夫婦情感

收藏本版
發帖
返回列表
跳至頁

首頁
45678...9

尾頁
   19
全為愛


水晶宮

積分: 55933


101#
發表於 15-12-25 17:50 |只看該作者
回覆 marktanghk123 的帖子

看完你的故事，我有一些想法，給你作參考，看看有沒有能給你一些啟發，幫助你更知道該如何做及如何走下去：

1) 你和你太太的狀況，尤如受害者和加害者的組合。一個願意扮演受害者角色的人，必定會吸引來一個加害者，對他/她予以施暴 (身體的施暴及或言語、精神、心靈的施暴)。世上豈會有人甘願做受害者角色？有，絕對有。而這往往是無意識地像鬼迷心竅般 (或像是電腦程式設定般自動化地) 掉入受害者角色而不自知。這是一種情感上的需要，是傾向不斷重複抓取扮演受害者角色時的那份覺受，以此去餵養身心靈深處某個一直被隱藏的傷痛。而這個傷痛可能是屬於你自身的、亦可能是屬於你的上代甚至是上上幾代的其他家族成員的。

因此，我建議你去回溯童年、去看自己的原生家庭、去進行個人的治療，甚至是去做家族系統的治療。我認為，當一般的輔導及人際技巧都無效 (而且我亦不認為正確的方向是去改變你太太)，想要改變情況的話，進入自身的童年治療、進入能量的層面 (人與人之間、人與自己之間，有著肉眼看不見的能量互動) 去處理，往往能達到成效。


2) 在這件事 (你和你太太的相處互動) 當中，你能看到自己是怎樣的一個人嗎？你認識自己嗎？你知道到底你是誰嗎？ ...... 關係是一面鏡子，照見我是誰。

為何你會扮演受害者？為何你會遇上她 (你太太) 而不是別人？為何你會處於現時的境況？ ...... 這些的發生都不是偶然的，都是自有其意義和目的的。我認為，關係狀況最終的重點不是要如何解決，而是從中你獲得了什麼智慧、洞悉了什麼真理、領悟了何為人生、以及你看見了及找到了 "我是誰？"。


祝福你！
私人傳訊

getter1976


別墅

積分: 980


102#
發表於 15-12-25 21:46 |只看該作者

引用：回覆 marktanghk123 的帖子看完你的故事，

原帖由 全為愛 於 15-12-25 發表
回覆 marktanghk123 的帖子

看完你的故事，我有一些想法，給你作參考，看看有沒有能給你一些啟發，幫助你 ...
你講d太好了，好似學過心理學。
私人傳訊

Jolly


子爵府

積分: 10239


103#
發表於 15-12-26 10:42 |只看該作者
我沒有看完所有，不過想先講講。你自問做得很好都好，如果唔中你太太的soft spot都沒有用，出錯力。你要好好了解下，太太渴望的是什麼。有人喜歡gift, 有人要讚賞，有人要陪伴，有人喜歡被服務（幫忙做家事佢就感覺被愛），有人喜歡身體接觸（拖手，擁抱，錫錫等）。你也問問自己喜歡那種。
可以選多於一類，排一下先後次序。網上有份問卷調查，做完就知自己同配偶如何感覺被愛。
知道了，如何取悅對方就變得容易。
同太太獨處時，你沒用手機，也應該鼓勵她不用手機。
晚上吃完晚飯，拖她出街走走，散散步，講講八卦，慢慢地，關係會有進步。試一試吧。
I support autism acceptance!
私人傳訊

Flower-kid


大宅

積分: 3298


104#
發表於 15-12-26 11:05 |只看該作者
樓主，你是好多太太心目中的好丈夫，看得出你嘗試去討好太太，字裡行間看到你對家庭有承擔。，可惜太太身在福中不知福。

我沒有大道理或專業意見，如果我是你，我會先行開一下，讓太太獨立處理家頭細務，而你也喘口氣。行開一下可以是自已去旅行，如果放不下小朋友，不想離開香港，可以為自己安排一個做運動的program, 每日放工去gym, 然後回家同小朋友傾幾句就休息，總之係跟一個屬於你的schedule 生活。

太太狂鬧而你唔駁咀，她鬧完你，你又繼續煮十幾人飯，我覺得這是你的修養，但你太太可能認為她鬧得對，你笠水。換著我，我可能不鬧番轉頭，但會講一兩句有力的說話，讓她知道我不接受這種不尊重的溝通方式。

