我自己依家都還憎恨他, 但阿仔係無辜的, 同埋阿仔同佢的關係, 呢世都不會變的. 今晚我再同阿仔傾, 我話兩年前, 你爸爸係因為有第三者, 而離開我們的, 呢個事實你當時已經知道, 而你之後都無嬲爸爸, 為何今次當你見到個第三者後, 會這麼嬲爸爸呢? 還說以後都不要再見到他呢? 阿仔都係答我 "唔知". 我唔知點同佢講, 可能有人會覺得咪有得阿仔繼續嬲佢爸爸囉, 但我想將阿仔的心理影響減到最低, 又唔知可以點做?

私人傳訊

babytszkin

侯爵府

積分: 21845

23^#

發表於 11-5-29 07:27 |只看該作者

Chunma8083 發表於 11-5-29 02:24
經過上次件事後, 阿仔之後都有繼續過去阿爺屋企食飯, 但就同阿爺講咗如果爸爸和嗰個女人來, 就要通知阿仔, ...

chunma
您個問題係有d難解決架~因為您個小朋友已經大個仔了,好多嘢有晒自己嘅想法,感受!
我識好多單親mami都會有您同樣嘅case,最初小朋友細個都會好想見多d個爸爸,後來知道爸爸嘅嘢愈來愈多,便自己決定唔在見爸爸了...
不過我同意您嘅講法,吖仔都吖爸係永遠都嘅關係...
只要您已經盡了力解釋您和您前夫嘅關係,吖仔嗰方面唔好勉強他了...比d時間他慢慢消化喇...
真係完完全全感受到您嘅痛....

私人傳訊

Itochu

男爵府

積分: 8444

24^#

發表於 11-5-29 07:48 |只看該作者

同一件事在兩個情況下是有兩種感受，
不論大人和小孩也是。

現實是你丈夫為了第三者而放棄了家庭;

情況A是你從未親眼見到那位第三者，
雖然你會憎恨，痛苦，但始終( 眼中釘)
未出現在眼前;

情況B是你見到那位第三者，
心裡一切負面感覺會升級。
因為你有明確的答案是誰破壞你家庭，
所謂另比人知莫比人見。
這個人的影像是一種實物去剌痛你們的心。
兒子心裡會去比較媽媽和第三者，
他不明白爸爸為什麼為了那位女人
而放棄家裡的好女人( 媽媽)

最可憐的是你孩子在你前夫家中遇見那女人時，
基於禮貌，還要叫她一聲姨姨然後要同檯吃飯，
兒子的痛苦可能比你更甚。
要你去和仇人打招呼，吃飯，然後扮作沒事發生，
唉.....

你很清楚自己的感受---憎恨他們
但孩子仍愛爸爸但仇恨爸爸的行為，
所以孩子心中感受非常矛盾，複雜，
因此他答你" 唔知 "

愛和恨的感受很十分難用言語去表達.....

私人傳訊

Chunma8083

伯爵府

積分: 17000

畀面勳章

25^#

發表於 11-5-29 12:26 |只看該作者

Itochu 發表於 11-5-29 07:48
同一件事在兩個情況下是有兩種感受，
不論大人和小孩也是。

你分析得好岩, 離婚件事對我傷害好大, 而對阿仔的影響亦不少, 今次件事真係令佢的感受好複雜和難受, 我只想阿仔生活得開心, 想佢成長路上的心理發展可以正面D和正常, 或者好似子健媽咁講, 比D時間阿仔慢慢消化喇.

私人傳訊

babytszkin

侯爵府

積分: 21845

26^#

發表於 11-5-30 05:59 |只看該作者

Chunma8083 發表於 11-5-29 12:26
你分析得好岩, 離婚件事對我傷害好大, 而對阿仔的影響亦不少, 今次件事真係令佢的感受好複雜和難受, 我只 ...

忠媽~
好想同您分享一件事,早2日我突然收到我前夫嘅來電!他話,您搵我吖?
我話無吖~跟住大家收線了....
不過唔知點解呢~以前收到呢d電話,我都會搵d話題同他講下嘢,因為我心底裡很希望他會有真心知錯嘅一日!
但早2日,收到他嘅電話感受便好像收到d無聊電話推銷咁想快d收線...
現在發現...原來我已經對我曾經最愛嘅男人咩感覺都無晒lu...時間將我嘅痛及傷口...變好了亦痊癒了...
所以...比d時間您自己...我估好快您都會同我一樣...您ex會係您心目中變到好像一個無謂人咁