回覆:飲醉酒後嘅趣事
我不得不佩服我個朋友,有次去試酒會,之前兩人消磨時間已經飲咗杯cocktail,到試酒時佢係咁飲sparkling,然後又試到支紅酒好鬼正飲多咗兩杯。跟住同我講好暈要走。我同佢行咗一陣,又俾咗支白花油佢聞。佢好鬼清醒咁話自己搭地鐵番屋企冇問題。我話好啦。兩人keep住whatsapp到佢踏入家門。
好啦,過咗兩日,佢 whatsapp我話佢俾人整古,因為佢手袋裏搵到支白花油,重有個未見過既大膠袋,入面有堆紙巾。
我話,吓,個膠袋係果日試酒會個舖頭送你既,支白花油係我俾你既。你飲到斷片都重番到屋企!
There's some good in this world, Mr Frodo. And it's worth fighting for.