祝福你，讓自己做個有尊嚴的丈夫和爸爸！

私人傳訊

mrsmamama


大宅

積分: 1393


105#
發表於 15-12-26 17:05 |只看該作者

回覆：我還可以怎樣走下去

或者係一個成熟而經濟獨立的女人
想要一個食得住佢的男人

唔係氹唔氹或者好唔好
食得住呢三個字其實無得學

我個朋友個家姐嫁左個100分的男人
最後佢選擇離婚去同個上司一齊仲生埋個女

食得住可能包括主見，能力，掘強，大男人
人總會係犯賤
私人傳訊

做個好媽打


大宅

積分: 4056


106#
發表於 15-12-26 19:13 |只看該作者

回覆：我還可以怎樣走下去

因為你太好，太千就，所以得吋進呎，比我黑佢面，反正都咁樣，唔想聽，就出去行一轉。
私人傳訊

sisia


子爵府

積分: 10701


107#
發表於 15-12-26 19:43 |只看該作者
你太太是否同你同一行業？如果是，她事業上位置比你高？
私人傳訊

edutm


男爵府

積分: 5955


108#
發表於 15-12-26 23:29 |只看該作者

回覆：我還可以怎樣走下去

即使沒有了愛, 也應保持互相尊重。不能因為對方不是一個好情人, 就理所當然地發脾氣, 這跟本是歪理。
私人傳訊

Tangbee11298


大宅

積分: 2395


109#
發表於 15-12-27 02:08 |只看該作者
樓主你太好啦，你同你太太灘牌啦，話佢知佢為人有幾討厭你付出左d咩你心好累唔想再咁過日子，睇下你太太有冇心挽救段婚姻，你搬走6個月，呢6個月佢既生活起居唔好過問，自己放假湊下呀仔去街，等佢感受一下冇你係點，如果太太覺得呢6個月冇你同有你都冇分別那正正好讓樓主心死重整一下自己餘生，唔好以小朋友幸福為由而屈就自己，小朋友有一日會長大會有自己屋企，你地大人離婚又唔係以後唔見，你太太成日咁係小朋友面前大吵大鬧對小朋友發展都唔係一件好事
私人傳訊

sscc0113


大宅

積分: 1123


110#
發表於 15-12-27 04:26 |只看該作者

引用：我自問是一個 ok 盡責的丈夫, 星期六, 日買

原帖由 marktanghk123 於 15-12-23 發表
我自問是一個 ok 盡責的丈夫, 星期六, 日買送煮飯 (平時工人負責), 整屋企野, 執野, 每天湊小朋友返學, 有 ...
其實我有個朋友都係好似你老婆咁，不過佢就好錫小朋友，但成日對老公唔會溫柔，態度唔好，但我朋友就係對以前男友同現在老公都會咁，但其實佢唔係唔愛老公，但佢性格係咁，唔會溫柔，同伴侶溝通方式係咁，我曾經同我朋友講過，如果有日你老公頂你唔順走左去你就知錯，佢都答我，係架，如果佢走左去唔返黎，我就慘喇，所以其實佢自己都知，但佢老公又肯俾佢鬧，咪變到縱容左我朋友，變左呢個係佢地溝通方式!所以我覺得你試下下次唔好再由得佢鬧要反擊，或者試下嬲返佢轉頭，俾佢知道你感受，或者會有轉機，人就係犯賤，你越就佢，佢就越過份，反而你係一個大男人，有機會會掉番轉個老婆可能會就返你
私人傳訊

sscc0113


大宅

積分: 1123


111#
發表於 15-12-27 04:28 |只看該作者

回覆：我還可以怎樣走下去

同埋我覺得你老婆覺得你無左佢唔得，咪會繼續咁落去，如果有一日你話分開，分分鐘佢可能果日終於知道錯，以後都唔敢再鬧你
私人傳訊

sscc0113


大宅

積分: 1123


112#
發表於 15-12-27 04:36 |只看該作者

引用：或者係一個成熟而經濟獨立的女人想要一個食

原帖由 mrsmamama 於 15-12-26 發表
或者係一個成熟而經濟獨立的女人
想要一個食得住佢的男人
無錯，人係犯賤，我覺得樓主老婆假設係同一個大男人一齊，個效果會掉番轉係老婆日日俾老公鬧都唔出聲，因為有時對方性格行為係點，都好睇另一半點對佢，因為係雙向的，點解有d人一齊會日嘈夜嘈，但如果同第2個一齊又唔會日嘈夜嘈呢？所以我覺得樓主老婆會咁，樓主對老婆既態度都有關係的
私人傳訊

