您咪話︰
「我一個人,又無朋友响呢度,家人又唔係一齊,
我有朋友就話O者!
您係我响呢度唯一既親人,加上大住肚,
當然係情緒會起伏D,當然想同您一齊多D。
況且,仲係您生日忝!當然想同您一齊過啦!
好正常O者!
唔係想困住您,亦唔係唔開心俾壓力您,
只係呢段時間,我同BB都好需要您陪。
講真,BB出世後,大家都預左要付出多D時間在家裡,
我一個人撐,會好孤獨、好無力,
希望您明白,我都只係一個小女人O者!
好想您陪下我同BB,BB雖然未出世,
佢都會感覺到,佢都會想同您一齊慶祝架!
佢都會感覺得成家人一齊慶祝既開心。
夜晚您出去慶祝,留我一個在家裡睡,
又唔知您玩到幾點,我睡不著的。
又擔心您飲醉、又擔心您危險,
您叫我點樣一個人同BB瞓得著?………」
千祈唔好批評佢D朋友白痴,
千祈唔好話我地會好似您個FD咁離婚,
千祈唔好話…人地乜乜乜,我地就應該乜乜乜。
只係講,佢時時留您一個大肚婆既感覺,
好孤單、好無安全感,好恐懼……
(主要因為大肚婆情緒比較起伏,希望佢體諒您!)
樓主,您都要放鬆自己,
但係又唔好講D口不對心既野。
總之,您放鬆D佢又會放鬆D,
無咁大壓力就自然陪您多D,想見您多D,體諒您多D。
可能您時時講都口不對心,佢以為您無唔開心,咪照去。
但表達唔開心唔一定係發脾氣既,
您可以開心見誠講,尤其是不單您兩個人,
好快小朋友出世,大家就會更加付出。
或者佢都係貪玩既人,覺得未玩夠卦?
未有心理準備結婚或要小朋友?
樓主,加油!
支持您!
BB會感覺到您的情緒,會影響D胎水架,
胎水不好,會影响BB健康的。
My child, you hold the whole of my heart in your small hands