Re: 有冇靈異事件發生係你地或朋友身上!?
成日睇你地講靈異事件睇得多,估唔到前幾日自己就親身體驗到..
話說前幾日朋友的寫字樓新裝修好,叫我上去幫手執野,上午果段時間就幾多人出出入入,無乜事發生.
食完lunch後2點幾,得我一個一返去執埋d手尾,我開左門將支鎖匙放係張枱道,上午時都係放係果個位.枱面係無乜雜物,好容易見到支key既,但到左四點幾差不多要走時,就點搵都搵唔到.仲有朋友幫手一齊搵都見唔到支鎖匙.搵左好耐,垃圾袋都摷埋,搵到我就黎喊,因為無鎖匙唔走得,一路搵,我話"唔好咁對我啦,"
結果,朋友話,算啦,執野走,唔搵喇.就係哩個時候,我一轉身望返張枱,支鎖匙就係枱面...當時我仲未知咩事,仲傻下傻下話,呀,挭係俾樽水壓住左睇唔到.
好了,搵到鎖匙就鎖門走啦,出到門口我朋友先話,點會可能俾樽水壓住睇唔到呀,啱先搵果時係攞開曬d野,打斜過張枱黎,枱面有乜都跌係地啦,我先醒起,係喎.無理由空"了了"既枱面,咁多對眼都睇唔到支鎖匙架嘛..果一刻先知驚......
更驚既事.........果晚十二點幾,我瞓係床道同個fd講完電話,有野"督"我腳指公.我係好清楚感覺到的,不是睡夢中,我仲坐起身黎睇 ..咁啱我老公又返夜,得我一個瞓..嚇到我........即刻開著曬d燈.. 仲巧既係第二朝,我屋企既神枱燈燒左一盞..
依家唯一既解釋就係,大家可能都睇唔到支key,果晚係腳抽筋..
http://tn5.cn3.yahoo.com/image/3f7/b41fbbff9e4a8ee75e.jpeg