LALA989


別墅

積分: 682


113#
發表於 15-12-27 09:59 |只看該作者

回覆：我還可以怎樣走下去 ? (丈夫的角度)

一個男人可以做到咁真的算難得啦，也許你太太已經習慣你的默默付出了，佢未發覺有任何問題，你應該穩個時間夫妻好好傾，重點系講出你自己的感受及後果
私人傳訊

廷廷媽


水晶宮

積分: 65098

2024年龍年勳章 牛年勳章 開心吸收勳章 hashtag影視迷勳章 大廚勳章


114#
發表於 15-12-27 13:58 |只看該作者

回覆：我還可以怎樣走下去

其實女人鍾意强者，你成日鵪鶉咁比佢鬧，佢只要變本加厲，覺得個老公冇用，你試下佢鬧你時黑佢面，鬧返佢，再無視佢，堅持唔好氹返佢，幾次之後佢就唔敢咁過份，因唔想再有咁既氣氛，除非佢根本唔再珍惜呢個家庭呢段關係啦
私人傳訊

Lorican


珍珠宮

積分: 31362


115#
發表於 15-12-27 14:20 |只看該作者

回覆：我還可以怎樣走下去

講緊你太太。
破壞一段感情真係好容易，但要修補就好難。
1451197227040.jpg

私人傳訊

靚媽媽


大宅

積分: 4121


116#
發表於 15-12-27 15:57 |只看該作者

引用：我自問是一個 ok 盡責的丈夫, 星期六, 日買

原帖由 marktanghk123 於 15-12-23 發表
我自問是一個 ok 盡責的丈夫, 星期六, 日買送煮飯 (平時工人負責), 整屋企野, 執野, 每天湊小朋友返學, 有 ...
樓主，我是女，睇完你既故事，我好有感受。

我自細家人愛錫，識左我老公後，佢好就我，未曾話過我，我同佢出街食飯，人地招呼吾好，我話人地錯，佢一定話：係，你啱，你啱。

我女出世，而家16了，連我女都話爸爸縱我。
我自己出來做生意的，老公有份固定職業，我收入比佢高，我返工好大壓力。我有時都對佢發脾氣，出街食飯吾滿意我又會吾高興，少少野都好執著。我對朋友會好友善，我覺得在家對住老公吾使掩飾，鐘意發脾氣就發脾氣，因佢一定就我的。

在公司，我都是好權威的，我有什麽都是要據理力争既人，我接受吾到比人蝦。 吾多吾少，係老公縱到我禁。

有一些吾同的是，我早幾年開始，我發覺自己成日發脾氣，我老公有一次同我講，你發脾氣咪係辛苦自己。我老公工作忙，佢無時間做家務，佢叫我請工人，我話吾使，我覺得自己處理到公司同屋企，不過有時我都會罵佢吾幫手，佢會好心平氣和講：禁不如請個工人比你啦。

我有時公司有些煩事，我同佢發脾氣，佢叫我吾好做，佢養我 (佢有能力養起頭家的)。

有時我發脾氣，真係控制吾到，而且我覺得，我無錯，係人地錯，吾啱自己心意。

我老公有時會話我，好彩佢話我，我才知道自己吾好禁執著。 如果我發脾氣，佢吾出聲，低頭比我係禁罵，我會仲吾開心，會仲興。

我呢幾年改善左好多，我老公耐吾時見吾對路，會出聲話我，我老公eq好高，我都覺得，無第2個男人頂得我順。

我老公，佢耐吾時send 一些佛家小故事比我，關於一d，放下執著果d. 我又開始做yoga,佢又陪我跑步做運動，真係個人放鬆左好多。

你話同佢傾又比佢罵，不如禁，我早年開始有寫書法既習慣，我會寫d家庭和諧，愛果d詩，我寫完就貼在在睡房，有時自己瞓前都會吾覺意睇到，反醒下，你可以試試。又或者同小朋友畫畫，貼在大廳。

