自由講場 今日: 2897 | 主題: 1303469

積分: 51912

41^#

發表於 08-7-18 18:52 |只看該作者

原文章由 shark 於 08-7-18 18:03 發表

真係好多謝你地呀.

其實我有諗過好多人比我慘都過到, 又開始覺得自己好無用. 同親老公講, 我又覺得阻住佢, 佢為左單野搞到失眠, 我又諗, 為我丫, 定為個女仔...我就黎癲, 在公司仲要強顏歡笑.

所以我覺得我患有 ...

唔怕!總之你有咩就講出黎啦!至少唔會阻住我地!我地自願亦願意去聽...我嗰陣都係唔鬼同我老公傾架...覺得我咁唔識教仔已經累人累物,唔想又因為我既問題而影响左我老公同D朋友囉...但唔講唔講真係好辛苦!我嗰陣何止諗到心都實埋,直頭係刺痛!!!好想去自殘架!到我開始無事嗰陣,先知原來我嗰期收埋唔講晚晚呢埋喊,已經令到我老公誤會我唔愛佢...(頂...衰公吖!老婆唔開心D乜都唔知,仲冤枉我唔愛佢)結果我呢度好番時,我老公屈到爆發囉!嗰晚我都唔知好嬲定好笑,但真係好火囉!即刻趁有火一輪咀係咁同佢講我之前嗰兩個幾月到底發生乜事唔開心D乜...講完俾佢知,我老公直頭變咗喊包添!猛同我say sorry話唔知我咁唔開心,跟住佢都叫我以後有乜唔開心一定要同佢講,佢話我同佢講係有用架...唔係無用!!!

我諗男人呢家野個個都差唔多卦...我諗如果你想鍚住老公既,就依家搵個時間大家坐低坦誠D去講,大家好似傾心事而唔係埋怨對方咁講囉...試下啦,話唔定你一同佢傾心事,件事就有圓滿而簡單地解決呢~~~唔係要老公幫你,而係只係需要佢做你其中一位聽眾啫!始終佢都係你身邊最親既人之一,佢唔知,好無尊嚴嘛!老婆有開心有唔開心,老公一定要知!right?

私人傳訊

積分: 434

42^#

發表於 08-7-18 19:08 |只看該作者

本帖最後由 shark 於 12-5-23 00:55 編輯

del

私人傳訊

積分: 434

43^#

發表於 08-7-18 19:12 |只看該作者

本帖最後由 shark 於 12-5-23 00:55 編輯

d

私人傳訊

積分: 51912

44^#

發表於 08-7-18 20:22 |只看該作者

原文章由 shark 於 08-7-18 19:08 發表

我諗我現時最大問題係失去自信,
我原本覺得自己都ok,
但個後生女出現後, 即刻打沉左自己自信, 覺得自己好唔掂, 跟住就又鬱住喇. 呢d問題要點處理呢?

其實好似有魔鬼同天使~

我明明知道佢地無野, 個女仔有男朋友, ...

如果好直接既解決方法,咪去執番好自己儀容先囉!唔係叫你去扮十幾廿歲妹妹仔咁既衣着同打扮,而係打扮得後生番D,唔一定要化妝,總之順眼整齊唔老土咪得囉!估你都同我差唔多年紀啫...得閒放工咪約下朋友同事一齊去逛街買下衫囉!睇下時裝雜誌都會取到經架喇!睇番日本嗰D會好D,接近番香港人個style,大家都係東方人嘛!千祈咪跟歐美嗰D時裝雜誌着衫!一定會老土架!唔啱東方人着架!

同埋你要放番鬆個人,樂觀D開朗D,始終男人都鐘意自己老婆係成日開開心心嘛!唔好俾佢覺得日日放工番到屋企就要對住個成日黑口面既黃面婆,試諗番同你老公拍拖時你係有咩吸引到佢令佢娶你入門,總之要保持心情開朗啦!

搵番一兩樣自己興趣黎玩下啦!做人老婆唔駛過於緊淑,做番個正常人做既事,會好D囉!至少多咗話題同老公傾下!

