今日十個backup同事到左成都,一直搵唔到車車佢地入災區,因為好多物資,細車裝唔落,大車有好多被懲用幫軍人車物資..
大約4點多先搵到一架泥頭車幫手,但去唔到目的地,落車都要行五個鐘,佢地都照去左先,希望落車有人幫手.因為佢地忙住張羅,今日不敢主動打電話俾佢地,係佢地有break先報告一下.而家仲係坐緊車,不過時速好慢,可以講係牛步..時速二三十公里.去到要半夜.同事叫back up唔好買麵食,因為無熱水,尋晚d杯麵都係用凍水浸淋黎食.而backup隊買左100箱八寶粥(有水粉,有豆,飽肚,唔使煮)亦都買左10箱奶粉(俾bb,傷長同長者補充營養)100箱水,50部手機同50張電話咭,輕便發電機一部.仲有幾箱大大小小衣物,睡袋30個.
不過同事同back up聯係,有消息可能要撤離災區,而家佢地都唔知點好,到左又驚打回頭,最后一致決定唔理咁多,去左先算!
春有百花秋有月 夏有涼風冬有雪 若無閒事掛心頭 便是人間好時節