妤妤 發表於 12-6-22 17:54
我都唔會買有投資成份的保險，保險公司有精算師計過，投資一定叻過你，要達至雙嬴？！
...
sylviayan 發表於 12-6-23 02:29
其實保險係雙贏架！唔好咁偏激啦！
唔排除有行內人缺乏操守而令個別事件發生，但作為消費者亦有責任去問多d ...
andwai 發表於 12-6-24 03:06
都係給傳媒報導一些個別例子而有印象，以為保險公司真係有殺無賠，若呢個係事實的話，相信根本唔駛問自己身邊會有好多被騙例子而唔需要經傳媒得知啦。
唔好講自身果種，就算大家身為打工仔公司都有買醫療保障嘛，咁其實真係未聽過有騙人過案喎。純粹上來學野，多多指教。
XXX 101中招
BY : lskao
買左1個半月。買時說有special bonus。經紀說30年期bonus較多。就算20年後cut 單要扣錢都應該可以打和。但最近仔細睇清楚，經紀無講這個所謂扣錢，便是基金提取費用。連最初供款也要扣。延長年期的話即是說cut單的費用會大升，10年後cut單將只收得3成。如果繼續供到2.5年初始期滿，總共要比US$19K。等10年後取回3成則蝕US$13K(仲要假設無驚無險，每年回報夠cover手續費6%)。如果這一刻放棄，則蝕US$8K。欲哭無淚！
請問有無救命方法？救人一命，勝做7級浮屠。
------------------
By : yuenyipkim
見到這裏咁多投資專業者, 希望你們給些意見.
買了101死亡計劃10年期, 巳經供了4年, 應該cut 還是由得它但唔再供, icp而家cut實無晒, 由得它6年後可能有"靜"?
月供$2000, 現在值$111,000. 真係好鬼火, 一年扣四次錢, 每次扣差不多一千
--------------
By : 沙文
只供了一個月當然即cut啦,,AGENT都唔洗見架啦,打上CS cut左佢啦,
你已比我幸運,當日我信錯人,個AGENT老點我最低入場費係1800美金,白白等了一年CUT單,最後收返6蚊美金,仲係支票,為了六蚊美金要我開個外幣戶口,當蝕埋俾佢地,無去開,AGENT不可信,101根本就係保單,並非投資單,
加入保險成份,佢地先可以sell出去,
佢話見你就唔洗架啦,盞俾佢地講多兩講你心軟
------------------
我買在 XXX...........唔知仲供唔供好呢?
我買在AIA 3年幾, 供30年, 每月約$1,700.....有個朋友同我講話AIA間公司之後唔睇好, 收費又唔平, 又過在CIP, 叫我唔好再供,由個A/C 有BALANCE係度.......之後拎原本供既錢買股票好過.... 各位有咩意見呢???? 如果我唔再供得唔得家..... 30年之後會唔會比佢扣哂D錢家???
--------------------
By : littlekwong
供左5年，蝕2萬離場，但換來將來25年開心
---------------------
你都供左七萬蚊喎.
又供滿A戶口,呢個戶口根本就係全期最低收費,
中期斷供都照扣30年費用,
俾著我都唔會再供,蝕七萬好過俾佢地長期陰干
---------------------
假設 20090202 戶口價值: 1700 x 12 x 3 = 61200.
停供之後的每月收費
1 保單管理費用: 戶口價值 x 4% / 12 = HKD204
2 每月保單費用: USD6 x 7.8 = HKD46.8
3 每月行政費用: 戶口價值x1.2% / 12= HKD61.2
則20090302 戶口價值: 61200 - 204 - 46.8 - 61.2 = 60888
您跟上面的例子做, 大約知道30年後乘下多少.
假設現在戶口價值HKD61200:
年回報 -- 30年後戶口價值
10% -- 214829.88
8% -- 120881.20
6% -- 66745.05
4% -- 35738.66
2% -- 18126.48
0% -- 8239.52
如果您用HKD61200買美國30年債券, 假設年回報5%,
27年後(30年-首三年供款期)你有235413.20
我也是受害者....
-----------------------
我都係蝕左差唔多錢
最初都十五十六, 但都決定斷供
因為我根本睇唔到我 30 年後確實有幾多得益
而家一次海嘯就已經打沉大部份行業
我也不知未來餘下的廿幾年會有幾多次海嘯
我只係知無論點, 你都係要現金俾足人地o甘多年錢
------------------
我都係XXX供30年PLAN
我每月供$4000....家陣供左兩年....仲有一年先可以停供
斷供就TOTAL LOSS....家陣真係騎虎難下
灰過大灰熊!!
