吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有無人信網戀會開花結果?

夫婦情感今日: 7|主題: 42460

收藏本版

發帖

返回列表

跳至頁

樓主: yoddo

1 234 5...6

積分: 19952

熱血勳章

41^#

發表於 15-11-10 23:54 |只看該作者

引用：我知道網戀係好危險，但曾經試過網戀過一個

原帖由 yoddo 於 15-11-10 發表
我知道網戀係好危險，但曾經試過網戀過一個人。當然，果個人比較靚仔。

信，朋友同佢另一半異地網戀，而家結婚幾年啦~
當年男在香港，女在外國，而家一齊在外國生活

私人傳訊

mw2012

男爵府

積分: 9844

42^#

發表於 15-11-11 00:06 |只看該作者

回覆：有無人信網戀會開花結果?

我信，
同老公開始到而家8年！

私人傳訊

yoddo

大宅

積分: 3900

43^#

發表於 15-11-11 01:02 |只看該作者

yoddo 發表於 15-11-10 23:53
我覺得同我網戀嘅果個人係比我老公更在乎我。但係佢果時要去東南亞搵食，工作需要走左。 ...

果個人一直都住係我心入面，當然現在我已經不愛他，但我這一生都會記得8年前曾經有個人住左係我心入面。
我身邊有些朋友，已經30幾歲，但都未遇到一個肯為自己花過時間去了解自己嘅男人。

我老公係一個好實際嘅人，同佢相處係我欣賞佢，但佢其實唔會太花時間令我好鍾意好鍾意佢。

但8年前果個人，我無論幾時搵佢都好多野想講我知，有講唔完嘅野。回想起來，我還記得同佢一齊，佢望著我嘅眼神，還有那種好天真嘅笑容，所以我完全感受到佢對我嘅感覺。

但當時我得20零歲，佢大我3歲，佢去第二度工作，唔可能帶我去，我也賭不過。20歲嘅我係無能力離開自己的家庭就咁離開香港。

好多年之後，有一日佢online, 問我會否還記得他。佢同我講，佢好多時候一個人嘅夜晚時時想起和我嘅對話，曾經係好鍾意我，鍾意到好怕失去，所以離開果幾年完全唔想聯絡我，然後問我，“你信嗎？也許你不信。”
我眼淚掉下來。我雖然很喜歡他，但已經事隔多年，無可能重拾以前果種感覺，好嘆息。佢同我講，佢返黎忍唔住想搵我，就算做唔到伴侶，但都希望唔好失去聯絡。後來有一日，佢話自從同我分開已經好耐無拍拖。但佢覺得自己係時候成家立室，父母已經催佢結婚，有一日，佢個下屬喊俾佢見到，問個女人咩事，個女人話佢未婚夫逃婚，於是佢出於憐憫，想到父母催婚，佢就同個女下屬講，就同我一齊，以後我地一齊過日子。幾個月後佢地就去結婚。

我問佢，點解以前愛得咁苦，我咁想同你一齊都好似無緣份，但你同你老婆未拍拖就肯做呢個新郎。

佢話，佢見過佢老婆前未婚夫，根本外型同家境無得同佢比，而且仲悔婚，佢只要肯娶，佢下屬一定會嫁佢，而且已經到左適婚年齡，又覺得呢個女下屬無論人品學歷都ok,外型一般般也過關就算。

我問佢，你唔係鍾意，點解可以結。佢話，感情可以培養，但唔係建基於愛情。我問佢點解要委屈自己嘅情感。佢話，愛情令他覺得很累，就這樣算了。

現時，我都同佢成日會微信講下凑仔女。

同我拍過拖嘅男人，除左中學時期俾我hurt 親嘅男同學之前add 返我又delete 我果個(但同學組群會見到佢對話，佢也見到我對話)，全部都黎搵我，遇到想傾嘅話題就搵下我吹下水。

雖然我唔贊同分左手要刻意做朋友，但佢地要搵返我傾計，我只係覺得多個朋友無壞，至於曖昧婚外情食回頭草，我就無試過了。大家變左網友吹水。

仲有一個好過份，搞大左我先黎有第三者果個，佢搵返我，我無睬佢。個bb 係7個月大無左，我已經當這段記憶係夢，而佢搵我，只會打錯。
呢個人，我最唔鍾意佢，就係因為同網戀果個分開，日日行尸走肉咁先俾佢纏上。佢對我千依百順，但我對佢好冷淡，於是佢就搵第二個。其實佢只錯一半，係我俾唔到愛情佢，就算佢再搵返我，我都唔會再俾機會大家傷害大家多一次。

對於我黎講，現在只有我老公可以令我百般包容佢。

其實我唔靚，但因為細個家庭環境所逼，無父母成日係身邊，變左發展出自戀型人格。我本人好囉嗦，好挑剔，唔係咁容易同人相處，係我同老公拍拖之前，無一個男朋友係可以對我發到脾氣，佢地好愛護我。我喜歡別人愛自己。即使我好囉嗦好挑剔，但由於我自戀，所以根本唔在乎別人係唔係我嘅世界，所以我好唔喜歡被管，也不喜歡管自己男朋友，就算有第三者，我都會選擇離開(不過都試過唔憤氣，係要隨口講下要個男人揀下咁)，唔會把機會放係別人手上。可能因為我嘅倔強，我一離開就好決絕，所以以前嘅男朋友都無唱過我唔好，隔一段時間就會想聯絡返我。

一般黎講，我唔會打電話同老公講好多野，係電話只講重點重要野。有事就留返佢返屋企先講。我也從來不會刻意去睇前男友，丈夫嘅私隱。即使有小三也是他的緣。既來之則安之。心態好嘅女人，到最後一定會俾老公知道自己嘅好處，無必要去為第三者或疑似第三者同老公吵。

雖然，看似我老公好大脾氣，但佢內心比我更加怕失去這段關係。這段關係佢佔上風攞曬彩，佢根本唔會想放棄。只係佢覺得我根本唔緊張也懶理佢，佢會更燥。

我已經習慣佢係咁樣嘅人。有時會好嬲佢嘅話和語氣，但過後又會當佢花癲。如果有日，我頂唔到，就會選擇走，唔會再理佢。話過佢一些難相處嘅野，佢都無甚麼覺得要去改，我也不再說。頂到就頂，頂唔到只有離開。

我地有相對嘅自由，這是令我覺得值得留低嘅原因，但我已經開始唔多想同佢講野。我只會聽，唔再需要佢做我聽眾。我覺得自己可以一個人過得好自在。

私人傳訊