我覺得你先試試，人非草木，你既愛她一定知道的，你適當時出聲，不是搵交罵，而是你要比佢知道你既想法，我都努力中，希望你都成功。
私人傳訊

lovetki


複式洋房

積分: 465


117#
發表於 15-12-27 16:37 |只看該作者

引用：Quote:原帖由+mrsmamama+於+15-12-26+發表

原帖由 sscc0113 於 15-12-27 發表
無錯，人係犯賤，我覺得樓主老婆假設係同一個大男人一齊，個效果會掉番轉係老婆日日俾老公鬧都唔出聲，因為 ...
完全讚同。我的態度取決於另一半的態度。本人真實例子，以前拍拖，同ex一齊，乜7都屌，屌到佢一面屁，佢都就我忍我，我打佢佢都氹我，連係街摑佢佢都5出聲dump低頭，係因為佢乜都忍我從來5反抗，所以我月泥月兇狠。但散左同左我老公一齊之後，我老公5似ex甘好脾氣，會同我嘈同我鬧，我變得無甘放肆，知道要收臉下d脾氣，最後變反做一個正正常常既小女人。其實佢呢d脾氣係5岩架，你比d男子氣概出泥，將佢馴服啦
私人傳訊

kyky123


男爵府

積分: 9868


118#
發表於 15-12-27 21:37 |只看該作者
回覆 marktanghk123 的帖子

看了您之情況, 我很難過.
我想, 事情, 您太太退一步, 就可以解決, 為什麼如此?

您太太之情況, 同我媽媽跟父親差不多. 我父, 一開口, 好和氣問什麼, 我媽, 好惡答或鬧他.

我父親不答不理. 讓. 我跟他們住, 小時不知. 現在離婚沒了自己的家, 跟他們住, 觀察, 就知我媽有情緒病.
是精神緊張, 及不安, 小事煩躁. 有色眼鏡看世界. 她鬧我父的事, 有一半是冇理的, 而方式是, 您做鬧, 不做鬧, 答鬧, 不答鬧, 答呢, 答什麼都不合心水, 結局都是鬧.

初初, 我回家, 兄妹警告了她勿打擊我, 可能怕我跳樓. 她只鬧父親, 幾個月來, 我己走出來, 她習慣了我家人身份, 見我正常. 我都成了目標.

我的方法是好嚴正的告訴她. 家沒壓力, 要珍惜. 惡的跟她說, 要收口, 比大家清靜下, 再下去, 我會一個人搬走. ( 對父親當然好冇義氣). 惡惡的, 她會冷靜下來. 冇引收口.

問過情緒病醫生, 媽媽養子女, 好大壓力, 有了情緒病, 要食藥,
才可接受輔導.
私人傳訊

kyky123


男爵府

積分: 9868


119#
發表於 15-12-27 22:01 |只看該作者
樓主,

您可能長期受壓, 都會人抑鬱. 2人困獸鬥, 情緒互相影響.

您們有冇好的COMMON FRIEND 或您會找到太太會聽她說話的人, 去同太太說下.

能醫, 不自醫, 心理學家, 都要去看其他心理醫生. 希望太太會肯同您見輔導. 或食幾個月藥.

我想,您不要太悲觀. 盡了力, 都不行, 走到邊一步, 都叫冇後悔.

希望您用行動 比最後一次努力, 及預告太太. 比個機會這個家.
私人傳訊

jlam


伯爵府

積分: 18214

好媽媽勳章


120#
發表於 15-12-28 01:24 |只看該作者

回覆：我還可以怎樣走下去 ? (丈夫的角度)

你做唔做到順自己心而行？

唔煮大鑊飯，佢要招待人，自己想辦法，唔能夠旨意你，佢發顛鬧你，唔好定一定比佢鬧，行去沖涼，浸個浴浸夠兩粒鐘，響入面剃下鬚，磨下腳皮，唔理佢，比佢冷靜下。鬧小朋友，立即著鞋帶小朋友落街避一陣，爸爸有責任保護孩子，我估即使幾內向的爸爸，鬧你寶貝，損害佢自尊，你能容忍嗎？不能夠就豁出去，同佢吵出來。

行動當中，佢會感覺到「你唔係次次都忍，都就範，你係會視而不見，會走左去」。

一直，佢太安逸，安逸到連愛你都懶，視你為下人，所以，連「包裝」都費事，佢唔比心思去氹下你，甚至野蠻到認為「呢個係真我，對最親的人先會表現真我」，所以，你要嘗試「忽略」佢，唔好比佢覺得你永遠在等差遣。

佢知死，先會「加把勁去關心你」、你要令佢知死，唔係只係女人定男人，總之，人，就係唔縱得。
私人傳訊


首頁
45678...9

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見