你學番兩樣散手,再執一執自己,唔係為咗邊個人而做,係為自己囉!至少自己都有番自信啦!我都係咁,我一唔番工就覺得自己好唔掂,一番工自己又執下自己,同同事又有D UPDATE既話題,與時並進,自己都會覺得有自信D同埋自己仲有吸引力...再加上一見我老公見到我番工就慌死我會俾人追咗去,我更加有自信啦!!!

總之輕鬆面對,你忙得以上呢D野時,都唔得閒理隻魔鬼啦!係咪?!

私人傳訊

積分: 51912

45^#

發表於 08-7-18 20:24 |只看該作者

原文章由 shark 於 08-7-18 19:12 發表
我放工喇, 希望明天我可以話比你地知我無事.

Thanks so much for your listening.

總之開心D啦!開心D人自然都會靚D~~~

私人傳訊

積分: 434

46^#

發表於 08-7-19 13:32 |只看該作者

本帖最後由 shark 於 12-5-23 00:55 編輯

d

私人傳訊

積分: 51912

47^#

發表於 08-7-19 19:33 |只看該作者

原文章由 shark 於 08-7-19 13:32 發表
我好左好多, 經過消化你地正面既信息, 有番些少自信, 自信唔係黎自扮靚, 而係如果自己有自信, 就唔扮都會覺得自己ok. 昨日之前我仍然好唔掂, (件事係上星期六發生), 多謝你地.

胃口開始有些微改善.
覺得條'次'細左. ...

係啦!其實你都識諗架喇!坦白講,莫講話男人對出面女人有好感呢D野好難避免同控制,女人都係啦!只係我地都係放响個心度唔講啫,因為自己都會知呢D所謂好感好無謂,一陣就無,尤其自己有個家庭,唔會立亂做埋D傷害人又傷害自己既事,咁你老公仲咁鍚你,又無話走去同人地開始,咁更加唔需要將呢D野放到咁大囉,咁樣無事都變有事啦,係咪?

咁係人見到呢D相都會嬲架喇!如果我隻衰佬同佢D女同事影埋呢D相,我都會發佢爛渣啦~~~人之常情黎~~~!!!

胃口呢D慢慢嚟啦,唔好急,覺得想食野咪食囉,唔一定係等正餐至食,等自己個胃都適應番有野落肚,自自然然都有番食慾啦!總之自己保持心境開朗,做人都開心好多,好多事都容易睇得開.

得閒多D上嚟我地傾偈囉!開心唔開心乜都傾一大餐!等自己開心吓吖嘛!加油!!!

私人傳訊

積分: 434

48^#

發表於 08-7-21 11:14 |只看該作者

本帖最後由 shark 於 12-5-23 00:56 編輯

d

私人傳訊

積分: 434

49^#

發表於 08-7-21 12:40 |只看該作者

本帖最後由 shark 於 12-5-23 00:56 編輯

d

私人傳訊

qqbabe

大宅

積分: 4619

50^#

發表於 08-7-21 21:30 |只看該作者

我記得以前睇過篇文章唔知係蔡瀾定阿寬(小男人週記作者)寫, 佢話有d女性對身邊既另一半永遠都抱著懷疑態度, 覺得佢地一定做d對唔住自己既事, 日日都提心吊膽, 找尋蛛絲馬跡去証明自己既理論係正確, 最後亦因為咁迫到個男人真係有第三者, 要離開自己, 先至會覺得輕鬆釋疑. 點解唔喺兩個人開心既時候好好享受, 反而要折磨大家直至真係要分開? 篇文章雖然係以男性角度去寫, 不過都不無道理.

私人傳訊

KawaiMa

別墅

積分: 675

51^#

發表於 08-7-21 22:00 |只看該作者

仔仔媽咪

我睇晒你寫比shark既野，寫得好touch，我有時個人都會好down，但我冇番工、係肥C9一名，都冇乜自信。但睇左你寫既野，都好受用，學到d，你有幾大？稔野有紋有路woo！shark，你一定要加油呀！我都支持你ga！

私人傳訊