-------------------
唉, 我都係...
供20年, 月月2000
而家同我蝕到d bonus 無曬, 仲要得返一半本金.
d fund 佬仲死過我自己炒股, 仲好意思收管理費
----------------
幾多年 plan? 30年係絶症, 20年以下又供咗2年, 可以再供多兩, 三年, 有機會蝕少少走, 調撥得好可以回本至 cut, 30年就............., 喊完 cut咗算, total lost 都好過繼續蝕.
------------------
我同你一模一樣.........年供!!!!!!!!!!!!!!!!!!!!!!!!!!!!!!!!!!! 大家交流一下
而家諗緊壯士斷臂
果兩皮野當掉左落咸水海算
用下個月賺番來安慰自己
而之後果兩年供多四萬八喎
我現在蝕兩萬四 我之後兩年得番四萬八
我怕之後零存整付渣都無埋到時唔止蝕兩皮 而是蝕足七皮
所以 ....................考慮緊壯士斷臂!!!!!!!!!呢兩日內行動!!!!!!!!!!!!!!!!!!!!
而且自己另外一度有基金要供, 所以負擔會好
----------------------
死啦, 我第一次睇呢條link咋
睇返d statement, 先知自己係買左友邦 財庫之選 14年既plan
已經供左2年零一個月, 月供 HK$1700左右
已付保費: US$5,414.5
bonus: US$181.92
現有戶口價值: US$4,503.93
net surrender value: US$2,701.22
我14年後拿得返既錢, 七除八扣後, 係咪會少過我既本金? 如果係, 我想而家cut, 咁我而家cut既話係咪可以拎返 US$2,701.22?
我真係唔清唔楚, 好慚愧, 希望你地好心幫下我, 俾d意見
-------------------
我一年幾前有一份40000幾蚊既aia 101, 30年期基金......
一年內比佢蝕到超過60%，仲不斷咁食管理費。
D基金經理真係費到爆，而且轉基金又要花幾日時間，好易變成高買低賣。
搵個agent幫你睇?話唔定佢蝕得仲多過你.......
總知呢d有年期基金真係廢到爆!
於是我怒cut 30年plan
雖然蝕到好肉痛，但係值得。因為唔cut既話你不但要不斷蝕管理費
而且呢30年內你會成日覺得比人昆左，每個月交供費時都會覺得比人昆左
要被人昆30年.....真係人都癲喇!!會有精神病呀!!
而且，你30年內都唔可以攞呢筆錢離用，人有三衰六旺...衰起上離想攞筆錢出離應急/做生意/結婚/買樓.........全部唔得......你話到時激唔激到你嘔血丫....
我怒cut 30年plan後自已去買ETF果類指數基金跟本就係差唔多，而且隨時可買可賣，唔洗等佢幾日先至可以換馬，好過買有年期基金幾萬倍。
ETF選擇都唔小, 台灣ETF, 美國、印度、日本、金ETF，我真係覺得...有年期基金跟本毫無優勢/好處。
未買既千祈唔好買呀!!
-------------------
By : 七叔公
一句講晒
儲蓄保險買唔過
我買咗18年都要斬攬
-----------------------
"XXX財庫之選" 斷供問題
http://www.discuss.com.hk/viewthread.php?tid=8089763&extra=page%3D1&page=1
http://www.discuss.com.hk/viewthread.php?tid=8975195&extra=page%3D1
*************
原帖由 sylviayan 於 12-06-24 發表
如果每月保險費一千幾百就可以買到物業仲升值三五七倍的話，真係甘拜下風！
保險種類多，問題係視乎自己需 ...
我地叫人小心不買保險的人，大家都知我地無任何利益的！
相反，其他寫買保險基金有多好，鎖死三十年才取回都無問題，萬一失業無飯開都不能停供保險的朋友，有可能他們是有利益有得益的！
再次溫馨的提示：網上agent無真心。大家jm要提防！
原帖由 andwai 於 12-06-24 發表
我都知投資成份保險基金係有問題，年期長又唔保本，所以我都係指其他如純危疾或醫療或人壽，有錯請指教。:q ...
而今天買的危疾保保額可能三四十萬，但到不幸要claim的年齡，可是是二十年後，到時三四十萬係可能等如現在的十萬八萬！
mouth:現在工作的公司，都有為員工買了上述保險，何必哂錢再買！
大家把錢儲起來！
發表於 
返回列表
