其實係好多年前我一個談婚論嫁既男朋友,計劃婚禮既時候咁啱有bb,但係最後冇左,要做人流。因為bb冇左,結唔成婚仲分埋手,因為尊嚴我自己出錢做手術,唔想靠人,自己一個入院出院冇通知過男家,但係我亞媽pk到打比男仔家人問佢拎錢做手術,而亞媽又pk到袋晒d錢自己使不突止仲周圍唱我咩生仔冇pat pat 。情傷,身體傷都不及心傷,不過生活依然要過,我做完手術休息左一日就返工勒,所以而家我老公成日話我身體差。我亞媽出賣我既尊嚴,為左貪1萬蚊出賣自己個女,出賣自己個孫(最重要佢唔係為我好,一蚊都冇比反我) ,所以我呢一世都唔會原諒佢。
最後我人流既日子(同月同日非同年)係老公家姐
b b出世既同一日,當日我過得極痛苦,懷住傷痛既心情去祝賀人地既bb出世,當日我捉到老公隻手好實(件事得老公一個知) ,心完全比大石壓住,眼淚不停係眼角流,但係咀要keep住笑,c6勁擔心我情緒崩潰呀。最後我同呢位小朋友好好感情,亦好多謝佢暗地裡幫我解開心結 我會努力架勒